တၢ်ကတိၤဒိ. 19:21 - Sgaw Karen Common Bible

²¹ ပှၤကတိာ်ကကျဲၤကယဲၢ်တၢ်ကိးအကလုာ်ဒဲးဘၣ်ဆၣ်ဒီးယွၤအတၢ်ဘၣ် အသးန့ၣ်ကကဲထီၣ်လိၣ်ထီၣ်ဝဲဒၣ်လီၤ.

တၢ်ကတိၤဒိ. 19:21 Iomraidhean Croise

လံာ်တၢ်ကဲထီၣ်အခီၣ်ထံး 50:20

သုကူၣ်ထီၣ်တၢ်အၢထီဒါယၤ, ဘၣ်ဆၣ်ဒီးကစၢ်ယွၤလဲလိာ်ကွံာ်အီၤဆူတၢ်အဂ့ၤ, ဒ်သိးပှၤဂီၢ်မုၢ်အါဂၤလၢအအိၣ်မူတနံၤအံၤအသးသမူတဖၣ်, ကဘၣ်တၢ်ပာ်ကီၤအီၤလၢတၢ်မၤတ့ၢ်အသးအဃိလီၤ.

လံာ်စီၤၡမူၤအ့လးခံဘ့ၣ်တဘ့ၣ် 17:14

စီၤအးဘၡါလိၣ်ဒီးကယဲၢ်ပှၤအံၣ်စရ့လးဖိခဲလၢာ်စံးဝဲဒၣ်, “စီၤဃူၤၡဲအတၢ်ဟ့ၣ်ကူၣ်န့ၣ်ဂ့ၤဒိၣ်န့ၢ်ဒံးစီၤအဃံသဖ့ၤလး အတၢ်ဟ့ၣ်ကူၣ်တက့ၢ်လီၤ.” ယွၤပာ်လီၤတ့ၢ်လံအသးလၢစီၤအဃံသဖ့ၤလးအတၢ်ဟ့ၣ်ကူၣ်လၢအဂ့ၤန့ၣ်တၢ်သုတမၤထွဲအီၤတဂ့ၤ, ဒ်သိးတၢ်တတၢးတနါကလီၤဘၣ်လၢစီၤအးဘၡါလိၣ်အလိၤအဂီၢ်န့ၣ် လီၤ.

လံာ်နီၢ်အ့ၤစတၢ် 9:25

ဘၣ်ဆၣ်နီၢ်အ့ၤစတၢ်လဲၤဆူစီၤပၤအအိၣ်ဒီးစီၤပၤရၤလီၤအတၢ် မၤလိာ်တဖၣ်လၢတၢ်ကွဲးအီၤအိၣ်ဒီးတၢ်အစၢလၢစီၤဟၤမၣ် တူၢ်ဘၣ်က့ၤအတၢ်ဘူၣ်အၢတီၢ်သီလၢအကူၣ်ကျဲၤဝဲလၢပှၤ ယူဒၤဖိတဖၣ်အဂီၢ်အဝဲဒီးအဖိခွါတဖၣ်ဘၣ်တၢ်ဘျးထီၣ် အီၤလၢသ့ၣ်အလိၤန့ၣ်လီၤ.

လံာ်စီၤယိၤဘး 23:13

အဝဲတလဲလိာ်အသးနီတစုဘၣ်. ပှၤထီဒါအီၤမ့ၢ်ဂ့ၤ တြီအီၤမ့ၢ်ဂ့ၤ လၢကမၤတၢ်လၢအအဲၣ်ဒိးမၤဝဲ တသ့နီတဂၤဘၣ်.

စံးထီၣ်ပတြၢၤ 21:11

အဝဲသ့ၣ်အိၣ်ဒီးအတၢ်ကူၣ်ထီၣ်ဖးလီၤထီဒါအီၤ, ဘၣ်ဆၣ်တကဲထီၣ်လိၣ်ထီၣ်ဝဲဘၣ်.

စံးထီၣ်ပတြၢၤ 83:4

အဝဲသ့ၣ်စံးဝဲ, “ဟဲ, မ်ပမၤဟးဂီၤအပှၤကလုာ်, ဒ်သိးအံၣ်စရ့လးကဘၣ်တၢ်သးပ့ၤနီၣ်ကွံာ်အီၤ လီၤစိၤန့ၣ်တက့ၢ်.”

တၢ်ကတိၤဒိ. 12:2

ယွၤဘၣ်အသးလၢပှၤအဂ့ၤတဖၣ်န့ၣ်လီၤ. မ့မ့ၢ်စံၣ်ညီၣ်ဃၣ်ပှၤလၢအကူၣ်ထီၣ်တၢ်အၢတၢ်သီလီၤ.

တၢ်ကတိၤဒိ. 16:1

ပကအိၣ်ဒီးပတၢ်ကူၣ်တၢ်တိာ်တဖၣ်လီၤ. ဘၣ်ဆၣ်ဒီးတၢ်စံၣ်ညီၣ်တဲာ်အိၣ်ဒီးကစၢ်ယွၤလီၤ.

တၢ်ကတိၤဒိ. 16:9

နမၤနတၢ်ကူၣ်တၢ်ကျဲၤဒၣ်နဲသ့လီၤ. ဘၣ်ဆၣ်ဒီးယွၤနဲၣ်နတၢ်ဖံး တၢ်မၤတဖၣ်လီၤ.

တၢ်ကတိၤဒိ. 19:22

တၢ်လၢအလိၣ်ဝဲလၢပှၤကညီတဂၤအပူၤန့ၣ်မ့ၢ်တၢ်သးတီလီၤ. ဒီးပှၤအဖှီၣ်အယာ်တဂၤန့ၣ်ဂ့ၤဒိၣ်န့ၢ်ဒံးပှၤလီတၢ်တဂၤတက့ၢ် န့ၣ်လီၤ.

တၢ်ကတိၤဒိ. 21:1

ယွၤပၢၤဃာ်စီၤပၤတဂၤအတၢ်ကူၣ်တၢ်ဆိကမိၣ်ညီထဲသိးသိး အဝဲနဲၣ်ထံကျိဖိအကျိၤအသိးန့ၣ်လီၤ.

တၢ်ကတိၤဒိ. 21:30

ယွၤမ့ၢ်ထီဒါနၤဒီး, ပှၤကညီအတၢ်ကူၣ်သ့, အတၢ်သ့တုာ်, အတၢ်ထံၣ်တၢ်လၢသးတဖၣ်ကဲထီၣ်တၢ်မၤစၢၤတသ့ဘၣ်နီ တမံၤဘၣ်.

လံာ်ပှၤစံၣ်တဲၤတဲလီၤတၢ် 7:29

တၢ်အံၤမ့ၢ်တၢ်လၢယမၤလိန့ၢ်တ့ၢ်ခဲလၢာ်လီၤ. ယွၤတ့လီၤပှၤကညီလိၤလိၤဒီးဘျၢဘျၢလီၤ. ဘၣ်ဆၣ်ဒီးပမၤဒၢက့ၣ်ဒၢကူလီၤပသးနးမးလီၤ.

လံာ်ယၡါယၤ 14:24

ယွၤသ့တၢ်လၢာ်ကစၢ်မၤတ့ၢ်လံတၢ်ဆိၣ်တမံၤစံးဝဲ, “တၢ်လၢယကျဲၤတ့ၢ်န့ၣ်ကမၤအသးဒီးတၢ်လၢယပာ်လီၤတ့ၢ် ယသးလၢယကမၤန့ၣ်, ကဘၣ်တၢ်မၤကဲထီၣ်အီၤန့ၣ်လီၤ.

လံာ်ယၡါယၤ 46:10

လၢထံးလၢသီလံၤလံၤယကတိၤဆိပာ်တ့ၢ်တၢ်လၢ အကကဲထီၣ်လိၣ်ထီၣ်ဝဲ, ဒီးလၢပျၢၤလံၤလံၤယတဲတ့ၢ်ပာ်စၢၤတၢ်လၢအကမၤအသးလီၤ. ယစံးတ့ၢ်လၢယတၢ်ကူၣ်ကျဲၤတဖၣ်တကဲထီၣ်ဒီးတအိၣ်ဘၣ်နီ တဘျီဘၣ် ဒီးယကမၤတၢ်ခဲလၢာ်လၢယတိာ်သူၣ်ပာ်သးလၢယကမၤအီၤန့ၣ်လီၤ.

လံာ်ယံးရမံယၤ 44:29

ယၤ, ယွၤအံၤ, ယကဟ့ၣ်သုတၢ်အုၣ်သးလၢ ယကစံၣ်ညီၣ်သုလၢ တၢ်လီၢ်အံၤအပူၤ, ဒီးလၢယတၢ်အၢၣ်လီၤလၢ ယကဟဲစိာ်တၢ်ဟးဂူာ်ဟးဂီၤလၢ သုဖီခိၣ်န့ၣ် ကလၢထီၣ်ပှဲၤထီၣ်ဝဲန့ၣ်လီၤ.

လံာ်ယဃ့းစက့လး 20:32

သုပာ်လီၤတ့ၢ်သုသးလၢသုကအဲၣ်ဒိးလီၤဂာ်ဒ်ပှၤကလုာ်တဖၣ်, ဒ်ပှၤဂီၢ်မုၢ်လၢအိၣ်ဝဲဆိးဝဲလၢထံကီၢ်အဂၤတဖၣ်အပူၤ, ဒီးဘူၣ်ထီၣ်ဘါထီၣ်သ့ၣ်တဖၣ်ဒီးလၢၢ်တဖၣ်န့ၣ်လီၤ. ဘၣ်ဆၣ်တၢ်န့ၣ်တမ့ၢ်ကမၤအသးနီတဘျီဘၣ်.

လံာ်ဒၤနံးယ့လး 4:35

ကယဲၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်ပာ်ဝဲဒ်တမ့ၢ် တၢ်နီတမံၤအသိး, ဒီးမၤတၢ်ဖဲအတၢ်ဘၣ်အသးဒၣ်ဝဲလၢမူခိၣ် တၢ်သုးမုၢ်ဂီၢ်မုၢ်အကျါ, ဒီးလၢပှၤအိၣ်လၢဟီၣ်ခိၣ်ချၢတဖၣ် အကျါန့ၣ်လီၤ. ပှၤတြီအစုမ့ၢ်ဂ့ၤ, သံကွၢ်အီၤမ့ၢ်နမၤတၢ်မနုၤလဲၣ်မ့ၢ်ဂ့ၤ တန့ၢ်ဘၣ်နီတဂၤဘၣ်.

အ့းဖ့းစူး 1:11

တၢ်ခဲလၢာ်ဘၣ်တၢ်မၤအီၤဒ်ကစၢ်ယွၤအတၢ်ရဲၣ်တၢ်ကျဲၤဒီး အတၢ်စံၣ်ညီၣ်တဲာ်တၢ်အသိးလီၤ. ယွၤဃုထၢထီၣ်ပှၤဒ်သိး ပကကဲထီၣ်အပှၤဂီၢ်မုၢ်ခီဖျိတၢ်အိၣ်မူလၢခရံာ်အပူၤ, ဒ်အတၢ်တိာ်အိၣ်ဝဲအသိး, သန့ၤထီၣ်အသးလၢယွၤ အတၢ်စံၣ်ညီၣ်တဲာ်တ့ၢ်ဝဲလၢတၢ်အခီၣ်ထံးလံၤလံၤန့ၣ်လီၤ.

၁ ပ့းတရူး 2:8

ဒီးတၢ်ကွဲးအသးအဂၤတတီၤစံးဝဲ, “လၢၢ်အံၤကမ့ၢ်လၢၢ်လၢကမၤဘၣ်တိၢ်ပှၤအခီၣ်, လၢၢ်လၢကဒုးလီၤဃံၤပှၤန့ၣ်လီၤ.” အဝဲသ့ၣ်အခီၣ်ဘၣ်တိၢ်မ့ၢ်လၢအဝဲသ့ၣ်တနာ်တၢ်ကလုၢ် အဃိလီၤ. တၢ်ဒ်အံၤမ့ၢ်ကစၢ်ယွၤအတၢ်ဘၣ်အသးလၢ အဝဲသ့ၣ်အဂီၢ်လီၤ.

ယူဒၤ 1:4

အဂ့ၢ်ဒ်လဲၣ်န့ၣ်, ပှၤလၢအတယူးတယီၣ်ယွၤတဖၣ်ဟဲနုာ်လီၤခူသူၣ်တ့ၢ်လံလၢပကျါ, ဒီးမ့ၢ်ပှၤတဖၣ်လၢအဘိးကဒါကွံာ်တၢ်ကစီၣ်ဘၣ်ဃး ပကစၢ်ယွၤအဘျုးအဖှိၣ်ဒ်သိးကကတိၤပူၤဖျဲးအသးလၢ အတၢ်အိၣ်မူလီၤရၢၢ်လီၤစၢၢ်, ဒီးမ့ၢ်ပှၤတဖၣ်လၢအသမၢ ယ့ၣ်ၡူးခရံာ်, ပခိၣ်ဒီးပကစၢ်ထဲတဂၤဧိၤန့ၣ်လီၤ. တၢ်ကွဲးအသးစီဆှံတဖၣ်တဲဆိပာ်တၢ်စံၣ်ညီၣ်ဃၣ်လၢ အဝဲသ့ၣ်ဒိးန့ၢ်ဝဲအဂ့ၢ်ယံာ်တ့ၢ်လံန့ၣ်လီၤ.