တၢ်ကတိၤဒိ. 13:13 - Sgaw Karen Common Bible

¹³ နမ့ၢ်ဂ့ၢ်လိာ်တၢ်ဟ့ၣ်ကူၣ်အဂ့ၤအဘၣ်ဒီး, နဃ့န့ၢ်တၢ်ကီတၢ်ခဲန့ၣ်လီၤ. ပိာ်ထွဲအီၤ, ဒီးနကပူၤဖျဲးလီၤ.

တၢ်ကတိၤဒိ. 13:13 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 36:16

ဘၣ်ဆၣ်အဝဲသ့ၣ်မၤကလိာ်ကလာ်ကစၢ်ယွၤအပှၤစိာ်တၢ်ကစီၣ်တဖၣ်, တပာ်လ့ၣ်ပာ်ကါအဝဲသ့ၣ်အတၢ်ကတိၤတဖၣ်ဒီးနံၤဘၣ်ကစၢ်ယွၤအဝံတ ဖၣ်, တုၤလၢလၢခံကတၢၢ်ယွၤအတၢ်သးထီၣ်ထီဒါအပှၤဂီၢ်မုၢ်န့ၣ်ဒိၣ် ဝဲတုၤဒၣ်လဲာ်တၢ်ထူၣ်ဖျဲးတအိၣ်ဝဲလၢၤဘၣ်.

လံာ်စီၤဧ့စြၤ 10:3

ခဲကနံၣ်အံၤ, ပကဘၣ်မၤတၢ်အၢၣ်လီၤအီလီၤသညူးသပှၢ်တမံၤဆူပကစၢ် ယွၤလၢပကဆှၢဖျိးကွံာ်ပှၤပိာ်မုၣ်တဖၣ်အံၤဒီးအဖိသၣ်တဖၣ်န့ၣ်လီၤ. ပကမၤတၢ်ဒ်နၤဒီးပှၤဂုၤပှၤဂၤတဖၣ်လၢအစူၢ်ကစၢ်ယွၤအတၢ်မၤလိာ် ဟ့ၣ်ကူၣ်ပှၤလၢပကမၤအီၤအသိးန့ၣ်လီၤ. ပကမၤတၢ်ဒ်ကစၢ်ယွၤအတၢ်သိၣ်တၢ်သီမၢပှၤအသိးန့ၣ်လီၤ.

စံးထီၣ်ပတြၢၤ 115:13

အဝဲကဆိၣ်ဂ့ၤပှၤကိးဂၤဒဲးလၢအမၤလၤကပီၤအီၤ, ပှၤအဒိၣ်ဒီးပှၤအဆံးဒ်သိးသိးန့ၣ်လီၤ.

စံးထီၣ်ပတြၢၤ 119:165

ပှၤလၢအအဲၣ်နတၢ်သိၣ်တၢ်သီတဖၣ်န့ၣ် အိၣ်ဒီးတၢ်ဃူတၢ်ဖိးအါမးလီၤ. တၢ်မၤလီၤဃံၤအီၤတသ့ဘၣ်နီတမံၤဘၣ်.

စံးထီၣ်ပတြၢၤ 19:11

နခ့နပှၤဒိးတၢ်ဒုးပလီၢ်အသးစ့ၢ်ကီးလၢအီၤ, ပှၤလၢအတိၢ်န့ၢ်အီၤန့ၣ် ဒိးန့ၢ်အဘျုးဖးဒိၣ်လီၤ.

စံးထီၣ်ပတြၢၤ 19:12

ပှၤထံၣ်သ့ၣ်ညါအတၢ်ကမၣ်ဒၣ်ဝဲ တသ့နီတဂၤဘၣ်. ယွၤဧၢ, မၤကဆှီယၤလၢ တၢ်ကမၣ်ခူသူၣ်တဖၣ်န့ၣ်တက့ၢ်.

လံာ်တၢ်ဟးထီၣ်ကွံာ် 9:20

စီၤပၤအခ့အပဒိၣ်ပပှၢ်တနီၤပျံၤတၢ်လၢယွၤစံးဘၣ်တ့ၢ်ဝဲ တဖၣ်အဃိ, ဒီးမၢအကုၢ်အပှၤတဖၣ်ဒီးအဆၣ်ဖိကီၢ်ဖိတဖၣ်က့ၤနုာ် ဆူတၢ်ဒုးခိၣ်အဖီလာ်လၢတၢ်အိၣ်သဒၢအဂီၢ်န့ၣ်လီၤ.

တၢ်ကတိၤဒိ. 1:25

သုညိကွံာ်တ့ၢ်ယတၢ်ဟ့ၣ်ကူၣ်ခဲလၢာ်, ဒီးယကဘှီဂ့ၤဘှီဘၣ်သု န့ၣ်သုတသူၣ်အိၣ်သးအိၣ်ပျဲယၤဘၣ်.

တၢ်ကတိၤဒိ. 13:12

ဖဲတၢ်မုၢ်လၢ်ဘၣ်တၢ်မၤလီၤသဘှံးအီၤဒီး, သးလီၤသဘှံးဝဲလီၤ. မ့မ့ၢ်တုၤတၢ်ဆၢန့ၢ်တမံၤကဲထီၣ်လိၣ်ထီၣ်ဝဲန့ၣ်, မၤပှဲၤနၤဒီးတၢ်သးခုလီၤ.

တၢ်ကတိၤဒိ. 13:21

တၢ်ကီတၢ်ခဲလူၤပိာ်ထွဲပှၤတၢ်ဒဲးဘးဖိတဖၣ်အခံသကုၤဆးဒးလီၤ. မ့မ့ၢ်ပှၤတီပှၤလိၤတဖၣ်ကဘၣ်တၢ်ဟ့ၣ်ဘျုးက့ၤအီၤလၢတၢ်ဂ့ၤ တဖၣ်လီၤ.

တၢ်ကတိၤဒိ. 16:20

ပာ်သူၣ်ပာ်သးသပှၢ်ပှၢ်လၢတၢ်လၢနဘၣ်တၢ်သိၣ်လိတ့ၢ်နၤဒီးနမၤတၢ် ကကဲထီၣ်လိၣ်ထီၣ်လီၤ. သန့ၤနသးလၢယွၤဒီးနကဘၣ်ဆိၣ်ဂ့ၤလီၤ.

တၢ်ကတိၤဒိ. 19:16

တိၢ်န့ၢ်ကစၢ်ယွၤအတၢ်သိၣ်တၢ်သီတဖၣ်ဒီးနကအိၣ်မူယံာ်ထီၣ် လီၤ. နမ့ၢ်ကွၢ်ကပာ်ကွံာ်အီၤဒီးနကသံလီၤ.

လံာ်ယၡါယၤ 66:2

ယကစၢ်ဒၣ်ယဲယတ့လီၤပာ်လီၤဟီၣ်ခိၣ်မူခိၣ်ခဲလၢာ်လီၤ. ယသးမံသးမုာ်ဒီးပှၤတဖၣ်လၢအဆီၣ်လီၤအသးဒီးပီၢ်ယၢ် လီၤအသး, လၢအပျံၤယၤဒီးစူၢ်ယၤန့ၣ်လီၤ.

လံာ်ယံးရမံယၤ 43:2

အန့ၣ်ဒီး, စီၤဟိၤၡယၤအဖိခွါ စီၤဧစၤရယၤ, ဒီး စီၤကါရ့ၤ အဖိခွါစီၤယိဃၤနၣ်, ဒီးပှၤအဂၤလၢအပာ်ထီၣ်ထီ အသးခဲလၢာ်စံးဘၣ်ယၤ, “နလီတၢ်လီၤ. ယွၤ, ပကစၢ်ယွၤ တမၢလီၤနၤလၢနကတဲဘၣ်ပှၤလၢ ပသုတလဲၤဒီး အိၣ်ဆိးလၢ ကီၢ်အဲၤကူပတူးအပူၤတဂ့ၤန့ၣ်ဘၣ်.

လံာ်ယဃ့းစက့လး 20:13

ဘၣ်ဆၣ်လၢပှၢ်မုၢ်ကနၢအပူၤဒၣ်လဲာ်န့ၣ်အဝဲသ့ၣ်ခီၣ်ဆၢယၤလီၤ. အဝဲသ့ၣ်လုၣ်သ့ၣ်ခါပတာ်ကွံာ်ယတၢ်ဘူၣ်တၢ်ဘါအတၢ်သိၣ်တၢ် သီတဖၣ်ဒီးစူးကွံာ်ညိကွံာ်ယတၢ်မၤလိာ်တဖၣ်လၢအဟဲစိာ် တၢ်မူဆူပှၤတဂၤလၢ်လၢ်လၢအစူၢ်အီၤအအိၣ်န့ၣ်လီၤ. အဝဲသ့ၣ်မၤဘၣ်အၢဘၣ်သီမုၢ်အိၣ်ဘှံးအနံၤလၢာ်လၢာ်ဆ့ဆ့ န့ၣ်လီၤ. ယအိၣ်ကတဲာ်ကတီၤယသးလၢယကဒုးကလၢၢ်ဘၣ် အဝဲသ့ၣ်လၢယတၢ်သးဒိၣ်ထီၣ်အသဟီၣ်ဆူၣ်ဖဲန့ၣ်, လၢပှၢ်မုၢ်ကနၢအပူၤဒီးမၤဟးဂီၤကွံာ်အဝဲသ့ၣ်န့ၣ်လီၤ.

လံာ်ယဃ့းစက့လး 20:16

ယမၤတ့ၢ်တၢ်ဆိၣ်န့ၣ်, မ့ၢ်လၢအဝဲသ့ၣ်စူးကွံာ်ညိကွံာ်ယတၢ်မၤ လိာ်တဖၣ်, လုၢ်သ့ၣ်ခါပတာ်ယတၢ်ဘူၣ်တၢ်ဘါအတၢ်သိၣ်တၢ် သီတဖၣ်ဒီးမၤတရီတပါမုၢ်အိၣ်ဘှံးနံၤ, ဒီးအဝဲသ့ၣ်ဘၣ်သူၣ်ဘၣ် သးလၢကဘူၣ်ထီၣ်ဘါထီၣ်အဝဲသ့ၣ်အတၢ်ဂီၤတၢ်ဖီၣ်တဖၣ်အဃိန့ၣ် လီၤ.

လံာ်ယဃ့းစက့လး 20:24

ယမၤတ့ၢ်တၢ်အံၤ, မ့ၢ်လၢအဝဲသ့ၣ်စူးကွံာ်ညိကွံာ်ယတၢ်မၤလိာ် တဖၣ်, လုၢ်သ့ၣ်ခါပတာ်ယတၢ်ဘူၣ်တၢ်ဘါတၢ်သိၣ်တၢ်သီတဖၣ်, မၤတရီတပါမုၢ်အိၣ်ဘှံးနံၤဒီးဘူၣ်ထီၣ်ဘါထီၣ်တၢ်ဂီၤတၢ်ဖီၣ် တမံၤဃီတဖၣ်လၢအဝဲသ့ၣ်အမိၢ်ပၢ်ဖံဖုလၢပျၢၤတဖၣ်မၤတ့ၢ် အတၢ်အဃိန့ၣ်လီၤ.

လံာ်မၤလကံ 3:16

တုၤနုၤတစု, ပှၤလၢအပျံၤယွၤန့ၣ်စံးလိာ်အသးတဂၤဒီးတဂၤ, ဒီးယွၤဒိကနၣ်, ဒီးနၢ်ဟူတၢ်လၢအဝဲသ့ၣ်စံးဝဲဒၣ်န့ၣ်လီၤ. လၢအဝဲအမဲာ်ညါန့ၣ်, တၢ်ကွဲးနီၣ်အိၣ်ကွဲးလီၤအသးလၢလံာ်တဘ့ၣ် အပူၤဘၣ်ထွဲဒီးပှၤလၢအပျံၤယွၤဒီးယူးယီၣ်ပာ်ကဲအီၤန့ၣ်လီၤ.

လံာ်တၢ်ဂံၢ် 15:31

အဂ့ၢ်ဒ်အံၤ, အဝဲဒၣ်ညိကွံာ်ယွၤအတၢ်ကတိၤဒီးလုၢ်သ့ၣ်ခါပတာ် အတၢ်မၤလိာ်တဖၣ်အကျါတဘီဒ်အကူၣ်ထီၣ်ဖးလီၤဒၣ်ဝဲအဃိန့ၣ်လီၤ. အဝဲအိၣ်မူအိၣ်ဒါလၢအတၢ်သံဒၣ်ဝဲအဂီၢ်န့ၣ်လီၤ.

လံာ်မးသဲ 5:12

သူၣ်ခုသးခုဒီး သူၣ်ဖှံသးညီတက့ၢ်. အဂ့ၢ်ဒ်အံၤ, ယွၤကတီၤပာ်စၢၤတၢ်အဘူးအလဲအဒိၣ်အမုၢ်လၢမူခိၣ်လၢသုဂီၢ်လီၤ. ဝံလၢညါသ့ၣ်တဖၣ်စ့ၢ်ကီးဘၣ်တၢ်မၤအၢမၤနးတ့ၢ်အီၤဒ်န့ၣ် အသိးလီၤ.

လံာ်လူၤကၣ် 16:31

ဘၣ်ဆၣ်ဒီးစီၤအၤဘြၤဟၣ်စံးဝဲ, ‘အဝဲသ့ၣ်မ့ၢ်တစူၢ်စီၤမိၤၡ့ဒီးဝံတဖၣ်အတၢ်ကွဲးန့ၣ်, ပှၤတဂၤမ့ၢ်ဂဲၤဆၢထၢၣ်က့ၤလၢတၢ်သံသနာ်က့, တမ့ၢ်အဝဲသ့ၣ်ကစူၢ်ကနာ်တၢ်ဘၣ်.’ ”

၂ ယိၤဟၣ် 1:8

လၢတၢ်န့ၣ်အဃိ, ပလီၢ်သုသးဒ်သိးတၢ်လၢသုမၤန့ၢ်တ့ၢ်တဖၣ် အသုတလီၤမၢ်ကွံာ်န့ၢ်သုတဂ့ၤ, ဒီးဒ်သိးသုကဒိးန့ၢ်ဘၣ်သုခိၣ်ဖး လၢလၢပှဲၤပှဲၤအဂီၢ်န့ၣ်တက့ၢ်.