တၢ်ကတိၤဒိ. 14:22 - Sgaw Karen Common Bible

²² နမ့ၢ်မၤတၢ်လၢတၢ်ဂ့ၤအဂီၢ်ဒီးနကဒိးန့ၢ်ပှၤဂၤတဖၣ်အတၢ်နာ်ဒီး အတၢ်ပာ်ကဲန့ၣ်လီၤ. နမ့ၢ်မၤတၢ်လၢတၢ်အၢအဂီၢ်ဒီး, နမၤကမၣ်တၢ်တမံၤန့ၣ်လီၤ.

တၢ်ကတိၤဒိ. 14:22 Iomraidhean Croise

လံာ်တၢ်ကဲထီၣ်အခီၣ်ထံး 24:27

အဝဲစံး, “မ်ယွၤ, ယကစၢ်စီၤအၤဘြၤဟၣ်အကစၢ်ယွၤလၢအတီဒီး အတၢ်အၢၣ်လီၤဒီးယကစၢ်စီၤအၤဘြၤဟၣ်တဂၤအံၤဘၣ်တၢ်စံးထီၣ်ပ တြၢၤအီၤတက့ၢ်. ယွၤဆှၢတ့ၢ်ယၤလိၤလိၤဆူယကစၢ်စီၤအၤဘြၤဟၣ်အဒူၣ်ဖိထၢဖိ အအိၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 6:8

ဘၣ်ဆၣ်ယွၤစံးဘၣ်အီၤ, နသးအိၣ်သူၣ်ထီၣ်တၢ်လုၢ်ဟံၣ်တဖျၢၣ်လၢ ယဂီၢ်န့ၣ်ဘၣ်ဝဲ,

စံးထီၣ်ပတြၢၤ 25:10

ပှၤလၢအပၢၤဃာ်ယွၤအတၢ်အၢၣ်လီၤဒီး ဒိကနၣ်အတၢ်မၤလိာ်တဖၣ်န့ၣ်, အဝဲဆှၢဝဲလၢတၢ်သးတီဒီးတၢ်အဲၣ်အပူၤန့ၣ်လီၤ.

စံးထီၣ်ပတြၢၤ 36:4

ဖဲအအိၣ်လၢအလီၢ်မံအပူၤ, အဝဲသ့ၣ်ကူၣ်မၤဟးဂီၤတၢ်, တၢ်လၢအမၤဝဲန့ၣ်တဂ့ၤနီတမံၤဘၣ်, ဒီးတညိကွံာ်တၢ်အၢဘၣ်န့ၣ်လီၤ.

စံးထီၣ်ပတြၢၤ 61:7

မ်အပၢဘၣ်တၢ်လၢကစၢ်ယွၤအမဲာ်ညါ လီၤထူလီၤယိာ် န့ၣ်တက့ၢ်. ပာ်လီၤနတၢ်အဲၣ်အဂၢၢ်အကျၢၤ ဒီးပၢၤအီၤလၢတၢ်သူၣ်တီသးလိၤန့ၣ်တက့ၢ်.

တၢ်ကတိၤဒိ. 12:2

ယွၤဘၣ်အသးလၢပှၤအဂ့ၤတဖၣ်န့ၣ်လီၤ. မ့မ့ၢ်စံၣ်ညီၣ်ဃၣ်ပှၤလၢအကူၣ်ထီၣ်တၢ်အၢတၢ်သီလီၤ.

တၢ်ကတိၤဒိ. 12:26

ပှၤတီပှၤလိၤတဂၤန့ၣ်မ့ၢ်ပှၤနဲၣ်ကျဲလၢအတံၤသကိးအဂီၢ်လီၤ. မ့မ့ၢ်ပှၤတတီတလိၤအကျဲန့ၣ်ကဆှၢကမၣ်ကွံာ်အဝဲသ့ၣ်လီၤ.

တၢ်ကတိၤဒိ. 14:17

ပှၤလၢအသးထီၣ်ကဲၤတဖၣ်မၤပှၤဟးဂီၤဖိအတၢ်မၤလီၤ. ပှၤလၢအကူၣ်သ့ဒိၣ်ဒၣ်တၢ်တက့ၢ်တဖၣ်အိၣ်ဝဲခုၣ်ခုၣ်မုာ်မုာ်လီၤ.

တၢ်ကတိၤဒိ. 14:23

မၤတၢ်တက့ၢ်. ဒီးနကလုၢ်အီၣ်နသးသမူလီၤ. နမ့ၢ်ဆ့ၣ်နီၤကတိၤထဲတၢ်ဒီးနကဖှီၣ်ကယာ်လီၤ.

တၢ်ကတိၤဒိ. 19:22

တၢ်လၢအလိၣ်ဝဲလၢပှၤကညီတဂၤအပူၤန့ၣ်မ့ၢ်တၢ်သးတီလီၤ. ဒီးပှၤအဖှီၣ်အယာ်တဂၤန့ၣ်ဂ့ၤဒိၣ်န့ၢ်ဒံးပှၤလီတၢ်တဂၤတက့ၢ် န့ၣ်လီၤ.

တၢ်ကတိၤဒိ. 24:8

နမ့ၢ်ကူၣ်ကျဲၤတၢ်အၢတၢ်သီထီဘိဒီး, နမံၤကဟူထီၣ်သါလီၤလၢ နမ့ၢ်ပှၤမၤကီမၤခဲတၢ်တဂၤလီၤ.

တၢ်ကတိၤဒိ. 3:29

ကူၣ်အၢတၢ်တမံၤမံၤလၢကမၤဘၣ်ဒိဆါပှၤလၢနဃၢၤလၢအအိၣ်ဘူး ဒီးနၤဒီးနာ်န့ၢ်နၤန့ၣ်တဂ့ၤ.

တၢ်ကတိၤဒိ. 3:3

ဒုးလဲၤသဒၣ်တၢ်သးတီဒီးတၢ်သူၣ်တီသးရၤလၢနအိၣ်တဂ့ၤ. စၢထီၣ်အီၤလၢနကိာ်အလိၤဒီးကွဲးအီၤလၢနသးအလိၤတက့ၢ်.

တၢ်ကတိၤဒိ. 6:14

ကူၣ်တၢ်အၢတထံၣ်ဃီလၢသးလၢအတမ့ၢ်တတီအပူၤ, ဒီးထိၣ်ဂဲၤထီၣ်တၢ်ကီတၢ်ခဲသကုၤဆးဒးလီၤ.

လံာ်မံကၤ 2:1

ပှၤလၢအဆိကမိၣ်ထီၣ်တၢ်တတီတလိၤဒီးကူၣ် ထီၣ်တၢ်အၢလၢအလီၢ်မံပူၤတဖၣ်န့ၣ်, လီၤပျံၤလီၤဖုးဆံးဒိၣ်လဲၣ်. တုၤမုၢ်ဆ့ၣ်ဝါထီၣ်ဒီးအဝဲမၤန့ၢ်ဘၣ်တၢ်ခွဲးတၢ်ယာ်တဘျီဃီန့ၣ်, မၤတၢ်အၢဒ်ကူၣ်ကျဲၤပာ်ဝဲအသိးလီၤ.

လံာ်မးသဲ 5:7

ပှၤလၢအသူၣ်ကညီၤသးကညီၤပှၤဂၤန့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, အဝဲသ့ၣ် ကဘၣ်တၢ်သးကညီၤအီၤလၢကစၢ်ယွၤလီၤ.

လံာ်ယိၤဟၣ် 1:17

ကစၢ်ယွၤဟ့ၣ်လီၤတၢ်သိၣ်တၢ်သီခီဖျိစီၤမိၤၡ့, မ့မ့ၢ်တၢ်ဘျုးတၢ်ဖှိၣ်ဒီးတၢ်မ့ၢ်တၢ်တီန့ၣ် ဟဲခီဖျိယ့ၣ်ၡူးခရံာ်န့ၣ်လီၤ.

လံာ်စီၤယိၤၡူ 2:14

ဒီးပှၤတဖၣ်န့ၣ်စံးဘၣ်အီၤ, “ပမ့ၢ်တမၤဒ်ပစံးအသိးဘၣ်ဒီး, မ်ကစၢ်ယွၤဟံးထီၣ်ကွံာ်ပသးသမူတဖၣ်တက့ၢ်. တၢ်လၢပမၤအံၤန့ၣ်နမ့ၢ်တတဲပှၤနီတဂၤဘၣ်ဒီး, ပအၢၣ်လီၤနၤလၢဖဲယွၤဟ့ၣ်လီၤပှၤကီၢ်အံၤန့ၣ်, ပကမၤနၤဂ့ၤဂ့ၤဒီးတီတီန့ၣ်လီၤ.”