တၢ်ကတိၤဒိ. 14:3 - Sgaw Karen Common Bible

³ ပှၤဟးဂီၤဖိအတၢ်ပာ်ထီၣ်ထီအသးမၢအကတိၤတၢ်အါကဲာ်ဆိးလီၤ. ပှၤကူၣ်သ့တဂၤအတၢ်ကတိၤတဖၣ်ကဟုကယာ်က့ၤအီၤလီၤ.

တၢ်ကတိၤဒိ. 14:3 Iomraidhean Croise

လံာ်စီၤယိၤဘး 5:21

ကစၢ်ယွၤကခိးတြီဃာ်န့ၢ်နၤလၢတၢ်ကတိၤခဲၣ်သူခဲၣ်ဂီၤဒီးက အုၣ်က့ၤခီၣ်က့ၤနၤဖဲတၢ်ဟးဂူာ်ဟးဂီၤဟဲဝဲဒၣ်န့ၣ်လီၤ.

စံးထီၣ်ပတြၢၤ 12:3

ယွၤဧၢ, ဒီၣ်တဲာ်ကွံာ်ပျ့ၤလၢ အအူသဖှိတၢ်တဖၣ်န့ၣ်တက့ၢ်. ကးတံာ်ဃာ်ပှၤအထးခိၣ်လၢ အကတိၤတၢ်ကဖၢလၢဒီးစံးဝဲ,

စံးထီၣ်ပတြၢၤ 31:18

ပှၤလီတၢ်ဖိသ့ၣ်တဖၣ်လၢအပာ်ထီၣ်ထီအသး ဒီးအပာ်အသးကဖၢလၢ, လၢအကတိၤတရီတပါပှၤတီပှၤလိၤတဖၣ်န့ၣ်, မ်အနိးဖံးအိၣ်ဘှီၣ်ကလာ်တက့ၢ်.

စံးထီၣ်ပတြၢၤ 57:4

ယဘၣ်တၢ်ကဝီၤဃာ်ယၤလၢယဒုၣ်ယဒါသ့ၣ်တဖၣ် လၢအလီၤဂာ်ဒီးခ့ယုၢ်လၢအအီၣ်ပှၤကညီန့ၣ်လီၤ. အမဲလီၤဂာ်ဒီးဘီဒီးပျၢ် ဒီးအပျ့ၤလီၤဂာ်ဒီးနးလၢအကနၣ်အ့ၣ်န့ၣ်လီၤ.

တၢ်ကတိၤဒိ. 12:6

ပှၤတတီတလိၤတဖၣ်အတၢ်ကတိၤကူၣ်ထီၣ်တၢ်မၤသံမၤဝီလီၤ. မ့မ့ၢ်, ပှၤတီပှၤလိၤအတၢ်ကတိၤတဖၣ်န့ၣ်အုၣ်က့ၤခီၣ်က့ၤပှၤလၢ အဘၣ်တၢ်မၤပျံၤမၤဖုးအီၤတဖၣ်လီၤ.

တၢ်ကတိၤဒိ. 13:3

ပှၤလၢအပၢၤအထးခိၣ်န့ၣ်ဟံးဃာ်အသးသမူလီၤ. မ့မ့ၢ်ပှၤလၢအကတိၤနါစိၤတၢ်န့ၣ်မၤဟးဂီၤလီၤအသးဒၣ်ဝဲလီၤ.

တၢ်ကတိၤဒိ. 14:4

ကျီၢ်ဖါတဖၣ်မ့ၢ်တအိၣ်လၢထဲၣ်တၢ်အဂီၢ်ဘၣ်ဒီး, နသိၣ်နဖီ ကအိၣ်ကလီဝဲလီၤ. မ့မ့ၢ်, တၢ်မၤသကိးဃုာ်တၢ်ဒီးအဝဲ သ့ၣ်န့ၣ်, ကမၤပှဲၤနသိၣ်နဖီလၢဘုဧိၤဟုဧိၤလီၤ.

တၢ်ကတိၤဒိ. 18:6

ဖဲပှၤဟးဂီၤဖိတနီၤစးထီၣ်တၢ်ဂ့ၢ်လိာ်ဘှီလိာ်တမံၤန့ၣ်, အဝဲဃ့န့ၢ်နီၣ်တီၢ်တဘီလီၤ.

တၢ်ကတိၤဒိ. 18:7

ဖဲပှၤဟးဂီၤဖိတဂၤကတိၤတၢ်န့ၣ်, အဝဲမၤဟးဂီၤလီၤအသးဒၣ်ဝဲ လီၤ. အဝဲဘၣ်တၢ်ဖီၣ်န့ၢ်အီၤလၢအတၢ်ကတိၤဒၣ်ဝဲတဖၣ်အပျံၤ သကွီၤန့ၣ်လီၤ.

တၢ်ကတိၤဒိ. 21:24

ဒုးနဲၣ်ယၤပှၤလၢအပာ်ထီၣ်ထီအသးတဂၤန့ၣ်တက့ၢ်, ဒီးယကဒုးနဲၣ်နၤပှၤတဂၤလၢအပာ်အသးကဖိလိ, ပာ်ထီၣ်ထီအသးဒီးတကွၢ်ဆိကမိၣ်တၢ်လၢပှၤဂၤနီတဂၤအဂီၢ်န့ၣ် လီၤ.

တၢ်ကတိၤဒိ. 22:8

နမ့ၢ်သူၣ်လီၤဖျးလီၤတၢ်စံၣ်ညီၣ်တတီအချံတဖၣ်ဒီးတၢ်နးတၢ် ဖှီၣ်ကမဲထီၣ်ဒိးထီၣ်ဝဲ, ဒီးနတၢ်မၤနးမၤဖှီၣ်ပှၤအဂၤတဖၣ်ကလီၤဘၣ်က့ၤလၢနဖီခိၣ်လီၤ.

တၢ်ကတိၤဒိ. 28:25

တၢ်အဲၣ်လီၤသးန့ၣ်ဒုးအိၣ်ထီၣ်ဒၣ်ထဲတၢ်ကိၢ်တၢ်ဂီၤဧိၤလီၤ. တၢ်သန့ၤအသးလၢယွၤန့ၣ်ဒုးဘီၣ်ထီၣ်ညီထီၣ်နၤဒိၣ်တက့ၢ်လီၤ.

လံာ်ဒၤနံးယ့လး 7:20

ဒီးယအဲၣ်ဒိးသ့ၣ်ညါဘၣ်ဃးတၢ်အနၢၤဆံဆဲၣ်ဘိလၢအအိၣ်လၢ အခိၣ်လိၤဒီးအနၢၤလၢအဟဲထီၣ်လၢခံတဘိန့ၣ်လၢအမၤလီၤ ဃံၤကွံာ်တၢ်အနၢၤတဖၣ်အကျါသၢဘိအဂ့ၢ်န့ၣ်လီၤ. အဝဲအိၣ်ဒီးအမဲာ်ချံတဖၣ်ဒီးအထးခိၣ်တပူၤဒီးကတိၤတၢ်လၢ တၢ်ပာ်သးထီၣ်ထီအပူၤန့ၣ်လီၤ. အဝဲန့ၣ်လီၤပျံၤလီၤဖုးဒိၣ် န့ၢ်တၢ်အဂၤတဖၣ်တက့ၢ်လီၤ.

၂ ပ့းတရူး 2:18

အဝဲသ့ၣ်ကတိၤဒိၣ်ကတိၤသွါတၢ်လၢအခီပညီတအိၣ် တဖၣ်, ဒီးသူဝဲနီၢ်ခိအတၢ်သူၣ်ကတၢသးကတၢလုၢ်လၢ်အၢသီ တဖၣ်လၢအကကွဲန့ၢ်လွဲန့ၢ်ပှၤလၢအထူၣ်ဖျဲးထီၣ်သီလၢပှၤလၢ အအိၣ်မူလၢတၢ်ကမၣ်အပူၤတဖၣ်အကျါန့ၣ်လီၤ.

လံာ်လီၣ်ဖျါ 12:11

ပဒီပုၢ်ဝဲၢ်တဖၣ်ဒိးန့ၢ်တၢ်မၤနၢၤလၢအဝဲဒၣ်အဖီခိၣ်, ခီဖျိသိဖိအသွံၣ်ဒီးခီဖျိတၢ်မ့ၢ်တၢ်တီလၢအဘိးဘၣ်သ့ၣ်ညါ ဝဲ, ဒီးအဝဲသ့ၣ်အသးအိၣ်ဟ့ၣ်လီၤကွံာ်အသးသမူဒီးတူၢ်သံ အသးဒၣ်လဲာ်န့ၣ်လီၤ.

လံာ်လီၣ်ဖျါ 3:10

မ့ၢ်လၢသုတိၢ်န့ၢ်ဟံးဃာ်ယကလုၢ်လၢသုကတူၢ်တၢ်အိၣ်ဒီး တၢ်သူၣ်စူၤသးစူၤအဃိယကကဟုကယာ်စ့ၢ်ကီးသုလၢတၢ်ကီ တၢ်ခဲအဆၢကတီၢ်, လၢအကဟဲတုၤအိၣ်ဟီၣ်ခိၣ်ဒ်သိးအကမၤ ကွၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:3

ဆိကတီၢ်ကွံာ်နတၢ်ကတိၤဒိၣ်ကတိၤသွါနသးလၢနကလုၢ်ဖးဒိၣ်န့ၣ်တက့ၢ်. မၤဘှ့ၣ်ဘှီၣ်နတၢ်ကတိၤဒိၣ်ကတိၤသွါတဖၣ်တက့ၢ်. အဂ့ၢ်ဒ်အံၤ, ယွၤန့ၣ်မ့ၢ်ကစၢ်ယွၤလၢအသ့ၣ်ညါတၢ်, ဒီးအဝဲစံၣ်ညီၣ်ကယဲၢ်ပှၤဂီၢ်မုၢ်အမၤတၢ်န့ၣ်လီၤ.