တၢ်ကတိၤဒိ. 19:11 - Sgaw Karen Common Bible

¹¹ နမ့မ့ၢ်ပှၤသူၣ်ထံသးဆးန့ၣ်နကပၢၤနသးလီၤ. ဖဲပှၤတဂၤဂၤမၤကမၣ်နၤန့ၣ်, နမ့ၢ်ကွၢ်ကပာ်ကွံာ်အီၤဒီးတၢ်န့ၣ် မ့ၢ်တၢ်ဂ့ၤတၢ်ဝါဖးဒိၣ်တမံၤလီၤ.

တၢ်ကတိၤဒိ. 19:11 Iomraidhean Croise

လံာ်စီၤပၤခံဘ့ၣ်တဘ့ၣ် 5:12

လၢန့ၣ်အမဲာ်ညါ, လၢပအိၣ်ပဆိးအလီၢ်လၢဝ့ၢ်ဒၤမ့ၤစ့းန့ၣ်, ထံကျိတဖၣ်လၢအမ့ၢ်ထံကျိအဘၤနါ, ဒီးဖၢ်ပၢ်တဂ့ၤဒိၣ်န့ၢ်ဒံး ထံကျိတဘိဘိလၢကီၢ်အံၣ်စရ့လးအပူၤန့ၣ်ဘၣ်ဧါ. ယလုၣ်ထံလၢထံကျိတဖၣ်န့ၣ်အပူၤဒီးဘျါက့ၤသ့ဝဲလီၤ.”

တၢ်ကတိၤဒိ. 11:13

ပှၤတဂၤဂ့ၤတဂၤဂ့ၤလၢအသီၣ်ဝံသဲကလၤန့ၣ်, နနာ်န့ၢ်အီၤလၢတၢ်ခူသူၣ်အဂ့ၢ်တမံၤတသ့ဘၣ်. မ့မ့ၢ်နပာ်တၢ်နာ်န့ၢ်လၢပှၤလၢအလီၤနာ်တဂၤသ့ဝဲလီၤ.

တၢ်ကတိၤဒိ. 12:16

ဖဲပှၤဟးဂီၤဖိအသးဘၣ်တံာ်တာ်န့ၣ်, လီၣ်ဖျါထီၣ်ဝဲချ့သဒံး လီၤ. မ့မ့ၢ်ပှၤလၢအအိၣ်ဒီးတၢ်သ့ၣ်ညါနၢ်ပၢၢ်တဖၣ်န့ၣ်, ကွၢ်ကပာ်ကွံာ်တၢ်ကတိၤဒုၣ်ဒွဲၣ်တမံၤလီၤ.

တၢ်ကတိၤဒိ. 14:29

နမ့ၢ်အိၣ်ခုၣ်ခုၣ်မုာ်မုာ်ဒီးနမ့ၢ်ပှၤကူၣ်သ့လီၤ. ဘၣ်ဆၣ်နမ့ၢ်အိၣ်ဒီးတၢ်သးထီၣ်ကဲၤန့ၣ်, နပာ်ဖျါထီၣ်ဒၣ်လၢနမ့ၢ် ပှၤအမၢးထဲလဲၣ်ထဲလဲၣ်န့ၣ်လီၤ.

တၢ်ကတိၤဒိ. 15:18

တၢ်သးကဲၤထီၣ်ဒုးအိၣ်ထီၣ်တၢ်ဂ့ၢ်လိာ်ဘှီလိာ်တဖၣ်လီၤ. မ့မ့ၢ်, တၢ်ဝံသးစူၤဟဲစိာ်တၢ်ဃူတၢ်ဖိးလီၤ.

တၢ်ကတိၤဒိ. 16:32

တၢ်ဝံသးစူၤဂ့ၤဒိၣ်န့ၢ်တၢ်ဂံၢ်ဆူၣ်ဘါဆူၣ်တက့ၢ်လီၤ. တၢ်မၤနၢၤဒီးတၢ်ပၢၤနသးဒၣ်နဲန့ၣ်ဂ့ၤဒိၣ်န့ၣ်ဒံးတၢ်ပၢၤ ဝ့ၢ်ဒီဝ့ၢ်တက့ၢ်လီၤ.

တၢ်ကတိၤဒိ. 17:14

တၢ်စးထီၣ်တၢ်ဂ့ၢ်လိာ်ဘှီလိာ်တမံၤန့ၣ်လီၤဂာ်ဒ်ထံတမၢၣ်တဘိ အတၢ်စးထီၣ်ကၢ်အသိးလီၤ. ဆိကတီၢ်အီၤတချုးလၢအလဲၤ ဆူညါန့ၣ်တက့ၢ်.

တၢ်ကတိၤဒိ. 20:22

ဟံးန့ၢ်မူဒါဒၣ်နဲလၢနကဟ့ၣ်ကၣ်တၢ်အၢတမံၤအဂီၢ်တဂ့ၤ. သန့ၤနသးလၢယွၤဒီးအဝဲကမၤလိၤမၤဘၣ်အီၤလီၤ.

တၢ်ကတိၤဒိ. 20:3

ပှၤဟးဂီၤဖိတဂၤလၢ်လၢ်စးထီၣ်တၢ်ဂ့ၢ်လိာ်ဘှီလိာ်တဖၣ်သ့လီၤ. မ့မ့ၢ်တၢ်အိၣ်ယံၤဒီးတၢ်အ့ၣ်လိာ်ဆိးက့လိာ်န့ၣ်, မ့ၢ်တၢ်လၤကပီၤတမံၤလီၤ.

တၢ်ကတိၤဒိ. 25:21

နဒုၣ်နဒါတၢ်မ့ၢ်သၣ်ဝံၤအသးဒီးလုၢ်အီၣ်အီၤတက့ၢ်. တၢ်မ့ၢ်သူအသးလၢထံဒီးဟ့ၣ်အီအီၤလၢထံတလီခီတက့ၢ်.

တၢ်ကတိၤဒိ. 29:11

ပှၤလၢအသးတဆးတဖၣ်န့ၣ်ပျဲဟးထီၣ်အတၢ်သူၣ်ဒိၣ်သးဖျိးလၢာ်လၢာ် ဆ့ဆ့လီၤ. မ့မ့ၢ်, ပှၤလၢအအိၣ်ဒီးတၢ်သူၣ်ဆးသးဆးန့ၣ်အသးစူၤဒီးပၢၤ ဃာ်အသးန့ၣ်လီၤ.

အ့းဖ့းစူး 4:32

ဒီးဝံသးစူၤလိာ်သုသး, သူၣ်ကညီၤသးကညီၤလိာ်သုသး, ပျၢ်လိာ်သုတၢ်ကမၣ်ဒ်ကစၢ်ယွၤအိၣ်လၢခရံာ်အပူၤပျၢ်သုတၢ်ကမၣ်အသိးန့ၣ်တက့ၢ်.

ယၤကိာ် 1:19

ယဒီပုၢ်ဝဲၢ်သးဘိသ့ၣ်ဧၢ, သ့ၣ်နီၣ်ထီၣ်က့ၤတၢ်အံၤတက့ၢ်. ပှၤကိးဂၤဒဲးကဘၣ်ချ့လၢတၢ်နၢ်ဟူတၢ်, ဒီးဃၢဝဲလၢတၢ်ကတိၤဒီးတၢ်သးဒိၣ်ထီၣ်န့ၣ်လီၤ.