တၢ်ကတိၤဒိ. 14:5 - Sgaw Karen Common Bible

⁵ ပှၤအုၣ်အသးလၢတၢ်နာ်န့ၢ်အီၤသ့တဲတၢ်မ့ၢ်တၢ်တီထီဘိလီၤ. မ့မ့ၢ်, ပှၤလၢတၢ်နာ်န့ၢ်အီၤတသ့ဘၣ်တဂၤတဲဒၣ်ထဲတၢ်လီတၢ်ဝ့ၤ တဖၣ်ဧိၤလီၤ.

တၢ်ကတိၤဒိ. 14:5 Iomraidhean Croise

လံာ်စီၤပၤအခီၣ်ထံးတဘ့ၣ် 21:13

လၢကမျၢၢ်အမဲာ်ညါန့ၣ်ပှၤအၢပှၤသီခံဂၤအုၣ်အသးထီဒါစီၤနၤ ဘိးလၢအဆိၣ်အၢကစၢ်ယွၤဒီးစီၤပၤန့ၣ်လီၤ. ဒီးလၢတၢ်န့ၣ်အဃိအဝဲဘၣ်တၢ်ထုးထီၣ်ကွံာ်အီၤဆူ ဝ့ၢ်အချၢဒီးကွံာ်သံကွံာ်အီၤလၢလၢၢ်န့ၣ်လီၤ.

လံာ်တၢ်ဟးထီၣ်ကွံာ် 20:16

ဆှိးကဘျံးကဘျၣ်ပှၤနီတဂၤတဂ့ၤ.

လံာ်တၢ်ဟးထီၣ်ကွံာ် 23:1

ရၤလီၤတၢ်ကစီၣ်ဟူထီၣ်သါလီၤအကဘျံးကဘျၣ်တဖၣ်တဂ့ၤ. မၤစၢၤပှၤအိၣ်ဒီးတၢ်ကမၣ်တဂၤခီဖျိဟ့ၣ်တၢ်အုၣ်သးကဘျံးကဘျၣ်တဂ့ၤ.

တၢ်ကတိၤဒိ. 12:17

ဖဲနကတိၤတၢ်မ့ၢ်တၢ်တီန့ၣ်, တၢ်စံၣ်ညီၣ်တီမၤအသးလီၤ. မ့မ့ၢ်တၢ်လီတၢ်ဝ့ၤတဖၣ်ဆှၢတၢ်ဆူတၢ်စံၣ်ညီၣ်လီန့ၣ်လီၤ.

တၢ်ကတိၤဒိ. 13:5

ပှၤအတီအလိၤသးဟ့တၢ်လီတၢ်ဝ့ၤတဖၣ်လီၤ. မ့မ့ၢ်ပှၤအၢပှၤသီအတၢ်ကတိၤတဖၣ်လီၤမဲာ်ဆှးဒီးအလၤကပီၤ တအိၣ်ဘၣ်န့ၣ်လီၤ.

တၢ်ကတိၤဒိ. 14:25

ပှၤအုၣ်အသးတဂၤလၢအကတိၤတၢ်မ့ၢ်တၢ်တီန့ၣ်, မၤပူၤဖျဲးသးသမူတဖၣ်လီၤ. မ့မ့ၢ်ပှၤကတိၤလီတၢ်တဂၤန့ၣ်, ဆါလီၤအီၣ်ကွံာ်ပှၤဂီၢ်မုၢ်လီၤ.

တၢ်ကတိၤဒိ. 14:4

ကျီၢ်ဖါတဖၣ်မ့ၢ်တအိၣ်လၢထဲၣ်တၢ်အဂီၢ်ဘၣ်ဒီး, နသိၣ်နဖီ ကအိၣ်ကလီဝဲလီၤ. မ့မ့ၢ်, တၢ်မၤသကိးဃုာ်တၢ်ဒီးအဝဲ သ့ၣ်န့ၣ်, ကမၤပှဲၤနသိၣ်နဖီလၢဘုဧိၤဟုဧိၤလီၤ.

တၢ်ကတိၤဒိ. 14:6

ပှၤလၢအပာ်ဒိၣ်ပာ်ဂ့ၤအသးတဖၣ်ကဲထီၣ်ပှၤကူၣ်သ့တန့ၢ်ဘၣ်နီ တဘျီဘၣ်. မ့မ့ၢ်, ပှၤလၢအအိၣ်ဒီးတၢ်သူၣ်ဆးသးဆးတဖၣ်မၤလိန့ၢ်တၢ်ညီကဒၣ်လီၤ.

တၢ်ကတိၤဒိ. 19:5

နမ့ၢ်ကတိၤတၢ်လီတၢ်ဝ့ၤတဖၣ်လၢကွီၢ်ဘျီၣ်အပူၤန့ၣ်နကဘၣ် တၢ်စံၣ်ညီၣ်လီၤ. တၢ်ပူၤဖျဲးတအိၣ်ဘၣ်ဝဲဘၣ်.

တၢ်ကတိၤဒိ. 19:9

ပှၤလၢအကတိၤတၢ်လီတၢ်ဝ့ၤတဖၣ်လၢကွီၢ်ဘျီၣ်ပူၤန့ၣ်ပူၤဖျဲး ဒီးတၢ်စံၣ်ညီၣ်တသ့ဘၣ်နီတဂၤဘၣ်. အဝဲဘၣ်တၢ်စံၣ်ညီၣ်ဃါမနၤလီၤ.

တၢ်ကတိၤဒိ. 6:19

ပှၤအုၣ်အသးလၢကတိၤလီတၢ်တခါဝံၤတခါ, ဒီးပှၤလၢအထိၣ်ဂဲၤ ထီၣ်တၢ်ကီတၢ်ခဲလၢတံၤသကိးတဖၣ်အကျါန့ၣ်လီၤ.

လံာ်သိၣ်လီၤသီလီၤတၢ် 19:16

ပှၤတဂၤမ့ၢ်ကျဲးစၢးမၤဘၣ်ဒိဆါပှၤအဂၤတဂၤလၢတၢ်အုၣ်သး ကဘျံးကဘျၣ်ထီဒါအီၤလၢတၢ်မၤကမၣ်တမံၤအဂ့ၢ်န့ၣ်,

လံာ်လီၣ်ဖျါ 1:5

ဒီးလၢယ့ၣ်ၡူးခရံာ်, ပှၤအုၣ်အသးလၢအသးတီဝဲတဂၤ အအိၣ်, ပှၤအဆိကတၢၢ်တဂၤလၢအဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤ လၢတၢ်သံဒီးမ့ၢ်စ့ၢ်ကီးပှၤပၢဘၣ်ဟီၣ်ခိၣ်အစီၤပၤတဖၣ်န့ၣ် တက့ၢ်. အဝဲဒၣ်အဲၣ်ပှၤ, ဒီးခီဖျိအဝဲအတၢ်သံန့ၣ်, မၤထူၣ်ဖျဲးထီၣ်ကွံာ်ပှၤလၢပတၢ်ဒဲးတူၢ်ဒဲးဘးတဖၣ်,

လံာ်လီၣ်ဖျါ 3:14

ဆူဝ့ၢ်လီၤဒံၤကံတၢ်အိၣ်ဖှိၣ်အကလူးအအိၣ်န့ၣ်ကွဲးတၢ်ဒ်အံၤ တက့ၢ်. “အဝဲအံၤမ့ၢ်တၢ်ကစီၣ်ဟဲလၢတၢ်အၤမ့ၣ်, ပှၤလၢအသးတီဒီးအုၣ်အသးတီတီလိၤလိၤတဂၤ, ပှၤလၢအမ့ၢ်ကယဲၢ်ကစၢ်ယွၤအတၢ်ဘၣ်တ့ခဲလၢာ် အခီၣ်ထံးခီၣ်ဘိအအိၣ်န့ၣ်လီၤ.