တၢ်ကတိၤဒိ. 15:14 - Sgaw Karen Common Bible

¹⁴ ပှၤလၢအအိၣ်ဒီးတၢ်သူၣ်ဆးသးဆးန့ၣ်သးအိၣ်မၤလိတၢ်လီၤ. မ့မ့ၢ်ပှၤလၢအသးတဆးတဖၣ်န့ၣ်သးမံဒၣ်ဝဲလၢအတၢ်တမၤလိ မၤဒိးတၢ်အပူၤန့ၣ်လီၤ.

တၢ်ကတိၤဒိ. 15:14 Iomraidhean Croise

စံးထီၣ်ပတြၢၤ 119:100

ယနၢ်ပၢၢ်တၢ်အါန့ၢ်ပှၤလၢအသးပှၢ်တက့ၢ်လီၤ. အဂ့ၢ်ဒ်အံၤ, ယတိၢ်န့ၢ်ဖံးဃာ် နတၢ်မၤလိာ်တဖၣ်လီၤ.

စံးထီၣ်ပတြၢၤ 119:97

ယအဲၣ်နတၢ်သိၣ်တၢ်သီဆံးဒိၣ်လဲၣ်. ယဆိကမိၣ်တၢ်လၢအဂ့ၢ်အကျိၤသ့သ့တနံၤလီၤ.

တၢ်ကတိၤဒိ. 1:5

တၢ်ကူၣ်သ့အတၢ်ကတိၤတဖၣ်အံၤမၤအါထီၣ်ပှၤကူၣ်သ့တဖၣ် အတၢ်သ့ၣ်ညါဒီးဟ့ၣ်တၢ်နဲၣ်ကျဲဆူပှၤမၤလိမၤဒိးဘၣ်တၢ်တဖၣ် သ့ဝဲ,

တၢ်ကတိၤဒိ. 12:23

ပှၤလၢအသူၣ်ထံအသးဆးတဖၣ်န့ၣ်အိၣ်ဘှီၣ်ဝဲဘၣ်ဃးတၢ်လၢအသ့ၣ်ညါ ဝဲအဂ့ၢ်လီၤ. မ့မ့ၢ်ပှၤလၢအသူၣ်တထံအသးတဆးတဖၣ်န့ၣ်ဒုးဟူထီၣ်သါလီၤ အတၢ်တမၤလိမၤဒိးဘၣ်တၢ်န့ၣ်လီၤ.

တၢ်ကတိၤဒိ. 15:15

ပှၤဖှီၣ်ဖိယာ်ဖိအတၢ်အိၣ်မူန့ၣ်မ့ၢ်တၢ်ဘၣ်ဂဲၤပျုၢ်တထံၣ်ဃီလီၤ. မ့မ့ၢ်ပှၤလၢသူၣ်ဖှံသးညီတဖၣ်မုာ်လၤသးခုလၢအတၢ်အိၣ်မူ ထီဘိလီၤ.

တၢ်ကတိၤဒိ. 18:15

ပှၤလၢအအိၣ်ဒီးတၢ်သူၣ်ဆးသးဆးတဖၣ်န့ၣ်, အသးဆူၣ်ဒီးအိၣ်ကတဲာ်ကတီၤအသးထီဘိလၢကမၤလိန့ၢ်တၢ်လီၤ.

တၢ်ကတိၤဒိ. 9:9

တၢ်တမံၤဂ့ၤတမံၤဂ့ၤလၢနစံးဘၣ်တဲဘၣ်ပှၤကူၣ်သ့တဂၤန့ၣ်, ကဒုးကူၣ်သ့အါထီၣ်အီၤလီၤ. တၢ်တမံၤဂ့ၤတမံၤဂ့ၤလၢနတဲဘၣ် ပှၤတီပှၤလိၤတဂၤန့ၣ်, ကပာ်ဖှိၣ်အါထီၣ်အတၢ်သ့ၣ်ညါနၢ်ပၢၢ်န့ၣ်လီၤ.

လံာ်ယၡါယၤ 30:10

အဝဲသ့ၣ်တဲဘၣ်ဝံတဖၣ်လၢကအိၣ်ဘှ့ၣ် အိၣ်ဘှီၣ်န့ၣ်လီၤ. အဝဲသ့ၣ်စံးဝဲ, “ကတိၤတၢ်ဒီးပှၤဘၣ်ဃးဒီးတၢ်လၢအဘၣ် အဂ့ၢ်တဂ့ၤ. တဲဘၣ်ပှၤတၢ်လၢပသးအိၣ်နၢ်ဟူတက့ၢ်. မ်ပဟံးဃာ်ပတၢ်ထံၣ်တၢ်ဆိကမိၣ်ကမၣ်တဖၣ်တက့ၢ်.

လံာ်ယၡါယၤ 44:20

တၢ်အံၤအခီပညီအိၣ်ဝဲဒၣ်ထဲသိးသိးဒီးတၢ်အီၣ်ဖၣ်ဆါန့ၣ်လီၤ. အတၢ်ဆိကမိၣ်တဂီာ်တသီၣ်တဖၣ်ဆှၢကမၣ်တ့ၢ်အီၤတုၤဒၣ်လဲာ်တၢ်မၤ စၢၤအီၤတသ့လၢၤဘၣ်. တၢ်ဂီၤတၢ်ဖီၣ်လၢအဟံးဃာ်ဝဲလၢအစုပူၤအံၤတမ့ၢ်ကစၢ်လ့ၤ တက့ၤဘၣ်န့ၣ်လီၤ.

လံာ်ဟိၤၡ့ 12:1

တၢ်ခဲလၢာ်လၢကီၢ်အံၣ်စရ့လးအပှၤဂီၢ်မုၢ်မၤဝဲစးထီၣ် လၢဂီၤတုၤလၢဟါန့ၣ်မ့ၢ်တၢ်လၢအဘျုးတအိၣ်ဘၣ်ဒီးတၢ်ဟးဂီၤ န့ၣ်လီၤ. တၢ်လီတၢ်ဝ့ၤဒီးတၢ်စုဆူၣ်ခီၣ်တကးအတၢ်ဖံးတၢ်မၤတဖၣ် အါထီၣ်ဝဲလၢအဝဲသ့ၣ်အကျါလီၤ. အဝဲသ့ၣ်မၤလံာ်ဃံၤဃာ်ဒီးကီၢ်အၤ ၡူၢ်ဒီးမၤတၢ်ကူၣ်ဖံးကူၣ်မၤဒီးကီၢ်အဲၤကူပတူးန့ၣ်လီၤ.

မၤတၢ် 17:11

ပှၤဖဲန့ၣ်တဖၣ်ပာ်အသးလဲၢ်ဒိၣ်န့ၢ်ဒံးပှၤဝ့ၢ်သ့းစၤလနံဖိ တဖၣ်လီၤ. အဝဲသ့ၣ်ဒိကနၣ်တၢ်ကစီၣ်လၢတၢ်သူၣ်ဆူၣ်သးဂဲၤ အပူၤ, ဒီးဃုသ့ၣ်ညါနၢ်ပၢၢ်တၢ်ကွဲးအသးစီဆှံကိးနံၤဒဲးဒ်သိး အကသ့ၣ်ညါဘၣ်ဝဲတၢ်လၢစီၤပီလူးစံးကတိၤလၢအဂ့ၢ်တဖၣ်မ့ၢ်, တမ့ၢ်လဲၣ်န့ၣ်လီၤ.

၂ ပ့းတရူး 3:18

မ့မ့ၢ်ဒိၣ်ထီၣ်ဒံးသုဝဲလၢတၢ်ဘျုးတၢ်ဖှိၣ်ဒီးတၢ်သ့ၣ်ညါ ပကစၢ်ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အပူၤန့ၣ် တက့ၢ်. မ်တၢ်လၤကပီၤဘၣ်လၢ်အီၤအခဲအံၤဒီးဆူညါ အစိၤစိၤအဃၣ်ဃၣ်တက့ၢ်. အၤမ့ၣ်.