တၢ်ကတိၤဒိ. 17:13 - Sgaw Karen Common Bible

¹³ နမ့ၢ်ဟ့ၣ်ကၣ်တၢ်အၢလၢတၢ်ဂ့ၤအဂီၢ်န့ၣ်, နထုးထီၣ်ကွံာ်တၢ်အၢတၢ်သီလၢနဟံၣ်ပူၤတသ့နီတဘျီဘၣ်.

တၢ်ကတိၤဒိ. 17:13 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:10

ခဲကနံၣ်အံၤ, လၢစိၤကိးစိၤဒဲးအပူၤ, နစၢၤနသွဲၣ်တနီၤကသံဝဲလၢတၢ်သံဆူၣ်သံစိးတမံၤ, မ့ၢ်လၢနတစူၢ်ယၤဘၣ်ဒီးနဟံးန့ၢ်စီၤအူၤရံယၤအမါ အဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 21:22

နပှၤဟံၣ်ဖိဃီဖိကကဲထီၣ်ဒ်စီၤနဘးအဖိခွါစီၤပၤစီၤယၤရၤ ဘၣ်အဟံၣ်ဖိဃီဖိအသိးဒီးဒ်စီၤအဃံယၤအဖိခွါစီၤပၤစီၤဘါ ၡၤအဟံၣ်ဖိဃီဖိအသိး, မ့ၢ်လၢနထိၣ်ဂဲၤထီၣ်ယတၢ်သးဒိၣ်ထီၣ်ခီဖျိနဆှၢဃီၤပှၤအံၣ် စရ့လးဖိဆူတၢ်ဒဲးဘးအပူၤအဃိလီၤ.

စံးထီၣ်ပတြၢၤ 35:12

အဝဲသ့ၣ်ဟ့ၣ်ဆၢက့ၤယၤတၢ်အၢလၢတၢ်ဂ့ၤအဂီၢ် ဒီးယသးဘၣ်နးဘၣ်ဖှီၣ်လီၤ.

စံးထီၣ်ပတြၢၤ 38:20

ပှၤလၢအဟ့ၣ်ဆၢက့ၤယၤ တၢ်အၢလၢတၢ်ဂ့ၤအဂီၢ်တဖၣ်န့ၣ် ထီဒါယၤ, မ့ၢ်လၢယဂုာ်ကျဲးစၢးမၤတၢ်ဂ့ၤအဃိလီၤ.

တၢ်ကတိၤဒိ. 13:21

တၢ်ကီတၢ်ခဲလူၤပိာ်ထွဲပှၤတၢ်ဒဲးဘးဖိတဖၣ်အခံသကုၤဆးဒးလီၤ. မ့မ့ၢ်ပှၤတီပှၤလိၤတဖၣ်ကဘၣ်တၢ်ဟ့ၣ်ဘျုးက့ၤအီၤလၢတၢ်ဂ့ၤ တဖၣ်လီၤ.

လံာ်မးသဲ 27:25

ပှၤဂီၢ်မုၢ်ခဲလၢာ်စံးဆၢဝဲ, “မ်အသွံၣ်ကလီၤတီဒၣ်ဝဲလၢပဝဲဒီးလၢ ပဖိပလံၤအဖီခိၣ်န့ၣ်တက့ၢ်.”

လံာ်မးသဲ 27:5

စီၤယူဒၤကွံာ်လီၤအစ့အဘ့ၣ်တဖၣ်လၢတၢ်လုၢ်ဟံၣ်အပူၤ, ဒီးဟးထီၣ်ကွံာ်ဖဲန့ၣ်လီၤ. တုၤနုၤတစုအဝဲဟးထီၣ်ကွံာ်ဝဲဆူတၢ်ချၢ, ဒီးလဲၤစၢသံလီၤအသးလီၤ.

ရိမ့ၤ 12:17

ပှၤတဂၤဂၤမ့ၢ်မၤအၢသုဒီး, တဘၣ်မၤဆၢအီၤလၢတၢ်အၢတ ဂ့ၤ. ကျဲးစၢးမၤတၢ်လၢပှၤခဲလၢာ်ဆိကမိၣ်ဝဲလၢအမ့ၢ်တၢ်ဂ့ၤ န့ၣ်တက့ၢ်.

၁ သ့းစၤလနံ 5:15

ပာ်သူၣ်ပာ်သးဒ်သိးပှၤသုတမၤဆၢတၢ်အၢလၢတၢ်အၢနီတဂၤတဂ့ၤ, မ့မ့ၢ်ကိးဆၢကတီၢ်ဒဲးန့ၣ်, အိၣ်ဒီးတၢ်တိာ်ပာ်လၢသုကမၤဂ့ၤလိာ်သုသးတဂၤဒီးတဂၤ, ဒီးသုကမၤဂ့ၤပှၤကိးဂၤဒဲးန့ၣ်တက့ၢ်.

၁ ပ့းတရူး 3:9

ဟ့ၣ်ကၣ်တၢ်အၢလၢတၢ်အၢ, မ့တမ့ၢ်တၢ်ဆိၣ်အၢလၢတၢ်ဆိၣ် အၢတဂ့ၤ. မ့မ့ၢ်, ဟ့ၣ်ဆၢက့ၤလၢတၢ်ဆိၣ်ဂ့ၤန့ၣ်တက့ၢ်. အဂ့ၢ်ဒ်လဲၣ်န့ၣ်, တၢ်ဆိၣ်ဂ့ၤမ့ၢ်တၢ်လၢကစၢ်ယွၤအၢၣ်လီၤတ့ၢ်လၢကဟ့ၣ်သုဖဲ အဝဲကိးန့ၢ်သုအခါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:4

စီၤယိနၤသၣ်စံးပတြၢၤစီၤဒၤဝံးလၢစီၤစီလူးအမဲာ်ညါဒီး စံးဘၣ်အီၤ, “တၢ်ဒိၣ်ဧၢ, မၤကမၣ်နခ့နပှၤစီၤဒၤဝံးတဂ့ၤ. အဝဲတမၤကမၣ်တ့ၢ်နၤနီတမံၤဘၣ်. မ့မ့ၢ်တခီ, ကယဲၢ်တၢ်ကိးမံၤလၢအမၤတ့ၢ်ဝဲန့ၣ်ကဲထီၣ်တၢ်မၤစၢၤဖးဒိၣ်လၢ နဂီၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:17

အန့ၣ်ဝံၤဒီးအဝဲစံးဘၣ်စီၤဒၤဝံး, “နတၢ်ဘၣ်ဒီးယတၢ်ကမၣ် လီၤ. နဂ့ၤလၢယဖီခိၣ်ဒိၣ်မး, ဖဲယမၤတ့ၢ်တၢ်ကမၣ်လၢနဖီခိၣ်ဒ်န့ၣ် အသိးအခါလီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:21

စီၤဒၤဝံးဆိကမိၣ်တ့ၢ်ဝဲ, “ဘၣ်မနုၤယဒီဒၣ်အိၣ်ပှိၤတ့ၢ်ပှၤတဂၤန့ၣ် အတၢ်စုလီၢ်ခီၣ်ခိၣ်လၢပှၢ်မုၢ်ကနၢအပူၤအံၤထီဘိန့ၣ်လဲၣ်. တၢ်ဘၣ်ဃးဒီးအီၤတဘၣ်တၢ်ဟုၣ်အီၤနီတမံၤမံၤဘၣ်. ဒီးတၢ်အံၤမ့ၢ်တၢ်အဘူးအလဲလၢအဟ့ၣ်ဆၢက့ၤဝဲလၢတၢ်မၤစၢၤလၢ ယဟ့ၣ်တ့ၢ်အီၤအဂီၢ်န့ၣ်ဧါ.