တၢ်ကတိၤဒိ. 16:32 - Sgaw Karen Common Bible

³² တၢ်ဝံသးစူၤဂ့ၤဒိၣ်န့ၢ်တၢ်ဂံၢ်ဆူၣ်ဘါဆူၣ်တက့ၢ်လီၤ. တၢ်မၤနၢၤဒီးတၢ်ပၢၤနသးဒၣ်နဲန့ၣ်ဂ့ၤဒိၣ်န့ၣ်ဒံးတၢ်ပၢၤ ဝ့ၢ်ဒီဝ့ၢ်တက့ၢ်လီၤ.

တၢ်ကတိၤဒိ. 16:32 Iomraidhean Croise

လံာ်စီၤပၤခံဘ့ၣ်တဘ့ၣ် 5:12

လၢန့ၣ်အမဲာ်ညါ, လၢပအိၣ်ပဆိးအလီၢ်လၢဝ့ၢ်ဒၤမ့ၤစ့းန့ၣ်, ထံကျိတဖၣ်လၢအမ့ၢ်ထံကျိအဘၤနါ, ဒီးဖၢ်ပၢ်တဂ့ၤဒိၣ်န့ၢ်ဒံး ထံကျိတဘိဘိလၢကီၢ်အံၣ်စရ့လးအပူၤန့ၣ်ဘၣ်ဧါ. ယလုၣ်ထံလၢထံကျိတဖၣ်န့ၣ်အပူၤဒီးဘျါက့ၤသ့ဝဲလီၤ.”

စံးထီၣ်ပတြၢၤ 103:8

ယွၤသူၣ်ကညီၤသးကညီၤတၢ်ဒီး သူၣ်အိၣ်သးအိၣ်တၢ်, အသးထီၣ်ကီဒီးအတၢ်အဲၣ်ဂၢၢ်ကျၢၤ အိၣ်ဝဲအါမးလီၤ.

တၢ်ကတိၤဒိ. 14:29

နမ့ၢ်အိၣ်ခုၣ်ခုၣ်မုာ်မုာ်ဒီးနမ့ၢ်ပှၤကူၣ်သ့လီၤ. ဘၣ်ဆၣ်နမ့ၢ်အိၣ်ဒီးတၢ်သးထီၣ်ကဲၤန့ၣ်, နပာ်ဖျါထီၣ်ဒၣ်လၢနမ့ၢ် ပှၤအမၢးထဲလဲၣ်ထဲလဲၣ်န့ၣ်လီၤ.

တၢ်ကတိၤဒိ. 15:18

တၢ်သးကဲၤထီၣ်ဒုးအိၣ်ထီၣ်တၢ်ဂ့ၢ်လိာ်ဘှီလိာ်တဖၣ်လီၤ. မ့မ့ၢ်, တၢ်ဝံသးစူၤဟဲစိာ်တၢ်ဃူတၢ်ဖိးလီၤ.

တၢ်ကတိၤဒိ. 16:19

တၢ်ဆီၣ်လီၤသးဒီးတၢ်အိၣ်ဖှီၣ်အိၣ်ယာ်န့ၣ်ဂ့ၤဒိၣ်န့ၢ်ဒံးတၢ် ကဲထီၣ်ပှၤပာ်ကဖိအသးတဖၣ်အကျါတဂၤဒီးမၤန့ၢ်တၢ်ဟ့ၣ်နီၤလၢ အဝဲသ့ၣ်အတၢ်ဂုာ်န့ၢ်အကျါန့ၣ်လီၤ.

တၢ်ကတိၤဒိ. 16:31

သးသမူအထီန့ၣ်မ့ၢ်ပှၤတီပှၤလိၤအတၢ်န့ၢ်ဘျုးလီၤ. ခိၣ်သူဝါန့ၣ်မ့ၢ်တၢ်လၤကပီၤအခိၣ်သလုးလီၤ.

တၢ်ကတိၤဒိ. 16:33

ပှၤကညီတဖၣ်ကွံာ်တၢ်ဖးဒ်သိးအကသ့ၣ်ညါဘၣ်ကစၢ်ယွၤ အတၢ်ဘၣ်အသးလီၤ. ဘၣ်ဆၣ်ကစၢ်ယွၤအကစၢ်ဒၣ်ဝဲစံၣ်ညီၣ်နီၤဖးတၢ်အစၢန့ၣ်လီၤ.

တၢ်ကတိၤဒိ. 19:11

နမ့မ့ၢ်ပှၤသူၣ်ထံသးဆးန့ၣ်နကပၢၤနသးလီၤ. ဖဲပှၤတဂၤဂၤမၤကမၣ်နၤန့ၣ်, နမ့ၢ်ကွၢ်ကပာ်ကွံာ်အီၤဒီးတၢ်န့ၣ် မ့ၢ်တၢ်ဂ့ၤတၢ်ဝါဖးဒိၣ်တမံၤလီၤ.

တၢ်ကတိၤဒိ. 25:15

တၢ်မၢန့ၢ်ဆီၣ်ခံတၢ်လၢတၢ်သးစူၤအပူၤန့ၣ်မၤလီၤပှီၢ်ကွံာ်တၢ် တြီအဆူၣ်ကတၢၢ်ဒီးမၤန့ၢ်ပှၤပၢတၢ်တဖၣ်အသးဒၣ်လဲာ်သ့ဝဲလီၤ.

တၢ်ကတိၤဒိ. 25:28

နပၢၤဃးနတၢ်သူၣ်ဒိၣ်သးဖျိးမ့ၢ်တန့ၢ်ဘၣ်ဒီး, နမၤစၢၤလီၤနသးတသ့ဘၣ်ဒ်ဝ့ၢ်တဝ့ၢ်လၢအခိၣ်ဒူတအိၣ်, ဒီးအိၣ်အိးထီၣ်အသးလၢတၢ်ဟဲဒုးန့ၢ်အီၤအဂီၢ်အသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 7:8

တၢ်တမံၤမံၤအကတၢၢ်န့ၣ်ဂ့ၤဒိၣ်န့ၢ်ဒံးအတၢ်ကဲထီၣ်အခီၣ်ထံး တက့ၢ်လီၤ. တၢ်ဝံသးစူၤန့ၣ်ဂ့ၤန့ၢ်ဒံးတၢ်ပာ်ထီၣ်ထီသးတက့ၢ်လီၤ.

လံာ်ပှၤစံၣ်တဲၤတဲလီၤတၢ် 7:9

ပၢၤဃာ်နတၢ်သူၣ်ဒိၣ်သးထီၣ်တက့ၢ်. တၢ်စၢဃးပှၤဂၤအတၢ်ကမၣ်နၣ်မ့ၢ်တၢ်မၢးလီၤ.

ရိမ့ၤ 12:21

တဘၣ်ပျဲတၢ်အၢတၢ်သီမၤနၢၤသုတဂ့ၤ. မ့မ့ၢ်တခီ, မၤနၢၤတၢ်အၢလၢတၢ်ဂ့ၤန့ၣ်တက့ၢ်.

အ့းဖ့းစူး 5:1

ဒ်သုမ့ၢ်ကစၢ်ယွၤအဖိလၢအဘၣ်တၢ်အဲၣ်အီၤအသိးန့ၣ်, သုကဘၣ်ကျဲးစၢးအိၣ်မူလီၤဂာ်ဒီးအီၤလီၤ.

ယၤကိာ် 1:19

ယဒီပုၢ်ဝဲၢ်သးဘိသ့ၣ်ဧၢ, သ့ၣ်နီၣ်ထီၣ်က့ၤတၢ်အံၤတက့ၢ်. ပှၤကိးဂၤဒဲးကဘၣ်ချ့လၢတၢ်နၢ်ဟူတၢ်, ဒီးဃၢဝဲလၢတၢ်ကတိၤဒီးတၢ်သးဒိၣ်ထီၣ်န့ၣ်လီၤ.

လံာ်လီၣ်ဖျါ 3:21

ပှၤလၢအဒိးန့ၢ်ဘၣ်တၢ်မၤနၢၤတဖၣ်န့ၣ်, ယကဟ့ၣ်အီၤတၢ်ခွဲးတၢ်ယာ်လၢအကဆ့ၣ်နီၤလၢယကပၤလၢ ယလီၢ်ပစိာ်အလိၤ, ဒ်ယမၤနၢၤတ့ၢ်လံတၢ်ဒီးဆ့ၣ်နီၤဘၣ်ယဲခဲ ကနံၣ်အံၤ, လၢယပၢ်အကပၤ, လၢအဝဲဒၣ်အလီၢ်ပစိာ်အလိၤ အသိးန့ၣ်လီၤ.