တၢ်ကတိၤဒိ. 16:18 - Sgaw Karen Common Bible

¹⁸ တၢ်ပာ်ထီၣ်ထီသးန့ၣ်ဆှၢပှၤဆူတၢ်ဟးဂီၤ, ဒီးတၢ်ပာ်ကဖိသးန့ၣ်ဆူတၢ်လီၤပှီၢ်လီၤ.

တၢ်ကတိၤဒိ. 16:18 Iomraidhean Croise

လံာ်နီၢ်အ့ၤစတၢ် 3:5

တုၤစီၤဟၤမၣ်ထံၣ်သ့ၣ်ညါဘၣ်ဝဲလၢစီၤမၢ်ဒကဲၤတတီၤလီၤ ကဒွံကျိာ်ဒီးသကူးလီၤအသးလၢအမဲာ်ညါန့ၣ်အဝဲအသးဒိၣ် ထီၣ်ဒိၣ်ဒိၣ်ကလဲာ်လီၤ.

လံာ်နီၢ်အ့ၤစတၢ် 6:6

အန့ၣ်ဒီးစီၤဟၤမၣ်ဟဲနုာ်ဝဲ, ဒီးစီၤပၤစံးဘၣ်အီၤ, “ပှၤအိၣ်ဝဲတဂၤလၢယအဲၣ်ဒိးမၤလၤကပီၤအီၤဒိၣ်မးလီၤ. ယကဘၣ်မၤတၢ်မနုၤလၢပှၤတဂၤအံၤအဂီၢ်န့ၣ်လဲၣ်.” စီၤဟၤမၣ်ဆိကမိၣ်လၢအသးပူၤ, “ခဲအံၤပှၤလၢစီၤပၤအဲၣ်ဒိးမၤလၤကပီၤအီၤဒိၣ်မးန့ၣ် ကမ့ၢ်မတၤလဲၣ်. ကမ့ၢ်ဒၣ်ယၤလီၤ.”

လံာ်နီၢ်အ့ၤစတၢ် 7:10

မၤသးဒ်န့ၣ်ဒီး, စီၤဟၤမၣ်ဘၣ်တၢ်ဘျးထီၣ်အီၤလၢသ့ၣ်လၢပှၤပျၤထီသံတၢ်တကျီၣ် အလိၤလၢအဝဲမၤတ့ၢ်လၢစီၤမၢ်ဒကဲၤအဂီၢ်န့ၣ်လီၤ. တုၤနုၤတစုစီၤပၤအတၢ်သးဒိၣ်စၢ်လီၤဝဲဒၣ်န့ၣ်လီၤ.

တၢ်ကတိၤဒိ. 11:2

ပှၤလၢအပာ်ထီၣ်ထီအသးတဖၣ်န့ၣ်တယံာ်ဘၣ်ဒီးကဘၣ်တၢ်မၤမဲာ်ဆှး အီၤလီၤ. မ့မ့ၢ်တၢ်ပာ်သးဖဲအဘၣ်အဘၣ်န့ၣ်မ့ၢ်ဝဲတၢ်ကူၣ်သ့ဒိၣ် တက့ၢ်လီၤ.

တၢ်ကတိၤဒိ. 17:19

တၢ်အဲၣ်တၢ်ဒဲးဘးန့ၣ်မ့ၢ်တၢ်အဲၣ်တၢ်မၤကီမၤခဲတၢ်လီၤ. နမ့ၢ်ကတိၤဒိၣ်နကိာ်ကိးဆၢကတီၢ်ဒဲးန့ၣ်, နဃုန့ၢ်တၢ်ကီတၢ်ခဲန့ၣ်လီၤ.

တၢ်ကတိၤဒိ. 18:12

တချုးအဘၣ်တၢ်မၤဟးဂီၤအီၤဒံးဘၣ်ဒီးပှၤတဂၤပာ်ထီၣ်ထီ အသးလီၤ. မ့မ့ၢ်တၢ်ဆီၣ်လီၤသးန့ၣ်အိၣ်ဆိန့ၢ်တၢ်လၤကပီၤ တက့ၢ်လီၤ.

တၢ်ကတိၤဒိ. 29:23

တၢ်ပာ်ထီၣ်ထီသးကဟဲစိာ်န့ၢ်နၤနတၢ်ဟးဂီၤလီၤ. ဘၣ်ဆၣ်နမ့ၢ်ဆီၣ်လီၤနသးဒီး, နကဘၣ်တၢ်ပာ်ကဲနၤန့ၣ်လီၤ.

တၢ်ကတိၤဒိ. 8:13

တၢ်ပျံၤယွၤန့ၣ်မ့ၢ်တၢ်သးဟ့တၢ်အၢတၢ်သီလီၤ. ယသးဟ့တၢ်ပာ်ထီၣ်ထီသးဒီးတၢ်ပာ်ကဖၢလၢသး, ကျဲအအၢအသီတဖၣ်ဒီးတၢ်ကတိၤလီတၢ်တဖၣ်လီၤ.

လံာ်ယၡါယၤ 37:38

ဘၣ်တနံၤဖဲအဝဲဘူၣ်တၢ်ဘါတၢ်လၢအကစၢ်နံးစရိးအတၢ် လုၢ်ဟံၣ်ပူၤအဖၢမုၢ်ဒီးအဖိခွါခံဂၤလၢအမ့ၢ်ဝဲစီၤအဒြၤမ့ၤလးဒီးစီၤ ၡၢ်အ့စ့ၢ်, မၤသံကွံာ်အီၤလၢအဝဲသ့ၣ်အနးတဖၣ်, ဒီးဃ့ၢ်ပူၤဖျဲးကွံာ်ဆူ ကီၢ်အရၤရးန့ၣ်လီၤ. အဖိခွါအဂၤတဂၤလၢအမ့ၢ်ဝဲစီၤအ့ၤစၢ်ဃးဒိၣ် ကဲထီၣ်စီၤပၤဖးဒိၣ်လၢအလီၢ်န့ၣ်လီၤ.

လံာ်ယံးရမံယၤ 49:16

နတၢ်ပာ်ကဖၢလၢနသးလီန့ၢ်နၤလီၤ. ပှၤတပျံၤဘၣ်နၤနီတဂၤ, ထဲသိးနဆိကမိၣ်လၢ အဝဲသ့ၣ်ကပျံၤဝဲန့ၣ်ဘၣ်. နအိၣ်နဆိးလၢ လ့ကဘျၣ်တဖၣ်အဖီခိၣ်အိၣ်ထီၣ်ထီဝဲလၢ ကစၢၢ်ဒီခိၣ် အလိၤန့ၣ်လီၤ. ဘၣ်ဆၣ်ဒီး, နမ့ၢ်အိၣ်မ့ၢ်ဆိးထီၣ်ထီထဲသိးဒီး လံာ်ကြီကြာ်ဒၣ်လဲာ်န့ၣ်, ယွၤကထုးလီၤကွံာ်နၤလီၤ. ယွၤကတိၤလံတၢ်လံ.”

လံာ်ယံးရမံယၤ 50:32

နပှၤကလုာ်လၢ အပာ်ထီၣ်ထီအသးန့ၣ် အခီၣ်ကဘၣ်တိၢ်ဒီး ကလီၤဃံၤဝဲလီၤ. ဒီးပှၤလၢကဝံၣ်ဆၢထၢၣ်က့ၤအီၤတအိၣ် နီတဂၤဘၣ်. ယကဒွဲၣ်အူထီၣ်နဝ့ၢ်တဖၣ်လၢ မ့ၣ်အူဒီး တၢ်အိၣ်ဝးတရံးနၤခဲလၢာ်ကဘၣ်တၢ်မၤဟးဂီၤအီၤန့ၣ်လီၤ.”

လံာ်ယဃ့းစက့လး 28:17

နပာ်ထီၣ်ထီတ့ၢ်နသးလၢနက့ၢ်ဘၣ်ဂီၤဂ့ၤအဃိဒီး နတၢ်မံၤဟူသၣ်ဖျါဒုးကဲထီၣ်နၤလီၤဂာ်ဒ်ပှၤဟးဂီၤဖိ တဂၤအသိးန့ၣ်လီၤ. မ့ၢ်လၢတၢ်အံၤအဃိယတ့ၢ်လီၤကွံာ် နၤလၢဟီၣ်ခိၣ်လိၤ, ပာ်တ့ၢ်နၤဒ်တၢ်ဟ့ၣ်ပလီၢ်တမံၤအသိးလၢ စီၤပၤအဂၤတဖၣ်အဂီၢ်လီၤ.

လံာ်ယဃ့းစက့လး 29:9

ကီၢ်အဲၤကူပတူး ကကဲထီၣ်တၢ်အိၣ်ကလီအလီၢ်တပူၤလၢအဘျုး တအိၣ်ဘၣ်န့ၣ်လီၤ. အန့ၣ်ဒီးနကသ့ၣ်ညါလၢယမ့ၢ်ယွၤန့ၣ်လီၤ.

လံာ်ဒၤနံးယ့လး 11:12

ဒီးဖဲအမၤန့ၢ်ဒုၣ်ဒါအသုးမုၢ်ဖးဒိၣ်န့ၣ်အသးကထီၣ်ထီဝဲလၢ အတၢ်မၤနၢၤအဃိဒီးမၤသံကွံာ်ပှၤအကလးသ့ၣ်တဖၣ်လီၤ. ဘၣ်ဆၣ်ဒီးတမၤနၢၤတၢ်ဆူညါလၢၤဘၣ်.

လံာ်ဒၤနံးယ့လး 5:22

ဒီးအဝဲဒၣ်အဖိခွါနဲဒၣ်, စီၤဘ့ၤလၡါစၢ်ဧၢ, နသ့ၣ်ညါ တ့ၢ်တၢ်ဂ့ၢ်တဖၣ်အံၤခဲလၢာ်ဒၣ်လဲာ်န့ၣ်နတဆီၣ်လီၤတ့ၢ် ဘၣ်နသးဘၣ်.

လံာ်ဒၤနံးယ့လး 5:24

လၢတၢ်န့ၣ်အဃိကစၢ်ယွၤမၢလီၤတ့ၢ်စုတခီလၢကကွဲးတၢ်ကတိၤ တဖၣ်အံၤန့ၣ်လီၤ.

လံာ်မးသဲ 26:74

တုၤနုၤတစုစီၤပ့းတရူးစံးဝဲ, “ယဆိၣ်လီၤယသးလၢယကတိၤ တၢ်မ့ၢ်တၢ်တီလီၤ. ယမ့ၢ်တဲတၢ်လၢအတမ့ၢ်တတီဘၣ်ဒီး, မ်ကစၢ်ယွၤကစံၣ်ညီၣ်ဒၣ်ဝဲယၤတက့ၢ်. ယတသ့ၣ်ညါ ပှၤအဝဲန့ၣ်ဘၣ်.” တကီၢ်ခါဖဲန့ၣ်ဆီဖါကီၢ်အိၣ်အိထီၣ်ဝဲလီၤ.

လံာ်လူၤကၣ် 14:9

ဒီးဟံၣ်ကစၢ်လၢအကွဲသုဝဲခံဂၤလၢာ်န့ၣ်ကဟဲဆူနအိၣ်ဒီးစံးဝဲ, ‘ပျဲအဝဲဒၣ်ဟံးန့ၢ်တၢ်လီၢ်အဝဲအံၤတက့ၢ်’ န့ၣ်လီၤ. တုၤနုၤတစုနမဲာ်ကဆှးဒီးနကဘၣ်ဆ့ၣ်နီၤက့ၤနဲလၢ တၢ်လီၢ်အဖုၣ်ကတၢၢ်လီၤ.

ရိမ့ၤ 11:20

အဝဲအံၤမ့ၢ်တၢ်မ့ၢ်တၢ်တီလီၤ. အဝဲသ့ၣ်ဘၣ်တၢ်မၤကၢ်ကွံာ်အီၤမ့ၢ်လၢအတနာ်တၢ်အဃိ, မ့မ့ၢ်နအိၣ်ဂၢၢ်ဆိးကျၢၤနဲမ့ၢ်လၢနနာ်တၢ်အဃိလီၤ. ဘၣ်ဆၣ်ဒီးတဘၣ်ပာ်ကဖၢလၢနသးလၢတၢ်ဂ့ၢ်အံၤတဂ့ၤ. မ့မ့ၢ်တခီ, ပျံၤတၢ်တက့ၢ်.

၁ တံၤမသ့း 3:6

အဝဲတဘၣ်မ့ၢ်ပှၤကဲထီၣ်သီအပျဲၢ်အဘီၣ်ဘၣ်. မ့မ့ၢ်ကဘၣ်ဒိၣ်တုာ်ခိၣ်ပှဲၤလၢတၢ်စူၢ်တၢ်နာ် အပူၤ, ဒ်သိးအသုတပာ်ကဖၢလၢအသးဒီးဘၣ်တၢ်စံၣ်ညီၣ် အီၤဒ်မုၣ်ကီၤလံၢ်ဘၣ်တၢ်စံၣ်ညီၣ်အီၤအသိးတဂ့ၤအဂီၢ် န့ၣ်လီၤ.

လံာ်ပှၤစံၣ်ညီၣ်ကွီၢ် 11:28

ဘၣ်ဆၣ်ဒီးဧၣ်မိၣ်အစီၤပၤတဒိကနၣ်တၢ်ကစီၣ်လၢစီၤယံးဖသၤ အအိၣ်အံၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 17:42

ဒီးဖဲအထံၣ်ဘၣ်စီၤဒၤဝံးဂ့ၤဂ့ၤလံန့ၣ်, အဝဲပှဲၤဒီးတၢ်ကတိၤနံၤဘၣ်ဖၣ်လဲ, ဒုၣ်ဒွဲၣ်အီၤ, မ့ၢ်လၢ, အဝဲမ့ၢ်ဒံးဒၣ်ဖိသၣ်ပိာ်ခွါတဂၤလၢဘၣ်ဖဲနကွၢ်အီၤ ဂ့ၤန့ၣ်လီၤ.