တၢ်ကတိၤဒိ. 13:11 - Sgaw Karen Common Bible

¹¹ တၢ်ထူးတၢ်တီၤလၢနမၤန့ၢ်အီၤညီညီန့ၣ်, ကလီၤမၢ်ကွံာ်န့ၢ်နၤချ့ သဒံးလီၤ. မ့မ့ၢ်နမၤန့ၢ်အီၤဒံးကီဒံးခဲဒီး, နတၢ်ကအိၣ်ဒံးအါန့ၣ်လီၤ.

တၢ်ကတိၤဒိ. 13:11 Iomraidhean Croise

လံာ်စီၤယိၤဘး 20:15

ပှၤတတီတလိၤကဘှီးထီၣ်ကွံာ်တၢ်စုလီၢ်ခီၣ်ခိၣ်လၢအယူၢ်လီၤ တ့ၢ်ဝဲ, ဒီးကစၢ်ယွၤကဟံးန့ၢ်က့ၤလၢအဟၢဖၢပူၤဒၣ်လဲာ် န့ၣ်လီၤ.

စံးထီၣ်ပတြၢၤ 128:2

နကအီၣ်နစုအတၢ်ဖံးတၢ်မၤအတၤသၣ်, နကသူၣ်ဖှံသးညီဒီးနကအိၣ်မုာ်လီၤ.

တၢ်ကတိၤဒိ. 10:2

တၢ်ထူးတၢ်တီၤလၢနမၤန့ၢ်လၢတၢ်တတီတလိၤအပူၤတမၤဂ့ၤနၤဘၣ်. မ့မ့ၢ်တၢ်တီတၢ်လိၤန့ၣ်, ကမၤပူၤဖျဲးနသးသမူလီၤ.

တၢ်ကတိၤဒိ. 13:10

တၢ်ပာ်ထီၣ်ထီသးန့ၣ်ဒုးအိၣ်ထီၣ်ဒၣ်ထဲတၢ်ကီတၢ်ခဲဧိၤန့ၣ်လီၤ. မ့မ့ၢ်ပှၤလၢအတူၢ်လိာ်တၢ်ဟ့ၣ်ကူၣ်န့ၣ်, မ့ၢ်တၢ်ကူၣ်သ့ဒိၣ်ဒၣ်တၢ် တက့ၢ်လီၤ.

တၢ်ကတိၤဒိ. 13:12

ဖဲတၢ်မုၢ်လၢ်ဘၣ်တၢ်မၤလီၤသဘှံးအီၤဒီး, သးလီၤသဘှံးဝဲလီၤ. မ့မ့ၢ်တုၤတၢ်ဆၢန့ၢ်တမံၤကဲထီၣ်လိၣ်ထီၣ်ဝဲန့ၣ်, မၤပှဲၤနၤဒီးတၢ်သးခုလီၤ.

တၢ်ကတိၤဒိ. 20:21

နမၤန့ၢ်နတၢ်ထူးတၢ်တီၤဒံးညီ, အတၢ်မၤဂ့ၤနၤကဒံးစှၤဝဲလီၤ.

တၢ်ကတိၤဒိ. 21:6

တၢ်ထူးတၢ်တီၤတဖၣ်လၢနမၤန့ၢ်အီၤလၢတၢ်တတီတလိၤအပူၤန့ၣ် ကဆှၢနၤဆူတၢ်သံအကိာ်ပူၤဒီးတစိၢ်ဖိအတီၢ်ပူၤန့ၣ်အဝဲသ့ၣ် ကလီၤပံာ်ကွံာ်ဝဲလီၤ.

တၢ်ကတိၤဒိ. 28:20

ပှၤတီပှၤလိၤတဖၣ်ကအိၣ်မူလၢလၢပှဲၤပှဲၤအိၣ်ဒီးတၢ်သူၣ်ဖှံ သးညီန့ၣ်လီၤ. ဘၣ်ဆၣ်, နမ့ၢ်မၤချ့ချ့လၢနကထူးထီၣ်တီၤထီၣ် အဂီၢ်ဒီး, နကဘၣ်တၢ်စံၣ်ညီၣ်လီၤ.

တၢ်ကတိၤဒိ. 28:22

ပှၤလၢအအဲၣ်လီၤအသးတဖၣ်န့ၣ်မၤဝဲချ့ချ့ဒ်န့ၣ်သိး လၢအကထူးထီၣ်တီၤထီၣ်အဂီၢ်ဒီးတၢ်ဖှီၣ်တၢ်ယာ်ကလီၤဘၣ် အဝဲသ့ၣ်အခါဖဲလဲၣ်တသ့ၣ်ညါဝဲဘၣ်.

တၢ်ကတိၤဒိ. 28:8

နမ့ၢ်ထူးထီၣ်တီၤထီၣ်ခီဖျိတၢ်ဃ့အါထီၣ်စ့အအ့ၣ်ဒီးဟံးန့ၢ် တၢ်အခွဲးအယာ်လၢပှၤဂၤအဖီခိၣ်န့ၣ်, နတၢ်ထူးတၢ်တီၤကတုၤဆူ ပှၤအဂၤတဂၤအအိၣ်လၢအသးကညီၤပှၤဖှီၣ်ဖိယာ်ဖိန့ၣ်လီၤ.

လံာ်ပှၤစံၣ်တဲၤတဲလီၤတၢ် 5:14

ဘၣ်ဆၣ်သူလၢာ်ကွံာ်ဝဲခဲလၢာ်ခီဖျိတၢ်မၤအအၢတမံၤအဃိ, ဒီးအကတၢၢ်န့ၣ်ကဟ့ၣ်သါအဖိတဖၣ်အဂီၢ်တၢ်တအိၣ်နီတမံၤ လၢၤဘၣ်လီၤ.

လံာ်ယံးရမံယၤ 17:11

ပှၤတဂၤလၢအမၤန့ၢ်စ့လၢတၢ်တတီတလိၤအပူၤန့ၣ်, လီၤဂာ်ဒ်ထိၣ်တဘ့ၣ်လၢအဟုဒံၣ်တဖၣ်လၢ အဝဲတဒံၣ်လီၤဝဲဘၣ်အသိးန့ၣ်လီၤ. လၢတၢ်အိၣ်မူအသးအနံၣ်အလါအဂ့ၤကတၢၢ်အကတီၢ်န့ၣ်, အတၢ်ထူးတၢ်တီၤတဖၣ်ကလီၤမၢ်န့ၢ်အီၤဒီးလၢအကတၢၢ်န့ၣ် အဝဲတမ့ၢ်တၢ်နီတမံၤလၢၤဘၣ်, ဒီးမ့ၢ်ဒၣ်ပှၤဟးဂီၤဖိတဂၤန့ၣ်လီၤ.