တၢ်ကတိၤဒိ. 18:15 - Sgaw Karen Common Bible

¹⁵ ပှၤလၢအအိၣ်ဒီးတၢ်သူၣ်ဆးသးဆးတဖၣ်န့ၣ်, အသးဆူၣ်ဒီးအိၣ်ကတဲာ်ကတီၤအသးထီဘိလၢကမၤလိန့ၢ်တၢ်လီၤ.

တၢ်ကတိၤဒိ. 18:15 Iomraidhean Croise

လံာ်စီၤပၤအခီၣ်ထံးတဘ့ၣ် 3:9

လၢတၢ်န့ၣ်အဃိဟ့ၣ်လီၤယၤတၢ်ကူၣ်သ့လၢယလိၣ်ဘၣ်အီၤဒ်သိး ယကပၢနပှၤဂီၢ်မုၢ်လၢတၢ်စံၣ်ညီၣ်တီအပူၤဒီးယကသ့ၣ်ညါနီၤဖးတၢ်ဂ့ၤ ဒီးတၢ်အၢအဆၢန့ၣ်တက့ၢ်. မ့တမ့ၢ်ဘၣ်ဒ်န့ၣ်ဒီးယပၢနပှၤဂီၢ်မုၢ်ဖးဒိၣ်အံၤကသ့ဝဲတစုစုဒ်လဲၣ်.”

လံာ်စီၤယိၤဘး 8:10

ဘၣ်ဆၣ်ဒီးပျဲပှၤကူၣ်ဘၣ်ကူၣ်သ့လၢပျၢၤသိၣ်လိနၤ, ဒီးဒိကနၣ်တၢ်လၢအဝဲသ့ၣ်ကစံးဘၣ်နၤန့ၣ်တက့ၢ်.

တၢ်ကတိၤဒိ. 1:5

တၢ်ကူၣ်သ့အတၢ်ကတိၤတဖၣ်အံၤမၤအါထီၣ်ပှၤကူၣ်သ့တဖၣ် အတၢ်သ့ၣ်ညါဒီးဟ့ၣ်တၢ်နဲၣ်ကျဲဆူပှၤမၤလိမၤဒိးဘၣ်တၢ်တဖၣ် သ့ဝဲ,

တၢ်ကတိၤဒိ. 10:14

ပှၤကူၣ်သ့န့ၣ်, ဂုာ်မၤန့ၢ်တၢ်သ့ၣ်ညါနၢ်ပၢၢ်ခဲလၢာ်လီၤ. မ့မ့ၢ်, ဖဲပှၤဟးဂီၤဖိကတိၤတၢ်န့ၣ်, တၢ်ကီတၢ်ခဲအိၣ်တယံၤဘၣ် န့ၣ်လီၤ.

တၢ်ကတိၤဒိ. 15:14

ပှၤလၢအအိၣ်ဒီးတၢ်သူၣ်ဆးသးဆးန့ၣ်သးအိၣ်မၤလိတၢ်လီၤ. မ့မ့ၢ်ပှၤလၢအသးတဆးတဖၣ်န့ၣ်သးမံဒၣ်ဝဲလၢအတၢ်တမၤလိ မၤဒိးတၢ်အပူၤန့ၣ်လီၤ.

တၢ်ကတိၤဒိ. 15:31

နမ့ၢ်ဒိကနၣ်တၢ်သပှၢ်ပှၢ်ဖဲနဘၣ်တၢ်သိၣ်က့ၤသီက့ၤနၤဒီး, နမ့ၢ်ပှၤအကူၣ်သ့လီၤ.

တၢ်ကတိၤဒိ. 23:23

တၢ်မ့ၢ်တၢ်တီ, တၢ်ကူၣ်သ့, တၢ်မၤလိမၤဒိး, တၢ်သ့ၣ်ညါတၢ်ဂ့ၤ, တၢ်သ့ၣ်တဖၣ်အံၤကၢကီၣ်ဝဲလၢတၢ်ကဟ့ၣ် အပှ့ၤလၢတၢ်မၤန့ၢ်အီၤအဂီၢ်လီၤ. ဘၣ်ဆၣ်လုၢ်ဒိၣ်ပှ့ၤဒိၣ်ကဲၣ်ဆိးလၢနကဆါကွံာ်အီၤန့ၣ်လီၤ.

တၢ်ကတိၤဒိ. 4:5

မၤန့ၢ်တၢ်ကူၣ်သ့ဒီးတၢ်ထံၣ်တၢ်လၢသးအမဲာ်တက့ၢ်. သးပ့ၤနီၣ်ဒီးလဲၤသဒၣ်တၢ်လၢယစံးဘၣ်နၤန့ၣ်တဂ့ၤ.

တၢ်ကတိၤဒိ. 4:7

တၢ်မၤန့ၢ်တၢ်ကူၣ်သ့, မ့ၢ်တၢ်အကါဒိၣ်ကတၢၢ်လၢနမၤအီၤသ့လီၤ. မၤန့ၢ်တၢ်ထံၣ်တၢ်လၢသးအမဲာ်လၢတၢ်တမံၤလၢ်လၢ်လၢနမၤန့ၢ်အီၤ အပူၤန့ၣ်တက့ၢ်.

တၢ်ကတိၤဒိ. 9:9

တၢ်တမံၤဂ့ၤတမံၤဂ့ၤလၢနစံးဘၣ်တဲဘၣ်ပှၤကူၣ်သ့တဂၤန့ၣ်, ကဒုးကူၣ်သ့အါထီၣ်အီၤလီၤ. တၢ်တမံၤဂ့ၤတမံၤဂ့ၤလၢနတဲဘၣ် ပှၤတီပှၤလိၤတဂၤန့ၣ်, ကပာ်ဖှိၣ်အါထီၣ်အတၢ်သ့ၣ်ညါနၢ်ပၢၢ်န့ၣ်လီၤ.

လံာ်လူၤကၣ် 10:39

အဝဲဒၣ်အိၣ်ဒီးအဒီပုၢ်ဝဲၢ်မုၣ်တဂၤလၢအမံၤမ့ၢ်နီၢ်မၤရံ, လၢအဆ့ၣ်နီၤဖဲကစၢ်အခီၣ်ထံးဒီးဒိကနၣ်အဝဲအတၢ်သိၣ် လီၤသီလီၤတၢ်န့ၣ်လီၤ.

အ့းဖ့းစူး 1:17

ဒ်သိးပကစၢ်ယ့ၣ်ၡူးခရံာ်အပၢ်, ပၢ်လၢအလၢပှဲၤဒီးတၢ်လၤကပီၤတဂၤကဟ့ၣ်လီၤသု သးစီဆှံလၢအကဒုးကူၣ်ဘၣ်ကူၣ်သ့သုဒီးလီၣ်ဖျါထီၣ် န့ၢ်သုလၢယွၤဒ်သိးသုကသ့ၣ်ညါအီၤအဂီၢ်န့ၣ်လီၤ.

ယၤကိာ် 1:5

ဘၣ်ဆၣ်ဒီး, “သုဝဲသ့ၣ်အကျါတဂၤဂၤမ့ၢ်လိၣ်ဘၣ်တၢ်ကူၣ် သ့န့ၣ်, အဝဲကြၢးဃ့ထုကဖၣ်ကစၢ်ယွၤဒီးကဟ့ၣ်လီၤအီၤ န့ၣ်လီၤ. အဂ့ၢ်မ့ၢ်လၢကစၢ်ယွၤဟ့ၣ်တၢ်ညီဒီးဟ့ၣ်တၢ်လၢတၢ်သူၣ် ကညီၤသးကညီၤလၢပှၤခဲလၢာ်အဂီၢ်အဃိန့ၣ်လီၤ.