တၢ်ကတိၤဒိ. 14:31 - Sgaw Karen Common Bible

³¹ နမ့ၢ်မၤအၢမၤနးပှၤဖှီၣ်ဖိယာ်ဖိန့ၣ်, နဒုၣ်ဒွဲၣ်ယွၤလၢအတ့ လီၤအီၤန့ၣ်လီၤ. မ့မ့ၢ်တၢ်ဒုးနဲၣ်တၢ်သးကညီၤဆူပှၤဖှီၣ်ဖိယာ်ဖိန့ၣ်, မ့ၢ်တၢ်ဘူၣ်ထီၣ်ဘါထီၣ်ယွၤအက့ၢ်အဂီၤတမံၤလီၤ.

တၢ်ကတိၤဒိ. 14:31 Iomraidhean Croise

လံာ်စီၤယိၤဘး 24:4

အဝဲသ့ၣ်တြီပှၤဖှီၣ်ဖိယာ်ဖိသ့ၣ်တဖၣ်လၢကန့ၢ်ဘၣ်အတၢ်ခွဲး တၢ်ယာ်န့ၣ်လီၤ. ဒီးမၤဆူၣ်ပှၤဖှီၣ်ဖိယာ်ဖိခဲလၢာ်လၢကဃ့ၢ် ဒီးပာ်ခူသူၣ်အသးန့ၣ်လီၤ.

စံးထီၣ်ပတြၢၤ 12:5

“ဘၣ်ဆၣ်ခဲကနံၣ်အံၤယကဟဲ” ယွၤစံးဝဲဒၣ်, “အဂ့ၢ်မ့ၢ်လၢပှၤဖှီၣ်ဖိယာ်ဖိတဖၣ် ဘၣ်တၢ်ဆီၣ်ဘံၣ်ဆီၣ်ဘၢအီၤ, ဒီးပှၤလၢအလိၣ်ဘၣ်တၢ်မၤစၢၤတဖၣ် ကအုကစွါထီၣ်ဝဲအဃိလီၤ. ယကဟ့ၣ်အဝဲသ့ၣ်တၢ်ပူၤဖျဲးလၢ အဆၢဒိးန့ၢ်ဘၣ်ဝဲန့ၣ်လီၤ.”

တၢ်ကတိၤဒိ. 14:21

နမ့ၢ်အဲၣ်ဒိးဘၣ်ဆိၣ်ဂ့ၤန့ၣ်, သးကညီၤပှၤဖှီၣ်ဖိယာ်ဖိတက့ၢ်. တၢ်သးဘၣ်အၢပှၤတဂၤလၢ်လၢ်န့ၣ်မ့ၢ်တၢ်ဒဲးဘးလီၤ.

တၢ်ကတိၤဒိ. 17:5

နမ့ၢ်နံၤဘၣ်ဖၣ်လဲပှၤဖှီၣ်ဖိယာ်ဖိဒီးနဒုၣ်ဒွဲၣ်ကစၢ်ယွၤလၢ အတ့လီၤအဝဲသ့ၣ်လီၤ. နမ့ၢ်သးခုလၢပှၤအဂၤတဂၤအတၢ်ဟဲဝံတဂ့ၤတဘၣ်ဒီး, နကဘၣ်တၢ်စံၣ်ညီၣ်လီၤ.

တၢ်ကတိၤဒိ. 19:17

ဖဲနဟ့ၣ်တၢ်ဆူပှၤဖှီၣ်ဖိယာ်ဖိဒီး, တၢ်န့ၣ်မၤအသးဒ်တၢ်ဟ့ၣ် လီၤတၢ်ဆူယွၤအအိၣ်အသိးန့ၣ်လီၤ. ဒီးယွၤကဟ့ၣ်ကဒါက့ၤနတၢ်လီၤ.

တၢ်ကတိၤဒိ. 22:16

နမ့ၢ်ဟ့ၣ်တၢ်ဟ့ၣ်တဖၣ်ဆူပှၤထူးပှၤတီၤတဖၣ်မ့ၢ်ဂ့ၤ, နမ့ၢ်မၤနးမၤဖှီၣ်ပှၤဖှီၣ်ဖိယာ်ဖိလၢနကထူးထီၣ်တီၤထီၣ်ဒၣ် နဲအဂီၢ်မ့ၢ်ဂ့ၤဒီး, နကစၢ်ဒၣ်နဲနကဖှီၣ်လီၤယာ်လီၤန့ၣ်လီၤ.

တၢ်ကတိၤဒိ. 22:2

ပှၤထူးပှၤတီၤဒီးပှၤဖှီၣ်ဖိယာ်ဖိအိၣ်ဒီးတၢ်အံၤတမံၤဃီ န့ၣ်လီၤ. ယွၤတ့လီၤအဝဲသ့ၣ်ခံဖုလိာ်လီၤ.

တၢ်ကတိၤဒိ. 28:8

နမ့ၢ်ထူးထီၣ်တီၤထီၣ်ခီဖျိတၢ်ဃ့အါထီၣ်စ့အအ့ၣ်ဒီးဟံးန့ၢ် တၢ်အခွဲးအယာ်လၢပှၤဂၤအဖီခိၣ်န့ၣ်, နတၢ်ထူးတၢ်တီၤကတုၤဆူ ပှၤအဂၤတဂၤအအိၣ်လၢအသးကညီၤပှၤဖှီၣ်ဖိယာ်ဖိန့ၣ်လီၤ.

လံာ်ပှၤစံၣ်တဲၤတဲလီၤတၢ် 5:8

ဖဲလၢနထံၣ်ဘၣ်ထံကီၢ်ပဒိၣ်ပပှၢ်မၤနးမၤဖှီၣ်ပှၤဖှီၣ်ဖိယာ်ဖိဒီးတပျဲ ဘၣ်အဝဲသ့ၣ်ဒိးန့ၢ်တၢ်စံၣ်ညီၣ်တီဒီးအခွဲးအယာ်တဖၣ်ဘၣ်န့ၣ်, ကမၢကမၣ်တဂ့ၤ. ပဒိၣ်ပပှၢ်ကိးဂၤဒဲးန့ၣ်ဘၣ်တၢ်ဒီဒၣ်အိၣ်ပှိၤ အီၤလၢပှၤလၢအဖီခိၣ်တဂၤ, ဒီးအဝဲသ့ၣ်ခံဂၤလိာ်န့ၣ်ဘၣ်တၢ်ဒီဒၣ်အိၣ်ပှိၤဒံးအီၤလၢ ပဒိၣ်ပပှၢ်တဖၣ်လၢအဒိၣ်န့ၢ်ထီန့ၢ်အဝဲသ့ၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:17

ဒီးမၤတတီတလိၤလိာ်သုသးတဂ့ၤ. မ့မ့ၢ်ပျံၤသုကစၢ်ယွၤတက့ၢ်. အဂ့ၢ်ဒ်အံၤ, ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:35

ဒီးပှၤအံၣ်စရ့လးဖိကဒဲကဒဲလၢအအိၣ် ဘူးဒီးသုတဂၤမ့ၢ်ဖှီၣ်လီၤယာ်လီၤဒီးမၤစၢၤလီၤက့ၤအသး တသ့ဘၣ်န့ၣ်, သုကဘၣ်လုၢ်အီၣ်အီၤဒ်သုလုၢ်အီၣ်ပှၤတခီ ဘီမုၢ်ဖိတဂၤအသိး, ဒ်သိးအကအိၣ်မူဒီးသုကသ့ဝဲအဂီၢ်န့ၣ်လီၤ.

လံာ်ယိၤဟၣ် 12:8

ပှၤဖှီၣ်ဖိယာ်ဖိတဖၣ်ကအိၣ်ဒီးသုထီဘိတထံၣ်ဃီလီၤ. မ့မ့ၢ်ယဲဒၣ်အံၤ, ယတအိၣ်ဒီးသုထီဘိတထံၣ်ဃီဘၣ်.”

လံာ်သိၣ်လီၤသီလီၤတၢ် 24:14

ဒီးတၢ်ခ့တၢ်ပှၤဒိးလဲအသးတဂၤလၢအဖှီၣ်ဒီးလိၣ်ဘၣ်တၢ်မၤစၢၤ, လၢအမ့ၢ်သုပှၤအံၣ်စရ့လးဖိကဒဲကဒဲမ့ၢ်ဂ့ၤ, ပှၤတခီဘီမုၢ်ဖိလၢအအိၣ်ဆိးလၢသုဝ့ၢ်တဖျၢၣ်ဖျၢၣ်အပူၤမ့ၢ်ဂ့ၤန့ၣ်, လီအီၣ်အီၤတဂ့ၤ.

၁ ယိၤဟၣ် 4:21

ဒီးတၢ်မၤလိာ်လၢပဒိးန့ၢ်ဘၣ်လၢခရံာ်အအိၣ်မ့ၢ်အအံၤ, ပှၤလၢအအဲၣ်အကွံကစၢ်ယွၤန့ၣ်, ကဘၣ် အဲၣ်အဒီပုၢ်ဝဲၢ်စ့ၢ်ကီးလီၤ.