တၢ်ကတိၤဒိ. 15:18 - Sgaw Karen Common Bible

¹⁸ တၢ်သးကဲၤထီၣ်ဒုးအိၣ်ထီၣ်တၢ်ဂ့ၢ်လိာ်ဘှီလိာ်တဖၣ်လီၤ. မ့မ့ၢ်, တၢ်ဝံသးစူၤဟဲစိာ်တၢ်ဃူတၢ်ဖိးလီၤ.

တၢ်ကတိၤဒိ. 15:18 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 19:43

ပှၤကီၢ်အံၣ်စရ့လးဖိတဖၣ်စံးဆၢဝဲဒၣ်, “အဝဲမ့မ့ၢ်ဒၣ်လဲာ် ပှၤတဂၤလၢသုဘူးသုတံၢ်အကျါဘၣ်ဆၣ်, ပတဲသ့လၢပတၢ်ဘၣ်ဃးဒီးစီၤပၤန့ၣ်အိၣ်ဝဲဆံဆဲၣ်ဘျီ, ဒီးအါန့ၢ်ဒံးသုလၢသုဘၣ်ဃးဒီးအီၤတက့ၢ်လီၤ. ဘၣ်မနုၤအဃိသုကွၢ်တလီၤပှၤန့ၣ်လဲၣ်. ပမ့ၢ်တ့ၢ်ပှၤအဆိကတၢၢ်လၢအကတိၤတၢ်ဘၣ်ဃး တၢ်ကိးကဒါက့ၤစီၤပၤအဂ့ၢ်လီၤန့ၣ်, သးပ့ၤနီၣ်အီၤတဂ့ၤ.” ဘၣ်ဆၣ်ဒီး, ပှၤလၢကီၢ်ယူဒၤတဖၣ်ကတိၤတၢ်ဆူၣ်ဆူၣ်လၢအတၢ်ဘၣ်ဃး ဒီးစီၤပၤအဂ့ၢ်န့ၣ်, အါန့ၢ်ဒိၣ်န့ၢ်ဒံးပှၤလၢကီၢ်အံၣ်စရ့လးတဖၣ်တက့ၢ်န့ၣ်လီၤ.

တၢ်ကတိၤဒိ. 10:12

တၢ်သးဟ့န့ၣ်ထိၣ်ဂဲၤထီၣ်တၢ်အ့ၣ်လိာ်ဆိးက့လိာ်လီၤ. မ့မ့ၢ်, တၢ်အဲၣ်တၢ်ကွံကွၢ်ကပာ်ကွံာ်တၢ်မၤကမၣ်ခဲလၢာ်လီၤ.

တၢ်ကတိၤဒိ. 14:29

နမ့ၢ်အိၣ်ခုၣ်ခုၣ်မုာ်မုာ်ဒီးနမ့ၢ်ပှၤကူၣ်သ့လီၤ. ဘၣ်ဆၣ်နမ့ၢ်အိၣ်ဒီးတၢ်သးထီၣ်ကဲၤန့ၣ်, နပာ်ဖျါထီၣ်ဒၣ်လၢနမ့ၢ် ပှၤအမၢးထဲလဲၣ်ထဲလဲၣ်န့ၣ်လီၤ.

တၢ်ကတိၤဒိ. 15:1

တၢ်စံးဆၢကပုာ်လုာ်တဘီန့ၣ်, မၤမုာ်မၤခုၣ်လီၤတၢ်သးဒိၣ်လီၤ. မ့မ့ၢ်တၢ်ကတိၤဆူၣ်ဆူၣ်ကိၤကိၤတဘီန့ၣ်ထိၣ်ဂဲၤထီၣ်တၢ်သးဒိၣ် လီၤ.

တၢ်ကတိၤဒိ. 15:19

နမ့ၢ်ကၢၣ်ဒီးနကထံၣ်လိာ်တၢ်ကီတၢ်ခဲလၢတၢ်လီၢ်ကိးပူၤဒဲးလီၤ. ဘၣ်ဆၣ်နမ့ၢ်တီမ့ၢ်လိၤဒီးတၢ်ကီတၢ်ခဲတအိၣ်လၢနဂီၢ်ဘၣ်.

တၢ်ကတိၤဒိ. 16:14

ပှၤကူၣ်တၢ်သ့တဂၤကကျဲးစၢးမၤသးခုစီၤပၤလီၤ. စီၤပၤအသးမ့ၢ်ဒိၣ်ထီၣ်ဒီး, ပှၤတဂၤဂၤကသံဝဲလီၤ.

တၢ်ကတိၤဒိ. 16:28

တၢ်ကတိၤသီၣ်ဝံသဲကလၤဘၣ်တၢ်ရၤလီၤအီၤလၢပှၤတတီတလိၤ တဖၣ်လီၤ. အဝဲသ့ၣ်ထိၣ်ဂဲၤထီၣ်တၢ်ကီတၢ်ခဲဒီးမၤလီၤဖး တၢ်ဒီတံၤဒီသကိးတဖၣ်လီၤ.

တၢ်ကတိၤဒိ. 22:24

မၤတံၤမၤသကိးဒီးပှၤတဖၣ်လၢအသးဒိၣ်ထီၣ်ကဲၤထီၣ်ချ့ဒီးမၤ တပျုာ်တပျီၤတၢ်တဖၣ်န့ၣ်တဂ့ၤ.

တၢ်ကတိၤဒိ. 25:15

တၢ်မၢန့ၢ်ဆီၣ်ခံတၢ်လၢတၢ်သးစူၤအပူၤန့ၣ်မၤလီၤပှီၢ်ကွံာ်တၢ် တြီအဆူၣ်ကတၢၢ်ဒီးမၤန့ၢ်ပှၤပၢတၢ်တဖၣ်အသးဒၣ်လဲာ်သ့ဝဲလီၤ.

တၢ်ကတိၤဒိ. 26:21

သွဲၣ်လးဒုးအိၣ်ထီၣ်မ့ၣ်အူအ့ၣ်ကဲၤကဖး, သ့ၣ်မုၣ်ဒုးကပျီၤ ထီၣ်မ့ၣ်အူလၣ်, ဒီးပှၤလၢအမၤကီမၤခဲတၢ်တဖၣ်တဒုးဆိတ့ၢ်တၢ် အ့ၣ်လိာ်ဆိးက့လိာ်တဖၣ်ဘၣ်.

တၢ်ကတိၤဒိ. 28:25

တၢ်အဲၣ်လီၤသးန့ၣ်ဒုးအိၣ်ထီၣ်ဒၣ်ထဲတၢ်ကိၢ်တၢ်ဂီၤဧိၤလီၤ. တၢ်သန့ၤအသးလၢယွၤန့ၣ်ဒုးဘီၣ်ထီၣ်ညီထီၣ်နၤဒိၣ်တက့ၢ်လီၤ.

တၢ်ကတိၤဒိ. 29:22

ပှၤလၢအသးထီၣ်ချ့န့ၣ်ထိၣ်ဂဲၤထီၣ်တၢ်အ့ၣ်လိာ်ဆိးက့လိာ်ဒီး ဒုးအိၣ်ထီၣ်တၢ်ကီတၢ်ခဲအါမးလီၤ.

လံာ်ပှၤစံၣ်တဲၤတဲလီၤတၢ် 10:4

ပှၤပၢနၤတဂၤမ့ၢ်သးဒိၣ်ဘၣ်နၤဒီး, ဟးထီၣ်လၢနလီၢ်တဂ့ၤ. နမ့ၢ်ပာ်နသးခုၣ်ခုၣ်မုာ်မုာ်ဒီးတၢ်ကမၣ်လၢအဒိၣ်အမုၢ်တဖၣ်ဘၣ် တၢ်ပျၢ်ဖျဲးအီၤကသ့န့ၣ်လီၤ.

လံာ်မးသဲ 5:9

ပှၤလၢအမၤဃူမၤဖိးတၢ်တဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, ပှၤတဖၣ်န့ၣ် ကစၢ်ယွၤကကိးအီၤလၢအဖိတဖၣ်လီၤ.