တၢ်ကတိၤဒိ. 14:11 - Sgaw Karen Common Bible

¹¹ ပှၤအဂ့ၤတဂၤအဟံၣ်ကအိၣ်ဆၢထၢၣ်ဒံးဝဲဖဲပှၤအၢပှၤသီတဂၤ အဟံၣ်ဘၣ်တၢ်မၤလီၤပှီၢ်ကွံာ်အီၤန့ၣ်လီၤ.

တၢ်ကတိၤဒိ. 14:11 Iomraidhean Croise

လံာ်စီၤယိၤဘး 15:34

ပှၤတဖၣ်လၢတနာ်ယွၤန့ၣ်ကအိၣ်သယုၢ်လီၤ. ဒီးမ့ၣ်အူကအီၣ် ကွံာ်ပှၤအီၣ်ခိၣ်ဖးလာ်ဆှိးတဖၣ်အဒဲလီၤ.

လံာ်စီၤယိၤဘး 18:21

တၢ်အံၤမ့ၢ် ပှၤအၢပှၤသီတဖၣ် အတၢ်ဘူၣ်တၢ်တီၢ် ပှၤတဖၣ်လၢအတပာ်လ့ၢ်ပာ်ကါကစၢ်ယွၤနီတစဲး အတၢ်ဘူၣ်တၢ်တီၢ်န့ၣ်လီၤ.

လံာ်စီၤယိၤဘး 21:28

အဂ့ၢ်ဒ်အံၤသုစံး, ပဒိၣ်ဖးဒိၣ်တဖၣ်အဟံၣ်န့ၣ်မ့ၢ်အအိၣ်ဖဲလဲၣ်. ဒီးပှၤတတီတလိၤတဖၣ်အအိၣ်တၢ်အလီၢ်န့ၣ်မ့ၢ်အအိၣ်ဖဲလဲၣ်.

လံာ်စီၤယိၤဘး 8:15

အဝဲသ့ၣ်မ့ၢ်သန့ၤလီၤအသးလၢကပီၤလုၤန့ၣ်ဒီးမ့ၢ်အဟံးဃာ် အီၤကကျၢၤစ့ၢ်ဧါ. အဝဲသ့ၣ်မ့ၢ်စှီၤဃာ်လုၣ်တဘိန့ၣ်ဒီးမ့ၢ် အကမၤစၢၤအဝဲသ့ၣ်န့ၣ်ဧါ.

လံာ်စီၤယိၤဘး 8:22

ဘၣ်ဆၣ်အဝဲကဟဲစိာ်တၢ်မဲာ်ဆှးဆူပှၤလၢအသးဟ့နၤဒီး ပှၤတတီတလိၤအဟံၣ်တဖၣ်န့ၣ်လီၤမၢ်ကွံာ်ဝဲဒၣ်န့ၣ်လီၤ.

လံာ်စီၤယိၤဘး 8:6

နသးမ့ၢ်တီဝဲလိၤဝဲဒီးကဆှီဝဲဒၣ်န့ၣ်, ကစၢ်ယွၤကဟဲမၤစၢၤ နၤ, ဒီးကဟ့ၣ်က့ၤနဟံၣ်ဖိဃီဖိတဖၣ်ဒ်နကြၢးန့ၢ်သါတၢ် အသိးန့ၣ်လီၤ.

စံးထီၣ်ပတြၢၤ 128:3

နမါကမၤအသးဒ်စပံးမုၢ်လၢအသၣ်ထီၣ်တမုၢ်လၢ နဟံၣ်ပူၤအသိး, ဒီးနဖိနလံၤကမၤအသးဒ် သ့ၣ်စၤယံးအထံးသ့ၣ်တဖၣ် အိၣ်ဝးတရံးနစီၢ်နီၤခိၣ်အသိးန့ၣ်လီၤ.

စံးထီၣ်ပတြၢၤ 37:10

တစိၢ်ဖိဒီးပှၤအၢပှၤသီကဟါမၢ်ကွံာ်ဝဲ, နမ့ၢ်ဃုအီၤဘၣ်ဆၣ်နတထံၣ်န့ၢ်အီၤလၢၤဘၣ်.

တၢ်ကတိၤဒိ. 11:28

ပှၤတဖၣ်လၢအသန့ၤအသးလၢတၢ်ထူးတၢ်တီၤန့ၣ်ကလီၤဃံၤဝဲဒ်သ့ၣ်လၣ် လီၤဆှု လၢတၢ်ကိၢ်ထီၣ်သီအကတီၢ်အသိးန့ၣ်လီၤ. မ့မ့ၢ်ပှၤအတီအလိၤန့ၣ်ကဘီၣ်ထီၣ်ညီထီၣ်ဝဲဒ်သ့ၣ်လၣ်တဖၣ်ဒိးစၢ် ထီၣ်ဖဲတၢ်စူၤလီၤသီအကတီၢ်အသိးန့ၣ်လီၤ.

တၢ်ကတိၤဒိ. 12:7

ပှၤတတီတလိၤဘၣ်သဂၢၢ်အတၢ်လီၤပှီၢ်ဒီးအစၢၤအသွဲၣ်တအိၣ်လီၤ တဲာ်တ့ၢ်နီတဂၤဘၣ်. မ့မ့ၢ်, ပှၤတီပှၤလိၤအဒူၣ်ဖိထၢဖိ တဖၣ်ကအိၣ်မူဝဲဆူညါလီၤ.

တၢ်ကတိၤဒိ. 15:25

ယွၤကမၤဟးဂီၤပှၤပာ်ထီၣ်ထီအသးတဖၣ်အဟံၣ်လီၤ. မ့မ့ၢ်ပှၤမုၣ်ကမဲတဂၤအစုလီၢ်ခီၣ်ခိၣ်န့ၣ်ကဒီဒၣ်အိၣ်ပှိၤဝဲလီၤ.

တၢ်ကတိၤဒိ. 21:12

ကစၢ်ယွၤ, တၢ်တီတၢ်လိၤတဂၤန့ၣ်သ့ၣ်ညါဝဲတၢ်မနုၤမၤအသးလၢပှၤ တတီတလိၤအဟံၣ်တဖၣ်အပူၤလီၤ. ဒီးအဝဲကတ့ၢ်လီၤပှၤတတီတလိၤဆူတၢ်ဟးဂီၤအပူၤလီၤ.

တၢ်ကတိၤဒိ. 21:20

ပှၤကူၣ်သ့တဖၣ်န့ၣ်အိၣ်မူလၢတၢ်ထူးတၢ်တီၤဒီးဟီၣ်ခိၣ်အတၢ် မုာ်တၢ်လၤအပူၤလီၤ. မ့မ့ၢ်, ပှၤလၢအမၢးတဖၣ်သူလၢာ်ကွံာ်အစ့ထဲသိးသိးအမၤန့ၢ် အီၤန့ၣ်လီၤ.

တၢ်ကတိၤဒိ. 3:33

ယွၤပာ်ဖှိၣ်တၢ်ဆိၣ်အၢတမံၤလၢပှၤတတီတလိၤအဟံၣ်တဖၣ်အဖီခိၣ် လီၤ. မ့မ့ၢ်ဆိၣ်ဂ့ၤပှၤအတီအလိၤတဖၣ်အတၢ်အိၣ်တၢ်ဆိးအလီၢ်န့ၣ်လီၤ.

လံာ်စကၤရယၤ 5:4

သ့တၢ်လၢာ်ယွၤစံးဝဲလၢအဝဲကဆှၢလီၤတၢ်ဆိၣ် အၢအံၤဒီးတၢ်ဆိၣ်အၢအံၤကလီၤဘၣ်ကယဲၢ်တၢ်ဘျၣ်ကိး ဂၤဒဲးအဟံၣ်ဒီးကယဲၢ်ပှၤလၢအကတိၤကဘျံးကဘျၣ် တၢ်လၢတၢ်ဆိၣ်လီၤသးအပူၤအဟံၣ်န့ၣ်လီၤ. တၢ်ဆိၣ်အၢန့ၣ်, ကအိၣ်ဆိးလၢအဝဲသ့ၣ်အဟံၣ်တဖၣ်အပူၤဒီးပာ်လီၤတဲာ်အဝဲ သ့ၣ်လၢတၢ်ဟးဂီၤအပူၤန့ၣ်လီၤ.”