တၢ်ကတိၤဒိ. 17:17 - Sgaw Karen Common Bible

¹⁷ တံၤသကိးတဖၣ်ဒုးနဲၣ်အတၢ်အဲၣ်တၢ်ကွံထီဘိလီၤ. မ့တမ့ၢ်လၢတၢ်နီၤတူၢ်သကိးတၢ်ကီတၢ်ခဲဘၣ်ဒီးဒီပုၢ်ဝဲၢ်တဖၣ် အိၣ်လၢမနုၤအဂီၢ်လဲၣ်.

တၢ်ကတိၤဒိ. 17:17 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:26

ယသူၣ်အုးသးအုးလၢနဃိ, ယဒီပုၢ်ဝဲၢ်စီၤယိနၤသၣ်ဧၢ, နလီၤအဲၣ်လၢယဂီၢ်ဒိၣ်မးလဲၣ်. နတၢ်အဲၣ်လၢယဂီၢ်လီၤလးနးလဲၣ်. ဂ့ၤန့ၢ်ဒိၣ်န့ၢ်ဒံးပိာ်မုၣ်တဖၣ်အတၢ်အဲၣ်တက့ၢ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 15:21

ဘၣ်ဆၣ်ဒီးစီၤအံတဲၤစံးဆၢဝဲဒၣ်, “နဲဒၣ်, တၢ်ဒိၣ်ကစၢ်စီၤပၤဧၢ, ယဆိၣ်တၢ်ဒီးနၤလၢယွၤအမံၤအပူၤလၢထီဘိယကလဲၤတၢ်ဒီးနၤဖဲ နလဲၤတၢ်တပူၤလၢ်လၢ်, လၢတၢ်မူအပူၤမ့ၢ်ဂ့ၤ, လၢတၢ်သံအပူၤမ့ၢ်ဂ့ၤန့ၣ်လီၤ.”

လံာ်နီၢ်အ့ၤစတၢ် 4:14

နမ့ၢ်အိၣ်ဘှီၣ်ကလာ်လၢတၢ်ဆၢကတီၢ်ဒ်သိးအံၤန့ၣ်, တၢ်မၤစၢၤကဟဲလီၤလၢမူခိၣ်လၢပှၤယူဒၤဖိတဖၣ်အဂီၢ်, ဒီးအဝဲသ့ၣ်ကပူၤဖျဲးလီၤ. မ့မ့ၢ်နဲဒၣ်နကသံဒီးနပၢ်အပှၤဟံၣ်ဖိကတုၤလၢတၢ်ဟးဂီၤလီၤ. ဒီးဘၣ်သ့ၣ်သ့ၣ်, ကမ့ၢ်နကဲထီၣ်ဘၣ်နီၢ်ပၤမုၣ်လၢတၢ်ဆၢကတီၢ်ဒ်သိးအံၤ အဂီၢ်ဧါ, န့ၣ်မတၤသ့ၣ်ညါတဂၤလဲၣ်.

တၢ်ကတိၤဒိ. 16:28

တၢ်ကတိၤသီၣ်ဝံသဲကလၤဘၣ်တၢ်ရၤလီၤအီၤလၢပှၤတတီတလိၤ တဖၣ်လီၤ. အဝဲသ့ၣ်ထိၣ်ဂဲၤထီၣ်တၢ်ကီတၢ်ခဲဒီးမၤလီၤဖး တၢ်ဒီတံၤဒီသကိးတဖၣ်လီၤ.

တၢ်ကတိၤဒိ. 18:24

တၢ်ရ့တံၤရ့သကိးတနီၤနီၤန့ၣ်တဂၢၢ်တကျၢၤဘၣ်. ဘၣ်ဆၣ်ဒီးတံၤသကိးတနီၤနီၤမ့ၢ်ပှၤသးတီအါန့ၢ်ဒီပုၢ်ဝဲၢ် တဖၣ်တက့ၢ်လီၤ.

တၢ်ကတိၤဒိ. 19:13

ဖိခွါလၢအဟးဂီၤန့ၣ်ဆှၢအပၢ်ဆူတၢ်ဟးဂီၤသ့လီၤ. ဒီးမါလၢအကဒူးကဒ့ၣ်တၢ်တဂၤန့ၣ်လီၤဂာ်ဒီးမူခိၣ်ထံလၢအလီၤ စီၤစီာ်စီာ်အသိးန့ၣ်လီၤ.

တၢ်ကတိၤဒိ. 19:7

ပှၤဖှီၣ်ဖိယာ်ဖိတဂၤအဒီပုၢ်ဝဲၢ်တဖၣ်ဒၣ်လဲာ်သးဟ့အီၤလီၤ. အတံၤသကိးတဖၣ်ဟးယံၤဒီးအီၤန့ၣ်တလီၤကမၢကမၣ်ဘၣ်. ကျဲးစၢးဝဲဆူၣ်ထဲလဲၣ်ထဲလဲၣ်ဘၣ်ဆၣ်မၤအဝဲသ့ၣ်တန့ၢ်နီတဂၤဘၣ်.

ဧ့ၤဘြံၤ 2:11

ပှၤလၢအမၤစီထီၣ်ဆှံထီၣ်ပှၤတဖၣ်လၢအတၢ်ဒဲးဘးဒီး ပှၤလၢအဘၣ်တၢ်မၤစီထီၣ်ဆှံထီၣ်အီၤတဖၣ်အိၣ်ဒီးပၢ်တဂၤ ဃီလီၤ. လၢတၢ်န့ၣ်အဃိယ့ၣ်ၡူးအမဲာ်တဆှးဘၣ်လၢကကိး အဝဲသ့ၣ်လၢဒီပုၢ်ဝဲၢ်ဘၣ်.

လံာ်နီၢ်ရူၤသး 1:16

ဘၣ်ဆၣ်နီၢ်ရူၤသးစံးဆၢဝဲ, “တဘၣ်ဃ့ကညးယၤလၢယက လဲၤသဒၣ်နၤအဂီၢ်မ့ၢ်ဂ့ၤ, ယသုတပိာ်နခံအဂီၢ်မ့ၢ်ဂ့ၤန့ၣ်တ ဂ့ၤ. ဖဲနလဲၤတပူၤလၢ်လၢ်ယကလဲၤယဲ, ဖဲနအိၣ်တပူၤလၢ်လၢ် ယကအိၣ်ယဲ, နပှၤကလုာ်ကမ့ၢ်ဝဲဒၣ်ယပှၤကလုာ်, ဒီးနကစၢ်ယွၤကမ့ၢ်ဝဲယကစၢ်ယွၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:3

စီၤယိနၤသၣ်မၤတၢ်ရ့လိာ်မုာ်လိာ်အထူအယိာ်အတၢ်ဆိၣ်ဒီးစီၤဒၤဝံး လၢအအဲၣ်ဘၣ်အီၤဒိၣ်နီၢ်မးအဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:2

မၤသးဒ်န့ၣ်ဒီး, စီၤယိနၤသၣ်စံးဘၣ်စီၤဒၤဝံး, “ယပၢ်ကျဲးစၢးဒ်သိးကမၤသံနၤလီၤ. ခဲမုၢ်ဆ့ၣ်တနံၤန့ၣ် ဝံသးစူၤပလီၢ်နသးဂ့ၤဂ့ၤတက့ၢ်. အိၣ်ခူသူၣ်လၢတၢ်လီၢ်ခူသူၣ်တတီၤဒီးအိၣ်ဖဲန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 19:3

ယကလဲၤဒီးဆၢထၢၣ်လၢယပၢ်အကပၤလၢပျီပူၤဖဲ နအိၣ်ခူသူၣ်အလီၢ်, ဒီးယကတဲအီၤလၢနဂ့ၢ်လီၤ. ယမ့ၢ်ထံၣ်သ့ၣ်ညါတၢ်တမံၤမံၤဒီးယကဒုးသ့ၣ်ညါနၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 20:17

မၤကဒီးတစု, စီၤယိနၤသၣ်မၢစီၤဒၤဝံးမၤတၢ်အၢၣ်လီၤအီ လီၤလၢကအဲၣ်အီၤလီၤ. အဂ့ၢ်ဒ်အံၤစီၤယိနၤသးအဲၣ်စီၤဒၤဝံးဒ်အအဲၣ်လီၤအသးဒၣ်ဝဲ အသိးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:16

စီၤယိၤနၤသၣ်လဲၤဆူအအိၣ်ဖဲန့ၣ်ဒီးဟ့ၣ်ဂံၢ်ဟ့ၣ်ဘါအီၤလၢ ကစၢ်ယွၤအတၢ်ဒီဒၣ်အိၣ်ပှိၤအီၤသပှၢ်တၢၢ်အဂ့ၢ်န့ၣ်လီၤ.