တၢ်ကတိၤဒိ. 15:33 - Sgaw Karen Common Bible

³³ လၢတၢ်ယူးယီၣ်ယွၤအပူၤန့ၣ်တၢ်မၤလိမၤဒိးအိၣ်ဝဲဒၣ်လီၤ. ဒီးတၢ်ဆီၣ်လီၤသးလဲၤလၢတၢ်လၤကပီၤအမဲာ်ညါလီၤ.

တၢ်ကတိၤဒိ. 15:33 Iomraidhean Croise

လံာ်နီၢ်အ့ၤစတၢ် 2:15

ဒီးတၢ်ဆၢကတီၢ်ဘၣ်ဝဲလၢနီၢ်အ့ၤစတၢ်အဂီၢ်, လၢကလဲၤဆူစီၤပၤအအိၣ်လီၤ. နီၢ်အ့ၤစတၢ်မ့ၢ်, စီၤအဘံဃယ့းလးအဖိမုၣ်ဒီးစီၤမၢ်ဒကဲၤအတခွါမုၣ်လၢအ ကွၢ်လုၢ်ဖိက့ၤဝဲဒ်အဖိမုၣ်အသိးန့ၣ်လီၤ. ပှၤတဂၤလၢ်လၢ်လၢအထံၣ်ဘၣ်နီၢ်အ့ၤစတၢ်န့ၣ်, ဘၣ်သူၣ်ဘၣ်သးအီၤလီၤ. ဖဲအဝဲအကတီၢ်တုၤဃီၤန့ၣ်, အဝဲကူသိးဒၣ်တၢ်ဒ်ပှၤဒ့ဒံၣ်ဖိလၢအကွၢ်ထွဲပှၤပိာ်မုၣ်အိၣ်ဟံၣ်, စီၤဟ့က့ၤဟ့ၣ်ကူၣ်အီၤအသိးန့ၣ်လီၤ.

လံာ်စီၤယိၤဘး 28:28

ဒီးကစၢ်ယွၤစံးဘၣ်ပှၤကညီ, ကွၢ်ကွၢ်တၢ်ပျံၤယွၤန့ၣ်မ့ၢ်တၢ် ကူၣ်သ့ဒီးတၢ်ဟးဆှဲးကွံာ်လၢတၢ်အၢန့ၣ်မ့ၢ်တၢ်သ့ၣ်ညါနၢ်ပၢၢ် န့ၣ်လီၤ.

စံးထီၣ်ပတြၢၤ 111:10

တၢ်ကူၣ်သ့အခီၣ်ထံးန့ၣ် မ့ၢ်တၢ်ပျံၤယွၤလီၤ. ကယဲၢ်ပှၤလၢအတိၢ်န့ၢ်ဝဲခဲလၢာ်န့ၣ် အိၣ်ဒီးအသးလၢအနၢ်ပၢၢ်တၢ်ဂ့ၤဂ့ၤလီၤ. အတၢ်စံးထီၣ်ပတြၢၤန့ၣ် အိၣ်ဂၢၢ်ဆိးကျၢၤ လီၤစိၤလီၤထီလီၤ.

စံးထီၣ်ပတြၢၤ 34:11

ဟဲ, ဖိသ့ၣ်လံၤသ့ၣ်ဧၢ, ဒိကနၣ်ယကလုၢ်တက့ၢ်. ယကသိၣ်လိသုလၢတၢ်ပျံၤယွၤန့ၣ်လီၤ.

တၢ်ကတိၤဒိ. 1:2

အအံၤမ့ၢ်တၢ်ကူၣ်သ့အတၢ်ကတိၤတဖၣ်လၢကမၤစၢၤသုလၢသုကသ့ၣ်ညါ တၢ်ကူၣ်သ့ဒီးတၢ်ဟ့ၣ်ကူၣ်လၢအဂ့ၤ, ဒီးနၢ်ပၢၢ်တၢ်ကတိၤလုၢ်ဒိၣ်ပှ့ၤဒိၣ်တဖၣ်လၢအိၣ်ဒီးအခီပညီ အဒိၣ်အယိာ်န့ၣ်လီၤ.

တၢ်ကတိၤဒိ. 1:7

ဒ်သိးသုကအိၣ်ဒီးတၢ်ကူၣ်သ့ဒီးအဆိကတၢၢ်သုကဘၣ်ယူးယီၣ် ယွၤန့ၣ်လီၤ. ပှၤဟးဂီၤဖိတဖၣ်တပာ်ကဲတၢ်ကူၣ်သ့ဒီးဂ့ၢ်လိာ် ကမၤလိတၢ်န့ၣ်လီၤ.

တၢ်ကတိၤဒိ. 15:32

နမ့ၢ်တအဲၣ်ဒိးမၤလိမၤဒိးတၢ်ဘၣ်ဒီး, နမၤဘၣ်ဒိဆါလီၤနသးဒၣ်နဲလီၤ. နမ့ၢ်တူၢ်လိာ်တၢ်သိၣ်က့ၤသီက့ၤနၤဒီး, နကကဲထီၣ်ပှၤကူၣ်သ့ဂ့ၤန့ၣ်အလီၢ်တက့ၢ်လီၤ.

တၢ်ကတိၤဒိ. 16:1

ပကအိၣ်ဒီးပတၢ်ကူၣ်တၢ်တိာ်တဖၣ်လီၤ. ဘၣ်ဆၣ်ဒီးတၢ်စံၣ်ညီၣ်တဲာ်အိၣ်ဒီးကစၢ်ယွၤလီၤ.

တၢ်ကတိၤဒိ. 18:12

တချုးအဘၣ်တၢ်မၤဟးဂီၤအီၤဒံးဘၣ်ဒီးပှၤတဂၤပာ်ထီၣ်ထီ အသးလီၤ. မ့မ့ၢ်တၢ်ဆီၣ်လီၤသးန့ၣ်အိၣ်ဆိန့ၢ်တၢ်လၤကပီၤ တက့ၢ်လီၤ.

တၢ်ကတိၤဒိ. 29:23

တၢ်ပာ်ထီၣ်ထီသးကဟဲစိာ်န့ၢ်နၤနတၢ်ဟးဂီၤလီၤ. ဘၣ်ဆၣ်နမ့ၢ်ဆီၣ်လီၤနသးဒီး, နကဘၣ်တၢ်ပာ်ကဲနၤန့ၣ်လီၤ.

တၢ်ကတိၤဒိ. 8:13

တၢ်ပျံၤယွၤန့ၣ်မ့ၢ်တၢ်သးဟ့တၢ်အၢတၢ်သီလီၤ. ယသးဟ့တၢ်ပာ်ထီၣ်ထီသးဒီးတၢ်ပာ်ကဖၢလၢသး, ကျဲအအၢအသီတဖၣ်ဒီးတၢ်ကတိၤလီတၢ်တဖၣ်လီၤ.

လံာ်လူၤကၣ် 14:11

အဂ့ၢ်ဒ်အံၤပှၤတဂၤလၢ်လၢ်လၢအပာ်ထီၣ်ထီအသးန့ၣ်ကဘၣ် တၢ်ဆီၣ်လီၤအီၤ, ဒီးပှၤတဂၤလၢ်လၢ်လၢအဆီၣ်လီၤအသးန့ၣ် ကဘၣ်တၢ်ပာ်ထီၣ်ထီအီၤလီၤ.”

ယၤကိာ် 4:10

ဆီၣ်လီၤသုသးလၢကစၢ်အဖီလာ်, ဒီးအဝဲဒၣ်ကပာ်ထီၣ်ထီ သုလီၤ.

၁ ပ့းတရူး 5:5

လၢကျဲဒ်န့ၣ်အသိး, သုဝဲလၢအသးစၢ်တဖၣ်သုကဘၣ်ဆီၣ်လီၤသုသးလၢပှၤ သးပှၢ်သ့ၣ်တဖၣ်အဖီလာ်န့ၣ်လီၤ. ဒီးသုဝဲသ့ၣ်ခဲလၢာ်သုကဘၣ်ကူထီၣ်သိးထီၣ်တၢ်ဆီၣ်လီၤသး အဆ့ကၤလၢသုကမၤစၢၤလိာ်သုသးတဂၤဒီးတဂၤအဂီၢ် န့ၣ်လီၤ. အဂ့ၢ်ဒ်အံၤ, တၢ်ကွဲးအသးစံးဝဲ, “ကစၢ်ယွၤထီဒါ ပှၤပာ်ထီၣ်ထီအသး, ဘၣ်ဆၣ်ဟ့ၣ်လီၤတၢ်ဘျုးတၢ်ဖှိၣ်လၢပှၤလၢအဆီၣ်လီၤအသး တဖၣ်န့ၣ်လီၤ” (ကူၣ်သ့ ၃:၃၄),