တၢ်ကတိၤဒိ. 17:12 - Sgaw Karen Common Bible

¹² တၢ်သဂၢၢ်ဘၣ်တၤသူမိၢ်တဒုလၢပှၤဟုၣ်န့ၢ်အဖိတဖၣ်န့ၣ်ဂ့ၤန့ၢ် ဒိၣ်န့ၢ်ဒံးတၢ်သဂၢၢ်ဘၣ်ပှၤဟးဂီၤဖိတနီၤလၢအတၢ်မၤအါဝဲဒၣ် လၢတၢ်မၤတဂိာ်တသီၣ်ဘၣ်တဖၣ်တက့ၢ်လီၤ.

တၢ်ကတိၤဒိ. 17:12 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 17:8

နသ့ၣ်ညါလၢနပၢ်စီၤဒၤဝံးဒီးအပှၤတဖၣ်န့ၣ်, မ့ၢ်ပှၤဒုးတၢ်ဆူၣ်မးတဖၣ်ဒီးအဝဲသ့ၣ်တဖၣ်န့ၣ်လီၤပျံၤလီၤဖုးမး ဒ်တၤသူမိၢ်တဒုလၢတၢ်ဂုာ်န့ၢ်ကွံာ်အဖိတဖၣ်အသိးန့ၣ်လီၤ. နပၢ်မ့ၢ်ပှၤသုးဖိတဂၤလၢအတၢ်လဲၤခီဖျိအါမးဒီးတအိၣ်ဆိးဘၣ်ဒီး အသုးဖိသံၣ်ဖိတဖၣ်လၢမုၢ်နၤအကတီၢ်န့ၣ်ဘၣ်.

လံာ်စီၤပၤခံဘ့ၣ်တဘ့ၣ် 2:24

စီၤအလံၤၡါဃၣ်တရံးအသးဒီးကွၢ်ဒီးဆိၣ်အၢအီၤလၢယွၤအမံၤ အပူၤန့ၣ်လီၤ. တုၤနုၤတစု, တၤသူမိၢ်ခံဒုဟဲထီၣ်လၢသ့ၣ်ပှၢ်အကျါဒီးအ့ၣ် ဖှီလီၤကလဲကွံာ်ဖိသၣ်ပိာ်ခွါလွံၢ်ဆံခံဂၤန့ၣ်လီၤ.

တၢ်ကတိၤဒိ. 17:11

တၢ်သံကဟဲဝဲဒၣ်ဒ်ပှၤစိာ်တၢ်ကစီၣ်အအၢတဂၤအသိးဆူပှၤ တတီတလိၤတဖၣ်လၢအထိၣ်ဟူးထိၣ်ဂဲၤထီၣ်တၢ်ကီတၢ်ခဲ တဘိယူၢ်ဃီန့ၣ်လီၤ.

တၢ်ကတိၤဒိ. 27:3

လၢၢ်ဧိၤလ့ဧိၤဒီးမဲးဧိၤဟီၣ်ဧိၤအတၢ်ဃၢတၢ်စုာ်န့ၣ်တုၤအဘၣ် တၢ်ထိၣ်သတြီၤအီၤဒီးတၢ်ကိၢ်တၢ်ဂီၤလၢတၢ်သူၣ်တထံသးတဆးဒုး အိၣ်ထီၣ်သ့န့ၣ်, တမ့ၢ်တၢ်နီတမံၤဘၣ်.

တၢ်ကတိၤဒိ. 28:15

လၢပှၤတတီတလိၤအတၢ်ပၢအဖီလာ်န့ၣ်, ပှၤဖှီၣ်ဖိယာ်ဖိတဖၣ်မၤစၢၤလီၤက့ၤအသးတသ့နီတမံၤဘၣ်. အဝဲလီၤပျံၤလီၤဖုးဒ်ခ့ယုၢ်တဒုလၢအကညီၤထီၣ်ရုၢ်ရုၢ်အသိး ဒီးဒ်တၤသူတဒုလၢအဟးဝ့ၤဝီၤစီၤတၢ်အသိးလီၤ.

တၢ်ကတိၤဒိ. 29:9

ဖဲပှၤအိၣ်ဒီးတၢ်သူၣ်ဆးသးဆးတဂၤလိာ်ကွီၢ်ထီဒါတၢ်ဒီးပှၤ အမၢးတဂၤန့ၣ်, ပှၤအမၢးဖိနံၤဒၣ်အတၢ်ဒၣ်ဝဲ, ကတိၤထီၣ်တၢ်သီၣ်ဒိၣ်သီၣ်သွါဒီးရၢၢ်ရၢၢ်စၢၢ်စၢၢ်န့ၣ်လီၤ.

လံာ်ဟိၤၡ့ 13:8

ယကဒုးနၤဒ်တၤသူမိၢ်တဒုလၢအဖိတဖၣ်ဟါမၢ်ကွံာ်အသိးဒီးအ့ၣ်ဖှီ ကွံာ်နၤလီၤ. ဒ်ခ့ယုၢ်တဒုအသိးယကအ့ၣ်ကွံာ်နၤတဘျီဃီ, ဒီးယကဖှီကွံာ်နၤဆူအက့အခီတဖၣ်ဒ်ဆၣ်ဖိကီၢ်ဖိအမံၤတဒု အသိးန့ၣ်လီၤ.

လံာ်မးသဲ 2:16

တုၤစီၤပၤဟ့ၤရိာ်သ့ၣ်ညါလၢပှၤ ကူၣ်ဘၣ်ကူၣ်သ့လၢကီၢ်မုၢ်ထီၣ်တဖၣ်လီန့ၢ်အီၤလံဒီး, အသးဒိၣ်ထီၣ်ဒိၣ်ဒိၣ်ကလဲာ်ဒီးမၢလီၤပှၤဒ်သိးအကလဲၤမၤသံဖိ သၣ်ပိာ်ခွါလၢအသးအိၣ်ခံနံၣ်ဒီးခံနံၣ်အဖီလာ်ခဲလၢာ်လၢ အအိၣ်လၢဝ့ၢ်ဘ့ၤသလ့ဃ့ၣ်ဒီးအခိၣ်အဃၢၤတဖၣ်လီၤ. အဝဲမၤတၢ်အံၤဒ်ပှၤကူၣ်ဘၣ်ကူၣ်သ့တဖၣ်အတၢ်ဒုးသ့ၣ်ညါအီၤဘၣ် ဃးဆၣ်အတၢ်ဟဲအိၣ်ဖျါထီၣ်အဆၢကတီၢ်အသိးန့ၣ်လီၤ.