တၢ်ကတိၤဒိ. 15:30 - Sgaw Karen Common Bible

³⁰ မဲာ်နံၤကမှံတဖၣ်မၤသးခုနသးလီၤ. ဒီးတၢ်ကစီၣ်လၢအဂ့ၤတဖၣ် မၤမုာ်နသးအါထီၣ်လီၤ.

တၢ်ကတိၤဒိ. 15:30 Iomraidhean Croise

လံာ်စီၤဧ့စြၤ 9:8

ခဲအံၤ, အိယွၤ, ပကစၢ်ယွၤဧၢ, လၢတၢ်ဆၢကတီၢ်ဖုၣ်ကိာ်အပူၤန့ၣ်, နဒုးဘၣ်ဘျုးဘၣ်ဖှိၣ်လံပှၤဒီးပျဲတ့ၢ်ပဝဲတနီၤဒ်သိးကထူၣ်ဖျဲးထီၣ် လၢတၢ်ကဲကုၢ်အလီၢ်ဒီးအိၣ်ဆိးပူၤပူၤဖျဲးဖျဲးလၢတၢ် လီၢ်စီဆှံအံၤအပူၤန့ၣ်လီၤ. နပျဲထူၣ်ဖျဲးထီၣ်ကွံာ်ပှၤလၢတၢ်ကဲကုၢ်အလီၢ်ဒီးဟ့ၣ်လီၤ ပှၤတၢ်အိၣ်မူအသီန့ၣ်လီၤ.

စံးထီၣ်ပတြၢၤ 89:15

ပှၤဂီၢ်မုၢ်လၢအဘါထီၣ်နၤ အိၣ်ဒီးတၢ်သးဝံၣ်တဖၣ်, လၢအအိၣ်လၢနတၢ်သးကညီၤအတၢ်ကပီၤ အပူၤန့ၣ်ဘၣ်ဆိၣ်ဂ့ၤဝဲလီၤ.

တၢ်ကတိၤဒိ. 12:25

တၢ်ကိၢ်တၢ်ဂီၤန့ၣ်ကဂုာ်ကွံာ်တၢ်သးခုလၢနအိၣ်လီၤ. မ့မ့ၢ်တၢ်ကတိၤအမုာ်တဖၣ်န့ၣ်ကမၤသူၣ်ခုသးခုထီၣ်နၤလီၤ.

တၢ်ကတိၤဒိ. 13:9

ပှၤတီပှၤလိၤတဖၣ်လီၤဂာ်ဒ်တၢ်ကပီၤလၢအကပီၤဝဲဆှံဆှံအသိး န့ၣ်လီၤ. မ့မ့ၢ်ပှၤတတီတလိၤတဖၣ်လီၤဂာ်ဒ်မ့ၣ်အူဒၢလၢ အလီၤပံာ်ကွံာ်ဝဲအသိးန့ၣ်လီၤ.

တၢ်ကတိၤဒိ. 15:29

ဖဲပှၤအဂ့ၤတဖၣ်ဘါထုကဖၣ်တၢ်န့ၣ်ယွၤဒိကနၣ်ဝဲလီၤ. မ့မ့ၢ်ယွၤတကနာ်ဃုာ်ဘၣ်ပှၤအအၢအသီတဖၣ်ဘၣ်.

တၢ်ကတိၤဒိ. 15:31

နမ့ၢ်ဒိကနၣ်တၢ်သပှၢ်ပှၢ်ဖဲနဘၣ်တၢ်သိၣ်က့ၤသီက့ၤနၤဒီး, နမ့ၢ်ပှၤအကူၣ်သ့လီၤ.

တၢ်ကတိၤဒိ. 17:22

သးလၢအခုန့ၣ်ဒုးအိၣ်ဆူၣ်အိၣ်ချ့နၤလီၤ. မ့မ့ၢ်တၢ်မဲာ်လီၤသပှၢ်တဘိယူၢ်ဃီမ့ၢ်တၢ်သံကယီကယီလီၤ.

တၢ်ကတိၤဒိ. 25:25

တၢ်နၢ်ဟူဘၣ်တၢ်ကစီၣ်အမုာ်ဟဲလၢထံယံၤကီၢ်ယံၤန့ၣ်လီၤဂာ်ဒီး တၢ်အီဘၣ်ထံခုၣ်ဖဲပသးဃ့ထီဒီးတၢ်သူပသးလၢထံအဆၢကတီၢ် န့ၣ်လီၤ.

တၢ်ကတိၤဒိ. 3:8

နမ့ၢ်မၤဒ်အံၤဒီးကမ့ၢ်ကသံၣ်ဖီၣ်အဂ့ၤလၢအကမၤဘျါက့ၤနပူၤလီၢ် တဖၣ်အဂီၢ်ဒီးမၤကိညၢ်ထီၣ်က့ၤနတၢ်ဆါန့ၣ်လီၤ.

လံာ်ပှၤစံၣ်တဲၤတဲလီၤတၢ် 11:7

တၢ်သူၣ်ခုသးခုလၢမုၢ်ဆါအတၢ်ကပီၤအတၢ်မုာ်သူၣ်မုာ်သးအပူၤ န့ၣ်မ့ၢ်တၢ်ဂ့ၤဝဲလီၤ.

လံာ်ယၡါယၤ 58:11

ဒီးယကပၢဆှၢသုထီဘိဒီးမၤသးမံသးမုာ်သုလၢတၢ်အဂ့ၤ တဖၣ်လီၤ. ယကဟ့ၣ်သုတၢ်ဂံၢ်တၢ်ဘါဒီးတၢ်အိၣ်ဆူၣ်အိၣ် ချ့လီၤ. သုကလီၤဂာ်ဒ်တၤသၣ်လီၢ်လၢအဘၣ်စီၣ်ဘၣ်သ့တလီၢ်, ထံမူထီၣ်ပၢၢ်တပူၤလၢတလီၤသံးနီတစုဘၣ်အသိးန့ၣ်လီၤ.

လံာ်လီၣ်ဖျါ 21:23

ဝ့ၢ်န့ၣ်တလိၣ်ဘၣ်မုၢ်မ့ၢ်ဂ့ၤ, လါမ့ၢ်ဂ့ၤ, လၢအကကပီၤလီၤလၢ အလိၤအဂီၢ်ဘၣ်. အဂ့ၢ်ဒ်အံၤ, ကစၢ်ယွၤအလၤကပီၤကပီၤလီၤ လၢအလိၤ, ဒီးအမ့ၣ်အူဒၢန့ၣ်မ့ၢ်ဝဲသိဖိတဒုန့ၣ်လီၤ.

လံာ်လီၣ်ဖျါ 22:5

မုၢ်နၤတအိၣ်လၢၤဘၣ်. ဒီးအဝဲသ့ၣ်တလိၣ်ဘၣ်မ့ၣ်အူဒၢမ့ၢ်ဂ့ၤ, မုၢ်အတၢ်ကပီၤမ့ၢ်ဂ့ၤန့ၣ်ဘၣ်. အဂ့ၢ်မ့ၢ်လၢကစၢ်ယွၤကမ့ၢ်အဝဲသ့ၣ် အတၢ်ကပီၤ, ဒီးအဝဲသ့ၣ်ကပၢတၢ်ဒ်စီၤပၤတဖၣ်အသိးလီၤ စိၤလီၤထီလီၤ.