တၢ်ကတိၤဒိ. 17:10 - Sgaw Karen Common Bible

¹⁰ ပှၤသူၣ်ဆးသးဆးတဂၤမၤလိန့ၢ်တၢ်ခီဖျိတၢ်သိၣ်ဃီၣ်တထံၣ်ဒိၣ် န့ၣ်ဒံးပှၤဟးဂီၤဖိတဂၤမၤလိန့ၢ်တၢ်ခီဖျိတၢ်တီၢ်အီၤအဘီ တကယၤတက့ၢ်လီၤ.

တၢ်ကတိၤဒိ. 17:10 Iomraidhean Croise

စံးထီၣ်ပတြၢၤ 141:5

မ်ပှၤအတီအလိၤတီၢ်ယၤ မ့တမ့ၢ်သိၣ်ဃီၣ်ယၤလၢ တၢ်သးကညီၤအပူၤန့ၣ်တက့ၢ်. မ်ပှၤအအၢအသီအသိအသုတဘၣ်တၢ်ဖှူအီၤလၢ ယခိၣ်နီတဘျီတဂ့ၤ. အဂ့ၢ်ဒ်အံၤ, ယထုကဖၣ်တၢ်ထီဒါ အတၢ်အၢတၢ်သီတဘိယူၢ်ဃီန့ၣ်လီၤ.

တၢ်ကတိၤဒိ. 13:1

ဖိခွါလၢအကူၣ်တၢ်သ့န့ၣ်ပာ်သူၣ်ပာ်သးသပှၢ်ပှၢ်ဖဲအပၢ်သိၣ်က့ၤ သီက့ၤအီၤန့ၣ်လီၤ. မ့မ့ၢ်ပှၤလၢအပာ်ထီၣ်ထီအသးန့ၣ်, တအၢၣ်လီၤအတၢ်ကမၣ်နီတစုဘၣ်.

တၢ်ကတိၤဒိ. 15:5

တၢ်တပာ်ကဲတၢ်လၢနပၢ်သိၣ်လိသီလိနၤန့ၣ်မ့ၢ်တၢ်ဟးဂီၤလီၤ. တၢ်တူၢ်လိာ်အတၢ်သိၣ်က့ၤသီက့ၤန့ၣ်မ့ၢ်တၢ်ကူၣ်သ့လီၤ.

တၢ်ကတိၤဒိ. 17:11

တၢ်သံကဟဲဝဲဒၣ်ဒ်ပှၤစိာ်တၢ်ကစီၣ်အအၢတဂၤအသိးဆူပှၤ တတီတလိၤတဖၣ်လၢအထိၣ်ဟူးထိၣ်ဂဲၤထီၣ်တၢ်ကီတၢ်ခဲ တဘိယူၢ်ဃီန့ၣ်လီၤ.

တၢ်ကတိၤဒိ. 17:9

နမ့ၢ်အဲၣ်ဒိးပှၤဘၣ်အသးလၢနၤဒီးဖဲအမၤကမၣ်နၤန့ၣ်ပျၢ် အတၢ်ကမၣ်တက့ၢ်. တၢ်သ့ၣ်နီၣ်ထီၣ်တၢ်ကမၣ်တဖၣ်န့ၣ်, မၤလီၤဖးတၢ်ဒီတံၤဒီသကိးသ့ဝဲလီၤ.

တၢ်ကတိၤဒိ. 19:25

ပှၤပာ်ထီၣ်ထီအသးတဖၣ်န့ၣ်, ကြၢးဘၣ်တၢ်စံၣ်ညီၣ်အီၤဒ်သိး, ပှၤလၢအတသ့ၣ်ညါတၢ်အါန့ၢ်အဝဲသ့ၣ်တဖၣ်ကမၤလိန့ၢ်တၢ်မၤလိ တမံၤန့ၣ်လီၤ. နမ့မ့ၢ်ပှၤကူၣ်သ့ဒီး, ဖဲတၢ်သိၣ်က့ၤသီက့ၤနၤန့ၣ်နကမၤလိတၢ်လီၤ.

တၢ်ကတိၤဒိ. 27:22

နမ့ၢ်ဒိတီၢ်ပှၤအမၢးတဂၤတုၤအသံတယူာ်ဘၣ်အသးဒၣ်လဲာ်န့ၣ်, နဒိတီၢ်ထုးထီၣ်ကွံာ်အတၢ်မၢးလၢအပူၤတန့ၢ်ဒံးဘၣ်.

တၢ်ကတိၤဒိ. 29:19

နသိၣ်ဂ့ၤသီဘၣ်တၢ်ခ့တၢ်ပှၤတဂၤထဲလၢတၢ်ကတိၤတဖၣ်ဧိၤန့ၣ်တသ့ ဘၣ်. ဘၣ်သ့ၣ်သ့ၣ်ကနၢ်ပၢၢ်ဝဲလီၤ. ဘၣ်ဆၣ်ဒီးတပာ်လ့ၤပာ်ကါဝဲဘၣ်.

လံာ်လီၣ်ဖျါ 3:19

ပှၤလၢယအဲၣ်န့ၣ်, ယသိၣ်ဃီၣ်သီဃီၣ်, ဒီးစံၣ်ညီၣ်အီၤကိးဂၤဒဲးလီၤ. လၢတၢ်န့ၣ်အဃိ, ပာ်နသးသပှၢ်ပှၢ်, ဒီးဃၣ်ကွံာ်လၢနတၢ်ဒဲးတူာ်ဒဲးဘးတဖၣ်န့ၣ်တက့ၢ်.