တၢ်ကတိၤဒိ. 15:32 - Sgaw Karen Common Bible

³² နမ့ၢ်တအဲၣ်ဒိးမၤလိမၤဒိးတၢ်ဘၣ်ဒီး, နမၤဘၣ်ဒိဆါလီၤနသးဒၣ်နဲလီၤ. နမ့ၢ်တူၢ်လိာ်တၢ်သိၣ်က့ၤသီက့ၤနၤဒီး, နကကဲထီၣ်ပှၤကူၣ်သ့ဂ့ၤန့ၣ်အလီၢ်တက့ၢ်လီၤ.

တၢ်ကတိၤဒိ. 15:32 Iomraidhean Croise

စံးထီၣ်ပတြၢၤ 50:17

အဂ့ၢ်ဒ်အံၤ, နသးဟ့ယတၢ်သိၣ်တၢ်သီ, ဒီးနကွံာ်တ့ၢ်ကွံာ်ယကလုၢ်ကထါလၢ နလီၢ်ခံန့ၣ်လီၤ.

တၢ်ကတိၤဒိ. 1:7

ဒ်သိးသုကအိၣ်ဒီးတၢ်ကူၣ်သ့ဒီးအဆိကတၢၢ်သုကဘၣ်ယူးယီၣ် ယွၤန့ၣ်လီၤ. ပှၤဟးဂီၤဖိတဖၣ်တပာ်ကဲတၢ်ကူၣ်သ့ဒီးဂ့ၢ်လိာ် ကမၤလိတၢ်န့ၣ်လီၤ.

တၢ်ကတိၤဒိ. 10:17

ပှၤလၢအဒိကနၣ်တၢ်ဖဲအဘၣ်တၢ်သိၣ်က့ၤသီက့ၤအီၤန့ၣ်ကမူဝဲ လီၤ. မ့မ့ၢ်ပှၤလၢအတတူၢ်လိာ်ဘၣ်ဝဲလၢအတၢ်ကမၣ်လံ န့ၣ်အိၣ်လၢတၢ်လီၤဘၣ်ယိာ်အပူၤလီၤ.

တၢ်ကတိၤဒိ. 13:18

ပှၤတဂၤလၢအတမၤလိတၢ်ဘၣ်န့ၣ်, ကဖှီၣ်လီၤယာ်လီၤဝဲဒီးကဘၣ် တၢ်မဲာ်ဆှးလီၤ. မ့မ့ၢ်ပှၤတဂၤလၢ်လၢ်လၢအဒိကနၣ်တၢ်သိၣ်က့ၤသီ က့ၤအီၤန့ၣ်, ဘၣ်တၢ်ယူးယီၣ်ပာ်ကဲအီၤလီၤ.

တၢ်ကတိၤဒိ. 15:14

ပှၤလၢအအိၣ်ဒီးတၢ်သူၣ်ဆးသးဆးန့ၣ်သးအိၣ်မၤလိတၢ်လီၤ. မ့မ့ၢ်ပှၤလၢအသးတဆးတဖၣ်န့ၣ်သးမံဒၣ်ဝဲလၢအတၢ်တမၤလိ မၤဒိးတၢ်အပူၤန့ၣ်လီၤ.

တၢ်ကတိၤဒိ. 15:21

ပှၤဟးဂီၤဖိသးခုဝဲလၢအတၢ်မၢးအပူၤလီၤ. မ့မ့ၢ်ပှၤကူၣ်သ့န့ၣ်ကမၤတၢ်လၢအဘၣ်န့ၣ်လီၤ.

တၢ်ကတိၤဒိ. 15:31

နမ့ၢ်ဒိကနၣ်တၢ်သပှၢ်ပှၢ်ဖဲနဘၣ်တၢ်သိၣ်က့ၤသီက့ၤနၤဒီး, နမ့ၢ်ပှၤအကူၣ်သ့လီၤ.

တၢ်ကတိၤဒိ. 15:33

လၢတၢ်ယူးယီၣ်ယွၤအပူၤန့ၣ်တၢ်မၤလိမၤဒိးအိၣ်ဝဲဒၣ်လီၤ. ဒီးတၢ်ဆီၣ်လီၤသးလဲၤလၢတၢ်လၤကပီၤအမဲာ်ညါလီၤ.

တၢ်ကတိၤဒိ. 15:5

တၢ်တပာ်ကဲတၢ်လၢနပၢ်သိၣ်လိသီလိနၤန့ၣ်မ့ၢ်တၢ်ဟးဂီၤလီၤ. တၢ်တူၢ်လိာ်အတၢ်သိၣ်က့ၤသီက့ၤန့ၣ်မ့ၢ်တၢ်ကူၣ်သ့လီၤ.

တၢ်ကတိၤဒိ. 17:16

ပှၤဟးဂီၤဖိမၤလၢာ်စ့လၢတၢ်မၤလိမၤဒိးအဂီၢ်န့ၣ်တမၤဂ့ၤ ဘၣ်အီၤဘၣ်. အဂ့ၢ်ဒ်အံၤ, အတၢ်ဆိကမိၣ်ကွၢ်ထံကွၢ်ဆးတအိၣ်ဘၣ်အဃိလီၤ.

တၢ်ကတိၤဒိ. 18:15

ပှၤလၢအအိၣ်ဒီးတၢ်သူၣ်ဆးသးဆးတဖၣ်န့ၣ်, အသးဆူၣ်ဒီးအိၣ်ကတဲာ်ကတီၤအသးထီဘိလၢကမၤလိန့ၢ်တၢ်လီၤ.

တၢ်ကတိၤဒိ. 19:20

နမ့ၢ်ဒိကနၣ်တၢ်ဟ့ၣ်ကူၣ်ဟ့ၣ်ဖးဒီးသးအိၣ်မၤလိတၢ်န့ၣ်တနံၤ န့ၣ်နကမ့ၢ်ပှၤကူၣ်တၢ်သ့လီၤ.

တၢ်ကတိၤဒိ. 29:1

ဖဲနဘၣ်တၢ်သိၣ်ဃီၣ်နၤကိးဘျီဒဲးန့ၣ်နခိၣ်မ့ၢ်ကိၤအါထီၣ်ဒီး, မုၢ်ကအိၣ်ဝဲတနံၤလၢနကဘၣ်တၢ်မၤလီၤကလဲနၤဒီး တၢ်မၤဘျါက့ၤနၤတအိၣ်လၢၤနီတဘျီဘၣ်.

လံာ်ပှၤစံၣ်တဲၤတဲလီၤတၢ် 7:5

တၢ်ပျဲပှၤကူၣ်တၢ်သ့တဖၣ်သိၣ်က့ၤသီက့ၤနၤဆါဆါန့ၣ်, ဂ့ၤဒိၣ်န့ၢ်ဒံးတၢ်ပျဲပှၤအသးတထံတဖၣ်သးဝံၣ်စံးထီၣ်ပတြၢၤ နၤတက့ၢ်လီၤ.

လံာ်ယၡါယၤ 1:5

ဘၣ်မနုၤအဃိသုပူထီၣ်ဒံးအီၤန့ၣ်လဲၣ်. မ့ၢ်သုအဲၣ်ဒိးတၢ်စံၣ် ညီၣ်သုအါန့ၢ်ဒံးအလီၢ်အံၤဧါ. အံၣ်စရ့လးဧၢ, သုခိၣ် ဘၣ်တၢ်ကးဘၢတ့ၢ်လံအီၤလၢတၢ်ပူၤလီၢ်ပူၤကျဲတဖၣ်ဒီး သုသးဒီးတၢ်ဆိကမိၣ်တဖၣ်ဆိးက့ဝဲလီၤ.

လံာ်ယၡါယၤ 3:9

အတၢ်ကွၢ်မဲာ်လၢတၢ်ထံၣ်တဆှံတဖၣ်ကဘၣ်တၢ်ဟံးဃာ်အီၤ လၢတၢ်ထီဒါက့ၤအဝဲသ့ၣ်အဂီၢ်လီၤ. အဝဲသ့ၣ်မၤတၢ်ဒဲးဘးဖျိ ဖျိဖျါဖျါဒ်ပှၤအိၣ်လၢဝ့ၢ်စဒိၣ်တဖၣ်မၤတ့ၢ်ဝဲအသိးလီၤ. အဝဲသ့ၣ်ဘၣ်တၢ်စံၣ်ညီၣ်ဃါမနၤလီၤ. အဝဲ သ့ၣ်ဟဲစိာ်တၢ်အံၤလၢအဖီခိၣ်ဒၣ်ဝဲလီၤ.

လံာ်ယံးရမံယၤ 5:3

သပှၢ်ကတၢၢ်ယွၤကွၢ်ဃုတၢ်သူၣ်တီသးလိၤန့ၣ်လီၤ. အဝဲဒိတီၢ်သုဘၣ်ဆၣ်သုတပာ်လ့ၤပာ်ကဲအီၤဘၣ်. အဝဲမၤသဘှံးသုဘၣ်ဆၣ်သုတမၤလိန့ၢ်တၢ်ဘၣ်. သုခိၣ်ကိၤဒီးသုတဃၣ်ကွံာ်သုသးလၢသုတၢ်ဒဲးဘးတဖၣ်ဘၣ်.

လံာ်သိၣ်လီၤသီလီၤတၢ် 21:18

ပစံးဒၣ်ကလိာ်, ပှၤတဂၤအိၣ်ဒီးဖိခွါတဂၤလၢအခိၣ်ကိၤဒီးပူထီၣ်ထီထီၣ်တၢ်, မိၢ်ပၢ်တဖၣ်စံၣ်ညီၣ်အီၤဒၣ်လဲာ်, မ့ၢ်ဖိခွါတဂၤလၢတစူၢ်အမိၢ်အပၢ်တဖၣ်ဘၣ်န့ၣ်လီၤ.

လံာ်သိၣ်လီၤသီလီၤတၢ် 21:20

မိၢ်ပၢ်တဖၣ်ကဘၣ်စံးဘၣ်ဝ့ၢ်အခိၣ်အနၢ်တဖၣ်ဒ်အံၤ, ပဖိခွါအံၤအခိၣ်ကိၤဒီးပူထီၣ်လီထီၣ်တၢ်ဒီးဂ့ၢ်လိာ်လၢ ကစူၢ်ပှၤအဂီၢ်လီၤ. အဝဲမၤလၢာ်ဂီၤကျိၣ်စ့ဒီးမ့ၢ်ပှၤအီမူၤသံးတဂၤလီၤ.

ဧ့ၤဘြံၤ 12:15

ပလီၢ်သုသးဒ်သိးပှၤသုတဃၣ်ဒူချၢကွံာ်အသးလၢ ကစၢ်ယွၤအဘျုးအဖှိၣ်နီတဂၤတဂ့ၤ, ဒီးဒ်သိးတၢ်အခၣ်တမုၢ်န့ၣ်အသုတမဲထီၣ်လၢသုသိးသုကျါဒီး ကဲထီၣ်တၢ်ကီတၢ်ခဲလၢသုဂီၢ်ဒီးတၢ်မၤဘၣ်အၢသုန့ၣ်တဂ့ၤ.

ယၤကိာ် 1:22

တဘၣ်လီလီၤသုသးခီဖျိထဲလၢတၢ်ဒိကနၣ်တၢ်ကလုၢ် ကထါဧိၤန့ၣ်တဂ့ၤ. မ့မ့ၢ်, အိၣ်မူမၤထွဲတၢ်ကလုၢ်ကထါအံၤတက့ၢ်.

လံာ်လီၣ်ဖျါ 3:19

ပှၤလၢယအဲၣ်န့ၣ်, ယသိၣ်ဃီၣ်သီဃီၣ်, ဒီးစံၣ်ညီၣ်အီၤကိးဂၤဒဲးလီၤ. လၢတၢ်န့ၣ်အဃိ, ပာ်နသးသပှၢ်ပှၢ်, ဒီးဃၣ်ကွံာ်လၢနတၢ်ဒဲးတူာ်ဒဲးဘးတဖၣ်န့ၣ်တက့ၢ်.