တၢ်ကတိၤဒိ. 17:21 - Sgaw Karen Common Bible

²¹ လၢပၢ်တဂၤ, လၢအဖိခွါမၤတၢ်တဂိာ်တသီၣ်ဘၣ်တဖၣ်အဂီၢ်န့ၣ်, အိၣ်ဒၣ်ထဲတၢ်သူၣ်အုးသးအုးဒီးတၢ်အဂၤတအိၣ်ဘၣ်လၢအဂီၢ်နီ တမံၤဘၣ်.

တၢ်ကတိၤဒိ. 17:21 Iomraidhean Croise

လံာ်တၢ်ကဲထီၣ်အခီၣ်ထံး 26:34

ဒီးဖဲစီၤဧ့ၡီၤအသးအိၣ်ဝဲအနံၣ်လွံၢ်ဆံန့ၣ်အဝဲဟံးန့ၢ်ပှၤ ဃ့ၤသးမုၣ်ဖိခံဂၤ, စီၤဘအ့ရံၤအဖိမုၣ်နီၢ်ယဟူဒံးဒီးစီၤအလိၣ်အဖိမုၣ်နီၢ်ဘၤ စမးန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:33

တၢ်သးအုးလုၣ်ဘၢကွံာ်စီၤပၤန့ၣ်လီၤ. အဝဲလဲၤထီၣ်ဆူဒၢးလၢကျဲစၢၤအတြဲၤအဖီခိၣ်ဒီးဟီၣ်ဝဲလီၤ. ဖဲအလဲၤထီၣ်အဖၢမုၢ်န့ၣ်ဟီၣ်တၢ်ယၢၤတၢ်စံးဝဲ, “အိယဖိခွါဧၢ, ယဖိခွါစီၤအးဘၡါလိၣ်ဧၢ. စီၤအးဘၡါလိၣ်, ယဖိခွါဧၢ. ဘၣ်မနုၤယတသံတ့ၢ်လၢနလီၢ်လဲၣ် ယဖိခွါဧၢ, စီၤအးဘၡါလိၣ်, ယဖိခွါဧၢ.”

တၢ်ကတိၤဒိ. 10:1

အအံၤမ့ၢ်စီၤၡလိၤမိၤအတၢ်ကူၣ်သ့အတၢ်ကတိၤတဖၣ်လီၤ. ဖိခွါလၢအကူၣ်သ့တဂၤန့ၣ်, အပၢ်ဒိးဘၣ်တၢ်လၤကပီၤလၢအဃိလီၤ. မ့မ့ၢ်, ပှၤဟးဂီၤဖိတဂၤန့ၣ်, ဟဲစိာ်တၢ်သးအုးလၢအမိၢ်အဂီၢ်လီၤ.

တၢ်ကတိၤဒိ. 15:20

ဖိခွါလၢအကူၣ်သ့န့ၣ်ဒုးသးခုအပၢ်အသးလီၤ. မ့မ့ၢ်ထဲဒၣ်ပှၤဟးဂီၤဖိတဂၤန့ၣ်တပာ်ကဲဘၣ်အမိၢ်ဘၣ်.

တၢ်ကတိၤဒိ. 17:25

ဖိခွါလၢအဟးဂီၤတဂၤဟဲစိာ်တၢ်သူၣ်အုးသးအုးဆူအပၢ် အအိၣ်ဒီးတၢ်သးဟးဂီၤအခၣ်တဖၣ်ဆူအမိၢ်အအိၣ်န့ၣ်လီၤ.

တၢ်ကတိၤဒိ. 19:13

ဖိခွါလၢအဟးဂီၤန့ၣ်ဆှၢအပၢ်ဆူတၢ်ဟးဂီၤသ့လီၤ. ဒီးမါလၢအကဒူးကဒ့ၣ်တၢ်တဂၤန့ၣ်လီၤဂာ်ဒီးမူခိၣ်ထံလၢအလီၤ စီၤစီာ်စီာ်အသိးန့ၣ်လီၤ.

၂ ကရံၣ်သူး 2:3

မ့ၢ်လၢတၢ်ဂ့ၢ်တမံၤန့ၣ်အဃိ, ယကွဲးလံာ်ပရၢအဝဲန့ၣ်ဆူသု အိၣ်လီၤ. ယတအဲၣ်ဒိးဟဲဆူသုအိၣ်ဒီးဘၣ်တၢ်မၤသးအုး ယၤလၢပှၤတဖုဃီလၢအကြၢးမၤသးခုယၤန့ၣ်ဘၣ်. အဂ့ၢ်ဒ်အံၤ, ယနာ်လီၤတံၢ်လီၤဆဲးလၢဖဲယသူၣ်ခုသး ခုန့ၣ်, သုဝဲကိးဒံကိးဂၤဒဲးသုသူၣ်ခုသးခုစ့ၢ်ကီးန့ၣ်လီၤ.

၃ ယိၤဟၣ် 1:4

တၢ်လၢကမၤသးခုယၤဒိၣ်န့ၢ်ယနၢ်ဟူဘၣ်ယဖိယလံၤ တဖၣ်အိၣ်မူလၢတၢ်မ့ၢ်တၢ်တီအပူၤန့ၣ်, တအိၣ်ဘၣ်နီတမံၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 8:3

ဘၣ်ဆၣ်ဒီး, အဝဲသ့ၣ်တမၤထွဲအပၢ်အဒိအတဲာ်ဘၣ်. အဝဲသ့ၣ်အသးစဲဒၣ်ထဲလၢကမၤန့ၢ်တိၢ်ဧိၤစ့ဧိၤန့ၣ်လီၤ. လၢတၢ်န့ၣ်အဃိအဝဲသ့ၣ်တူၢ်လိာ်ခိၣ်ဖးလာ်ဆှိးတဖၣ်ဒီးတစံၣ် ညီၣ်တဲာ်တၢ်ဂ့ၢ်တၢ်ကျိၤတဖၣ်လၢတၢ်သူၣ်တီသးလိၤအပူၤဘၣ်လီၤ.