တၢ်ကတိၤဒိ. 15:2 - Sgaw Karen Common Bible

² ဖဲပှၤကူၣ်သ့ကတိၤတၢ်န့ၣ်, ဒုးကဲထီၣ်တၢ်သ့ၣ်ညါလၢတၢ်ထုးန့ၢ် ပှၤအသးလီၤ. မ့မ့ၢ်ပှၤဟးဂီၤဖိအထးခိၣ်ဖျိးထီၣ်လၢတၢ်တဂီာ်တသီၣ်ဘၣ်န့ၣ်လီၤ.

တၢ်ကတိၤဒိ. 15:2 Iomraidhean Croise

စံးထီၣ်ပတြၢၤ 45:1

တၢ်ကတိၤဃံလၤတဖၣ်မၤပှဲၤယတၢ်ဆိကမိၣ် ဖဲယကွဲးတၢ်သးဝံၣ်အံၤလၢစီၤပၤအဂီၢ်န့ၣ်လီၤ. ဒ်ပှၤကွဲးလံာ်သ့အထိၣ်ဒံးအသိး ယပျ့ၤချ့လၢထါအဂီၢ်န့ၣ်လီၤ.

စံးထီၣ်ပတြၢၤ 59:7

ကနၣ်အတၢ်ကတိၤတရီတပါဒီး အတၢ်မၤပျံၤမၤဖုးတဖၣ်တက့ၢ်. အပျ့ၤတဖၣ်လီၤဂာ်ဒီး နးဧိၤဘီဧိၤအိၣ်လၢ အကိာ်ပူၤဒီး ဆိကမိၣ်ဝဲလၢ ပှၤတနၢ်ဟူအီၤနီတဂၤဘၣ်လီၤ.

တၢ်ကတိၤဒိ. 12:23

ပှၤလၢအသူၣ်ထံအသးဆးတဖၣ်န့ၣ်အိၣ်ဘှီၣ်ဝဲဘၣ်ဃးတၢ်လၢအသ့ၣ်ညါ ဝဲအဂ့ၢ်လီၤ. မ့မ့ၢ်ပှၤလၢအသူၣ်တထံအသးတဆးတဖၣ်န့ၣ်ဒုးဟူထီၣ်သါလီၤ အတၢ်တမၤလိမၤဒိးဘၣ်တၢ်န့ၣ်လီၤ.

တၢ်ကတိၤဒိ. 13:16

ပှၤလၢအသူၣ်ထံသးဆးတဖၣ်ဆိကမိၣ်တၢ်ထီဘိတချုးလၢအမၤတၢ် တမံၤမံၤန့ၣ်လီၤ. မ့မ့ၢ်ပှၤအမၢးတဖၣ်န့ၣ်ပာ်ဖျါတၢ်တမၤလိမၤဒိးဘၣ် တၢ်န့ၣ်လီၤ.

တၢ်ကတိၤဒိ. 15:23

တၢ်ကတိၤအဘၣ်လၢတၢ်ဆၢဂ့ၤကတီၢ်ဘၣ်အပူၤန့ၣ်မ့ၢ်တၢ်သးခု ဆံးဒိၣ်လဲၣ်.

တၢ်ကတိၤဒိ. 15:28

ပှၤအဂ့ၤအဝါတဖၣ်န့ၣ်တချုးလၢအစံးဆၢတၢ်ဒီးဆိကမိၣ်တၢ်လီၤ. မ့မ့ၢ်ပှၤအအၢအသီတဖၣ်န့ၣ်အိၣ်ဒီးတၢ်စံးဆၢလၢအချ့မးဘၣ်ဆၣ် ဒီး, ဒုးအိၣ်ထီၣ်တၢ်ကီတၢ်ခဲလီၤ.

တၢ်ကတိၤဒိ. 15:7

တၢ်သ့ၣ်ညါန့ၣ်ဘၣ်တၢ်ရၤလီၤအီၤလၢပှၤလၢအကူၣ်တၢ်သ့တဖၣ်ဒီး တမ့ၢ်ဘၣ်လၢပှၤဟးဂီၤဖိတဖၣ်န့ၣ်ဘၣ်.

တၢ်ကတိၤဒိ. 16:23

ပှၤသူၣ်ဆးသးဆးတဖၣ်န့ၣ်တချုးအကတိၤတၢ်ဒီးဆိကမိၣ်တၢ်လီၤ. အန့ၣ်ဒီးတၢ်လၢအဝဲသ့ၣ်စံးကတိၤဝဲန့ၣ်ထုးသူၣ်ထုးသးအါဒိၣ် တက့ၢ်လီၤ.

တၢ်ကတိၤဒိ. 5:2

အန့ၣ်ဒီး, နကသ့ၣ်ညါနကဘၣ်အိၣ်မူဂ့ၤဂ့ၤဘၣ်ဘၣ်ဒ်လဲၣ်ဒ်လဲၣ်, ဒီးနတၢ်ကတိၤတဖၣ်ကဒုးနဲၣ်ဝဲလၢနအိၣ်ဒီးတၢ်သ့ၣ်ညါန့ၣ်လီၤ.

လံာ်ပှၤစံၣ်တဲၤတဲလီၤတၢ် 10:14

ပှၤဟးဂီၤဖိကတိၤတၢ်တဆိတ့ၢ်ဝဲဘၣ်. တၢ်မနုၤကမၤအသးဆူညါ လဲၣ်န့ၣ်, ပှၤတသ့ၣ်ညါနီတဂၤဘၣ်. ဒီးပသံဝံၤတၢ်မနုၤကမၤအသးလဲၣ်န့ၣ်, ပှၤတဲပှၤတသ့နီတဂၤဘၣ်.

လံာ်ပှၤစံၣ်တဲၤတဲလီၤတၢ် 5:3

နဒံးကိၢ်တၢ်ဂီၤတၢ်ဒီး, နကအိၣ်ဒီးတၢ်မံမီၢ်အအၢအသီတဖၣ်ဒံး အါထီၣ်ဘၣ်ဖုးလီၤ. ဒီးနကတိၤတၢ်ဒံးအါထီၣ်, နကတိၤပှၤဟးဂီၤဖိအတၢ်ကတိၤတမံၤမံၤကဒံးအါထီၣ်ဘၣ်ဖုးန့ၣ် လီၤ.

လံာ်ယၡါယၤ 50:4

ယွၤပၢဘၣ်တၢ်ခဲလၢာ်အကစၢ်သိၣ်လိတ့ၢ်ယၤတၢ်လၢယကဘၣ်စံး ကတိၤ ဒ်သိးယဒုးဆူၣ်ထီၣ်ပှၤလၢအလီၤဘှံးလီၤတီၤအဂံၢ်အဘါကသ့ဝဲ အဂီၢ်လီၤ. ကိးဂီၤဒဲးန့ၣ်, အဝဲထိၣ်ဂဲၤယသးလၢယကဆူလၢ်ဟူတၢ်လၢ အဝဲကသိၣ်လိယၤလီၤ.