တၢ်ကတိၤဒိ. 17:15 - Sgaw Karen Common Bible

¹⁵ တၢ်စံၣ်ညီၣ်ဃၣ်ပှၤလၢအတၢ်ကမၣ်တအိၣ်ဘၣ်ဒီးပျၢ်ဖျဲးပှၤတတီ တလိၤန့ၣ်, မ့ၢ်တၢ်လီၤသးဟ့လၢယွၤအမဲာ်ညါခံမံၤလိာ်လီၤ.

တၢ်ကတိၤဒိ. 17:15 Iomraidhean Croise

လံာ်စီၤပၤအခီၣ်ထံးတဘ့ၣ် 21:13

လၢကမျၢၢ်အမဲာ်ညါန့ၣ်ပှၤအၢပှၤသီခံဂၤအုၣ်အသးထီဒါစီၤနၤ ဘိးလၢအဆိၣ်အၢကစၢ်ယွၤဒီးစီၤပၤန့ၣ်လီၤ. ဒီးလၢတၢ်န့ၣ်အဃိအဝဲဘၣ်တၢ်ထုးထီၣ်ကွံာ်အီၤဆူ ဝ့ၢ်အချၢဒီးကွံာ်သံကွံာ်အီၤလၢလၢၢ်န့ၣ်လီၤ.

စံးထီၣ်ပတြၢၤ 94:21

အဝဲသ့ၣ်ကူၣ်ထီဒါသကိးပှၤတီပှၤလိၤ ဒီးစံၣ်ညီၣ်ပှၤလၢ အတၢ်ဒဲးဘးတအိၣ်ဘၣ်လၢတၢ်သံန့ၣ်လီၤ.

လံာ်တၢ်ဟးထီၣ်ကွံာ် 23:7

ဒုးအိၣ်ထီၣ်တၢ်ပာ်ဒ့ၣ်ပာ်ကမၣ်တတီတလိၤတဖၣ်တဂ့ၤ. ဒီးမၤသံပှၤလၢအတၢ်ကမၣ်တအိၣ်ဘၣ်တဂၤတဂ့ၤ. အဂ့ၢ်ဒ်အံၤ, ယကစံၣ်ညီၣ်ဃၣ်ပှၤတဂၤလၢ်လၢ်လၢအမၤ တၢ်အၢတၢ်သီဒ်န့ၣ်အသိးလီၤ.

တၢ်ကတိၤဒိ. 11:1

ယွၤသးဟ့ပှၤလၢအသူစီၤပီၢ်လီတၢ်တဖၣ်လီၤ. မ့မ့ၢ်စီၤပီၢ်သၣ်အတီတဖၣ်န့ၣ်, မ့ၢ်အတၢ်သးခုလီၤ.

တၢ်ကတိၤဒိ. 15:8

ဖဲပှၤအဂ့ၤတဖၣ်ဘါထုကဖၣ်တၢ်န့ၣ်ယွၤသးခုဝဲလီၤ. မ့မ့ၢ်ပှၤအၢပှၤသီတဖၣ်အတၢ်လုၢ်တၢ်ပာ်တဖၣ်လၢအဟဲစိာ်ဝဲန့ၣ်, ယွၤသးဟ့အီၤလီၤ.

တၢ်ကတိၤဒိ. 17:26

တၢ်မၢပှၤလၢအတၢ်ကမၣ်တအိၣ်တဂၤလိးက့ၤစ့န့ၣ်တဘၣ်ဘၣ်. တၢ်စံၣ်ညီၣ်တီဘၣ်တၢ်ဘိးကဒါကွံာ်အီၤဖဲပှၤအဂ့ၤတဖၣ်ဘၣ်တၢ် စံၣ်ညီၣ်အီၤလီၤ.

တၢ်ကတိၤဒိ. 18:5

တၢ်ကွၢ်မဲာ်ပှၤမၤကမၣ်တၢ်ဒီးတၢ်တြီဃာ်ပှၤလၢအတၢ်ကမၣ် တအိၣ်ဘၣ်တဂၤလၢကဒိးန့ၢ်တၢ်စံၣ်ညီၣ်တီအဂီၢ်န့ၣ်, မ့ၢ်တၢ်လၢအတဘၣ်ဘၣ်လီၤ.

တၢ်ကတိၤဒိ. 31:5

ဖဲအဝဲသ့ၣ်အီတၢ်ဒီး, အဝဲသ့ၣ်သးပ့ၤနီၣ်ကွံာ်တၢ်သိၣ်တၢ်သီ တဖၣ်ဒီးကွၢ်ကပာ်ကွံာ်ပှၤလၢအလိၣ်ဘၣ်တၢ်မၤစၢၤတဖၣ်အခွဲး အယာ်န့ၣ်လီၤ.

တၢ်ကတိၤဒိ. 6:16

တၢ်အိၣ်ဝဲဒၣ်နွံမံၤလၢယွၤသးဟ့ဒီးသးဘၣ်အၢအီၤန့ၣ်လီၤ.

လံာ်ယၡါယၤ 5:20

သုဘၣ်တၢ်စံၣ်ညီၣ်ဃါမနၤလီၤ. သုကိးတၢ်အၢတၢ်သီလၢ တၢ်ဂ့ၤ, ဒီးတၢ်ဂ့ၤလၢတၢ်အၢတၢ်သီလီၤ. သုဘိးကဒါတၢ်ခံးဆူတၢ်ကပီၤဒီးတၢ်ကပီၤဆူတၢ်ခံးလီၤ. တၢ်အခၣ်န့ၣ်သုဒုးကဲထီၣ်အီၤလၢတၢ်အဆၢ, ဒီးတၢ်လၢအဆၢန့ၣ် သုမၤခၣ်အီၤလီၤ.

လံာ်ယၡါယၤ 5:23

ဘၣ်ဆၣ်, ထဲလၢခိၣ်ဖးတခါအဃိသုပျဲပူၤပှၤလၢအတၢ်ကမၣ် အိၣ်တဖၣ်, ဒီးသုတြီဃာ်ပှၤလၢအတၢ်ကမၣ်တအိၣ်ဒ်သိး အသုတန့ၢ်ဘၣ်တၢ်စံၣ်ညီၣ်တီတဂ့ၤအဂီၢ်လီၤ.

လံာ်သးသယုၢ်တၢ် 3:35

သ့ၣ်ညါဝဲဖဲတၢ်ခွဲးတၢ်ယာ်လၢအဟ့ၣ်လီၤပှၤတဖၣ်ဘၣ်တၢ်သမၢအီၤ န့ၣ်လီၤ.

လံာ်ယဃ့းစက့လး 13:19

သုမၤဟးဂီၤယလၤကပီၤလၢယပှၤဂီၢ်မုၢ်အမဲာ်ညါဒ်သိးဒီးသု ကမၤန့ၢ်ဘုမုယီၤစှၤစှီၤဒီးကိၣ်စှၤလိၣ်အဂီၢ်န့ၣ်လီၤ. သုမၤသံ ပှၤဂီၢ်မုၢ်လၢအတကြၢးဘၣ်သံဒီးသုပာ်မူပှၤဂီၢ်မုၢ်လၢအတကြၢး မူဘၣ်ဝဲန့ၣ်လီၤ. ဒီးသုတဲယပှၤဂီၢ်မုၢ်လၢတၢ်လီတၢ်ဝ့ၤတဖၣ်ဒီးအဝဲသ့ၣ်နာ်သု န့ၣ်လီၤ.”

လံာ်ဧၤမိၣ် 5:12

ယသ့ၣ်ညါသုတၢ်ဒဲးဘးတဖၣ်အၢဝဲသီ ဝဲဆံးဒိၣ်လဲၣ်ဒီးသုမၤတ့ၢ်တၢ်သရူးကမၣ်တဖၣ်ဆံးအါလဲၣ်န့ၣ် လီၤ. သုမၤအၢမၤနးပှၤတီပှၤလိၤ, ဟံးန့ၢ်ခိၣ်ဖးလာ်ဆှိးတဖၣ်ဒီး တြီပှၤဖှီၣ်ဖိယာ်ဖိလၢအကဒိးန့ၢ်တၢ်စံၣ်ညီၣ်တီလၢကွီၢ် ဘျီၣ်တဖၣ်အပူၤန့ၣ်လီၤ.

လံာ်ဧၤမိၣ် 5:7

သုဝဲလၢအဘိးကဒါကွံာ်တၢ်တီတၢ်လိၤဆူတၢ်အခၣ်ဒီးတၢၤကွံာ် တၢ်မ့ၢ်တၢ်တီဆူဟီၣ်ခိၣ်လိၤသ့ၣ်ဧၢ, သုဘၣ်တၢ်စံၣ်ညီၣ်ဃၣ်သုလီၤ.

လံာ်ဧၤမိၣ် 6:12

ကသ့ၣ်တဖၣ်ကဃ့ၢ်လၢလၢၢ်အလိၤစ့ၢ်ကီးဧါ. ပှၤကထဲၣ်ပီၣ်လဲၣ်လၢဂီၤဖံးစ့ၢ်ကီးဧါ. ဘၣ်ဆၣ်သုဘိးကဒါကွံာ်တၢ်စံၣ်ညီၣ်တီဆူတၢ်စုၣ်တၢ်ပျၢ်ဒီးတၢ် အဘၣ်ဆူတၢ်ကမၣ်လီၤ.

ရိမ့ၤ 4:5

မ့မ့ၢ်ပှၤတဂၤလၢအသန့ၤအသးလၢအတၢ်စူၢ်တၢ်နာ်, ဒီးတမ့ၢ်ဘၣ်အတၢ်ဖံးတၢ်မၤဘၣ်, လၢအနာ်ကစၢ်ယွၤလၢ အပျၢ်ကွံာ်ပှၤဂၤအတၢ်ကမၣ်န့ၣ်, အတၢ်နာ်ဝဲအံၤကစၢ်ယွၤ ပာ်သူၣ်ပာ်သးလၢအဂ့ၢ်ဒ်သိးအကပာ်တီပာ်လိၤအီၤ အဂီၢ်န့ၣ်လီၤ.

လံာ်သိၣ်လီၤသီလီၤတၢ် 25:1

ပစံးဒၣ်ကလိာ်, ပှၤအံၣ်စရ့လးဖိခံဂၤ, လဲၤဆူကွီၢ်ဘျီၣ်ပူၤ, လၢတၢ်ကစံၣ်ညီၣ်န့ၢ်အီၤတၢ်တဘၣ်လိာ်ဖိးဒ့အကွီၢ်တမံၤအဂီၢ်ဒီး, တၢ်ကပာ်ဖျါထီၣ်လၢပှၤတဂၤအတၢ်ကမၣ်တအိၣ်ဘၣ်, ဒီးပှၤအဂၤတဂၤအတၢ်ကမၣ်အိၣ်ဝဲန့ၣ်လီၤ.

ယၤကိာ် 5:6

သုစံၣ်ညီၣ်ဒီးမၤသံကွံာ်ပှၤလၢအတၢ်ကမၣ်တအိၣ်တဖၣ်, ဒီးအဝဲသ့ၣ်တခီၣ်ဆၢသုဘၣ်.