တၢ်ကတိၤဒိ. 15:1 - Sgaw Karen Common Bible

¹ တၢ်စံးဆၢကပုာ်လုာ်တဘီန့ၣ်, မၤမုာ်မၤခုၣ်လီၤတၢ်သးဒိၣ်လီၤ. မ့မ့ၢ်တၢ်ကတိၤဆူၣ်ဆူၣ်ကိၤကိၤတဘီန့ၣ်ထိၣ်ဂဲၤထီၣ်တၢ်သးဒိၣ် လီၤ.

တၢ်ကတိၤဒိ. 15:1 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 19:43

ပှၤကီၢ်အံၣ်စရ့လးဖိတဖၣ်စံးဆၢဝဲဒၣ်, “အဝဲမ့မ့ၢ်ဒၣ်လဲာ် ပှၤတဂၤလၢသုဘူးသုတံၢ်အကျါဘၣ်ဆၣ်, ပတဲသ့လၢပတၢ်ဘၣ်ဃးဒီးစီၤပၤန့ၣ်အိၣ်ဝဲဆံဆဲၣ်ဘျီ, ဒီးအါန့ၢ်ဒံးသုလၢသုဘၣ်ဃးဒီးအီၤတက့ၢ်လီၤ. ဘၣ်မနုၤအဃိသုကွၢ်တလီၤပှၤန့ၣ်လဲၣ်. ပမ့ၢ်တ့ၢ်ပှၤအဆိကတၢၢ်လၢအကတိၤတၢ်ဘၣ်ဃး တၢ်ကိးကဒါက့ၤစီၤပၤအဂ့ၢ်လီၤန့ၣ်, သးပ့ၤနီၣ်အီၤတဂ့ၤ.” ဘၣ်ဆၣ်ဒီး, ပှၤလၢကီၢ်ယူဒၤတဖၣ်ကတိၤတၢ်ဆူၣ်ဆူၣ်လၢအတၢ်ဘၣ်ဃး ဒီးစီၤပၤအဂ့ၢ်န့ၣ်, အါန့ၢ်ဒိၣ်န့ၢ်ဒံးပှၤလၢကီၢ်အံၣ်စရ့လးတဖၣ်တက့ၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 12:7

အဝဲသ့ၣ်စံးဆၢဝဲ, “နမ့ၢ်သးအိၣ်မၤဘၣ်ပှၤဂီၢ်မုၢ်တဖၣ်အံၤ လၢတၢ်အဂ့ၤန့ၣ်, ဟ့ၣ်တၢ်ကွၢ်မဲာ်အတၢ်စံးဆၢလၢတၢ်လၢအဝဲသ့ၣ်ဃ့သကွံာ်ကညးဝဲအဂီၢ်, ဒီးအဝဲသ့ၣ်ကမၤနတၢ်မၤလၢတၢ်သးတီအပူၤထီဘိန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 10:7

အဝဲသ့ၣ်စံးဆၢဝဲ, “နမ့ၢ်သူၣ်ကညီသးကညီၤပှၤဂီၢ်မုၢ်တဖၣ် အံၤဒီးကျဲးစၢးမၤဘၣ်အဝဲသ့ၣ်အသးခီဖျိတၢ်ဟ့ၣ်အီၤတၢ်စံး ဆၢလၢအအိၣ်ဒီးတၢ်ဆိကမိၣ်န့ၢ်တၢ်လၢအဝဲသ့ၣ်အဂီၢ်န့ၣ်ဒီး, အဝဲသ့ၣ်ကမၤနတၢ်မၤလၢတၢ်သးတီအပူၤထီဘိန့ၣ်လီၤ.”

လံာ်စီၤယိၤဘး 41:3

ကဃ့ကညးနၤလၢနကပျဲအီၤဧါ. ကဃ့ကညးနၤလၢနကသး ကညီၤအီၤအဂီၢ်ဧါ.

တၢ်ကတိၤဒိ. 10:12

တၢ်သးဟ့န့ၣ်ထိၣ်ဂဲၤထီၣ်တၢ်အ့ၣ်လိာ်ဆိးက့လိာ်လီၤ. မ့မ့ၢ်, တၢ်အဲၣ်တၢ်ကွံကွၢ်ကပာ်ကွံာ်တၢ်မၤကမၣ်ခဲလၢာ်လီၤ.

တၢ်ကတိၤဒိ. 15:18

တၢ်သးကဲၤထီၣ်ဒုးအိၣ်ထီၣ်တၢ်ဂ့ၢ်လိာ်ဘှီလိာ်တဖၣ်လီၤ. မ့မ့ၢ်, တၢ်ဝံသးစူၤဟဲစိာ်တၢ်ဃူတၢ်ဖိးလီၤ.

တၢ်ကတိၤဒိ. 25:15

တၢ်မၢန့ၢ်ဆီၣ်ခံတၢ်လၢတၢ်သးစူၤအပူၤန့ၣ်မၤလီၤပှီၢ်ကွံာ်တၢ် တြီအဆူၣ်ကတၢၢ်ဒီးမၤန့ၢ်ပှၤပၢတၢ်တဖၣ်အသးဒၣ်လဲာ်သ့ဝဲလီၤ.

တၢ်ကတိၤဒိ. 28:25

တၢ်အဲၣ်လီၤသးန့ၣ်ဒုးအိၣ်ထီၣ်ဒၣ်ထဲတၢ်ကိၢ်တၢ်ဂီၤဧိၤလီၤ. တၢ်သန့ၤအသးလၢယွၤန့ၣ်ဒုးဘီၣ်ထီၣ်ညီထီၣ်နၤဒိၣ်တက့ၢ်လီၤ.

တၢ်ကတိၤဒိ. 29:22

ပှၤလၢအသးထီၣ်ချ့န့ၣ်ထိၣ်ဂဲၤထီၣ်တၢ်အ့ၣ်လိာ်ဆိးက့လိာ်ဒီး ဒုးအိၣ်ထီၣ်တၢ်ကီတၢ်ခဲအါမးလီၤ.

တၢ်ကတိၤဒိ. 29:8

ပှၤလၢအတၢ်ပာ်ကဲပှၤဂၤတအိၣ်ဘၣ်တဖၣ်, ဒုးအိၣ်ထီၣ်တၢ်သဘံၣ်ဘုၣ်လၢဝ့ၢ်ဒီဝ့ၢ်ညါသ့ဝဲန့ၣ်လီၤ. မ့မ့ၢ်ပှၤလၢအကူၣ်တၢ်သ့တဖၣ်န့ၣ်, ဒုးအိၣ်ခုၣ်အိၣ်မုာ်တၢ်န့ၣ်လီၤ.

မၤတၢ် 19:41

အဝဲကတိၤတၢ်ဒ်သိးအံၤဝံၤအလီၢ်ခံ, ပျၢ်ကွံာ်ပှၤဂီၢ်မုၢ်န့ၣ်လီၤ.