တၢ်ကတိၤဒိ. 18:3 - Sgaw Karen Common Bible

³ တၢ်ဒဲးဘးဒီးတၢ်မဲာ်ဆှးလဲၤသကိးဃုာ်တၢ်လီၤ. ညိကွံာ်နတၢ်လၤကပီၤဒီးနကဒိးန့ၢ်တၢ်ဒုၣ်ဒွဲၣ်လၢအလီၢ်လီၤ.

တၢ်ကတိၤဒိ. 18:3 Iomraidhean Croise

လံာ်စီၤနဃ့မယၤ 4:4

ဒီးယဘါထုကဖၣ်ယဲ “ကစၢ်ယွၤဧၢ, ကနၣ်လၢ်တက့ၢ်. အဂ့ၢ်ဒ်အံၤ, ပဘၣ်တၢ်မၤတရီတပါပှၤလီၤ. မ်အတၢ်ကတိၤဒုၣ်ဒွဲၣ်လီၤဘၣ်က့ၤလၢအခိၣ်ဒၣ်ဝဲအလိၤန့ၣ်တ က့ၢ်. မ်ကယဲၢ်တၢ်လၢအအိၣ်ဒီးအီၤဘၣ်တၢ်ဂုာ်န့ၢ်ဒီးမ်အဘၣ်တၢ်စိာ် ကွံာ်အီၤဆူပှၤဂၤအထံအကီၢ်ဒ်ပှၤဘၣ်တၢ်ဖီၣ်န့ၢ်အီၤအသိးန့ၣ်တ က့ၢ်.

စံးထီၣ်ပတြၢၤ 69:20

တၢ်ဒုၣ်ဒွဲၣ်ဒုးသူၣ်ကၢ်သးလီၤတ့ၢ်ယၤ, တုၤဒၣ်လဲာ်ယအိၣ်လၢ တၢ်သူၣ်ဟးဂီၤသးဟးဂီၤအပူၤန့ၣ်လီၤ. ယကွၢ်လၢ်ပှၤလၢအကသးကညီၤတၢ်, ဘၣ်ဆၣ်တအိၣ်နီတဂၤဘၣ်. ဒီးပှၤလၢအမၤမုာ်တၢ်တဖၣ်, ဘၣ်ဆၣ်ယတထံၣ်န့ၢ်နီတဂၤဘၣ်.

စံးထီၣ်ပတြၢၤ 69:9

အဂ့ၢ်ဒ်အံၤ, ယတၢ်သးဆူၣ်လၢနဟံၣ်အဂီၢ်န့ၣ် အီၣ်ကွံာ်ယၤဒ်မ့ၣ်အူအသိး ဒီးပှၤအတၢ်ဒုၣ်ဒွဲၣ်နၤန့ၣ် လီၤဘၣ်လၢယလိၤလီၤ.

တၢ်ကတိၤဒိ. 11:2

ပှၤလၢအပာ်ထီၣ်ထီအသးတဖၣ်န့ၣ်တယံာ်ဘၣ်ဒီးကဘၣ်တၢ်မၤမဲာ်ဆှး အီၤလီၤ. မ့မ့ၢ်တၢ်ပာ်သးဖဲအဘၣ်အဘၣ်န့ၣ်မ့ၢ်ဝဲတၢ်ကူၣ်သ့ဒိၣ် တက့ၢ်လီၤ.

တၢ်ကတိၤဒိ. 13:5

ပှၤအတီအလိၤသးဟ့တၢ်လီတၢ်ဝ့ၤတဖၣ်လီၤ. မ့မ့ၢ်ပှၤအၢပှၤသီအတၢ်ကတိၤတဖၣ်လီၤမဲာ်ဆှးဒီးအလၤကပီၤ တအိၣ်ဘၣ်န့ၣ်လီၤ.

တၢ်ကတိၤဒိ. 18:2

ပှၤဟးဂီၤဖိတဂၤန့ၣ်သ့ၣ်ညါနၢ်ပၢၢ်တၢ်တမံၤဧါ, တသ့ၣ်ညါဝဲ ဘၣ်ဧါန့ၣ်တကနာ်ဃုာ်ဝဲဘၣ်. ကယဲၢ်တၢ်လၢအသးအိၣ်မၤဝဲ တဖၣ်န့ၣ်, မ့ၢ်တၢ်ဒုးနဲၣ်အတၢ်သ့တၢ်ဘၣ်ဒ်လဲၣ်ဒ်လဲၣ်န့ၣ်လီၤ.

တၢ်ကတိၤဒိ. 18:4

ပှၤတဂၤအတၢ်ကတိၤတဖၣ်မ့ၢ်တၢ်ကူၣ်တၢ်ဆးအဂံၢ်ထံးတမံၤသ့ဝဲ လီၤ. ယိာ်ဝဲဒ်ပီၣ်လဲၣ်အသိး, ဒီးဆှံဂ့ၤဝဲဒ်ထံဖိကျိလၢ အယွၤလီၤဝဲအသိးလီၤ.

တၢ်ကတိၤဒိ. 22:10

ဟီထီၣ်ကွံာ်ပှၤပာ်ထီၣ်ထီအသးတဂၤတက့ၢ်. အန့ၣ်ဒီး, တၢ်ကတိၤဂ့ၢ်လိာ်ဘှီလိာ်တဖၣ်မ့ၢ်ဂ့ၤ, တၢ်အ့ၣ်လိာ်ဆိးက့လိာ်မ့ၢ်ဂ့ၤ, ဒီးတၢ်ကတိၤဒုၣ်ဒွဲၣ်တအိၣ်လၢၤဘၣ်.

တၢ်ကတိၤဒိ. 29:16

ဖဲပှၤအၢပှၤသီတဖၣ်ဒိၣ်စိဒိၣ်ကမီၤန့ၣ်, တၢ်မၤကမၣ်ထီဒါ သဲစးအါထီၣ်ဝဲလီၤ. ဘၣ်ဆၣ်ဒီးပှၤအတီအလိၤတဖၣ်ကအိၣ်မူဒီးထံၣ်ဘၣ်ပှၤဒ်န့ၣ်သိးတဖၣ် အတၢ်ဟးဂီၤန့ၣ်လီၤ.

၁ ပ့းတရူး 4:14

သုမ့ၢ်ဘၣ်တၢ်ဒုၣ်ဒွဲၣ်သုလၢသုမ့ၢ်ပှၤတဖၣ်လၢ အပိာ်ခရံာ်အခံအဃိဒီး, သုဘၣ်တၢ်ဆိၣ်ဂ့ၤလီၤ. တၢ်အံၤအခီပညီမ့ၢ်ဝဲ, တၢ်လၤကပီၤအသးဒီးကစၢ်ယွၤအသးအိၣ်ဝဲဆိးဝဲလၢသုလိၤလီၤ.

၁ ပ့းတရူး 4:4

သတးဒီးခဲအံၤ, ပှၤတသ့ၣ်ညါယွၤတဖၣ်ကမၢကမၣ်ဝဲဒၣ်လၢ သုတမၤဃုာ်ဒီးအဝဲသ့ၣ်လၢအတၢ်အိၣ်မူအရၢၢ်အစၢၢ်, ဒီးအတၢ်တပလီၢ်အသးအပူၤ, ဒီးလၢတၢ်န့ၣ်အဃိအဝဲသ့ၣ်ဒုၣ်ဒွဲၣ်စံးအၢသုန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 20:30

စီၤစီလူးသးဒိၣ်ထီၣ်လၢစီၤယိနၤသၣ်အဖီခိၣ်နးနးကလဲာ်ဒီး စံးဘၣ်အီၤ, “နဲဒၣ်ပှၤလၢအဘိးကဒါကွံာ်တၢ်မ့ၢ်တၢ်တီဒီးပူထီၣ်တၢ်တဂၤဧၢ, ခဲအံၤယသ့ၣ်ညါလၢနအိၣ်လၢစီၤဒၤဝံးအအိၣ်တခီဒီးနမၤဟးဂီၤ နသူးနသ့ၣ်ဒီးနမိၢ်ဒၣ်နဲအလၤကပီၤလီၤ.”