တၢ်ကတိၤဒိ. 15:28 - Sgaw Karen Common Bible

²⁸ ပှၤအဂ့ၤအဝါတဖၣ်န့ၣ်တချုးလၢအစံးဆၢတၢ်ဒီးဆိကမိၣ်တၢ်လီၤ. မ့မ့ၢ်ပှၤအအၢအသီတဖၣ်န့ၣ်အိၣ်ဒီးတၢ်စံးဆၢလၢအချ့မးဘၣ်ဆၣ် ဒီး, ဒုးအိၣ်ထီၣ်တၢ်ကီတၢ်ခဲလီၤ.

တၢ်ကတိၤဒိ. 15:28 Iomraidhean Croise

စံးထီၣ်ပတြၢၤ 59:7

ကနၣ်အတၢ်ကတိၤတရီတပါဒီး အတၢ်မၤပျံၤမၤဖုးတဖၣ်တက့ၢ်. အပျ့ၤတဖၣ်လီၤဂာ်ဒီး နးဧိၤဘီဧိၤအိၣ်လၢ အကိာ်ပူၤဒီး ဆိကမိၣ်ဝဲလၢ ပှၤတနၢ်ဟူအီၤနီတဂၤဘၣ်လီၤ.

တၢ်ကတိၤဒိ. 10:19

နတၢ်ကတိၤဒံးအါ, နမၤဒဲးဘးတၢ်ကဒံးအါတက့ၢ်လီၤ. နမ့မ့ၢ်ပှၤလၢအကူၣ်တၢ်သ့ဒီးနကအိၣ်ဘှ့ၣ်အိၣ်ဘှီၣ်န့ၣ်လီၤ.

တၢ်ကတိၤဒိ. 10:32

ပှၤအတီအလိၤသ့ၣ်ညါတၢ်အဂ့ၤလၢကဘၣ်စံးကတိၤဝဲလီၤ. မ့မ့ၢ်, ပှၤတတီတလိၤကတိၤတၢ်တဖၣ်လၢအမၤဘၣ်ဒိဘၣ်ထံးတၢ်ထီဘိလီၤ.

တၢ်ကတိၤဒိ. 13:16

ပှၤလၢအသူၣ်ထံသးဆးတဖၣ်ဆိကမိၣ်တၢ်ထီဘိတချုးလၢအမၤတၢ် တမံၤမံၤန့ၣ်လီၤ. မ့မ့ၢ်ပှၤအမၢးတဖၣ်န့ၣ်ပာ်ဖျါတၢ်တမၤလိမၤဒိးဘၣ် တၢ်န့ၣ်လီၤ.

တၢ်ကတိၤဒိ. 15:2

ဖဲပှၤကူၣ်သ့ကတိၤတၢ်န့ၣ်, ဒုးကဲထီၣ်တၢ်သ့ၣ်ညါလၢတၢ်ထုးန့ၢ် ပှၤအသးလီၤ. မ့မ့ၢ်ပှၤဟးဂီၤဖိအထးခိၣ်ဖျိးထီၣ်လၢတၢ်တဂီာ်တသီၣ်ဘၣ်န့ၣ်လီၤ.

တၢ်ကတိၤဒိ. 16:23

ပှၤသူၣ်ဆးသးဆးတဖၣ်န့ၣ်တချုးအကတိၤတၢ်ဒီးဆိကမိၣ်တၢ်လီၤ. အန့ၣ်ဒီးတၢ်လၢအဝဲသ့ၣ်စံးကတိၤဝဲန့ၣ်ထုးသူၣ်ထုးသးအါဒိၣ် တက့ၢ်လီၤ.

တၢ်ကတိၤဒိ. 29:11

ပှၤလၢအသးတဆးတဖၣ်န့ၣ်ပျဲဟးထီၣ်အတၢ်သူၣ်ဒိၣ်သးဖျိးလၢာ်လၢာ် ဆ့ဆ့လီၤ. မ့မ့ၢ်, ပှၤလၢအအိၣ်ဒီးတၢ်သူၣ်ဆးသးဆးန့ၣ်အသးစူၤဒီးပၢၤ ဃာ်အသးန့ၣ်လီၤ.

တၢ်ကတိၤဒိ. 29:20

ပှၤဟးဂီၤဖိလၢအမၢးတဂၤန့ၣ်တၢ်မုၢ်လၢ်အိၣ်လၢအဂီၢ်အါန့ၢ် ဒိၣ်န့ၢ်ဒံးပှၤတဂၤဂၤလၢအကတိၤတၢ်တအိၣ်ဒီးတၢ်ဆိကမိၣ်ဆိကမး န့ၣ်တက့ၢ်လီၤ.

လံာ်ပှၤစံၣ်တဲၤတဲလီၤတၢ် 5:2

တချုးနကတိၤဒံးတၢ်န့ၣ်, ဆိကမိၣ်တၢ်တက့ၢ်. ဒီးအၢၣ်လီၤတၢ်ဒီးကစၢ်ယွၤချ့ဒံးချ့ဒူးလၢတၢ်တဆိကမိၣ်အပူၤတဂ့ၤ. အဝဲအိၣ်လၢမူခိၣ်, မ့မ့ၢ်နဲနအိၣ်လၢဟီၣ်ခိၣ်လိၤလီၤ. အဃိဒီး, စံးကတိၤတၢ်အါန့ၢ်ဒံးတၢ်လၢနကြၢးစံးကတိၤအီၤတဂ့ၤ.

လံာ်ပှၤစံၣ်တဲၤတဲလီၤတၢ် 5:6

ပျဲနတၢ်ကတိၤဒၣ်နဲတဖၣ်ဆှၢနၤဆူတၢ်ဒဲးဘးအပူၤတုၤနကဘၣ်တဲ ဘၣ်က့ၤကစၢ်ယွၤအပှၤလုၢ်တၢ်အခိၣ်လၢ, “ယအၢၣ်လီၤတၢ်ကမၣ်လံ” န့ၣ်တဂ့ၤ. ဘၣ်မနုၤအဃိနမၤသးဒိၣ်ကစၢ်ယွၤန့ၣ်လဲၣ်. ဘၣ်မနုၤအဃိနပျဲအမၤဟးဂီၤတၢ်လၢနမၤတ့ၢ်လံအီၤန့ၣ်လဲၣ်.

လံာ်မးသဲ 12:34

ဂုၢ်ဘီၣ်အီးသ့ၣ်ဧၢ, မ့ၢ်သုအၢသုသီသတးဒီးသုကတိၤတၢ်ကတိၤအဂ့ၤကသ့ဒ်လဲၣ်. အဂ့ၢ်ဒ်အံၤတၢ်လၢအအိၣ်ပှဲၤလၢသးအပူၤန့ၣ်, ထးခိၣ်ကတိၤထီၣ်ဖျဲးဝဲလီၤ.

၁ ပ့းတရူး 3:15

မ့မ့ၢ်, အိၣ်ဒီးတၢ်ယူးယီၣ်ပာ်ကဲခရံာ်ဒ်ကစၢ်အသိးလၢသုသးကံၢ်ပူၤ န့ၣ်တက့ၢ် (ၡါ ၈:၁၂-၁၃). အိၣ်ကတဲာ်ကတီၤသုသးထီဘိလၢ သုကစံးဆၢပှၤတဂၤဂ့ၤတဂၤဂ့ၤလၢအသံကွၢ်သုတၢ်မုၢ်လၢ်လၢ အအိၣ်လၢသုပူၤအဂ့ၢ်အကျိၤန့ၣ်တက့ၢ်.

၂ ပ့းတရူး 2:18

အဝဲသ့ၣ်ကတိၤဒိၣ်ကတိၤသွါတၢ်လၢအခီပညီတအိၣ် တဖၣ်, ဒီးသူဝဲနီၢ်ခိအတၢ်သူၣ်ကတၢသးကတၢလုၢ်လၢ်အၢသီ တဖၣ်လၢအကကွဲန့ၢ်လွဲန့ၢ်ပှၤလၢအထူၣ်ဖျဲးထီၣ်သီလၢပှၤလၢ အအိၣ်မူလၢတၢ်ကမၣ်အပူၤတဖၣ်အကျါန့ၣ်လီၤ.