တၢ်ကတိၤဒိ. 19:2 - Sgaw Karen Common Bible

² တၢ်သးဆူၣ်လၢတအိၣ်ဒီးတၢ်သ့ၣ်ညါန့ၣ်တဂ့ၤဘၣ်. ဒီးတၢ်သးတစူၤန့ၣ်ကဆှၢနၤဆူတၢ်ကီတၢ်ခဲအပူၤလီၤ.

တၢ်ကတိၤဒိ. 19:2 Iomraidhean Croise

လံာ်စီၤပၤခံဘ့ၣ်တဘ့ၣ် 4:39

အဝဲသ့ၣ်အကျါတဂၤ, ဟးထီၣ်ဝဲဆူပျီပူၤလၢကမၤန့ၢ်တၢ်ဒိးတၢ် လၣ်အဂီၢ်န့ၣ်လီၤ. အဝဲထံၣ်န့ၢ်ထံလူၤမံၤအမုၢ်တမုၢ်, ထဲးန့ၢ်ဝဲအသၣ်တဖၣ်အါထဲ သိးအစိာ်ဝဲန့ၢ်, န့ၣ်လီၤ. အဝဲဟဲက့ၤစိာ်ဒီးသွဲၣ်နုာ်လီၤဝဲဆူကသူ သပၢၤပူၤ, ဘၣ်ဆၣ်တၢ်သ့ၣ်တဖၣ်န့ၣ်မ့ၢ်တၢ်မနုၤလဲၣ်န့ၣ်, တသ့ၣ်ညါဝဲဘၣ်.

လံာ်စီၤယိၤဘး 31:5

ယဆိၣ်လီၤယသးလၢယတမၤလၢၤတၢ်အၢတၢ်သီနီတဘျီဒီး ယတကျဲးစၢးလၢၤနီတဘျီလၢယကလီန့ၢ်ပှၤဂၤဘၣ်.

တၢ်ကတိၤဒိ. 1:16

အဂ့ၢ်ဒ်အံၤ, အဝဲသ့ၣ်တဖၣ်အခီၣ်ဃ့ၢ်ဝဲချ့ချ့ကလဲာ်ဆူတၢ် အၢတၢ်သီအပူၤလီၤ. ဒီးအိၣ်ကတဲာ်ကတီၤအသးထီဘိလၢကမၤသံတၢ်အဂီၢ်လီၤ.

တၢ်ကတိၤဒိ. 10:21

ပှၤအဂ့ၤတဂၤအတၢ်ကတိၤတဖၣ်ဒုးဘၣ်ဘျုးပှၤအါဂၤလီၤ. ဘၣ်ဆၣ်ဒီးနမၤသံလီၤနသးလၢတၢ်သူၣ်တထံသးတဆးသ့ဝဲလီၤ.

တၢ်ကတိၤဒိ. 14:29

နမ့ၢ်အိၣ်ခုၣ်ခုၣ်မုာ်မုာ်ဒီးနမ့ၢ်ပှၤကူၣ်သ့လီၤ. ဘၣ်ဆၣ်နမ့ၢ်အိၣ်ဒီးတၢ်သးထီၣ်ကဲၤန့ၣ်, နပာ်ဖျါထီၣ်ဒၣ်လၢနမ့ၢ် ပှၤအမၢးထဲလဲၣ်ထဲလဲၣ်န့ၣ်လီၤ.

တၢ်ကတိၤဒိ. 21:5

ကူၣ်လီၤကျဲၤလီၤတၢ်, လီၤတံၢ်လီၤဆဲးတက့ၢ်. ဒီးနကအိၣ်ဒီးတၢ်လၢတၢ်ပှဲၤလီၤ. နမ့ၢ်မၤတၢ်ချ့ချ့န့ၣ်, နတအိၣ်ဘၣ်ဒီးတၢ်လၢတၢ်ပှဲၤနီတဘျီဘၣ်.

တၢ်ကတိၤဒိ. 25:8

လဲၤချ့ကဲၣ်ဆိးဆူကွီၢ်ဘျီၣ်ပူၤဘၣ်ဃးတၢ်လၢနထံၣ်ဘၣ်တ့ၢ် တမံၤအဂ့ၢ်န့ၣ်တဂ့ၤ. ပှၤအုၣ်အသးအဂၤလၢခံတဂၤမ့ၢ်ဒုးနဲၣ်ဖျါဝဲလၢနကမၣ်လံဒီး, တုၤနုၤတစုနကမၤက့ၤနဲဒ်လဲၣ်.

တၢ်ကတိၤဒိ. 28:20

ပှၤတီပှၤလိၤတဖၣ်ကအိၣ်မူလၢလၢပှဲၤပှဲၤအိၣ်ဒီးတၢ်သူၣ်ဖှံ သးညီန့ၣ်လီၤ. ဘၣ်ဆၣ်, နမ့ၢ်မၤချ့ချ့လၢနကထူးထီၣ်တီၤထီၣ် အဂီၢ်ဒီး, နကဘၣ်တၢ်စံၣ်ညီၣ်လီၤ.

တၢ်ကတိၤဒိ. 28:22

ပှၤလၢအအဲၣ်လီၤအသးတဖၣ်န့ၣ်မၤဝဲချ့ချ့ဒ်န့ၣ်သိး လၢအကထူးထီၣ်တီၤထီၣ်အဂီၢ်ဒီးတၢ်ဖှီၣ်တၢ်ယာ်ကလီၤဘၣ် အဝဲသ့ၣ်အခါဖဲလဲၣ်တသ့ၣ်ညါဝဲဘၣ်.

တၢ်ကတိၤဒိ. 29:20

ပှၤဟးဂီၤဖိလၢအမၢးတဂၤန့ၣ်တၢ်မုၢ်လၢ်အိၣ်လၢအဂီၢ်အါန့ၢ် ဒိၣ်န့ၢ်ဒံးပှၤတဂၤဂၤလၢအကတိၤတၢ်တအိၣ်ဒီးတၢ်ဆိကမိၣ်ဆိကမး န့ၣ်တက့ၢ်လီၤ.

လံာ်ပှၤစံၣ်တဲၤတဲလီၤတၢ် 12:9

ဘၣ်ဆၣ်မ့ၢ်လၢပှၤဆိကမိၣ်တၢ်အဒိၣ်အယိာ်တဂၤအံၤကူၣ်တၢ် သ့အဃိ, အဝဲသိၣ်လိဒံးဒၣ်ပှၤဂီၢ်မုၢ်လၢတၢ်လၢအဝဲသ့ၣ်ညါတ့ၢ် ဝဲန့ၣ်လီၤ. အဝဲမၤလိတၢ်ကတိၤဒိတဖၣ်ဒီးမၤကွၢ်အတၢ်မ့ၢ်တၢ်တီ, တီတီလိၤလိၤလီၤ.

လံာ်ပှၤစံၣ်တဲၤတဲလီၤတၢ် 7:9

ပၢၤဃာ်နတၢ်သူၣ်ဒိၣ်သးထီၣ်တက့ၢ်. တၢ်စၢဃးပှၤဂၤအတၢ်ကမၣ်နၣ်မ့ၢ်တၢ်မၢးလီၤ.

လံာ်ယၡါယၤ 27:11

သ့ၣ်အဒ့တဖၣ်ဃ့ထီဒီးကၢ်လီၤကွံာ်ဝဲ, ဒီးပိာ်မုၣ်တဖၣ်ထၢ ဖှိၣ်အီၤလၢသ့ၣ်မုၣ်ခံအဂီၢ်လီၤ. အဂ့ၢ်ဒ်အံၤ, ပှၤဂီၢ်မုၢ်တနၢ်ပၢၢ် တၢ်နီတမံၤဘၣ်. ကစၢ်ယွၤလၢအမ့ၢ်အဝဲသ့ၣ်အတၢ်ဘၣ် တ့ကစၢ်တသးကညီၤဘၣ်အဝဲသ့ၣ်မ့ၢ်ဂ့ၤတပာ်ဖျါအတၢ်ကွၢ်မဲာ် အဝဲသ့ၣ်မ့ၢ်ဂ့ၤဘၣ်.

လံာ်ယၡါယၤ 28:16

မၤသးဒ်န့ၣ်ဒီးခဲအံၤစိဒိၣ်ကမီၤဒိၣ်ယွၤစံးဝဲ, “ယပာ်လီၤတၢ်ခီၣ်ထံးအဂၢၢ်အကျၢၤဒီးဆူၣ်ဝဲတခါလၢ ဝ့ၢ်စံယိၣ်အပူၤလီၤ. လၢအပူၤန့ၣ်, ယပာ်လၢၢ်သနၢၣ်ဂၢၢ်ကျၢၤတ ဖျၢၣ်လၢအအိၣ်ဒီးတၢ်ကတိၤလၢအကွဲးလီၤအသးလၢအလိၤ, ‘တၢ်နာ်လၢအဂၢၢ်ဝဲကျၢၤဝဲန့ၣ်သးစူၤစ့ၢ်ကီးဝဲလီၤ.’

လံာ်ဟိၤၡ့ 4:6

ယပှၤဂီၢ်မုၢ်ဘၣ်တၢ်စံၣ်ညီၣ်ဃါမနၤလီၤ. အဂ့ၢ်ဒ်အံၤ, အဝဲသ့ၣ်, တသ့ၣ်ညါအၢၣ်လီၤယၤဘၣ်. သုဝဲပှၤလုၢ်တၢ်အခိၣ်တဖၣ်ဂ့ၢ်လိာ်သ့ၣ်ညါအၢၣ်လီၤတ့ၢ်ယၤ, ဒီးညိကွံာ်တ့ၢ်ယတၢ်သိၣ်လိလီၤ. ဒီးလၢတၢ်န့ၣ်အဃိ, ယကညိကွံာ်သုဒီးတသ့ၣ်ညါအၢၣ်လီၤဘၣ်သုဖိခွါတဖၣ် ဒ်ပှၤလုၢ်တၢ်အခိၣ်တဖၣ်အသိးဘၣ်န့ၣ်လီၤ.

လံာ်ယိၤဟၣ် 16:3

ပှၤကမၤသုဒ်သိးအံၤမ့ၢ်လၢအဝဲသ့ၣ်တသ့ၣ်ညါတ့ၢ်ပၢ်မ့ၢ်ဂ့ၤ, ယၤမ့ၢ်ဂ့ၤအဃိန့ၣ်လီၤ.

ရိမ့ၤ 10:2

ယအုၣ်ယသးလၢအဝဲသ့ၣ်အဂီၢ်လၢအဝဲသ့ၣ်အဲၣ်ကစၢ်ယွၤ နီၢ်နီၢ်လီၤ. ဘၣ်ဆၣ်ဒီးအတၢ်အဲၣ်ကစၢ်ယွၤန့ၣ်တသန့ၤထီၣ် အသးလၢတၢ်သ့ၣ်ညါအမ့ၢ်အတီအလိၤဘၣ်.

ဖံလံးပံၤ 1:9

ယဃ့ဘါထုကဖၣ်ဒ်သိးသုတၢ်အဲၣ်တၢ်ကွံကဒိၣ်ထီၣ် အါထီၣ်ဆူညါကွ့ၢ်ကွ့ၢ်, ဃုာ်ဒီးတၢ်သ့ၣ်ညါအမ့ၢ်အတီ ဒီးတၢ်စံၣ်ညီၣ်ပဲာ်ဖးနီၤဖးတၢ်ဘၣ်အပူၤ,