တၢ်ကတိၤဒိ. 16:9 - Sgaw Karen Common Bible

⁹ နမၤနတၢ်ကူၣ်တၢ်ကျဲၤဒၣ်နဲသ့လီၤ. ဘၣ်ဆၣ်ဒီးယွၤနဲၣ်နတၢ်ဖံး တၢ်မၤတဖၣ်လီၤ.

တၢ်ကတိၤဒိ. 16:9 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 22:7

ကစၢ်ယွၤသူတၢ်လဲၤအိၣ်သကိးစီၤယဟိရၣ်အံၤဒ်ကျဲလၢကကဲထီၣ် စီၤအဃၤစယၤအတၢ်ဟးဂီၤအဂီၢ်န့ၣ်လီၤ. ဖဲစီၤအဃၤစယၤအိၣ်ဝဲဖဲန့ၣ်အခါန့ၣ်, အဝဲဒီးစီၤယဟိရၣ်ဘၣ် ကွၢ်ဆၢၣ်မဲာ်လိာ်အသးဒီးပှၤတဂၤလၢအမံၤမ့ၢ်ဝဲစီၤယ့ၤဟူ, လၢအမ့ၢ်စီၤနံၣ်ၡံၤအဖိခွါ, ပှၤတဂၤလၢယွၤဃုထၢတ့ၢ်အီၤလၢ ကမၤဟးဂီၤကွံာ်စီၤအၤဃာ်အစၢၤအသွဲၣ်အတၢ်ပၢအစိၤန့ၣ်လီၤ.

စံးထီၣ်ပတြၢၤ 37:23

ယွၤနဲၣ်လိပှၤကညီအကျဲလၢကဘၣ်လဲၤဝဲ ဒီးကဟုဘံၣ်ကယာ်ဘၢပှၤလၢ အမၤမုာ်အသးန့ၣ်လီၤ.

တၢ်ကတိၤဒိ. 16:1

ပကအိၣ်ဒီးပတၢ်ကူၣ်တၢ်တိာ်တဖၣ်လီၤ. ဘၣ်ဆၣ်ဒီးတၢ်စံၣ်ညီၣ်တဲာ်အိၣ်ဒီးကစၢ်ယွၤလီၤ.

တၢ်ကတိၤဒိ. 16:8

တၢ်အိၣ်ဒီးတၢ်တစဲးဖိလၢတၢ်မၤန့ၢ်အီၤလၢတၢ်တီတၢ်လိၤအပူၤ န့ၣ်, ဂ့ၤဒိၣ်န့ၢ်ဒံးတၢ်အိၣ်ဒီးတၢ်အါလၢတၢ်မၤန့ၢ်အီၤလၢတၢ်တတီ တလိၤအပူၤတက့ၢ်န့ၣ်လီၤ.

တၢ်ကတိၤဒိ. 19:21

ပှၤကတိာ်ကကျဲၤကယဲၢ်တၢ်ကိးအကလုာ်ဒဲးဘၣ်ဆၣ်ဒီးယွၤအတၢ်ဘၣ် အသးန့ၣ်ကကဲထီၣ်လိၣ်ထီၣ်ဝဲဒၣ်လီၤ.

တၢ်ကတိၤဒိ. 20:24

ယွၤပာ်လီၤဃာ်လံပကျဲလီၤ. မ့မ့ၢ်ဒ်န့ၣ်ဒီး, ပှၤတဂၤဂၤနၢ်ပၢၢ်ဒီးပာ်လီၤအတၢ်အိၣ်မူအတၢ်ပညိၣ်ကသ့ဒ်လဲၣ်.

တၢ်ကတိၤဒိ. 21:1

ယွၤပၢၤဃာ်စီၤပၤတဂၤအတၢ်ကူၣ်တၢ်ဆိကမိၣ်ညီထဲသိးသိး အဝဲနဲၣ်ထံကျိဖိအကျိၤအသိးန့ၣ်လီၤ.

တၢ်ကတိၤဒိ. 21:30

ယွၤမ့ၢ်ထီဒါနၤဒီး, ပှၤကညီအတၢ်ကူၣ်သ့, အတၢ်သ့တုာ်, အတၢ်ထံၣ်တၢ်လၢသးတဖၣ်ကဲထီၣ်တၢ်မၤစၢၤတသ့ဘၣ်နီ တမံၤဘၣ်.

လံာ်ယၡါယၤ 46:10

လၢထံးလၢသီလံၤလံၤယကတိၤဆိပာ်တ့ၢ်တၢ်လၢ အကကဲထီၣ်လိၣ်ထီၣ်ဝဲ, ဒီးလၢပျၢၤလံၤလံၤယတဲတ့ၢ်ပာ်စၢၤတၢ်လၢအကမၤအသးလီၤ. ယစံးတ့ၢ်လၢယတၢ်ကူၣ်ကျဲၤတဖၣ်တကဲထီၣ်ဒီးတအိၣ်ဘၣ်နီ တဘျီဘၣ် ဒီးယကမၤတၢ်ခဲလၢာ်လၢယတိာ်သူၣ်ပာ်သးလၢယကမၤအီၤန့ၣ်လီၤ.

လံာ်ယံးရမံယၤ 10:23

ယွၤဧၢ, ယသ့ၣ်ညါလၢပှၤကညီတပၢဘၣ်အနီၢ်ကစၢ်ဒၣ်ဝဲ အတၢ်အိၣ်မူအကျဲနီတဂၤဘၣ်. ပှၤတပၢၤဃာ်ဘၣ်အနီၢ်ကစၢ်ဒၣ်ဝဲအသးသမူ နီတဂၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 9:16

“ခဲမုၢ်ဆ့ၣ်လၢအဆၢကတီၢ်ဒ်အံၤန့ၣ်, ယကဆှၢလီၤပှၤတဂၤလၢစီၤ ဘံၣ်ယၤမံၣ်အဒူၣ်ဆူနအိၣ်လီၤ. ဖှူအီၤဒ်ယပှၤဂီၢ်မုၢ်အံၣ်စရ့လးအပှၤပၢတၢ်တက့ၢ်. ဒီးအဝဲဒၣ်ကအုၣ်က့ၤခီၣ်က့ၤအဝဲသ့ၣ်လၢပှၤဖလ့ၡသးဖိတဖၣ်အစု ပူၤလီၤ. ယထံၣ်ဘၣ်တ့ၢ်ယပှၤဂီၢ်မုၢ်အတၢ်နးတၢ်ဖှီၣ်ဒီးနၢ်ဟူ တ့ၢ်အဝဲသ့ၣ်အတၢ်ကိးထီၣ်လၢတၢ်မၤစၢၤအဂီၢ်လီၤ.”