တၢ်ကတိၤဒိ. 13:2 - Sgaw Karen Common Bible

² ပှၤအဂ့ၤကဘၣ်တၢ်ဟ့ၣ်ဘျုးက့ၤအီၤလၢတၢ်လၢအကတိၤဝဲအဃိလီၤ. မ့မ့ၢ်ပှၤလၢအလီတၢ်ဝ့ၤတၢ်တဖၣ်န့ၣ်သၣ်ဝံၤတၢ်စုဆူၣ်ခီၣ်တကး န့ၣ်လီၤ.

တၢ်ကတိၤဒိ. 13:2 Iomraidhean Croise

စံးထီၣ်ပတြၢၤ 140:11

မ်ပှၤလၢအကတိၤခဲၣ်သူခဲၣ်ဂီၤတၢ်တဖၣ်, အသုတအိၣ် ဂၢၢ်ဆိးကျၢၤဘၣ်လၢထံဧိၤကီၢ်ဧိၤပူၤန့ၣ်တဂ့ၤ. မ်တၢ်တတၢးတနါမၤဒၢၣ်ကွံာ် ပှၤမၤဆူၣ်မၤစိးတၢ်တဖၣ်န့ၣ်တက့ၢ်.

စံးထီၣ်ပတြၢၤ 75:8

ယွၤစိာ်လီခီတဖျၢၣ်လၢအစုပူၤ, ပှဲၤဝဲဒီးအတၢ်သးထီၣ် စပံးထံလၢအဆူၣ်န့ၣ်လီၤ. အဝဲလူလီၤဝဲဒီးပှၤတတီတလိၤခဲလၢာ်အီဝဲဒၣ်, ဒီးအဝဲသ့ၣ်အီဝဲတုၤအလၢာ်န့ၣ်လီၤ.

တၢ်ကတိၤဒိ. 1:18

ဘၣ်ဆၣ်ဒီးပှၤဒ်အံၤတဖၣ်ပာ်လီၤထုလၢအဂီၢ်ဒၣ်ဝဲ, ထုလၢအဝဲသ့ၣ်ကသံလၢအပူၤန့ၣ်လီၤ.

တၢ်ကတိၤဒိ. 1:31

သတးဒီး, သုကဒိးန့ၢ်တၢ်လၢအကြၢးဒီးသု, ဒီးသုတၢ်မၤဒၣ်ဝဲတဖၣ်ကမၤဆူးမၤဆါသုလီၤ.

တၢ်ကတိၤဒိ. 10:11

ပှၤအဂ့ၤတဂၤအတၢ်ကတိၤတဖၣ်မ့ၢ်တၢ်မူအထံထီၣ်ပၢၢ်လီၤ. မ့မ့ၢ်ပှၤအအၢအသီတဂၤအတၢ်ကတိၤတဖၣ်ပာ်ခူသူၣ်တၢ်စု ဆူၣ်ခီၣ်တကးအန့ဆၢၣ်တမံၤန့ၣ်လီၤ.

တၢ်ကတိၤဒိ. 11:23

တၢ်လၢပှၤတီပှၤလိၤတဖၣ်ဆၢန့ၢ်ဝဲန့ၣ်, အိၣ်ဒီးအတၢ်ကဲ ထီၣ်လိၣ်ထီၣ်အဂ့ၤတဘိယူၢ်ဃီလီၤ. ဖဲပှၤတတီတလိၤမၤန့ၢ်တၢ်လၢ အသးလီဝဲန့ၣ်, ပှၤကိးဂၤဒဲးသးဒိၣ်ထီၣ်ဝဲလီၤ.

တၢ်ကတိၤဒိ. 12:14

ခိၣ်ဖးလၢနဂီၢ်သန့ၤထီၣ်အသးလၢတၢ်လၢနကတိၤဒီးတၢ်လၢနမၤအီၤ န့ၣ်လီၤ. နကဒိးန့ၢ်ဘၣ်တၢ်လၢအကြၢးဒီးနၤန့ၣ်လီၤ.

တၢ်ကတိၤဒိ. 18:20

နကဘၣ်အိၣ်မူဃုာ်ဒီးကယဲၢ်နတၢ်ကတိၤအတၤသၣ်တဖၣ်န့ၣ်လီၤ.

တၢ်ကတိၤဒိ. 18:21

တၢ်လၢနကတိၤအီၤန့ၣ်ပၢၤဃာ်တၢ်အိၣ်မူမ့တမ့ၢ်မၤဟးဂီၤအီၤ သ့လီၤ. မၤသးဒ်န့ၣ်ဒီးနကဘၣ်တူၢ်လိာ်နတၢ်ကတိၤတဖၣ်အတၤသၣ်တဖၣ်လီၤ.

တၢ်ကတိၤဒိ. 4:17

အဂ့ၢ်ဒ်အံၤ, တၢ်တတီတလိၤဒီးတၢ်မၤဆူၣ်မၤစိးတဖၣ်လီၤဂာ်ဒီး တၢ်အီၣ်တၢ်အီလၢအဝဲသ့ၣ်အဂီၢ်န့ၣ်လီၤ.

လံာ်ဟိၤၡ့ 10:13

ဘၣ်ဆၣ်လၢတၢ်န့ၣ်အလီၢ်, နသူၣ်လီၤတၢ်အၢတၢ်သီဒီးနကူးက့ၤ အတၤသၣ်န့ၣ်လီၤ. နအီၣ်တၤသၣ်လၢနတၢ်လီတၢ်ဝ့ၤတဖၣ်ဟ့ၣ်ထီၣ်ဝဲန့ၣ်လီၤ. မ့ၢ်လၢ, နနာ်န့ၢ်တ့ၢ်နလ့ၣ်ကဟၣ်ဒုးတၢ်တဖၣ်ဒီးနသုးဖိသံၣ်ဖိတဖၣ်လၢ အအိၣ်ဝဲအါအါဂီၢ်ဂီၢ်အဃိ.

လံာ်ဃဘးကူာ် 2:17

သုကူာ်လီၤကွံာ်လဘၤနိၣ်အသ့ၣ်ပှၢ်တဖၣ်, ဒီးခဲအံၤသုကဘၣ်တၢ်ဒီၣ်တဲာ်ကွံာ်သုလီၤ. သုမၤသံမၤဝီတ့ၢ်အဆၣ်ဖိကီၢ်ဖိတဖၣ်, ဒီးခဲအံၤဆၣ်ဖိကီၢ်ဖိတဖၣ်ကမၤပျံၤမၤဖုးသုလီၤ. တၢ်အံၤကမၤအသးလၢသုတၢ်မၤသံမၤဝီဒီးတၢ်ဂုာ် ဆူၣ်ပျီဆူၣ်ထီဒါပှၤဂီၢ်မုၢ်လၢဟီၣ်ခိၣ်ချၢဒီးအဝ့ၢ်တဖၣ်အဃိလီၤ.

လံာ်ဃဘးကူာ် 2:8

မ့ၢ်သုဂုာ်ဆူၣ်ပျီဆူၣ်တ့ၢ်ပှၤဂီၢ်မုၢ်လၢပှၤအါကလုာ်အကျါ အဃိ, ခဲကနံၣ်အံၤပှၤလၢအအိၣ်လီၤတဲာ်တဖၣ်ကဂုာ် ဆူၣ်ပျီဆူၣ်က့ၤသုလၢတၢ်လၢသုမၤသံသ့ၣ်တဖၣ်ဒီးသုတၢ် အၢတၢ်သီထီဒါပှၤဂီၢ်မုၢ်လၢဟီၣ်ခိၣ်ချၢဒီးအဝ့ၢ်တဖၣ်အဃိလီၤ.

လံာ်လီၣ်ဖျါ 16:6

အဝဲသ့ၣ်လူလီၤဂၢ်လီၤကစၢ်ယွၤအပှၤစီဆှံဒီးအဝံတဖၣ် အသွံၣ်, ဒီးလၢတၢ်န့ၣ်အဃိနဟ့ၣ်တ့ၢ်အဝဲသ့ၣ်တၢ်သွံၣ်လၢ အကအီဝဲအဂီၢ်လီၤ. အဝဲသ့ၣ်ဒိးန့ၢ်ဘၣ်တၢ်လၢအကြၢးဝဲဒီး အီၤလီၤ.”