တၢ်ကတိၤဒိ. 17:6 - Sgaw Karen Common Bible

⁶ ပှၤသးပှၢ်တဖၣ်ပာ်ကဖၢလၢအသးလၢအလံၤတဖၣ်အဃိဒ်ဖိသၣ်ပိာ်ခွါ တဖၣ်ပာ်ကဖၢလၢအသးလၢအပၢ်တဖၣ်အဃိအသိးန့ၣ်လီၤ.

တၢ်ကတိၤဒိ. 17:6 Iomraidhean Croise

လံာ်တၢ်ကဲထီၣ်အခီၣ်ထံး 48:11

စီၤယၤကိာ်စံးဘၣ်စီၤယိၤသး, “ယတမုၢ်လၢ်တ့ၢ်လၢယကထံၣ်ဘၣ် ကဒီးနၤနီတစုလၢၤဘၣ်. ဘၣ်ဆၣ်ခဲအံၤ, ကစၢ်ယွၤပျဲယထံၣ်ဘၣ်ဒၣ်လဲာ်နဖိတဖၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 50:23

အဝဲအိၣ်မူဝဲတုၤအထံၣ်ဘၣ်စီၤအ့ဖရဲၣ်အဖိတဖၣ်ဒီးအလံၤတဖၣ် န့ၣ်လီၤ. အဝဲအိၣ်မူဘၣ်စ့ၢ်ကီးဝဲတုၤလၢအဒိးန့ၢ်ဘၣ်စီၤမနၤၡ့ၤအဖိ ခွါစီၤမၤကံၢ်အဖိတဖၣ်လၢအဝဲအဒူၣ်ဖိထၢဖိအပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:12

သနာ်က့ဒီး, လၢယတၢ်ကွၢ်မဲာ်နပၢ်စီၤဒၤဝံးအဃိ, ယတမၤဒံးတၢ်အံၤဖဲနအိၣ်မူအဆၢကတီၢ်န့ၣ်ဘၣ်. မ့မ့ၢ်ယကမၤအီၤလၢနဖိခွါပၢတၢ်အစိၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 15:4

ဘၣ်ဆၣ်လၢတၢ်ကွၢ်မဲာ်စီၤဒၤဝံးအဃိန့ၣ်ယွၤ, အကစၢ်ယွၤဟ့ၣ်လီၤစီၤအဘံယၣ်လၢအဖိခွါတဂၤဒ်သိးကပၢတၢ်လၢ အဝဲအလီၢ်ခံလၢဝ့ၢ်ယရူၤၡလ့ၣ်အပူၤဒီးဒ်သိးကမၤဂၢၢ်မၤကျၢၤဝ့ၢ် ယရူၤၡလ့ၣ်အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 20:12

ယူးယီၣ်ပာ်ကဲသုပၢ်ဒီးသုမိၢ်, ဒ်သိးသုကအိၣ်ကၢအိၣ်ခိးလၢ ကီၢ်တဘ့ၣ်လၢကယဟ့ၣ်လီၤသုအပူၤန့ၣ်တက့ၢ်.

တၢ်ကတိၤဒိ. 13:22

ပှၤအဂ့ၤတဂၤကအိၣ်ဒီးတၢ်ထူးတၢ်တီၤလၢကပာ်လီၤတဲာ်တ့ၢ်ဝဲလၢ အလံၤတဖၣ်အဂီၢ်လီၤ. မ့မ့ၢ်ပှၤတၢ်ဒဲးဘးဖိတဖၣ်အတၢ်ထူးတၢ်တီၤန့ၣ်ကလဲၤဆူပှၤတီ ပှၤလိၤတဖၣ်အအိၣ်လီၤ.

တၢ်ကတိၤဒိ. 16:31

သးသမူအထီန့ၣ်မ့ၢ်ပှၤတီပှၤလိၤအတၢ်န့ၢ်ဘျုးလီၤ. ခိၣ်သူဝါန့ၣ်မ့ၢ်တၢ်လၤကပီၤအခိၣ်သလုးလီၤ.

လံာ်မၤလကံ 1:6

တၢ်သုးမုၢ်ဂီၢ်မုၢ်အယွၤစံးဘၣ်ပှၤလုၢ်တၢ်အခိၣ်တဖၣ်ဒ်အံၤ, “ဖိခွါမၤလၤကပီၤအပၢ်, ဒီးတၢ်ခ့တၢ်ပှၤမၤလၤကပီၤအကစၢ်လီၤ. ယဲဒၣ်အံၤယမ့ၢ်သုပၢ်လီၤ, ဘၣ်မနုၤအဃိသုတမၤလၤကပီၤယၤလဲၣ်. ယဲဒၣ်အံၤယမ့ၢ်သုကစၢ်, ဘၣ်မနုၤအဃိသုတပာ်ကဲယၤလဲၣ်. သုမၤတရီတပါယၤဒီးသုသံကွၢ်, ပမၤတရီတပါနၤဒ်လဲၣ်.”