တၢ်ကတိၤဒိ. 17:24 - Sgaw Karen Common Bible

²⁴ ပှၤလၢအသူၣ်ဆးသးဆးတဂၤန့ၣ်ကွၢ်စိဃီၤဆူတၢ်ကူၣ်သ့ အတၢ်မၤလီၤ. မ့မ့ၢ်ပှၤဟးဂီၤဖိတဂၤန့ၣ်စးထီၣ်လဲၤတၢ်လၢ တၢ်ပညိၣ်အါမံၤအပူၤလီၤ.

တၢ်ကတိၤဒိ. 17:24 Iomraidhean Croise

စံးထီၣ်ပတြၢၤ 119:37

ဒုးဃၣ်ကွံာ်ယမဲာ်လၢတၢ်ကွၢ်တၢ်ကလီကလီ ဒီးဟ့ၣ်လၢ်ယၤတၢ်မူလၢ နကျဲဧိၤကပူၤဧိၤန့ၣ်တက့ၢ်.

တၢ်ကတိၤဒိ. 14:6

ပှၤလၢအပာ်ဒိၣ်ပာ်ဂ့ၤအသးတဖၣ်ကဲထီၣ်ပှၤကူၣ်သ့တန့ၢ်ဘၣ်နီ တဘျီဘၣ်. မ့မ့ၢ်, ပှၤလၢအအိၣ်ဒီးတၢ်သူၣ်ဆးသးဆးတဖၣ်မၤလိန့ၢ်တၢ်ညီကဒၣ်လီၤ.

တၢ်ကတိၤဒိ. 15:14

ပှၤလၢအအိၣ်ဒီးတၢ်သူၣ်ဆးသးဆးန့ၣ်သးအိၣ်မၤလိတၢ်လီၤ. မ့မ့ၢ်ပှၤလၢအသးတဆးတဖၣ်န့ၣ်သးမံဒၣ်ဝဲလၢအတၢ်တမၤလိ မၤဒိးတၢ်အပူၤန့ၣ်လီၤ.

တၢ်ကတိၤဒိ. 17:25

ဖိခွါလၢအဟးဂီၤတဂၤဟဲစိာ်တၢ်သူၣ်အုးသးအုးဆူအပၢ် အအိၣ်ဒီးတၢ်သးဟးဂီၤအခၣ်တဖၣ်ဆူအမိၢ်အအိၣ်န့ၣ်လီၤ.

တၢ်ကတိၤဒိ. 23:5

နကျိၣ်ဧိၤစ့ဧိၤကလီၤမၢ်ကွံာ်လၢတဖျးမဲာ်အတီၢ်ပူၤ, ဒီးကမၤအသးဒ်အဒံးတဖၣ်အိၣ်ထီၣ်ဝဲဒီးယူၤထီၣ်ကွံာ်ဝဲဒ်လံာ် ကြီကြာ်တဘ့ၣ်အသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 2:14

ပှၤကူၣ်တၢ်သ့တဖၣ်န့ၣ်မ့ၢ်အဝဲသ့ၣ်လဲၤဆူလဲၣ်ဆူလဲၣ်န့ၣ်ထံၣ် သ့ၣ်ညါဝဲလီၤ. မ့မ့ၢ်ပှၤဟးဂီၤဖိတဖၣ်တထံၣ်သ့ၣ်ညါဝဲဘၣ်. ဘၣ်ဆၣ်ဒီးယသ့ၣ်ညါစ့ၢ်ကီးလၢတၢ်ဘူၣ်တၢ်တီၢ်တမံၤဃီန့ၣ်အိၣ် ခိးပာ်ပှၤကိးဂၤဒဲးလီၤ.

လံာ်ပှၤစံၣ်တဲၤတဲလီၤတၢ် 6:9

တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ. မၤသးဒ်တၢ်လူၤဖီၣ်ကလံၤအသိးန့ၣ်လီၤ. တၢ်သးမံဒီးတၢ်လၢအအိၣ်ဒီးနၤန့ၣ်ဂ့ၤဒိၣ်န့ၢ်ဒံးထီဘိ နကသူၣ်လီသးကွံတၢ်အဂၤတက့ၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 8:1

ထဲဒၣ်ပှၤလၢအကူၣ်တၢ်သ့တဂၤဧိၤသ့ၣ်ညါတၢ်တမံၤဂ့ၤတမံၤဂ့ၤ အခီပညီနီၢ်နီၢ်မ့ၢ်တၢ်မနုၤလဲၣ်န့ၣ်လီၤ. တၢ်ကူၣ်သ့ဒုးနံၤကမှံ ထီၣ်အီၤဒီးမၤဟါမၢ်ကွံာ်အတၢ်ကွၢ်လၢမဲာ်ကဒုလာ်န့ၣ်လီၤ.

လံာ်ယိၤဟၣ် 7:17

ပှၤတဂၤဂ့ၤတဂၤဂ့ၤအသးမ့ၢ်အိၣ်လၢကမၤဘၣ်ကစၢ်ယွၤ အတၢ်ဘၣ်အသးဒီး, အဝဲကသ့ၣ်ညါဝဲလၢယတၢ်သိၣ်လိသီလိအံၤဟဲလၢ ကစၢ်ယွၤအအိၣ်ဧါ, မ့တမ့ၢ်ဒီးလၢယကတိၤဒၣ်တၢ်လၢယစိကမီၤဒၣ်ယဲလဲၣ်န့ၣ်လီၤ.

၁ ယိၤဟၣ် 2:16

အဂ့ၢ်ဒ်လဲၣ်န့ၣ်, ကယဲၢ်တၢ်လၢအဘၣ်ဃးဒီးဟီၣ်ခိၣ်လၢ အမ့ၢ်ပနီၢ်ခိအတၢ်သးကွံ, ပမဲာ်အတၢ်သးကွံ, ဒီးတၢ်ပာ်ကဖၢလၢပသးလၢတၢ်လၢဟီၣ်ခိၣ်အံၤခဲလၢာ်, တၢ်တဖၣ်အံၤတဟဲလၢပၢ်ကစၢ်အအိၣ်ဘၣ်. မ့ၢ်တၢ်လၢအဟဲလၢဟီၣ်ခိၣ်န့ၣ်လီၤ.