တၢ်ကတိၤဒိ. 13:10 - Sgaw Karen Common Bible

¹⁰ တၢ်ပာ်ထီၣ်ထီသးန့ၣ်ဒုးအိၣ်ထီၣ်ဒၣ်ထဲတၢ်ကီတၢ်ခဲဧိၤန့ၣ်လီၤ. မ့မ့ၢ်ပှၤလၢအတူၢ်လိာ်တၢ်ဟ့ၣ်ကူၣ်န့ၣ်, မ့ၢ်တၢ်ကူၣ်သ့ဒိၣ်ဒၣ်တၢ် တက့ၢ်လီၤ.

တၢ်ကတိၤဒိ. 13:10 Iomraidhean Croise

လံာ်စီၤပၤအခီၣ်ထံးတဘ့ၣ် 12:16

တုၤပှၤဂီၢ်မုၢ်ထံၣ်ဘၣ်ဝဲလၢစီၤပၤတကနၣ်ဃုာ်အဝဲသ့ၣ်ဘၣ်န့ၣ်, အဝဲသ့ၣ်ကိးထီၣ်ဝဲ, “မ်စီၤဒၤဝံးအဟံၣ်ဖိဃီဖိအလီၢ်လီၤ ကွံာ်တက့ၢ်. အဝဲသ့ၣ်မၤတ့ၢ်တၢ်မနုၤလၢပဂီၢ်န့ၣ်လဲၣ်. ကီၢ်အံၣ်စရ့လးအပှၤကညီသ့ၣ်ဧၢ, မ်ပက့ၤကဒါက့ၤဆူပဟံၣ်ဒၣ်ဝဲ တက့ၢ်. မ်စီၤရဃၤဘၣ်ကွၢ်လီၤထွဲက့ၤအသးဒၣ်ဝဲတက့ၢ်. လၢတၢ်န့ၣ်အဃိကီၢ်အံၣ်စရ့လးအပှၤဂီၢ်မုၢ်ပူထီၣ်တၢ်,

လံာ်စီၤပၤခံဘ့ၣ်တဘ့ၣ် 14:10

ခဲကနံၣ်အံၤစီၤအမၤစယါဧၢ, နမၤနၢၤကွံာ်လံပှၤအဒိၣ်ဖိတဖၣ် ဒီးနပှဲၤဒီးတၢ်ပာ်ကဖၢလၢသးန့ၣ်လီၤ. သးမံလၢနတၢ်မံၤဟူ သၣ်ဖျါအဃိ, ဒီးအိၣ်လၢနဟံၣ်တက့ၢ်. ဘၣ်မနုၤလၢနဘၣ်ထီၣ်ဂဲၤထီၣ်တၢ်ကီတၢ်ခဲ, လၢကဟဲစိာ်န့ၢ်ဒၣ်နၤ ဒီးနပှၤဂီၢ်မုၢ်လၢတၢ်ဟးဂူာ်ဟးဂီၤန့ၣ်လဲၣ်.”

တၢ်ကတိၤဒိ. 13:11

တၢ်ထူးတၢ်တီၤလၢနမၤန့ၢ်အီၤညီညီန့ၣ်, ကလီၤမၢ်ကွံာ်န့ၢ်နၤချ့ သဒံးလီၤ. မ့မ့ၢ်နမၤန့ၢ်အီၤဒံးကီဒံးခဲဒီး, နတၢ်ကအိၣ်ဒံးအါန့ၣ်လီၤ.

တၢ်ကတိၤဒိ. 13:9

ပှၤတီပှၤလိၤတဖၣ်လီၤဂာ်ဒ်တၢ်ကပီၤလၢအကပီၤဝဲဆှံဆှံအသိး န့ၣ်လီၤ. မ့မ့ၢ်ပှၤတတီတလိၤတဖၣ်လီၤဂာ်ဒ်မ့ၣ်အူဒၢလၢ အလီၤပံာ်ကွံာ်ဝဲအသိးန့ၣ်လီၤ.

တၢ်ကတိၤဒိ. 17:14

တၢ်စးထီၣ်တၢ်ဂ့ၢ်လိာ်ဘှီလိာ်တမံၤန့ၣ်လီၤဂာ်ဒ်ထံတမၢၣ်တဘိ အတၢ်စးထီၣ်ကၢ်အသိးလီၤ. ဆိကတီၢ်အီၤတချုးလၢအလဲၤ ဆူညါန့ၣ်တက့ၢ်.

တၢ်ကတိၤဒိ. 19:20

နမ့ၢ်ဒိကနၣ်တၢ်ဟ့ၣ်ကူၣ်ဟ့ၣ်ဖးဒီးသးအိၣ်မၤလိတၢ်န့ၣ်တနံၤ န့ၣ်နကမ့ၢ်ပှၤကူၣ်တၢ်သ့လီၤ.

တၢ်ကတိၤဒိ. 20:18

မၤန့ၢ်တၢ်ဟ့ၣ်ကူၣ်အဂ့ၤဒီးနကမၤန့ၢ်မၤနၢၤတၢ်လီၤ. တၢ်တိာ်တၢ်ကျဲၤတမံၤတအိၣ်ဘၣ်ဒီးနုာ်လီၤသဖှိဆူတၢ်ဒုးတၢ်ယၤ အပူၤတဂ့ၤ.

တၢ်ကတိၤဒိ. 21:24

ဒုးနဲၣ်ယၤပှၤလၢအပာ်ထီၣ်ထီအသးတဂၤန့ၣ်တက့ၢ်, ဒီးယကဒုးနဲၣ်နၤပှၤတဂၤလၢအပာ်အသးကဖိလိ, ပာ်ထီၣ်ထီအသးဒီးတကွၢ်ဆိကမိၣ်တၢ်လၢပှၤဂၤနီတဂၤအဂီၢ်န့ၣ် လီၤ.

တၢ်ကတိၤဒိ. 25:8

လဲၤချ့ကဲၣ်ဆိးဆူကွီၢ်ဘျီၣ်ပူၤဘၣ်ဃးတၢ်လၢနထံၣ်ဘၣ်တ့ၢ် တမံၤအဂ့ၢ်န့ၣ်တဂ့ၤ. ပှၤအုၣ်အသးအဂၤလၢခံတဂၤမ့ၢ်ဒုးနဲၣ်ဖျါဝဲလၢနကမၣ်လံဒီး, တုၤနုၤတစုနကမၤက့ၤနဲဒ်လဲၣ်.

တၢ်ကတိၤဒိ. 28:25

တၢ်အဲၣ်လီၤသးန့ၣ်ဒုးအိၣ်ထီၣ်ဒၣ်ထဲတၢ်ကိၢ်တၢ်ဂီၤဧိၤလီၤ. တၢ်သန့ၤအသးလၢယွၤန့ၣ်ဒုးဘီၣ်ထီၣ်ညီထီၣ်နၤဒိၣ်တက့ၢ်လီၤ.

လံာ်လူၤကၣ် 22:24

တၢ်ဂ့ၢ်လိာ်ဘှီလိာ်အိၣ်ထီၣ်ဝဲလၢအပျဲၢ်အဘီၣ်သ့ၣ်တဖၣ် အကျါဘၣ်ဃးဒီးမတၤတဂၤကြၢးဘၣ်တၢ်ပာ်ကဲအီၤဒ် ပှၤအဒိၣ်ကတၢၢ်တဂၤလဲၣ်န့ၣ်လီၤ.

၁ တံၤမသ့း 6:4

ပာ်ကဖၢလၢအသးဒီးတသ့ၣ်ညါတၢ်နီတမံၤဘၣ်. အဝဲအိၣ်ဒီးသးလၢအတလိၤဘၣ်လၢအအဲၣ်ဒိးဂ့ၢ်လိာ်ဘှီ လိာ်ဒီးအ့ၣ်လိာ်ဆိးက့လိာ်အသးဘၣ်ဃးတၢ်ကတိၤတဖၣ်, ဒီးတၢ်ဝဲအံၤ ဒုးအိၣ်ထီၣ်တၢ်သူၣ်က့ၣ်သးကါ, တၢ်အ့ၣ်လိာ်ဆိးက့လိာ်, တၢ်ဒုၣ်ဒွဲၣ်စံးအၢ, ဒီးတၢ်ဆိကမိၣ်ကမၣ်အအၢအသီတဖၣ်,

ယၤကိာ် 4:1

တၢ်ဒုးလိာ်ယၤလိာ်သး, ဒီးတၢ်အ့ၣ်လိာ်ဆိးက့လိာ်သးတဖၣ်, လၢသုကျါန့ၣ်ဟဲလၢလဲၣ်ခီလဲၣ်. ဟဲအသးလၢသုတၢ်အဲၣ်ဒိးဟီၣ်ခိၣ်အတၢ်မုာ်လၤသးဖှံလၢ အဂဲၤလိာ်ဒုးတၢ်လၢသုပူၤတထံၣ်ဃီအဃိန့ၣ်လီၤ.

လံာ်ပှၤစံၣ်ညီၣ်ကွီၢ် 19:30

ဒီးပှၤကိးဂၤဒဲးလၢအထံၣ်တၢ်န့ၣ်စံးဝဲ, “ပတနၢ်ဟူတ့ၢ်တၢ်မၤအသးဒ်အံၤနီတစုဘၣ်. တၢ်မၤအသးဒ်အံၤန့ၣ်စးထီၣ်လၢပှၤအံၣ်စရ့လးဖိဟးထီၣ်လၢကီၢ်အဲၤကူပတူးအပူၤလံၤလံၤ တမၤတ့ၢ်အသးနီတစုဘၣ်. ဘၣ်ဃးဒီးတၢ်ဂ့ၢ်အံၤပကဘၣ်မၤတၢ်တမံၤမံၤ လီၤ. ကမ့ၢ်တၢ်မနုၤတမံၤလဲၣ်.”