တၢ်ကတိၤဒိ. 14:17 - Sgaw Karen Common Bible

¹⁷ ပှၤလၢအသးထီၣ်ကဲၤတဖၣ်မၤပှၤဟးဂီၤဖိအတၢ်မၤလီၤ. ပှၤလၢအကူၣ်သ့ဒိၣ်ဒၣ်တၢ်တက့ၢ်တဖၣ်အိၣ်ဝဲခုၣ်ခုၣ်မုာ်မုာ်လီၤ.

တၢ်ကတိၤဒိ. 14:17 Iomraidhean Croise

လံာ်စီၤပၤခံဘ့ၣ်တဘ့ၣ် 5:12

လၢန့ၣ်အမဲာ်ညါ, လၢပအိၣ်ပဆိးအလီၢ်လၢဝ့ၢ်ဒၤမ့ၤစ့းန့ၣ်, ထံကျိတဖၣ်လၢအမ့ၢ်ထံကျိအဘၤနါ, ဒီးဖၢ်ပၢ်တဂ့ၤဒိၣ်န့ၢ်ဒံး ထံကျိတဘိဘိလၢကီၢ်အံၣ်စရ့လးအပူၤန့ၣ်ဘၣ်ဧါ. ယလုၣ်ထံလၢထံကျိတဖၣ်န့ၣ်အပူၤဒီးဘျါက့ၤသ့ဝဲလီၤ.”

လံာ်နီၢ်အ့ၤစတၢ် 3:6

ဒီးတုၤအသ့ၣ်ညါဘၣ်ဝဲလၢစီၤမၢ်ဒကဲၤမ့ၢ်ပှၤယူဒၤဖိတဂၤန့ၣ်, အဝဲပာ်လီၤအသးလၢကမၤတၢ်အါန့ၢ်ကစံၣ်ညီၣ်စီၤမၢ်ဒကဲၤ ထဲတဂၤဧိၤတက့ၢ်န့ၣ်လီၤ. အဝဲကူၣ်ထီၣ်ဖးလီၤလၢကမၤသံကယဲၢ်ပှၤ ယူဒၤဖိခဲလၢာ်လၢကီၢ်ပၤရၣ်အဘီအမုၢ်ဒီဘ့ၣ်ညါအပူၤန့ၣ်လီၤ.

တၢ်ကတိၤဒိ. 12:16

ဖဲပှၤဟးဂီၤဖိအသးဘၣ်တံာ်တာ်န့ၣ်, လီၣ်ဖျါထီၣ်ဝဲချ့သဒံး လီၤ. မ့မ့ၢ်ပှၤလၢအအိၣ်ဒီးတၢ်သ့ၣ်ညါနၢ်ပၢၢ်တဖၣ်န့ၣ်, ကွၢ်ကပာ်ကွံာ်တၢ်ကတိၤဒုၣ်ဒွဲၣ်တမံၤလီၤ.

တၢ်ကတိၤဒိ. 12:2

ယွၤဘၣ်အသးလၢပှၤအဂ့ၤတဖၣ်န့ၣ်လီၤ. မ့မ့ၢ်စံၣ်ညီၣ်ဃၣ်ပှၤလၢအကူၣ်ထီၣ်တၢ်အၢတၢ်သီလီၤ.

တၢ်ကတိၤဒိ. 14:16

ပှၤသူၣ်ထံသးဆးတဖၣ်ပလီၢ်အသးလၢကအိၣ်ယံၤဒီးတၢ်အၢတၢ်သီ လီၤ. မ့မ့ၢ်, ပှၤအမၢးတဖၣ်တပလီၢ်အသးဘၣ်ဒီးမၤကြီတၢ်လီၤ.

တၢ်ကတိၤဒိ. 14:18

ပှၤလၢအတမၤလိမၤဒိးဘၣ်တၢ်တဖၣ်န့ၣ်ဒိးန့ၢ်တၢ်ကြၢးဒီး အတၢ်သူၣ်တထံသးတဆးန့ၣ်လီၤ. မ့မ့ၢ်ပှၤလၢအသူၣ်ပ့ၢ်သးဆှါတဖၣ်န့ၣ်ဘၣ်တၢ်ဟ့ၣ်ဘျုးအီၤလၢ တၢ်သ့ၣ်ညါန့ၣ်လီၤ.

တၢ်ကတိၤဒိ. 14:29

နမ့ၢ်အိၣ်ခုၣ်ခုၣ်မုာ်မုာ်ဒီးနမ့ၢ်ပှၤကူၣ်သ့လီၤ. ဘၣ်ဆၣ်နမ့ၢ်အိၣ်ဒီးတၢ်သးထီၣ်ကဲၤန့ၣ်, နပာ်ဖျါထီၣ်ဒၣ်လၢနမ့ၢ် ပှၤအမၢးထဲလဲၣ်ထဲလဲၣ်န့ၣ်လီၤ.

တၢ်ကတိၤဒိ. 15:18

တၢ်သးကဲၤထီၣ်ဒုးအိၣ်ထီၣ်တၢ်ဂ့ၢ်လိာ်ဘှီလိာ်တဖၣ်လီၤ. မ့မ့ၢ်, တၢ်ဝံသးစူၤဟဲစိာ်တၢ်ဃူတၢ်ဖိးလီၤ.

တၢ်ကတိၤဒိ. 16:32

တၢ်ဝံသးစူၤဂ့ၤဒိၣ်န့ၢ်တၢ်ဂံၢ်ဆူၣ်ဘါဆူၣ်တက့ၢ်လီၤ. တၢ်မၤနၢၤဒီးတၢ်ပၢၤနသးဒၣ်နဲန့ၣ်ဂ့ၤဒိၣ်န့ၣ်ဒံးတၢ်ပၢၤ ဝ့ၢ်ဒီဝ့ၢ်တက့ၢ်လီၤ.

တၢ်ကတိၤဒိ. 20:3

ပှၤဟးဂီၤဖိတဂၤလၢ်လၢ်စးထီၣ်တၢ်ဂ့ၢ်လိာ်ဘှီလိာ်တဖၣ်သ့လီၤ. မ့မ့ၢ်တၢ်အိၣ်ယံၤဒီးတၢ်အ့ၣ်လိာ်ဆိးက့လိာ်န့ၣ်, မ့ၢ်တၢ်လၤကပီၤတမံၤလီၤ.

တၢ်ကတိၤဒိ. 22:24

မၤတံၤမၤသကိးဒီးပှၤတဖၣ်လၢအသးဒိၣ်ထီၣ်ကဲၤထီၣ်ချ့ဒီးမၤ တပျုာ်တပျီၤတၢ်တဖၣ်န့ၣ်တဂ့ၤ.

တၢ်ကတိၤဒိ. 29:22

ပှၤလၢအသးထီၣ်ချ့န့ၣ်ထိၣ်ဂဲၤထီၣ်တၢ်အ့ၣ်လိာ်ဆိးက့လိာ်ဒီး ဒုးအိၣ်ထီၣ်တၢ်ကီတၢ်ခဲအါမးလီၤ.

တၢ်ကတိၤဒိ. 6:18

သးလၢအဆိကမိၣ်ထီၣ်တၢ်ကူၣ်အၢကူၣ်သီ, ခီၣ်လၢအခါထီၣ်ချ့ချ့ဆူတၢ်အၢအအိၣ်,

လံာ်ပှၤစံၣ်တဲၤတဲလီၤတၢ် 7:9

ပၢၤဃာ်နတၢ်သူၣ်ဒိၣ်သးထီၣ်တက့ၢ်. တၢ်စၢဃးပှၤဂၤအတၢ်ကမၣ်နၣ်မ့ၢ်တၢ်မၢးလီၤ.

လံာ်ယၡါယၤ 32:7

ပှၤဟးဂီၤဖိတဂၤအၢဝဲသီဝဲဒီးမၤတၢ်အၢတၢ်သီတဖၣ်လီၤ. အဝဲကူၣ်ကျဲၤဝဲဒ်သိးကမၤဟးဂီၤပှၤဖှီၣ်ဖိယာ်ဖိတဖၣ် လၢတၢ်လီတၢ်ဝ့ၤတဖၣ်ဒီးကတြီဃာ်အီၤလၢ ကမၤန့ၢ်တၢ်လၢအကြၢးဒိးန့ၢ်ဝဲတဖၣ်လီၤ.

ယၤကိာ် 1:19

ယဒီပုၢ်ဝဲၢ်သးဘိသ့ၣ်ဧၢ, သ့ၣ်နီၣ်ထီၣ်က့ၤတၢ်အံၤတက့ၢ်. ပှၤကိးဂၤဒဲးကဘၣ်ချ့လၢတၢ်နၢ်ဟူတၢ်, ဒီးဃၢဝဲလၢတၢ်ကတိၤဒီးတၢ်သးဒိၣ်ထီၣ်န့ၣ်လီၤ.