တၢ်ကတိၤဒိ. 15:9 - Sgaw Karen Common Bible

⁹ ယွၤသးဟ့ပှၤအအၢအသီတဖၣ်အကျဲတဖၣ်လီၤ. မ့မ့ၢ်အဲၣ်ပှၤတဖၣ်လၢအမၤတၢ်အဘၣ်န့ၣ်လီၤ.

တၢ်ကတိၤဒိ. 15:9 Iomraidhean Croise

စံးထီၣ်ပတြၢၤ 1:6

ပှၤအတီအလိၤအကျဲန့ၣ်ဘၣ်တၢ်ဆှၢအီၤဒီး ကဟုကယာ်အီၤလၢယွၤန့ၣ်လီၤ. မ့မ့ၢ်ပှၤတတီတလိၤအကျဲန့ၣ် ဆှၢအီၤဆူတၢ်ဟးဂူာ်ဟးဂီၤန့ၣ်လီၤ.

စံးထီၣ်ပတြၢၤ 11:7

အဂ့ၢ်ဒ်အံၤ, ယွၤန့ၣ်တီဝဲလိၤဝဲ ဒီးအဲၣ်တၢ်တီတၢ်လိၤအတၢ်မၤတဖၣ် ဒီးပှၤအသူၣ်လိၤအသးဘျၢတဖၣ်န့ၣ် ကထံၣ်ဘၣ်ယွၤအမဲာ်လီၤ.

စံးထီၣ်ပတြၢၤ 139:24

ဒီးကျဲအအၢလၢယပူၤမ့ၢ်အိၣ်, တအိၣ်လဲၣ်န့ၣ်ကွၢ်, ဒီးဆှၢယၤလၢကျဲအထူအယိာ်အပူၤတက့ၢ်.

စံးထီၣ်ပတြၢၤ 5:5

ပှၤပာ်ကဖိအသးန့ၣ်တဆၢထၢၣ်ဘၣ်လၢနမဲာ်ညါ, နသးဟ့ကယဲၢ်ပှၤမၤတၢ်အၢတၢ်သီခဲလၢာ်န့ၣ်လီၤ.

တၢ်ကတိၤဒိ. 15:10

နမ့ၢ်မၤတၢ်လၢအကမၣ်ဒီး, နကဘၣ်တၢ်စံၣ်ညီၣ်နၤဆါဆါကလဲာ်လီၤ. နမ့ၢ်တပျဲတၢ်သိၣ်က့ၤသီက့ၤနၤဘၣ်ဒီး, နကသံလီၤ.

တၢ်ကတိၤဒိ. 21:21

အိၣ်ဒီးတၢ်သူၣ်ကညီၤသးကညီၤဒီးတၢ်သူၣ်လိၤသးဘျၢတက့ၢ်. ဒီးနသးသမူအမုၢ်နံၤကထီဝဲလီၤ. ပှၤဂုၤပှၤဂၤတဖၣ်ကပာ်ကဲ နၤဒီးမၤဘၣ်နၤဂ့ၤဂ့ၤဘၣ်ဘၣ်လီၤ.

တၢ်ကတိၤဒိ. 21:4

ပှၤတတီတလိၤတဖၣ်န့ၣ်ဘၣ်တၢ်ပၢအီၤလၢအတၢ်ပာ်ထီၣ်ထီအသးဒီးပာ် ကဖၢလၢအသး, ဒီးတၢ်န့ၣ်မ့ၢ်တၢ်ဒဲးဘးလီၤ.

တၢ်ကတိၤဒိ. 21:8

ပှၤလၢအတၢ်ကမၣ်အိၣ်တဖၣ်ပိာ်ကျဲလၢအက့ၣ်လီၤ. မ့မ့ၢ်, ပှၤလၢအတၢ်ကမၣ်တအိၣ်တဖၣ်မၤတၢ်လၢအဘၣ်လီၤ.

တၢ်ကတိၤဒိ. 4:19

မ့မ့ၢ်, ပှၤတတီတလိၤအကျဲခံးဝဲဒ်မုၢ်နၤအသိးလီၤ. အဝဲသ့ၣ်လီၤဃံၤဝဲဒီးအခီၣ်ဘၣ်တိၢ်လၢမနုၤမနုၤလဲၣ်န့ၣ် အဝဲသ့ၣ်ထံၣ်ဝဲတသ့ဘၣ်.

တၢ်ကတိၤဒိ. 8:13

တၢ်ပျံၤယွၤန့ၣ်မ့ၢ်တၢ်သးဟ့တၢ်အၢတၢ်သီလီၤ. ယသးဟ့တၢ်ပာ်ထီၣ်ထီသးဒီးတၢ်ပာ်ကဖၢလၢသး, ကျဲအအၢအသီတဖၣ်ဒီးတၢ်ကတိၤလီတၢ်တဖၣ်လီၤ.

လံာ်ယၡါယၤ 26:7

ယွၤဧၢ, နမၤဘျ့ပှၤအဂ့ၤတဖၣ်အကျဲလီၤ. ကျဲလၢအဝဲသ့ၣ်ပိာ်ဝဲန့ၣ်မုာ်ဝဲပၢၤဝဲလီၤ.

လံာ်ယၡါယၤ 51:1

ယွၤစံးဝဲ, “ဒိကနၣ်ယၤ, သုဝဲလၢအသးအိၣ်န့ၢ် ဘၣ်တၢ်အုၣ်က့ၤခီၣ်က့ၤ, သုဝဲလၢအဟဲဆူယအိၣ်လၢ တၢ်မၤစၢၤအဂီၢ်သ့ၣ်ဧၢ. ဆိကမိၣ်ထီၣ်လၢၢ်လၢပှၤစိးပျၤဒုးကဲထီၣ်သုဒီး လၢၢ်ပူၤဖဲသုဘၣ်တၢ်ခူၣ်ထုးထီၣ်သုန့ၣ်တက့ၢ်.

လံာ်ယၡါယၤ 51:7

ဒိကနၣ်ယၤ, သုဝဲလၢအသ့ၣ်ညါတၢ်လၢအဘၣ်, သုဝဲလၢယတၢ်သိၣ်လိအိၣ်စဲထီဃာ် လၢအသးပူၤသ့ၣ်ဧၢ, ဖဲပှၤကတိၤဆဲးအဲးသုဒီးဒုၣ် ဒွဲၣ်စံးအၢသုန့ၣ်ပျံၤတၢ်တဂ့ၤ.

လံာ်ယံးရမံယၤ 44:4

ယဆှၢန့ၢ် သုယခ့ယပှၤဝံတဖၣ် တပယူာ်ဃီ, လၢအစံးဘၣ်တဲဘၣ်တ့ၢ်သုလၢ, သုတဘၣ်မၤတၢ်လီၤပျံၤလီၤဖုးတမံၤအံၤလၢယသးဟ့အီၤ, တဂ့ၤန့ၣ်လီၤ.

လံာ်ဟိၤၡ့ 6:3

မ်ပကဂုာ်ကျဲးစၢးသ့ၣ်ညါသကိးယွၤန့ၣ်တက့ၢ်. အဝဲကဟဲဆူပအိၣ်သပှၢ်ကတၢၢ်ဒ်မုၢ်ဟဲထီၣ်သီတဖၣ်အသိး, သပှၢ်ကတၢၢ်ဒ်တၢ်ယီၤထီၣ်သီအမူခိၣ်ထံမၤဘၣ်စီၣ်ဟီၣ်ခိၣ် အသိးန့ၣ်လီၤ.

လံာ်ဃဘးကူာ် 1:13

ဘၣ်ဆၣ်ဒီးပှၤလီတၢ်ဝ့ၤတၢ်, ပှၤအၢပှၤသီတဖၣ်အံၤ, နဝံသးစူၤအီၤကဲဒ်လဲၣ်. နမဲာ်ချံတဖၣ်စီဆှံဒိၣ်မးလၢ နကကွၢ်ဃီၤတၢ်အၢတၢ်သီ, ဒီးနကွၢ်ပှၤဂီၢ်မုၢ်လၢ အမၤကမၣ်တၢ်န့ၣ်တကဲဘၣ်. မၤသးဒ်န့ၣ်ဒီးဘၣ်မနုၤလၢ နအိၣ်ဘှီၣ်ကလာ်ဖဲအဝဲသ့ၣ်မၤဟးဂီၤပှၤဂီၢ်မုၢ်လၢ အတီန့ၢ်လိၤန့ၢ်ဒံးအဝဲသ့ၣ်တဖၣ်အခါန့ၣ်လဲၣ်.

လံာ်မးသဲ 7:13

လဲၤနုာ်သုဝဲခီဖျိကျဲစၢၤလၢအအံၣ်တက့ၢ်. အဂ့ၢ်ဒ်အံၤ, ကျဲစၢၤလၢအအိးထီၣ်အသးဆူ တၢ်ဟးဂူာ်ဟးဂီၤန့ၣ်လဲၢ်ဝဲ, ဒီးကျဲလၢအဆှၢပှၤဆူတၢ်ဟးဂူာ်ဟးဂီၤန့ၣ်မ့ၢ်ကျဲလၢအညီ ဒီးပှၤလၢအပိာ်အီၤအိၣ်ဝဲအါဒံအါဂၤန့ၣ်လီၤ.

လံာ်သိၣ်လီၤသီလီၤတၢ် 7:13

အဝဲဒၣ်ကအဲၣ်သုဒီးဆိၣ်ဂ့ၤသုဒ်သိးသုကအါထီၣ်လၢနီၣ်ဂံၢ်ဒီး အိၣ်ဒီးဖိတဖၣ်အါအါဂီၢ်ဂီၢ်န့ၣ်လီၤ. အဝဲကဆိၣ်ဂ့ၤသုစံာ်ဧိၤပျီဧိၤတဖၣ်, ဒ်သိးသုကအိၣ်ဒီးဘုဧိၤဟုဧိၤ, စပံးထံ, ဒီးသ့ၣ်စၤယံးအသိန့ၣ်လီၤ. ဒီးအဝဲဒၣ်ကဆိၣ်ဂ့ၤသုခီဖျိတၢ်ဟ့ၣ်လီၤသုလၢဂီၤဘုၣ်ဂီၤ ဖံးဒီးသိအါအါကလဲာ်န့ၣ်လီၤ. အဝဲကဟ့ၣ်လီၤသုလၢကယဲၢ်တၢ်ဆိၣ်ဂ့ၤခဲလၢာ်အံၤ, လၢကီၢ်တဘ့ၣ်အပူၤလၢအဝဲအၢၣ်လီၤတ့ၢ်သုမိၢ်ပၢ်ဖံဖု လၢပျၢၤန့ၣ်, လၢအဝဲကဟ့ၣ်လီၤသုန့ၣ်လီၤ.

၁ တံၤမသ့း 6:11

မ့မ့ၢ်နဲဒၣ်, ကစၢ်ယွၤအပှၤကညီဧၢ, ပဒ့ၣ်ဟးဆှဲးတၢ်သ့ၣ်တဖၣ်အံၤခဲလၢာ်တက့ၢ်. ဂုာ်ကျဲးစၢးဒ်သိးနကအိၣ်ဒီးတၢ်တီတၢ်လိၤ, တၢ်အဲၣ်ထူအဲၣ်ယွၤ, တၢ်စူၢ်တၢ်နာ်, တၢ်အဲၣ်တၢ်ကွံ, တၢ်သ့တူၢ်တၢ်, ဒီးတၢ်သူၣ်ကပုာ်သးကပုာ်သ့ၣ်တဖၣ်န့ၣ်တက့ၢ်.

၂ တံၤမသ့း 2:22

ဟးဆှဲးပှၤသးစၢ်အတၢ်သူၣ်လီသးကွံတဖၣ်ဒီးဂဲၤပျုၢ် လၢတၢ်တီတၢ်လိၤ, တၢ်စူၢ်တၢ်နာ်, တၢ်အဲၣ်တၢ်ကွံ, ဒီးတၢ်ဃူတၢ်ဖိးအဂီၢ်, ဃုာ်ဒီးပှၤသ့ၣ်တဖၣ်လၢ အကိးထီၣ်ကစၢ်လၢတၢ်မၤစၢၤအဂီၢ်လၢတၢ်သးကဆှီ အပူၤန့ၣ်တက့ၢ်.