တၢ်ကတိၤဒိ. 15:4 - Sgaw Karen Common Bible

⁴ တၢ်ကတိၤအမုာ်တဖၣ်န့ၣ်ဟဲစိာ်တၢ်မူလီၤ. မ့မ့ၢ်တၢ်ကတိၤအအၢအသီတဖၣ်မၤသဘှံးနသးလီၤ.

တၢ်ကတိၤဒိ. 15:4 Iomraidhean Croise

စံးထီၣ်ပတြၢၤ 109:22

အဂ့ၢ်ဒ်အံၤ, ယဲဒၣ်အံၤယမ့ၢ်ပှၤဖှီၣ်ဖိယာ်ဖိ ဒီးပှၤလိၣ်ဘၣ်တၢ်မၤစၢၤ ဒီးယသးဘၣ်ဒိတုၤလၢယသးအကံၢ်အလဲအပူၤလီၤ.

တၢ်ကတိၤဒိ. 10:11

ပှၤအဂ့ၤတဂၤအတၢ်ကတိၤတဖၣ်မ့ၢ်တၢ်မူအထံထီၣ်ပၢၢ်လီၤ. မ့မ့ၢ်ပှၤအအၢအသီတဂၤအတၢ်ကတိၤတဖၣ်ပာ်ခူသူၣ်တၢ်စု ဆူၣ်ခီၣ်တကးအန့ဆၢၣ်တမံၤန့ၣ်လီၤ.

တၢ်ကတိၤဒိ. 12:18

တၢ်ကတိၤတၢ်လၢတအိၣ်ဒီးတၢ်ဆိကမိၣ်ဆိကမးဘၣ်န့ၣ်မၤဆါတၢ်ယိာ် ဝဲထဲသိးသိးနးတဘ့ၣ်လၢ်လၢ်ဆဲးတၢ်န့ၣ်လီၤ. မ့မ့ၢ်တၢ်ကတိၤတၢ်လၢတၢ်ကူၣ်သ့ကူၣ်ဘၣ်အပူၤန့ၣ်, မၤဘျါက့ၤတၢ်သ့လီၤ.

တၢ်ကတိၤဒိ. 15:3

ယွၤထံၣ်တၢ်မၤအသးလၢတၢ်အလီၢ်ကိးပူၤဒဲးလီၤ. ဒီးမ့ၢ်ပမၤတၢ်ဂ့ၤဧါ, တၢ်အၢဧါန့ၣ်, အဝဲခိးကွၢ်ပှၤန့ၣ်လီၤ.

တၢ်ကတိၤဒိ. 15:5

တၢ်တပာ်ကဲတၢ်လၢနပၢ်သိၣ်လိသီလိနၤန့ၣ်မ့ၢ်တၢ်ဟးဂီၤလီၤ. တၢ်တူၢ်လိာ်အတၢ်သိၣ်က့ၤသီက့ၤန့ၣ်မ့ၢ်တၢ်ကူၣ်သ့လီၤ.

တၢ်ကတိၤဒိ. 16:24

တၢ်ကတိၤအမုာ်တဖၣ်လီၤဂာ်ဒီးကနဲအခိၣ်ထံလီၤ. ဆၢဝဲလၢထးခိၣ်အဂီၢ်ဒီးဂ့ၤလၢနတၢ်အိၣ်ဆူၣ်အိၣ်ချ့အဂီၢ် လီၤ.

တၢ်ကတိၤဒိ. 18:14

ဖဲနဆူးနဆါအခါန့ၣ်နတၢ်သးဆူၣ်အိၣ်မူ, ဟံးဃာ်ကျၢၤနၤသ့ဝဲ လီၤ. ဘၣ်ဆၣ်တၢ်န့ၣ်မ့ၢ်လီၤမၢ်ကွံာ်န့ၢ်နၤဒီး, နတၢ်မုၢ်လၢ်လၢခံ ကတၢၢ်လၢာ်ကွံာ်ဝဲလီၤ.

တၢ်ကတိၤဒိ. 18:8

တၢ်သီၣ်ဝံသဲကလၤပှၤအဂ့ၢ်မ့ၢ်တၢ်လၢအဝံၣ်ဘဲဒိၣ်မးဒီး ပအဲၣ်ဒိးယူၢ်လီၤကွံာ်အီၤဒိၣ်မးလီၤ.

တၢ်ကတိၤဒိ. 26:22

တၢ်သီၣ်ဝံသဲကလၤမ့ၢ်တၢ်ဝံၣ်သိဝံၣ်ဘဲးဒိၣ်မးတုၤပသးအိၣ် ယူၢ်လီၤကွံာ်အီၤမးလဲၣ်.

တၢ်ကတိၤဒိ. 3:18

ပှၤလၢအကဲထီၣ်ပှၤကူၣ်သ့တဖၣ်န့ၣ်, ဘၣ်ဆိၣ်ဂ့ၤဝဲနီၢ်နီၢ်လီၤ. တၢ်ကူၣ်သ့ကဟ့ၣ်အဝဲသ့ၣ်လၢတၢ်မူလီၤ.

လံာ်မၤလကံ 4:2

မ့မ့ၢ်သုဝဲ, ပှၤလၢအစူၢ်ယၤန့ၣ်, ယတၢ်အုၣ်က့ၤခီၣ်က့ၤအစိကမီၤ ကအိၣ်ထီၣ်လၢသုဖီခိၣ်ဒ်မုၢ်အသိးဒီးကဟဲစိာ်တၢ်မၤဘျါ က့ၤဒ်မုၢ်အတၢ်ကပီၤအယဲၤတဖၣ်အသိးန့ၣ်လီၤ. ဒီးသုကထူၣ်ဖျဲးဒီးသးဖှံဒ်ဂီၤ ဖံးဖိတဖၣ်လၢအဘၣ်တၢ်ပျၢ်ကွံာ်အီၤလၢအကရၢၢ်အသိးန့ၣ်လီၤ.

၁ တံၤမသ့း 6:3

ပှၤတဂၤဂ့ၤတဂၤဂ့ၤလၢအသိၣ်လိသီလိတၢ်စူၢ်တၢ်နာ်လီၤ ဆီလၢအတလီၤပလိာ်ဒီးပကစၢ်ယ့ၣ်ၡူးခရံာ်အတၢ်ကတိၤ အမ့ၢ်အတီတဖၣ်, ဒီးတလီၤပလိာ်ဒီးပတၢ်ဘူၣ်တၢ်ဘါ အတၢ်သိၣ်လိသီလိန့ၣ်,

လံာ်လီၣ်ဖျါ 2:7

နနၢ်မ့ၢ်အိၣ်ကစီဒီန့ၣ်, ဒိကနၣ်တၢ်လၢယွၤအသးစံးဘၣ်တၢ်အိၣ်ဖှိၣ်တဖၣ်န့ၣ် တက့ၢ်. ပှၤလၢအဒိးန့ၢ်တၢ်မၤနၢၤတဖၣ်န့ၣ်, ယကဟ့ၣ်အီၤလၢတၢ်အခွဲး အယာ်လၢအကအီၣ်သ့ၣ်မူလၢအမဲထီၣ်ဝဲဒၣ်ဖဲကစၢ်ယွၤ အတၤသၣ်လီၢ်န့ၣ်အသၣ်လီၤ.”