တၢ်ကတိၤဒိ. 14:28 - Sgaw Karen Common Bible

²⁸ စီၤပၤတဂၤအတၢ်ဒိၣ်တၢ်မုၢ်န့ၣ်သန့ၤထီၣ်အသးလၢအပၢဘၣ်ပှၤပှံၤဂၤ လဲၣ်န့ၣ်လီၤ. ပှၤဂီၢ်မုၢ်တအိၣ်ဘၣ်ဒီးအဝဲတမ့ၢ်တၢ်နီတမံၤဘၣ် န့ၣ်လီၤ.

တၢ်ကတိၤဒိ. 14:28 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 19:7

ခဲကနံၣ်အံၤလဲၤဒီးမၤခူတလ့ၢ်ထီၣ်ကဒါက့ၤနပှၤတဖၣ်အသးတက့ၢ်. ယဆိၣ်တၢ်လၢယွၤအမံၤအပူၤလၢနမ့ၢ်တမၤဒ်န့ၣ်ဘၣ်ဒီး, ခဲမုၢ်ဆ့ၣ်ဂီၤခီန့ၣ်တမ့ၢ်ပှၤကအိၣ်ဒီးနၤနီတဂၤလၢၤဘၣ်. တၢ်န့ၣ်ကမ့ၢ်တၢ်တတၢးတနါအနးကတၢၢ်လၢနတူၢ်ဘၣ်အီၤလၢနသးသမူ တစိၤအံၤအပူၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 24:3

ဘၣ်ဆၣ်ဒီးစီၤယိၤအာ်စံးဆၢစီၤပၤ, “နဲဒၣ်, တၢ်ဒိၣ်ကစၢ်စီၤပၤဧၢ, မ်ယွၤနကစၢ်ယွၤမၤအါထီၣ်ကီၢ်အံၣ်စရ့လးအပှၤဂီၢ်မုၢ်အစးတကယၤ, အါန့ၢ်ဒံးအဝဲသ့ၣ်အနီၣ်ဂံၢ်အိၣ်ခဲအံၤ, ဒီးမ်နကအိၣ်မူထံၣ်ဘၣ်အဝဲမၤတၢ်အံၤန့ၣ်တက့ၢ်. ဘၣ်ဆၣ်ဒီးဘၣ်မနုၤအဃိလၢနဲဒၣ်တၢ်ဒိၣ်ကစၢ်စီၤပၤသးအိၣ်မၤ တၢ်တမံၤအံၤန့ၣ်လဲၣ်.”

လံာ်စီၤပၤအခီၣ်ထံးတဘ့ၣ် 20:27

ပှၤအံၣ်စရ့လးဖိတဖၣ်ဘၣ်တၢ်ကိးထီၣ်အီၤဒီးဒုးသိးထီၣ်အီၤ တၢ်စုကဝဲၤန့ၣ်လီၤ. အဝဲသ့ၣ်လဲၤထီၣ်ဝဲဒီးသူၣ်အဒဲ ခံဖုအိၣ်ကွၢ်ဆၢညါပှၤစူၤရံဖိတဖၣ်န့ၣ်လီၤ. ပှၤအံၣ်စရ့လးဖိတဖၣ်လီၤဂာ်ဒီးမဲာ်တဲးလဲးအဖုအဆံးဖိခံ ဖု, ဖဲတၢ်ထိၣ်သတြီၤအီၤဒီးပှၤစူၤရံဖိတဖၣ်လၢအရၤလီၤအသးပှဲၤ ဒၣ်တၢ်ပျီပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 13:7

မ့တမ့ၢ်ဘၣ်လၢကသ့ၣ်သုးဖိအဂၤယဲၢ်ဆံ, လ့ၣ်ကဟၣ်အဆိတဆံ ဒီးပှၤခီၣ်သုးဖိအဂၤတကလးဘၣ်န့ၣ်, စီၤယဟိအါဃးအသုးမုၢ် အဂၤတအိၣ်လၢၤဘၣ်. အဂ့ၢ်ဒ်အံၤ, ကီၢ်စူၤရံအစီၤပၤမၤဟးဂီၤကွံာ်ဝဲအဂၤတဖၣ်ခဲလၢာ်, ယီၢ်တံၢ်လီၤကလဲဝဲခဲလၢာ်ဒ်ဖၣ်ကမူၣ်ဖၣ်ဆါအသိးန့ၣ်လီၤ.

လံာ်တၢ်ဟးထီၣ်ကွံာ် 1:12

ဘၣ်ဆၣ်ဒီး, ဒ်ပှၤအဲၤကူပတူးဖိတဖၣ်မၤနးမၤဖှီၣ်ပှၤအံၣ်စရ့လး ဖိတဖၣ်အါထီၣ်အသိးန့ၣ်, ပှၤအံၣ်စရ့လးဖိတဖၣ်အနီၣ်ဂံၢ်ဒံးအါထီၣ်ဒီးအိၣ်ရၤလီၤအသး ပှဲၤလၢကီၢ်ဒီဘ့ၣ်ညါအပူၤန့ၣ်လီၤ. ဒီးပှၤအဲၤကူပတူးဖိတဖၣ်ပျံၤဝဲပှၤအံၣ်စရ့လးဖိတဖၣ်န့ၣ်လီၤ.

လံာ်တၢ်ဟးထီၣ်ကွံာ် 1:22

လၢခံကတၢၢ်န့ၣ်, စီၤပၤဟ့ၣ်လီၤအကလုၢ်ဆူပှၤအဲၤကူပတူးဖိ ဒီးစံးဝဲ, “ဟံးန့ၢ်ပှၤဧ့ၤဘြံၤဖိသၣ်ပိာ်ခွါဖိလၢအအိၣ် ဖျဲၣ်ထီၣ်သီကိးဂၤဒဲးဒီးတ့ၢ်လီၤကွံာ်အီၤဆူထံကျိနံၤလါ အပူၤတက့ၢ်. မ့မ့ၢ်ဖိသၣ်ပိာ်မုၣ်ဖိတဖၣ်န့ၣ်ပျဲအမူကိးဂၤဒဲး တက့ၢ်.”

တၢ်ကတိၤဒိ. 14:27

မ့ၢ်နအဲၣ်ဒိးပဒ့ၣ်ဟးဆှဲးတၢ်သံဧါ. တၢ်ယူးယီၣ်ယွၤန့ၣ်မ့ၢ် တၢ်မူအထံထီၣ်ပၢၢ်လီၤ.

တၢ်ကတိၤဒိ. 14:29

နမ့ၢ်အိၣ်ခုၣ်ခုၣ်မုာ်မုာ်ဒီးနမ့ၢ်ပှၤကူၣ်သ့လီၤ. ဘၣ်ဆၣ်နမ့ၢ်အိၣ်ဒီးတၢ်သးထီၣ်ကဲၤန့ၣ်, နပာ်ဖျါထီၣ်ဒၣ်လၢနမ့ၢ် ပှၤအမၢးထဲလဲၣ်ထဲလဲၣ်န့ၣ်လီၤ.

လံာ်ယံးရမံယၤ 13:20

ဝ့ၢ်ယရူၤၡလ့ၣ်ဧၢ, ကွၢ်တက့ၢ်. နဒုၣ်နဒါတဖၣ်ဟဲလီၤလၢကလံၤစိးတခီလံ. ပှၤဂီၢ်မုၢ်လၢတၢ်ပာ်အီၤလၢနစုပူၤလၢနကကဟုကယာ်အီၤအဂီၢ်, နပှၤဂီၢ်မုၢ်လၢနပာ်ထီၣ်ထီနသးလၢအဃိအါမးတဖၣ်, မ့ၢ်အအိၣ်ဖဲလဲၣ်.