တၢ်ကတိၤဒိ. 15:8 - Sgaw Karen Common Bible

⁸ ဖဲပှၤအဂ့ၤတဖၣ်ဘါထုကဖၣ်တၢ်န့ၣ်ယွၤသးခုဝဲလီၤ. မ့မ့ၢ်ပှၤအၢပှၤသီတဖၣ်အတၢ်လုၢ်တၢ်ပာ်တဖၣ်လၢအဟဲစိာ်ဝဲန့ၣ်, ယွၤသးဟ့အီၤလီၤ.

တၢ်ကတိၤဒိ. 15:8 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:12

ဒီးဖဲအဝဲလုၢ်ထီၣ်တၢ်လုၢ်တၢ်ပာ်တဖၣ်အခါနၣ်, စီၤအးဘၡါလိၣ်မၢပှၤလဲၤကိးန့ၢ်အီၤစီၤအဃံၤသဖ့လးလၢအမ့ၢ် စီၤပၤဒၤဝံးအပှၤဟ့ၣ်ကူၣ်ဟ့ၣ်ဖးတၢ်တဖၣ်အကျါတဂၤ, လၢအအိၣ်ဝဲလၢဝ့ၢ်ကံလိၤန့ၣ်လီၤ. တၢ်ကူၣ်အၢထီဒါစီၤပၤန့ၣ်, အဂံၢ်အဘါဆူၣ်ထီၣ်ဝဲ, ဒီးပှၤပိာ်စီၤအးဘၡါလိၣ်အခံန့ၣ်အနီၣ်ဂံၢ်အါထီၣ်ဝဲဒၣ်လီၤ.

လံာ်စီၤပၤအခီၣ်ထံးတဘ့ၣ် 3:10

ယွၤဘၣ်သူၣ်ဘၣ်သးတ့ၢ်တၢ်လၢစီၤၡလိၤမိၤဃ့ဝဲအံၤ,

လံာ်ကွဲးနီၣ်တၢ်အခီၣ်ထံးတဘ့ၣ် 29:17

ယသ့ၣ်ညါလၢနမၤကွၢ်ပှၤခဲလၢာ်အသး, ဒီးနမုာ်သူၣ်မုာ်သးတ့ၢ် ဒီးပှၤဂီၢ်မုၢ်လၢအသူၣ်တီသးရၤန့ၣ်လီၤ. ဒီးလၢတၢ်သူၣ်တီသးလိၤနီၢ်နီၢ်အပူၤန့ၣ်, ယဟ့ၣ်လီၤတၢ်သ့ၣ်တဖၣ်အံၤခဲလၢာ်ဆူနၤ, လၢတၢ်သူၣ်အိၣ်သးအိၣ်အပူၤ, ဒီးယထံၣ်တ့ၢ်နပှၤဂီၢ်မုၢ်လၢအဟဲပာ်ဖှိၣ်အသးဖဲအံၤတဖၣ်သူၣ် ဖှံသးညီတ့ၢ်ဒ်လဲၣ်, လၢကဟဲစိာ်တၢ်မၤဘူၣ်တဖၣ်ဆူနအိၣ်န့ၣ်လီၤ.

စံးထီၣ်ပတြၢၤ 141:2

မ်ယဘါထုကဖၣ်တၢ်အံၤဘၣ်တၢ်ဂံၢ်အီၤဒ် တၢ်ဆိၣ်ကဲၤနၢမူအသိးလၢနမဲာ်ညါ, ဒီးယယူာ်ထီၣ်ယစုအံၤဒ်တၢ်လုၢ်လၢ မုၢ်ဟါအသိးန့ၣ်တက့ၢ်.

စံးထီၣ်ပတြၢၤ 17:1

ယွၤဧၢ, ဒိကနၣ်ယတၢ်ဃ့ကညးလၢ တၢ်တီတၢ်လိၤအဂီၢ်န့ၣ်တက့ၢ်. ဒိကနၣ်ယတၢ်ကိးထီၣ်လၢ တၢ်မၤစၢၤအဂီၢ်န့ၣ်တက့ၢ်. ဒိကနၣ်ယတၢ်ထုကဖၣ်အတီအလိၤန့ၣ်တက့ၢ်.

တၢ်ကတိၤဒိ. 10:24

ပှၤတီပှၤလိၤမၤန့ၢ်တၢ်လၢအဆၢန့ၢ်ဘၣ်ဝဲလီၤ. မ့မ့ၢ်, ပှၤတတီတလိၤကဒိးန့ၢ်ဘၣ်တၢ်လၢအပျံၤဝဲအဒိၣ်ကတၢၢ်န့ၣ် လီၤ.

တၢ်ကတိၤဒိ. 15:29

ဖဲပှၤအဂ့ၤတဖၣ်ဘါထုကဖၣ်တၢ်န့ၣ်ယွၤဒိကနၣ်ဝဲလီၤ. မ့မ့ၢ်ယွၤတကနာ်ဃုာ်ဘၣ်ပှၤအအၢအသီတဖၣ်ဘၣ်.

တၢ်ကတိၤဒိ. 15:7

တၢ်သ့ၣ်ညါန့ၣ်ဘၣ်တၢ်ရၤလီၤအီၤလၢပှၤလၢအကူၣ်တၢ်သ့တဖၣ်ဒီး တမ့ၢ်ဘၣ်လၢပှၤဟးဂီၤဖိတဖၣ်န့ၣ်ဘၣ်.

တၢ်ကတိၤဒိ. 21:27

ယွၤသးဘၣ်အၢပှၤတတီတလိၤတဖၣ်အတၢ်လုၢ်ထီၣ်အီၤတၢ်လုၢ်တၢ်ပာ်တ ဖၣ်, ဒီးလီၤဆီဒၣ်တၢ်ဖဲအဝဲသ့ၣ်မၤအီၤလၢလၢတၢ်တိာ်သူၣ်ပာ်သး အအၢအသီလၢအမၢန့ၢ်ဆီၣ်ခံအီၤတဖၣ်အပူၤအခါန့ၣ်လီၤ.

တၢ်ကတိၤဒိ. 21:3

မၤတၢ်လၢအဘၣ်ဒီးတဖုၣ်ထံၣ်ဖုၣ်ထီဘၣ်န့ၣ်တက့ၢ်. တၢ်န့ၣ်မ့ၢ်တၢ်လၢအဘၣ်ယွၤအသးဒိၣ်န့ၢ်အါန့ၢ်ဒံးတၢ်ဟဲ စိာ်န့ၢ်အီၤတၢ်လုၢ်တၢ်ပာ်တဖၣ်န့ၣ်လီၤ.

တၢ်ကတိၤဒိ. 28:9

နမ့ၢ်တဒိကနၣ်တၢ်သိၣ်တၢ်သီဘၣ်ဒီး, ကစၢ်ယွၤကထံၣ်ဝဲလၢနတၢ် ထုကဖၣ်တဖၣ်န့ၣ်လီၤသးဘၣ်အၢနးမးလၢတၢ်ကဒိကနၣ်အီၤအဂီၢ်လီၤ.

လံာ်ပှၤစံၣ်တဲၤတဲလီၤတၢ် 5:1

ပလီၢ်နသးလၢနတၢ်လဲၤဆူယွၤအတၢ်လုၢ်ဟံၣ်န့ၣ်တက့ၢ်. ဂ့ၤတက့ၢ်လၢနကလဲၤဖဲန့ၣ်လၢနကမၤလိန့ၢ်တၢ်အဂီၢ်အါန့ၢ်ဒံး တၢ်လဲၤလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်ဒ်ပှၤဟးဂီၤဖိတဖၣ်မၤ ဝဲအသိး, ပှၤတဖၣ်လၢအတသ့ၣ်ညါနီၤဖးတၢ်အဘၣ်ဒီးတၢ်အကမၣ်ဘၣ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 2:14

နလီၤဂာ်ဒီးထိၣ်လွံၢ်တဘ့ၣ်လၢအအိၣ်ခူသူၣ်လၢလၢၢ်သ့ၣ်ဖး အကဆူးပူၤ, ဒီးအိၣ်တဒၢလၢလ့ကဘျၣ်အပူၤန့ၣ်လီၤ. ဒုးထံၣ်ယၤလၢနမဲာ်ဃံလၤလီၤအဲၣ်လီၤကွံ, ဒီးပျဲယနၢ်ဟူနကလုၢ်လၢအမုာ်သယုၢ်တက့ၢ်.

လံာ်ယၡါယၤ 61:8

ယွၤစံးဝဲဒၣ်, “ယအဲၣ်တၢ်စံၣ်ညီၣ်တီဒီးယသးဟ့တၢ်မၤအၢမၤနး ဒီးတၢ်မၤကမၣ်တၢ်လီၤ. ယကဟ့ၣ်ဘျုးက့ၤယပှၤဂီၢ်မုၢ်လၢ တၢ်သူၣ်တီသးရၤအပူၤ ဒီးမၤတၢ်အၢၣ်လီၤအီလီၤအထူအယိာ်တမံၤဒီး အဝဲသ့ၣ်လီၤ.

လံာ်ယၡါယၤ 66:3

ပှၤဂီၢ်မုၢ်မၤတၢ်ဒ်တၢ်ဘၣ်အသးဒၣ်ဝဲအသိးလီၤ. တၢ်မၤသံကျီၢ်ဖါတဒုလၢတၢ်လုၢ်တၢ်ပာ်တမံၤအဂီၢ်မ့ၢ်ဂ့ၤ, တၢ်လုၢ်ပှၤကညီတဂၤမ့ၢ်ဂ့ၤ, တၢ်လုၢ်ထီၣ်သိဖိတဒုမ့ၢ်ဂ့ၤ, တၢ်ဘိးကၢ်ကွံာ်ထွံၣ်တဒုအကိာ်မ့ၢ်ဂ့ၤ, တၢ်လုၢ်ထီၣ်ဘုဧိၤဟုဧိၤအတၢ်မၤဘူၣ်တမံၤမ့ၢ်ဂ့ၤ, တၢ်လုၢ်ထီၣ်ထိးအသွံၣ်မ့ၢ်ဂ့ၤ, တၢ်လုၢ်ထီၣ်တၢ်နၢမူမ့ၢ်ဂ့ၤ, တၢ်ထုကဖၣ်ဆူတၢ်ဂီၤတၢ်ဖီၣ်မ့ၢ်ဂ့ၤ, တၢ်ခဲလၢာ်အံၤမ့ၢ်ဒၣ်တၢ်ဒ်သိးသိးလၢအဝဲသ့ၣ်အဂီၢ်န့ၣ်လီၤ. အဝဲသ့ၣ်မုာ်လၤသးခုဝဲလၢတၢ်ဘူၣ်ထီၣ်ဘါထီၣ်အကျဲတဖၣ် လၢအလီၤသးဘၣ်အၢအံၤအပူၤန့ၣ်လီၤ.

လံာ်ယံးရမံယၤ 6:20

တၢ်နၢမူလၢအဝဲသ့ၣ်ဟဲစိာ်န့ၢ်ယၤလၢကီၢ်ၡဘၤမ့ၢ်ဂ့ၤ, ဒီးတၢ်နၢမူနၢဆှီတဖၣ်လၢထံကီၢ်လၢအယံၤတဘ့ၣ်မ့ၢ်ဂ့ၤ, ယတအဲၣ်ဒိးဘၣ်. ယတတူၢ်လိာ်အဝဲသ့ၣ်အတၢ်မၤ ဘူၣ်မၤတီၢ်တဖၣ်မ့ၢ်ဂ့ၤ, ယတသးမုာ်သးခုလၢအဝဲသ့ၣ် အတၢ်လုၢ်တၢ်ပာ်တဖၣ်အဃိမ့ၢ်ဂ့ၤန့ၣ်ဘၣ်.

လံာ်ဒၤနံးယ့လး 9:23

ဖဲလၢနစးထီၣ်သကွံၢ်ကညးတၢ်ဒီးကစၢ်ယွၤန့ၣ်အဝဲစံးဆၢတ့ၢ်နၤလီၤ. အဝဲအဲၣ်နၤသတးဒီးယဟဲယဲဒ်သိးယကတဲနၤတၢ်စံးဆၢန့ၣ်လီၤ. ခဲကနံၣ်အံၤကနၣ်လီၤတံၢ်လီၤဆဲးဖဲယတဲဖျါ ထီၣ်တၢ်ထံၣ်လၢညါခီအဂ့ၢ်န့ၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 7:18

ဒီးတၢ်မ့ၢ်အီၣ်အီၤလၢသၢသီတသီန့ၣ်, ယွၤတတူၢ်လိာ်ပှၤတဂၤန့ၣ်အတၢ်လုၢ်ဘၣ်. တၢ်လုၢ်န့ၣ်တဘၣ်တၢ်ပာ်အီၤဒ်တၢ်လၢအဘျုးအိၣ်အသိးန့ၣ်ဘၣ်. မ့မ့ၢ်ကဘၣ်တၢ်ပာ်အီၤဒ်တၢ်တကဆှီဘၣ်အသိးန့ၣ်လီၤ. ဒီးပှၤတဂၤလၢ်လၢ်လၢအအီၣ်ဘၣ်ဝဲန့ၣ်ကတူၢ်ဘၣ်အတၢ်ဒဲးဘးဒၣ်ဝဲန့ၣ်လီၤ.

လံာ်မံကၤ 6:6

ယကဘၣ်ဟဲစိာ်တၢ်မနုၤတမံၤဆူယွၤ, မူခိၣ်ကစၢ်ယွၤအအိၣ်, ဖဲယဟဲဒ်သိးယကဘူၣ်ထီၣ်ဘါထီၣ်အီၤအခါန့ၣ်လဲၣ်. မ့ၢ်ယကဘၣ်ဟဲစိာ်ဂီၤဖံးဖိအဂ့ၤကတၢၢ်တဖၣ် လၢယကဆိၣ်ကဲၤအီၤဒ်တၢ်လုၢ်မ့ၣ်အူဆူအအိၣ်ဧါ.

လံာ်မံကၤ 6:7

မ့ၢ်တၢ်ကဘၣ်ယွၤအသးဖဲယဟဲစိာ်န့ၢ်အီၤသိအဒုလၢအကထိ တဖၣ်မ့တမ့ၢ်သ့ၣ်စၤယံးအသိလၢအယွၤလီၤဝဲ အကတၢၢ်တအိၣ်ဘၣ်န့ၣ်ဧါ. မ့ၢ်ယကဘၣ်လုၢ်ထီၣ်အီၤယဖိဝဲၢ်ကိလၢယတၢ်ဒဲးဘးတဖၣ်အဘူး အလဲအဂီၢ်ဧါ.

လံာ်ဃးကဲ 2:14

အန့ၣ်ဒီးစီၤဃးကဲစံးဝဲ, “ယွၤစံးလၢတၢ်တမံၤဃီဒုးဘၣ်ဃးပှၤကလုာ်အံၤအပှၤဂီၢ်မုၢ် ဒီးတၢ်တမံၤလၢ်လၢ်လၢအဝဲသ့ၣ်ဟ့ၣ်ထီၣ်န့ၣ်လီၤ. သတးဒီးတၢ်တမံၤလၢ်လၢ်လၢအဝဲသ့ၣ်လုၢ်ထီၣ်အီၤလၢတၢ်လုၢ်လီၢ် အဖီခိၣ်န့ၣ်, မ့ၢ်တၢ်တကဆှီဘၣ်လီၤ.”

လံာ်မၤလကံ 1:10

တၢ်သုးမုၢ်ဂီၢ်မုၢ်အယွၤစံးဝဲ, “ယအဲၣ်ဒိးပှၤလၢသုကျါတဂၤကကးတံာ်ဃာ်တၢ်လုၢ်ဟံၣ် အတြဲၤတဖၣ်ဒ်သိးကတြီဃာ်သုလၢတၢ်မၤကဲၤထီၣ်မ့ၣ်အူလၢ အဘျုးတအိၣ်ဘၣ်လၢယတၢ်လုၢ်လီၢ်အဖီခိၣ်န့ၣ်လီၤ. ယတဘၣ်သူၣ်ဘၣ်သးသုဘၣ်. ဒီးယတတူၢ်လိာ်တၢ်လုၢ်တၢ်ပာ်လၢသုဟဲစိာ်န့ၢ်ယၤန့ၣ်ဘၣ်.

လံာ်ယိၤဟၣ် 4:24

ကစၢ်ယွၤမ့ၢ်သူၣ်မ့ၢ်သးဒီးပှၤလၢအဘူၣ်ထီၣ်ဘါထီၣ်အီၤ တဖၣ်, ဘၣ်ဘူၣ်ထီၣ်ဘါထီၣ်အီၤလၢသူၣ်လၢသး ဒီးလၢတၢ်မ့ၢ်တၢ်တီလီၤ.”