တၢ်ကတိၤဒိ. 13:4 - Sgaw Karen Common Bible

⁴ ပှၤအကၢၣ်တဂၤအသးဆၢန့ၢ်တၢ်တမံၤမံၤထဲအံၤထဲနုၤနာ်က့, မၤဝဲတန့ၢ်ဘၣ်. မ့မ့ၢ်ပှၤလၢအမၤတၢ်ဆူၣ်ဆူၣ်တဂၤကမၤန့ၢ်တၢ်ခဲ လၢာ်လၢအဆၢန့ၢ်ဘၣ်ဝဲလီၤ.

တၢ်ကတိၤဒိ. 13:4 Iomraidhean Croise

လံာ်တၢ်ကဲထီၣ်အခီၣ်ထံး 26:32

ဒီးလၢမုၢ်တနံၤန့ၣ်စီၤအံၤစဲးအခ့အပှၤတဖၣ်ဟဲဒီးတဲဘၣ်အီၤ လၢထံပူၤလၢအဝဲသ့ၣ်ခူၣ်တ့ၢ်ဝဲတပူၤအဂ့ၢ်န့ၣ်လီၤ. အဝဲသ့ၣ်စံးဝဲ, “ပထံၣ်န့ၢ်ထံလံ.”

စံးထီၣ်ပတြၢၤ 92:14

လၢအသၣ်ထီၣ်တုၤလီၤလၢ အသးပှၢ်အကတီၢ်ဒၣ်လဲာ်, ဒီးလါဟ့ဒီးသံကစဲာ်ဝဲထီဘိန့ၣ်လီၤ.

တၢ်ကတိၤဒိ. 10:4

တၢ်အိၣ်ကၢၣ်အိၣ်ကျူန့ၣ်, ကမၤဖှီၣ်လီၤယာ်လီၤနၤလီၤ. မ့မ့ၢ်, တၢ်မၤတၢ်ဆူၣ်ဆူၣ်န့ၣ်ကဒုးထူးထီၣ်တီၤထီၣ်နၤလီၤ.

တၢ်ကတိၤဒိ. 11:25

ဟ့ၣ်ညီတၢ်တက့ၢ်, ဒီးနကထူးတီၤထီၣ်လီၤ. မၤစၢၤပှၤဂၤတက့ၢ်, ဒီးနကဘၣ်တၢ်မၤစၢၤနၤလီၤ.

တၢ်ကတိၤဒိ. 12:11

ပှၤထူစံာ်ဖိလၢအမၤတၢ်ဆူၣ်ဆူၣ်တဂၤအိၣ်ဒီးတၢ်အီၣ်တၢ်အီ လၢလၢပှဲၤပှဲၤလီၤ. မ့မ့ၢ်တၢ်မၤလၢာ်တၢ်ဆၢကတီၢ်လၢတၢ်မၤတဂီာ် တသီၣ်တဖၣ်အဂီၢ်န့ၣ်မ့ၢ်တၢ်သူၣ်တထံသးတဆးန့ၣ်လီၤ.

တၢ်ကတိၤဒိ. 12:24

တၢ်မၤတၢ်ဆူၣ်ဆူၣ်န့ၣ်ကဟ့ၣ်နၤတၢ်စိကမီၤလီၤ. တၢ်အိၣ်ကၢၣ်အိၣ်ကျုန့ၣ်ကဒုးကဲထီၣ်နၤလၢကုၢ်တဂၤလီၤ.

တၢ်ကတိၤဒိ. 12:27

နမ့ၢ်ကၢၣ်ဒီးတၢ်လၢနသးလီန့ၣ်နတန့ၢ်ဘၣ်နီတစုဘၣ်. ဘၣ်ဆၣ်ဒီးနမ့ၢ်မၤတၢ်ဆူၣ်ဆူၣ်န့ၣ်, နကမၤန့ၢ်တၢ်စုလီၢ်ခီၣ်ခိၣ် အါမးလီၤ.

တၢ်ကတိၤဒိ. 13:3

ပှၤလၢအပၢၤအထးခိၣ်န့ၣ်ဟံးဃာ်အသးသမူလီၤ. မ့မ့ၢ်ပှၤလၢအကတိၤနါစိၤတၢ်န့ၣ်မၤဟးဂီၤလီၤအသးဒၣ်ဝဲလီၤ.

တၢ်ကတိၤဒိ. 13:5

ပှၤအတီအလိၤသးဟ့တၢ်လီတၢ်ဝ့ၤတဖၣ်လီၤ. မ့မ့ၢ်ပှၤအၢပှၤသီအတၢ်ကတိၤတဖၣ်လီၤမဲာ်ဆှးဒီးအလၤကပီၤ တအိၣ်ဘၣ်န့ၣ်လီၤ.

တၢ်ကတိၤဒိ. 20:4

ပှၤထူစံာ်ဖိတဂၤလၢအကၢၣ်မးတုၤကထဲၣ်လီၤအစံာ်ပျီတဖၣ်ဘၣ်ဆၢ ဘၣ်ကတီၢ်န့ၣ်, တအိၣ်ဒီးတၢ်နီတမံၤလၢကကူးက့ၤဝဲအဂီၢ်န့ၣ်ဘၣ်.

တၢ်ကတိၤဒိ. 21:25

ပှၤလၢအကၢၣ်တဂၤလၢအဂ့ၢ်လိာ်ကဖံးတၢ်မၤတၢ်န့ၣ်, မ့ၢ်အမၤသံလီၤက့ၤအသးဒၣ်ဝဲန့ၣ်လီၤ.

တၢ်ကတိၤဒိ. 21:5

ကူၣ်လီၤကျဲၤလီၤတၢ်, လီၤတံၢ်လီၤဆဲးတက့ၢ်. ဒီးနကအိၣ်ဒီးတၢ်လၢတၢ်ပှဲၤလီၤ. နမ့ၢ်မၤတၢ်ချ့ချ့န့ၣ်, နတအိၣ်ဘၣ်ဒီးတၢ်လၢတၢ်ပှဲၤနီတဘျီဘၣ်.

တၢ်ကတိၤဒိ. 24:30

ယလဲၤခီဖျိပှၤအကၢၣ်ဒီးပှၤအမၢးတဂၤအစံာ်ပျီပူၤဒီးအစပံး လီၢ်တဖၣ်လီၤ.

တၢ်ကတိၤဒိ. 24:31

တၢ်ခဲလၢာ်ခဲဘၢအသးဒီးတၤဆှုၣ် သပှီာ်တဖၣ်, ဒီးနီၣ်ဧိၤမံၤဧိၤဒိၣ်ဘၢကွံာ်တၢ်ခဲလၢာ်, ဒီးကရၢၢ်လၢၢ်ဝးတရံးအီၤတဖၣ်လီၤပှီၢ်တ့ၢ်ဝဲန့ၣ်လီၤ.

တၢ်ကတိၤဒိ. 26:13

ဘၣ်မနုၤအဃိပှၤအကၢၣ်တဂၤတဟးထီၣ်လၢဟံၣ်ပူၤနီတဘျီ ဘၣ်န့ၣ်လဲၣ်. မ့ၢ်အပျံၤတၢ်မနုၤလဲၣ်. ခ့ယုၢ်တဖၣ်ဧါ.

တၢ်ကတိၤဒိ. 28:25

တၢ်အဲၣ်လီၤသးန့ၣ်ဒုးအိၣ်ထီၣ်ဒၣ်ထဲတၢ်ကိၢ်တၢ်ဂီၤဧိၤလီၤ. တၢ်သန့ၤအသးလၢယွၤန့ၣ်ဒုးဘီၣ်ထီၣ်ညီထီၣ်နၤဒိၣ်တက့ၢ်လီၤ.

တၢ်ကတိၤဒိ. 6:6

ပှၤလၢအကၢၣ်တဖၣ်ကြၢးမၤန့ၢ်တၢ်မၤလိတမံၤလၢတၢၢ်ဧိၤတြၤဧိၤ အတၢ်အိၣ်မူအကျဲန့ၣ်လီၤ.

တၢ်ကတိၤဒိ. 8:34

ပှၤလၢအဒိကနၣ်ယၤ, ပှၤလၢအအိၣ်လၢယတြဲၤကိးနံၤဒဲး ဒီးခိးတၢ်လၢယဟံၣ်အကျဲစၢၤန့ၣ်ဘၣ်ဆိၣ်ဂ့ၤဝဲလီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:3

ယဘ့ၣ်လီၤကွံာ်လံယတၢ်ကူတၢ်ကၤလံ, ဘၣ်မနုၤယဘၣ်ကူထီၣ်ကၤထီၣ်က့ၤကဒီးလဲၣ်. ယသ့ယခီၣ်ဝံၤလံ, ဘၣ်မနုၤယဘၣ်မၤဘၣ်အၢကဒီးအီၤလဲၣ်.

လံာ်ယၡါယၤ 58:11

ဒီးယကပၢဆှၢသုထီဘိဒီးမၤသးမံသးမုာ်သုလၢတၢ်အဂ့ၤ တဖၣ်လီၤ. ယကဟ့ၣ်သုတၢ်ဂံၢ်တၢ်ဘါဒီးတၢ်အိၣ်ဆူၣ်အိၣ် ချ့လီၤ. သုကလီၤဂာ်ဒ်တၤသၣ်လီၢ်လၢအဘၣ်စီၣ်ဘၣ်သ့တလီၢ်, ထံမူထီၣ်ပၢၢ်တပူၤလၢတလီၤသံးနီတစုဘၣ်အသိးန့ၣ်လီၤ.

လံာ်တၢ်ဂံၢ် 23:10

ကီၢ်အံၣ်စရ့လးအစၢၤအသွဲၣ်တဖၣ်လီၤဂာ်ဒ်ဖၣ်ကမူၣ်အသိး, အဝဲသ့ၣ်အါဝဲဂီၢ်ဝဲလၢတၢ်ကဂံၢ်အီၤအဂီၢ်န့ၣ်လီၤ. မ်ယမုၢ်နံၤမုၢ်သီတဖၣ်ကတၢၢ်ဝဲဒ်ပှၤတဂၤလၢကစၢ်ယွၤအပှၤဂီၢ် မုၢ်အကျါအသိး, မ်ယသံယဲလၢတၢ်ဃူတၢ်မုာ်အပူၤဒ်ပှၤအတီအလိၤတဂၤအသိးန့ၣ် တက့ၢ်.”

လံာ်ယိၤဟၣ် 6:27

တဘၣ်မၤတၢ်လၢတၢ်အီၣ်လၢအဟးဂီၤသ့အဂီၢ် တဂ့ၤ. မ့မ့ၢ်မၤတၢ်လၢတၢ်အီၣ်လၢအအိၣ်ဂၢၢ်ကျၢၤ လၢတၢ်မူအထူအယိာ်အဂီၢ်န့ၣ်တက့ၢ်. တၢ်အံၤမ့ၢ်တၢ်အီၣ်လၢပှၤကညီဖိခွါကဟ့ၣ်သု, မ့ၢ်လၢပၢ်ကစၢ်ယွၤစဲပနီၣ်ဃာ်အီၤလၢတၢ်ပနီၣ်လၢ အပာ်ဖျါအတၢ်ဘၣ်အသးလၢအီၤအဃိန့ၣ်လီၤ.”

ဧ့ၤဘြံၤ 6:11

ပတၢ်ဆၢမုၢ်လၢ်ဒိၣ်ဒိၣ်အါအါမ့ၢ်ဝဲဒၣ်လၢသုဝဲကိးဂၤဒဲး ကလီၣ်ဖျါထီၣ်သုတၢ်သူၣ်ဆူၣ်သးဂဲၤတမံၤဃီတုၤ အကတၢၢ်ဒ်သိးတၢ်လၢသုမုၢ်လၢ်န့ၣ်ကလၢထီၣ်ပှဲၤထီၣ်ဒီး ကမ့ၢ်တၢ်နီၢ်နီၢ်န့ၣ်လီၤ.

လံာ်စီၤယိၤၡူ 7:3

အဝဲသ့ၣ်ပာ်ဖျါက့ၤတၢ်ဂ့ၢ်တၢ်ကျိၤဆူစီၤယိၤၡူအအိၣ်ဒီးစံးဝဲ, “တလိၣ်လၢပှၤကိးဂၤဒဲးကလဲၤထီၣ်ဒုးဝ့ၢ်ဂဲအဂီၢ်ဘၣ်. ပျဲလီၤထဲပှၤပိာ်ခွါခံကထိမ့တမ့ၢ်သၢကထိဃၣ်ဃၣ်ဒီးဘၣ်လီၤ. တဘၣ်ပျဲလီၤသုးမုၢ်ဒီဖုလၢကလဲၤထီၣ်ဒုးတၢ်အဂီၢ်တဂ့ၤ. တမ့ၢ်ဝ့ၢ်လၢအဒိၣ်တဝ့ၢ်ဘၣ်.”