တၢ်ကတိၤဒိ. 19:17 - Sgaw Karen Common Bible

¹⁷ ဖဲနဟ့ၣ်တၢ်ဆူပှၤဖှီၣ်ဖိယာ်ဖိဒီး, တၢ်န့ၣ်မၤအသးဒ်တၢ်ဟ့ၣ် လီၤတၢ်ဆူယွၤအအိၣ်အသိးန့ၣ်လီၤ. ဒီးယွၤကဟ့ၣ်ကဒါက့ၤနတၢ်လီၤ.

တၢ်ကတိၤဒိ. 19:17 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:6

လၢအမၤတ့ၢ်တၢ်အၢတၢ်သီဒ်န့ၣ်တမံၤအဃိ, အဝဲကဟ့ၣ်ကဒါက့ၤတၢ်လွံၢ်စးအါထဲသိးတၢ်လၢအဝဲဟံးန့ၢ်တ့ၢ်ဝဲန့ၣ်လီၤ.”

စံးထီၣ်ပတြၢၤ 41:2

ယွၤကကဟုဘံၣ်ကယာ်ဘၢအီၤဒီးဒုးမူအီၤန့ၣ်လီၤ. အဝဲကဘၣ်တၢ်ကိးအီၤလၢပှၤဘၣ်ဆိၣ်ဂ့ၤလၢ ထံဧိၤကီၢ်ဧိၤအပူၤန့ၣ်လီၤ. ယွၤတဟ့ၣ်လီၤအီၤဒ်အဒုၣ်အဒါသ့ၣ်တဖၣ် အတၢ်ဘၣ်အသးအသိးန့ၣ်ဘၣ်.

စံးထီၣ်ပတြၢၤ 72:13

အဝဲသးကညီၤပှၤဂံၢ်စၢ်ဘါစၢ်ဒီးပှၤဖှီၣ်ဖိယာ်ဖိ ဒီးအုၣ်က့ၤခီၣ်က့ၤပှၤဖှီၣ်ဖိယာ်ဖိအသးသမူလီၤ.

တၢ်ကတိၤဒိ. 12:14

ခိၣ်ဖးလၢနဂီၢ်သန့ၤထီၣ်အသးလၢတၢ်လၢနကတိၤဒီးတၢ်လၢနမၤအီၤ န့ၣ်လီၤ. နကဒိးန့ၢ်ဘၣ်တၢ်လၢအကြၢးဒီးနၤန့ၣ်လီၤ.

တၢ်ကတိၤဒိ. 14:21

နမ့ၢ်အဲၣ်ဒိးဘၣ်ဆိၣ်ဂ့ၤန့ၣ်, သးကညီၤပှၤဖှီၣ်ဖိယာ်ဖိတက့ၢ်. တၢ်သးဘၣ်အၢပှၤတဂၤလၢ်လၢ်န့ၣ်မ့ၢ်တၢ်ဒဲးဘးလီၤ.

တၢ်ကတိၤဒိ. 14:31

နမ့ၢ်မၤအၢမၤနးပှၤဖှီၣ်ဖိယာ်ဖိန့ၣ်, နဒုၣ်ဒွဲၣ်ယွၤလၢအတ့ လီၤအီၤန့ၣ်လီၤ. မ့မ့ၢ်တၢ်ဒုးနဲၣ်တၢ်သးကညီၤဆူပှၤဖှီၣ်ဖိယာ်ဖိန့ၣ်, မ့ၢ်တၢ်ဘူၣ်ထီၣ်ဘါထီၣ်ယွၤအက့ၢ်အဂီၤတမံၤလီၤ.

တၢ်ကတိၤဒိ. 22:9

ဟ့ၣ်ညီတၢ်လၢတၢ်သူၣ်အိၣ်သးအိၣ်အပူၤဒီးနီၤဟ့ၣ်နတၢ်အီၣ်ဒီး ပှၤဖှီၣ်ဖိယာ်ဖိတက့ၢ်. နကဘၣ်ဆိၣ်ဂ့ၤလၢတၢ်န့ၣ်အဃိလီၤ.

တၢ်ကတိၤဒိ. 28:27

ဟ့ၣ်တၢ်လၢပှၤဖှီၣ်ဖိယာ်ဖိတက့ၢ်. တၢ်လိၣ်ဒီးနၤတအိၣ်လၢၤနီ တစုဘၣ်. နမ့ၢ်ဃၣ်ကွံာ်နမဲာ်လၢပှၤဖှီၣ်ဖိယာ်ဖိဒီး, ပှၤအါဂၤကဆိၣ်အၢနၤလီၤ.

တၢ်ကတိၤဒိ. 28:8

နမ့ၢ်ထူးထီၣ်တီၤထီၣ်ခီဖျိတၢ်ဃ့အါထီၣ်စ့အအ့ၣ်ဒီးဟံးန့ၢ် တၢ်အခွဲးအယာ်လၢပှၤဂၤအဖီခိၣ်န့ၣ်, နတၢ်ထူးတၢ်တီၤကတုၤဆူ ပှၤအဂၤတဂၤအအိၣ်လၢအသးကညီၤပှၤဖှီၣ်ဖိယာ်ဖိန့ၣ်လီၤ.

လံာ်ပှၤစံၣ်တဲၤတဲလီၤတၢ် 11:1

ကွံာ်နကိၣ်လၢထံဖံးခိၣ်တက့ၢ်. အါနံၤအါသီဒီးနကထံၣ်န့ၢ် က့ၤအီၤလီၤ.

လံာ်ပှၤစံၣ်တဲၤတဲလီၤတၢ် 11:2

ဟ့ၣ်နီၤဖးတၢ်လၢကျဲနွံဘိမ့တမ့ၢ်ဃိးဘိအပူၤဒၣ်လဲာ်တ က့ၢ်. အဂ့ၢ်ဒ်အံၤ, တၢ်အၢမနုၤအကမၤအသးလၢဟီၣ်ခိၣ်ချၢလဲၣ်န့ၣ်နတသ့ၣ်ညါဘၣ်.

လံာ်မးသဲ 25:40

စီၤပၤကစံးဆၢက့ၤအဝဲသ့ၣ်, ‘ယစံးဘၣ်တဲဘၣ်သုတီတီ, တဘျီလၢ်လၢ်ဖဲသုမၤဘၣ်တၢ်အံၤလၢပှၤအဆံးကတၢၢ်လၢယဒီပုၢ် ဝဲၢ်တဖၣ်အံၤအကျါတဂၤဂၤဒီးမ့ၢ်သုမၤဘၣ်ယၤန့ၣ်လီၤ.’

လံာ်လူၤကၣ် 6:38

ဟ့ၣ်တၢ်လၢပှၤဂၤတက့ၢ်. ဒီးကစၢ်ယွၤကဟ့ၣ်တၢ်လၢသုလီၤ. သပှၢ်ကတၢၢ် သုကဒိးန့ၢ်ဘၣ်တၢ်လၢအဘၣ်တၢ်ဃီၣ်အီၤ ပှဲၤထီၣ်ပှဲၤထီဒီးတၢ်ကဟ့ၣ်လီၤသုတၢ်အါအါဂီၢ်ဂီၢ်ဒီး ကလူလီၤအီၤလၢသုစုပူၤထဲသိးသုဟံးဃာ်အီၤသ့ဝဲန့ၣ်လီၤ. အဂ့ၢ်ဒ်အံၤ, ကစၢ်ယွၤကဃီၣ်ဟ့ၣ်တၢ်လၢသုပှဲၤသိးသိး သုဃီၣ်ဟ့ၣ်တၢ်လၢပှၤဂၤန့ၣ်လီၤ.”

လံာ်သိၣ်လီၤသီလီၤတၢ် 24:19

ဖဲသုထၢဖှိၣ်က့ၤသုဘုဧိၤဟုဧိၤတဖၣ်, ဒီးသုဘုဧိၤဟု ဧိၤလၢသုကူးအီၤဝံၤအိၣ်လီၤတဲာ်ဒံးလၢ သုတဟဲက့ၤစိာ်ဘၣ်အီၤန့ၣ်, လဲၤကဒါက့ၤဒီးဟံးန့ၢ်အီၤတဂ့ၤ. တၢ်န့ၣ်ကဘၣ်တၢ်ပာ်တ့ၢ်အီၤလၢ ပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်ဒီးပှၤ မုၣ်ကမဲတဖၣ်အဂီၢ်ဒ်သိးယွၤသုကစၢ်ယွၤကဆိၣ်ဂ့ၤသုလၢ ကယဲၢ်တၢ်လၢသုမၤအီၤတမံၤလၢ်လၢ်အပူၤန့ၣ်လီၤ.

ဖံလံးပံၤ 4:17

တၢ်အံၤတမ့ၢ်ယသးအိၣ်ထဲလၢယကဒိးန့ၢ်တၢ်ဟ့ၣ်တဖၣ်န့ၣ်ဘၣ်. မ့မ့ၢ်တခီ, ယသးအိၣ်ထံၣ်ဘၣ်အါထီၣ်သုတၢ်မၤဂ့ၤတဖၣ်အဃိလီၤ.

ဧ့ၤဘြံၤ 6:10

အဂ့ၢ်ဒ်အံၤကစၢ်ယွၤတမ့ၢ်ပှၤလၢအမၤတၢ်တတီတလိၤ န့ၣ်ဘၣ်. သုတၢ်မၤဒီးသုတၢ်အဲၣ်တၢ်ကွံယွၤလၢသုလီၣ်ဖျါ ထီၣ်ခီဖျိသုတၢ်ဟ့ၣ်မၤစၢၤတ့ၢ်ဒီးဟ့ၣ်မၤစၢၤဒံးပှၤခရံာ်ဖိ ကဒဲကဒဲဒီးသုန့ၣ်ယွၤတကွၢ်ကပာ်ဒီးသးပ့ၤနီၣ်အီၤဘၣ်.