တၢ်ကတိၤဒိ. 15:12 - Sgaw Karen Common Bible

¹² ပှၤလၢအပာ်ထီၣ်ထီအသးတဖၣ်န့ၣ်တအဲၣ်ဒိးတၢ်သိၣ်က့ၤသီက့ၤ အီၤဘၣ်. အဝဲသ့ၣ်တဃ့တၢ်ဟ့ၣ်ကူၣ်ဟ့ၣ်ဖးလၢပှၤကူၣ်တၢ်သ့ န့ၢ်အီၤ, နီတဘျီဘၣ်.

တၢ်ကတိၤဒိ. 15:12 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 18:7

စီၤအၤဃာ်စံးဆၢဝဲ, “အိၣ်ဒံးဝဲတဂၤန့ၣ်လီၤ. မ့ၢ်စီၤယံးမလၤအဖိခွါစီၤမံၤကါယၤန့ၣ်လီၤ. ဘၣ်ဆၣ်ယသးဟ့အီၤမ့ၢ်လၢအဝဲတကတိၤတၢ်လၢဝံအကျိာ်အဂ့ၤနီ တမံၤလၢယဂီၢ်နီတစုဘၣ်အဃိလီၤ. ထီဘိမ့ၢ်ထဲတၢ်တမံၤမံၤလၢအအၢန့ၣ်လီၤ.” စီၤယဟိၡၤဖးစံးဝဲ, “နတကြၢးစံးတၢ်ဒ်သိးန့ၣ်ဘၣ်.”

လံာ်စီၤယိၤဘး 21:14

ပှၤတတီတလိၤစံးဘၣ်ကစၢ်ယွၤ, ဟးထီၣ်ကွံာ်လၢပအိၣ်တက့ၢ်. တၢ်သ့ၣ်ညါနကျဲဧိၤကပူၤဧိၤန့ၣ်တဘၣ်ဘၣ်ပသးဘၣ်.

တၢ်ကတိၤဒိ. 1:22

“ပှၤဟးဂီၤဖိသ့ၣ်ဧၢ, မ့ၢ်သုအဲၣ်ဒိးဟးဂီၤဒံးဆံးယံာ်လဲၣ်. သုကမုာ်လၤသးခုလၢတၢ်မၤတရီတပါတၢ်သ့ၣ်ညါဆံးယံာ်လဲၣ်. မ့ၢ်သုတမၤလိလၢၤတၢ်နီတစုဘၣ်ဧါ.

တၢ်ကတိၤဒိ. 13:1

ဖိခွါလၢအကူၣ်တၢ်သ့န့ၣ်ပာ်သူၣ်ပာ်သးသပှၢ်ပှၢ်ဖဲအပၢ်သိၣ်က့ၤ သီက့ၤအီၤန့ၣ်လီၤ. မ့မ့ၢ်ပှၤလၢအပာ်ထီၣ်ထီအသးန့ၣ်, တအၢၣ်လီၤအတၢ်ကမၣ်နီတစုဘၣ်.

တၢ်ကတိၤဒိ. 14:6

ပှၤလၢအပာ်ဒိၣ်ပာ်ဂ့ၤအသးတဖၣ်ကဲထီၣ်ပှၤကူၣ်သ့တန့ၢ်ဘၣ်နီ တဘျီဘၣ်. မ့မ့ၢ်, ပှၤလၢအအိၣ်ဒီးတၢ်သူၣ်ဆးသးဆးတဖၣ်မၤလိန့ၢ်တၢ်ညီကဒၣ်လီၤ.

တၢ်ကတိၤဒိ. 15:10

နမ့ၢ်မၤတၢ်လၢအကမၣ်ဒီး, နကဘၣ်တၢ်စံၣ်ညီၣ်နၤဆါဆါကလဲာ်လီၤ. နမ့ၢ်တပျဲတၢ်သိၣ်က့ၤသီက့ၤနၤဘၣ်ဒီး, နကသံလီၤ.

လံာ်ဧၤမိၣ် 5:10

သုဝဲသ့ၣ်အံၤ, သုသးဟ့ကယဲၢ်ပှၤလၢအတၤတၢ်တတီတလိၤဒီးကတိၤ တၢ်မ့ၢ်တၢ်တီလၢကွီၢ်ဘျီၣ်ပူၤန့ၣ်လီၤ.

လံာ်ယိၤဟၣ် 7:7

ဟီၣ်ခိၣ်သးဟ့သုတသ့ဘၣ်. ဘၣ်ဆၣ်သးဟ့ယၤလီၤ. မ့ၢ်လၢယစံးဘၣ်တဲဘၣ်အီၤတလီၢ်လီၢ်လၢ အကျဲတဖၣ်န့ၣ်အၢဝဲသီဝဲအဃိလီၤ.

၂ တံၤမသ့း 4:3

တၢ်ဆၢကတီၢ်ကဟဲဝဲဖဲပှၤတဒိကနၣ်လၢၤတၢ်သိၣ်လိသီလိလၢအမ့ၢ် အတီဘၣ်, မ့မ့ၢ်ကပိာ်ထွဲတၢ်သူၣ်လီသးကွံတဖၣ်အခံဒီးကပာ်ဖှိၣ်သရၣ် တဖၣ်အါထီၣ်အါထီၣ်လၢ အဝဲသ့ၣ်အကစၢ်ဒၣ်ဝဲအဂီၢ်, လၢအကစံးဘၣ်တဲဘၣ်အီၤတၢ်လၢအဝဲသ့ၣ်ဘၣ်အသး ဒီးသးအိၣ်နၢ်ဟူဝဲတဖၣ်န့ၣ်လီၤ.