တၢ်ကတိၤဒိ. 13:20 - Sgaw Karen Common Bible

²⁰ လဲၤတၢ်ဒီးပှၤကူၣ်သ့ဒီးနကကဲထီၣ်ပှၤကူၣ်သ့န့ၣ်လီၤ. နမ့ၢ်မၤတံၤမၤသကိးဒီးပှၤဟးဂီၤဖိတဖၣ်န့ၣ်နကဟးဂီၤလီၤ.

တၢ်ကတိၤဒိ. 13:20 Iomraidhean Croise

လံာ်တၢ်ကဲထီၣ်အခီၣ်ထံး 14:12

စီၤအၤဘြၣ်အဖိဒိၣ်စီၤလိာ်အိၣ်ဝဲဆိးဝဲလၢစဒိၣ်အပူၤဒီးလၢ တၢ်န့ၣ်အဃိအဝဲသ့ၣ်စိာ်ကွံာ်အီၤဒီးကယဲၢ်အတၢ်ဖိတၢ်လံၤခဲ လၢာ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 12:10

အဝဲသ့ၣ်စံးဆၢဝဲ, အအံၤမ့ၢ်တၢ်လၢနကဘၣ်တဲအဝဲသ့ၣ်န့ၣ်လီၤ. “ယစုဆၣ်ဖိအံၤဒိၣ်န့ၢ်ဒံးယပၢ်အယီၢ်ဒ့တက့ၢ်လီၤ.

လံာ်စီၤပၤအခီၣ်ထံးတဘ့ၣ် 12:8

ဘၣ်ဆၣ်အဝဲတကနၣ်ဃုာ်ဘၣ်ပှၤသးပှၢ်တဖၣ်အတၢ်ဟ့ၣ်ကူၣ်ဘၣ်. အခိၣ်တလိာ်အဝဲလဲၤဆူပှၤသးစၢ်တဖၣ်လၢအဒိၣ်ထီၣ်တကျဲကျဲ ဒီးအီၤ, လၢခဲအံၤမ့ၢ်အဝဲပှၤဟ့ၣ်ကူၣ်ဟ့ၣ်ဖးတၢ်တဖၣ်အအိၣ်န့ၣ် လီၤ.

လံာ်စီၤပၤအခီၣ်ထံးတဘ့ၣ် 22:32

အဃိဒီး, တုၤအဝဲသ့ၣ်ထံၣ်စီၤပၤယဟိၡၤဖးန့ၣ်အဝဲသ့ၣ်ခဲလၢာ် ဆိကမိၣ်ဝဲလၢအဝဲမ့ၢ်ကီၢ်အံၣ်စရ့လးအစီၤပၤ, ဒီးအဝဲသ့ၣ်ဃၣ်အသးလၢကဒုးအီၤအဂီၢ်န့ၣ်လီၤ. ဘၣ်ဆၣ်ဖဲအဝဲကိးထီၣ်ဝဲန့ၣ်,

လံာ်စီၤပၤအခီၣ်ထံးတဘ့ၣ် 22:4

ဒီးစီၤအၤဃာ်သံကွၢ်စီၤယဟိၡၤဖး, “မ့ၢ်နကလဲၤဒီးယၤလၢ ပကထီၣ်ဒုးဝ့ၢ်ရၤမိးန့ၣ်ဧါ.” စီၤယဟိၡၤဖးစံးဆၢဝဲ, “ဖဲနအိၣ်ကတဲာ်ကတီၤနသးန့ၣ်, ယအိၣ်ကတဲာ်ကတီၤယသးလီၤ. ဒီးဒ်န့ၣ်အသိးယပှၤသုးဖိတဖၣ်ဒီးယပှၤဒိးကသ့ၣ်သုးဖိတဖၣ်စ့ၢ် ကီးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 10:8

ဘၣ်ဆၣ်အဝဲကွၢ်ကပာ်ကွံာ်ပှၤသးပှၢ်တဖၣ်အတၢ်ဟ့ၣ်ကူၣ်အီၤ, အခိၣ်တလိၣ်န့ၣ်, အဝဲလဲၤဆူပှၤသးစၢ်တဖၣ်လၢအဒိၣ်ထီၣ်တကျဲကျဲ ဒီးအီၤလၢခဲအံၤမ့ၢ်အဝဲအပှၤဟ့ၣ်ကူၣ်ဟ့ၣ်ဖးတၢ်တဖၣ်အအိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 19:2

ဝံတဂၤလၢအမ့ၢ်စီၤဃနၤနံအဖိခွါစီၤယ့ၤဟူ, လဲၤထီၣ်သဂၢၢ်စီၤပၤဒီးစံးဘၣ်အီၤ, “မ့ၢ်နဆိကမိၣ်လၢတၢ်မၤ စၢၤပှၤအၢပှၤသီဒီးတၢ်အိၣ်လၢပှၤသးဟ့ယွၤအအိၣ်တကပၤန့ၣ်, မ့ၢ်တၢ်အဘၣ်န့ၣ်ဧါ. တၢ်လၢနမၤတ့ၢ်န့ၣ်, ဟဲစိာ်ယွၤအတၢ်သးထီၣ်လၢနလိၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 22:4

အဝဲမၤတ့ၢ်တၢ်ဒဲးဘးထီဒါယွၤ, မ့ၢ်လၢဖဲအပၢ်သံဝံၤအလီၢ်ခံ န့ၣ်, စီၤပၤအၤဃာ်အဒူၣ်ဖိထၢဖိအဂၤတဖၣ်ကဲထီၣ်အဝဲအပှၤဟ့ၣ်ကူၣ် ဟ့ၣ်ဖးတၢ်တဖၣ်, ဒီးအဝဲသ့ၣ်ဆှၢဃီၤအီၤဆူအတၢ်ဟးဂီၤအပူၤအဃိန့ၣ်လီၤ.

စံးထီၣ်ပတြၢၤ 119:63

ယဒီတံၤဒီသကိးဒီးကယဲၢ်ပှၤလၢအပျံၤနၤ, ဒီးတိၢ်န့ၢ်ဖံးဃာ်နတၢ်မၤလိာ်တဖၣ်န့ၣ်လီၤ.

တၢ်ကတိၤဒိ. 13:19

တၢ်ဒိးန့ၢ်ဘၣ်တၢ်လၢနဆၢန့ၢ်ဘၣ်အီၤန့ၣ်ဂ့ၤဆံးဒိၣ်လဲၣ်. ပှၤဟးဂီၤဖိဂ့ၢ်လိာ်လၢကဃၣ်ကွံာ်အသးယံၤဒီးတၢ်အၢလီၤ.

တၢ်ကတိၤဒိ. 14:7

အိၣ်ယံၤဒီးပှၤဟးဂီၤဖိတဖၣ်တက့ၢ်. အဝဲသ့ၣ်ကသိၣ်လိနၤအဂီၢ် တၢ်တအိၣ်နီတမံၤဘၣ်.

တၢ်ကတိၤဒိ. 15:31

နမ့ၢ်ဒိကနၣ်တၢ်သပှၢ်ပှၢ်ဖဲနဘၣ်တၢ်သိၣ်က့ၤသီက့ၤနၤဒီး, နမ့ၢ်ပှၤအကူၣ်သ့လီၤ.

တၢ်ကတိၤဒိ. 22:24

မၤတံၤမၤသကိးဒီးပှၤတဖၣ်လၢအသးဒိၣ်ထီၣ်ကဲၤထီၣ်ချ့ဒီးမၤ တပျုာ်တပျီၤတၢ်တဖၣ်န့ၣ်တဂ့ၤ.

တၢ်ကတိၤဒိ. 22:25

နကမၤလိန့ၢ်ဘၣ်ဖုးအလုၢ်အလၢ်တဖၣ်ဒီးလဲလိာ်က့ၤနသးတန့ၢ်ဘၣ် ဖုးန့ၣ်လီၤ.

တၢ်ကတိၤဒိ. 7:27

သုမ့ၢ်လဲၤဆူအဝဲအဟံၣ်ဒီး, သုအိၣ်လံလၢကျဲလဲၤဆူတၢ်သံ အကီၢ်ပူၤန့ၣ်လီၤ. မ့ၢ်ကျဲတဲာ်ဖုၣ်ဆူတၢ်သံန့ၣ်လီၤ.

တၢ်ကတိၤဒိ. 9:6

ပာ်တ့ၢ်ကွံာ်ပှၤလၢအတသ့လံာ်သ့လဲာ်အတၢ်အိၣ်ဖှိၣ်ဒီးမူနဲ တက့ၢ်. ပိာ်ထွဲတၢ်သ့ၣ်ညါနၢ်ပၢၢ်အကျဲတက့ၢ်.”

လံာ်မၤလကံ 3:16

တုၤနုၤတစု, ပှၤလၢအပျံၤယွၤန့ၣ်စံးလိာ်အသးတဂၤဒီးတဂၤ, ဒီးယွၤဒိကနၣ်, ဒီးနၢ်ဟူတၢ်လၢအဝဲသ့ၣ်စံးဝဲဒၣ်န့ၣ်လီၤ. လၢအဝဲအမဲာ်ညါန့ၣ်, တၢ်ကွဲးနီၣ်အိၣ်ကွဲးလီၤအသးလၢလံာ်တဘ့ၣ် အပူၤဘၣ်ထွဲဒီးပှၤလၢအပျံၤယွၤဒီးယူးယီၣ်ပာ်ကဲအီၤန့ၣ်လီၤ.

မၤတၢ် 2:42

အဝဲသ့ၣ်ဟံးန့ၢ်တၢ်ဆၢကတီၢ်လၢကမၤလိန့ၢ်တၢ်လၢ ပှၤတၢ်မၢဖိတဖၣ်အအိၣ်, ကရ့လိာ်မုာ်လိာ်သကိးအသး, ကအီၣ်သကိးအီသကိး, ဒီးကဘါထုကဖၣ်သကိးတၢ်အဂီၢ်န့ၣ်လီၤ.

ဧ့ၤဘြံၤ 10:24

မ်ပကွၢ်တၢ်လၢတဂၤဒီးတဂၤအဂီၢ်ဒီးထိၣ်ဂဲၤလိာ်ပသးဒ်သိး ပကအိၣ်ဒီးတၢ်အဲၣ်တၢ်ကွံဒီးတၢ်မၤဂ့ၤတၢ်န့ၣ်တက့ၢ်.

လံာ်လီၣ်ဖျါ 18:4

တုၤနုၤတစုယနၢ်ဟူတၢ်ကလုၢ်အဂၤတထံၣ်လၢမူခိၣ်န့ၣ်စံးဝဲ, “ဟးထီၣ်ကွံာ်တက့ၢ်, ယပှၤဂီၢ်မုၢ်သ့ၣ်ဧၢ, ဟးထီၣ်ကွံာ်လၢအဝဲဒၣ်အပူၤတက့ၢ်. သုတဘၣ်မၤဘၣ်ထွဲဃုာ်သုသးလၢ အဝဲအတၢ်ဒဲးဘးတဖၣ်ဘၣ်. သုတဘၣ်တူၢ်သကိးအဝဲအတၢ်စံၣ်ညီၣ်ဘၣ်.