တၢ်ကတိၤဒိ. 15:21 - Sgaw Karen Common Bible

²¹ ပှၤဟးဂီၤဖိသးခုဝဲလၢအတၢ်မၢးအပူၤလီၤ. မ့မ့ၢ်ပှၤကူၣ်သ့န့ၣ်ကမၤတၢ်လၢအဘၣ်န့ၣ်လီၤ.

တၢ်ကတိၤဒိ. 15:21 Iomraidhean Croise

လံာ်စီၤယိၤဘး 28:28

ဒီးကစၢ်ယွၤစံးဘၣ်ပှၤကညီ, ကွၢ်ကွၢ်တၢ်ပျံၤယွၤန့ၣ်မ့ၢ်တၢ် ကူၣ်သ့ဒီးတၢ်ဟးဆှဲးကွံာ်လၢတၢ်အၢန့ၣ်မ့ၢ်တၢ်သ့ၣ်ညါနၢ်ပၢၢ် န့ၣ်လီၤ.

စံးထီၣ်ပတြၢၤ 111:10

တၢ်ကူၣ်သ့အခီၣ်ထံးန့ၣ် မ့ၢ်တၢ်ပျံၤယွၤလီၤ. ကယဲၢ်ပှၤလၢအတိၢ်န့ၢ်ဝဲခဲလၢာ်န့ၣ် အိၣ်ဒီးအသးလၢအနၢ်ပၢၢ်တၢ်ဂ့ၤဂ့ၤလီၤ. အတၢ်စံးထီၣ်ပတြၢၤန့ၣ် အိၣ်ဂၢၢ်ဆိးကျၢၤ လီၤစိၤလီၤထီလီၤ.

တၢ်ကတိၤဒိ. 10:23

ပှၤဟးဂီၤဖိသးခုလၢအမၤတၢ်ဒဲးဘးအပူၤလီၤ. ပှၤလၢအအိၣ်ဒီးတၢ်ကူၣ်တၢ်ဆးန့ၣ်, မုာ်လၤဝဲလၢတၢ်ကူၣ်သ့အပူၤ လီၤ.

တၢ်ကတိၤဒိ. 11:12

တၢ်ကတိၤဒုၣ်ဒွဲၣ်ပှၤအဂၤတဖၣ်န့ၣ်မ့ၢ်တၢ်သူၣ်တထံသးတဆးလီၤ. နမ့မ့ၢ်ပှၤလၢအအိၣ်ဒီးတၢ်သ့ၣ်ညါနၢ်ပၢၢ်န့ၣ်, နကအိၣ်ဘှီၣ်လီၤ.

တၢ်ကတိၤဒိ. 14:16

ပှၤသူၣ်ထံသးဆးတဖၣ်ပလီၢ်အသးလၢကအိၣ်ယံၤဒီးတၢ်အၢတၢ်သီ လီၤ. မ့မ့ၢ်, ပှၤအမၢးတဖၣ်တပလီၢ်အသးဘၣ်ဒီးမၤကြီတၢ်လီၤ.

တၢ်ကတိၤဒိ. 14:8

ဘၣ်မနုၤအဃိပှၤလၢအသူၣ်ပ့ၢ်သးဆှါတဂၤကူၣ်တၢ်သ့လဲၣ်. အဂ့ၢ်ဒ်အံၤ, သ့ၣ်ညါတၢ်လၢအဘၣ်မၤဝဲအဃိလီၤ. ဘၣ်မနုၤအဃိပှၤဟးဂီၤဖိတဂၤအသးတဆးလဲၣ်. အဂ့ၢ်ဒ်အံၤ, ဆိကမိၣ်ဝဲထဲအသ့ၣ်ညါတၢ်အဃိလီၤ.

တၢ်ကတိၤဒိ. 14:9

ပှၤဟးဂီၤဖိမ့ၢ်မၤဒဲးဘးတၢ်ဒၣ်လဲာ်တပာ်ဝဲလၢတၢ်နီတမံၤဘၣ်. မ့မ့ၢ်ပှၤအဂ့ၤအဲၣ်ဒိးဝဲလၢတၢ်ကပျၢ်အတၢ်ကမၣ်လီၤ.

တၢ်ကတိၤဒိ. 15:22

မၤန့ၢ်ကယဲၢ်တၢ်ဟ့ၣ်ကူၣ်ဟ့ၣ်ဖးခဲလၢာ်လၢနမၤန့ၢ်အီၤသ့ဒီး နတၢ်မၤကကဲထီၣ်လိၣ်ထီၣ်လီၤ. တၢ်အံၤမ့ၢ်တအိၣ်ဒီးနတၢ်မၤကဟးဂုာ်ဟးဂီၤလီၤ.

တၢ်ကတိၤဒိ. 4:25

မ်နမဲာ်ကွၢ်တၢ်ဆူညါလိၤလိၤအိၣ်ဒီးတၢ်နာ်တၢ်နီၢ်နီၢ်ဒီး ဆှိလီၤနခိၣ်လၢတၢ်မဲာ်ဆှးအပူၤတဂ့ၤ.

တၢ်ကတိၤဒိ. 4:26

တၢ်လၢနမၤအီၤန့ၣ်, ရဲၣ်လီၤကျဲၤလီၤအီၤလီၤတံၢ်လီၤဆဲးတက့ၢ်. ဒီးတၢ်လၢနမၤအီၤတမံၤလၢ်လၢ်န့ၣ်ကဘၣ်ဘျီးဘၣ်ဒါဝဲလီၤ.

အ့းဖ့းစူး 5:15

လၢတၢ်န့ၣ်အဃိပလီၢ်သုသးလၢသုတၢ်အိၣ်မူအပူၤတက့ၢ်. တဘၣ်အိၣ်မူဒ်ပှၤလၢအသးတဆးတဖၣ်အသိးန့ၣ်တဂ့ၤ. မ့မ့ၢ်, အိၣ်မူဒ်ပှၤကူၣ်တၢ်သ့အသိးန့ၣ်တက့ၢ်.

ယၤကိာ် 3:13

ပှၤလၢသုကျါအိၣ်ဝဲတဂၤဂၤလၢအကူၣ်သ့ဒီးသ့ၣ်ညါနၢ် ပၢၢ်တၢ်န့ၣ်ဧါ. အဝဲကဘၣ်ဒုးနဲၣ်တၢ်အံၤခီဖျိအတၢ်အိၣ်မူလၢ အဂ့ၤ, ဒီးခီဖျိအတၢ်မၤအဂ့ၤတဖၣ်လၢအမၤဝဲအိၣ်ဒီး တၢ်ဆီၣ်လီၤသးဒီးတၢ်ကူၣ်သ့န့ၣ်လီၤ.