တၢ်ကတိၤဒိ. 12:8 - Sgaw Karen Common Bible

⁸ နမ့မ့ၢ်ပှၤအိၣ်ဒီးတၢ်ကူၣ်တၢ်ဆးတဂၤဒီး, နကဘၣ်တၢ်စံးထီၣ် ပတြၢၤနၤလီၤ. နတၢ်သူၣ်ထံသးဆးမ့ၢ်တအိၣ်ဘၣ်ဒီး, ပှၤကကွၢ်တလီၤနၤလီၤ.

တၢ်ကတိၤဒိ. 12:8 Iomraidhean Croise

လံာ်တၢ်ကဲထီၣ်အခီၣ်ထံး 41:39

စီၤပၤစံးဘၣ်စီၤယိၤသး, “ကစၢ်ယွၤဒုးနဲၣ်တ့ၢ်နၤကယဲၢ်တၢ် အံၤခဲလၢာ်, သတးဒီးအိၣ်ဖျါလၢနအိၣ်ဒီးတၢ်ကူၣ်သ့ဒီးတၢ်ထံၣ်လၢသးဒိၣ် န့ၢ်အါန့ၢ်ဒံးပှၤအဂၤတဂၤလၢ်လၢ်တက့ၢ်လီၤ.

စံးထီၣ်ပတြၢၤ 132:18

ယကလုၣ်ဘၢအဒုၣ်အဒါတဖၣ်ဒီး တၢ်မဲာ်ဆှးလီၤ. မ့မ့ၢ်ကဘီၣ်ထီၣ်ညီထီၣ်ဒီး ဂုၤထီၣ်ပသီထီၣ်န့ၣ်လီၤ.

တၢ်ကတိၤဒိ. 1:26

သတးဒီးဖဲသုဘၣ်တၢ်ကီတၢ်ခဲဒီးယကနံၤဘၣ်ဖၣ်လဲသုလီၤ. ယကမၤကလိာ်ကလာ်သု, ဖဲတၢ်မၤပျံၤမၤဖုးဟဲဘၣ်သု,

တၢ်ကတိၤဒိ. 12:7

ပှၤတတီတလိၤဘၣ်သဂၢၢ်အတၢ်လီၤပှီၢ်ဒီးအစၢၤအသွဲၣ်တအိၣ်လီၤ တဲာ်တ့ၢ်နီတဂၤဘၣ်. မ့မ့ၢ်, ပှၤတီပှၤလိၤအဒူၣ်ဖိထၢဖိ တဖၣ်ကအိၣ်မူဝဲဆူညါလီၤ.

တၢ်ကတိၤဒိ. 12:9

တၢ်မ့ၢ်ပှၤဖံးအီၣ်မၤအီၣ်တၢ်တဂၤလၢတၢ်လုၢ်အီၣ်သးသမူ အဂီၢ်န့ၣ်, ဂ့ၤဒိၣ်န့ၢ်ဒံး, တၢ်အိၣ်မူဒ်ပှၤဒိၣ်ပှၤသွါတဂၤအသိး ဘၣ်ဆၣ်ဒီးလီၤဒိဝဲဒၣ်န့ၣ်လီၤ.

တၢ်ကတိၤဒိ. 29:27

ပှၤတီပှၤလိၤသးဟ့ပှၤအၢပှၤသီ, ဒီးပှၤအၢပှၤသီသးဟ့ ပှၤတီပှၤလိၤလီၤ.

တၢ်ကတိၤဒိ. 3:35

ပှၤကူၣ်တၢ်သ့တဖၣ်ကန့ၢ်သါတၢ်လၤကပီၤလီၤ. မ့မ့ၢ်ပှၤဟးဂီၤဖိတဖၣ်န့ၣ်ကပာ်ဖှိၣ်အါထီၣ်ဒၣ်အတၢ်မဲာ်ဆှး န့ၣ်လီၤ.

တၢ်ကတိၤဒိ. 5:23

အဝဲသံဝဲမ့ၢ်လၢအတအိၣ်ဒီးတၢ်ပၢၤသူၣ်ကီၤသးဘၣ်အဃိလီၤ. အဝဲအတၢ်သူၣ်တထံသးတဆးကဆှၢအီၤဆူအသွၣ်ခိၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 8:1

ထဲဒၣ်ပှၤလၢအကူၣ်တၢ်သ့တဂၤဧိၤသ့ၣ်ညါတၢ်တမံၤဂ့ၤတမံၤဂ့ၤ အခီပညီနီၢ်နီၢ်မ့ၢ်တၢ်မနုၤလဲၣ်န့ၣ်လီၤ. တၢ်ကူၣ်သ့ဒုးနံၤကမှံ ထီၣ်အီၤဒီးမၤဟါမၢ်ကွံာ်အတၢ်ကွၢ်လၢမဲာ်ကဒုလာ်န့ၣ်လီၤ.

လံာ်ယၡါယၤ 19:14

ယွၤမၢအဝဲသ့ၣ်ဟ့ၣ်တၢ်ဟ့ၣ်ကူၣ်သဘံၣ်ဘုၣ်တဖၣ်လီၤ. မၤသးဒ်န့ၣ်ဒီး, ကီၢ်အဲၤကူပတူးမၤတၢ်လၢအကမၣ်ခဲလၢာ် ဒီးလဲၤကနူၤကပၤလီၤဂာ်ဒီးပှၤအီမူၤသံးတဂၤလၢအခီၣ်တလံာ် လၢအတၢ်ဘှိးဒၣ်ဝဲအလိၤန့ၣ်လီၤ.

လံာ်ဒၤနံးယ့လး 12:2

ဒီးပှၤအါဂၤလၢအသံတ့ၢ်လံတဖၣ်ကမူထီၣ်က့ၤဝဲ, တနီၤဆူတၢ်မူအထူအယိာ်ဒီးတနီၤဆူတၢ်မဲာ်ဆှးဒီးတၢ်လီၤ သးဘၣ်အၢအထူအယိာ်န့ၣ်လီၤ.

လံာ်လူၤကၣ် 16:8

ပှၤပၢၤတၢ်စုလီၢ်ခီၣ်ခိၣ်တဂၤအံၤအကစၢ်စံးထီၣ်ပတြၢၤအီၤလၢ အမၤတၢ်လၢအလၢပှဲၤဒီးတၢ်ကူၣ်ဘၣ်ဖးသ့ဒ်အံၤအသိးအဃိန့ၣ်လီၤ. အဂ့ၢ်ဒ်အံၤ, ဖဲလၢအဘၣ်ဃးဒီးတၢ်ကွၢ်ထွဲသုးကျဲၤတၢ်လၢ အတၢ်ဂ့ၢ်တၢ်ကျိၤတဖၣ်အဂ့ၢ်န့ၣ်ပှၤလၢဟီၣ်ခိၣ်တစိၤအံၤတဖၣ် ကူၣ်ဘၣ်ဖးသ့ဒိၣ်န့ၢ်ပှၤဘၣ်ဃးဒီးတၢ်ကပီၤတဖၣ်, တက့ၢ်လီၤ.”

မၤတၢ် 12:23

သတူၢ်ကလာ်, ကစၢ်အကလူးတဂၤတီၢ်စီၤဟ့ၤရိာ်, အဂ့ၢ်မ့ၢ်လၢအဝဲတဟ့ၣ်တၢ်လၤကပီၤဆူကစၢ်ယွၤအအိၣ်အဃိန့ၣ်လီၤ. ဒီးထိးကလဲာ်လၢအပူၤအီၣ်ကွံာ်အီၤဒီးအဝဲဒၣ်သံဝဲန့ၣ်လီၤ.

1 ကရံၣ်သူး 4:5

လၢတၢ်န့ၣ်အဃိတချုးတၢ်ဆၢကတီၢ်အဘၣ်တုၤဃီၤဒံးဘၣ်န့ၣ်, သုတကြၢးဟ့ၣ်တၢ်စံၣ်ညီၣ်ဘၣ်ဃးဒီးပှၤနီတဂၤဘၣ်. တၢ်စံၣ်ညီၣ်လၢခံကတၢၢ်န့ၣ်, ကဘၣ်အိၣ်ခိးတုၤလၢကစၢ်ဟဲတုၤ တစုလီၤ. အဝဲကလီၣ်ဖျါထီၣ်တၢ်ခူသူၣ်အိၣ်တဒၢလၢတၢ်ခံးတၢ်နၤ အပူၤတဖၣ်ဒီးမၤဖျါထီၣ်တၢ်တိာ်ပာ်ခူသူၣ်အိၣ်လၢ ပှၤကညီအသူၣ်ကံၢ်သးလဲအပူၤန့ၣ်လီၤ. တုၤနုၤတစုပှၤကိးဂၤဒဲးကဒိးန့ၢ်တၢ်စံးထီၣ်ပတြၢၤလၢအ ကြၢးဒီးအီၤလၢကစၢ်ယွၤအအိၣ်န့ၣ်လီၤ.

၂ ကရံၣ်သူး 10:18

အဂ့ၢ်ဒ်အံၤ, ပှၤတဂၤဘၣ်တၢ်ဘၣ်သူၣ်ဘၣ်သးအီၤဖဲကစၢ်ဆိ ကမိၣ်ဂ့ၤအီၤဒီးတမ့ၢ်ဖဲအဆိကမိၣ်ဂ့ၤလီၤအသးဒၣ်ဝဲအခါ န့ၣ်ဘၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:13

စီၤၡမူၤအ့လးစံးဆၢဝဲဒၣ်, “တၢ်န့ၣ်မ့ၢ်တၢ်မၢးအတၢ်မၤ တမံၤလၢတၢ်ကမၤအီၤအဂီၢ်လီၤ. နတစူၢ်တ့ၢ်ယွၤအတၢ်မၤလိာ်လၢနကစၢ်ယွၤဟ့ၣ်လီၤတ့ၢ်နၤန့ၣ်ဘၣ်. နမ့ၢ်စူၢ်ဒီးအဝဲကပျဲနၤဒီးနစၢၤနသွဲၣ်တဖၣ်ပၢဘၣ် ကီၢ်အံၣ်စရ့လး လီၤထူလီၤယိာ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:18

အခ့အပှၤအကျါတဂၤစံးဝဲဒၣ်, “စီၤယံးၡဲအိၣ်လၢဝ့ၢ်ဘ့ၤသလ့ဃ့ၣ်န့ၣ် အိၣ်ဒီးအဖိခွါတဂၤလၢအမ့ၢ်ပှၤဒ့တနၢ်သ့ဂ့ၤဂ့ၤလီၤ. အဝဲမ့ၢ်စ့ၢ်ကီးပှၤအဒူအဃိၤဒီးပှၤဒိၣ်တၢ်ဂ့ၤတဂၤ, မ့ၢ်ပှၤသုးဖိလၢအဂ့ၤတဂၤဒီးပှၤကလုၢ်သ့ကတိၤဘၣ်တဂၤလီၤ. ယွၤအိၣ်ဒီးအီၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 18:30

ပှၤဖလ့ၡသးဖိအသုးမုၢ်တဖၣ်ဟဲဒီးဒုးတၢ်, ဘၣ်ဆၣ်ဒီး, လၢတၢ်ဒုးကိးဘျီအပူၤန့ၣ်စီၤဒၤဝံးမၤန့ၢ်မၤနၢၤတၢ်အါန့ၢ်ဒိၣ်န့ၢ်ဒံး စီၤစီလူးအသုးခိၣ်သုးနၢ်အဂၤတဖၣ်တက့ၢ်န့ၣ် လီၤ. လၢတၢ်န့ၣ်အဃိစီၤဒၤဝံးအမံၤဟူထီသါလီၤဒိၣ်ဒိၣ်ကလဲာ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:30

ယၤ, ယွၤ, အံၣ်စရ့လးအကစၢ်ယွၤအံၤလၢအပူၤကွံာ်ယအၢၣ်လီၤတ့ၢ် လၢနဟံၣ်ဖိဃီဖိဒီးနဒူၣ်နထၢဖိကမၤယတၢ်မၤ ဒ်ပှၤလုၢ်တၢ်အခိၣ်တဖၣ်အသိးလီၤစိၤလီၤထီန့ၣ်လီၤ. မ့မ့ၢ်ခဲကနံၣ်အံၤ, ယစံးလၢယတမၤဒ်န့ၣ်လၢၤဘၣ်. အခိၣ်တလိာ်, ယကမၤလၤကပီၤပှၤလၢအမၤလၤကပီၤယၤ, ဒီးပှၤလၢအမၤလီၤယသူးယသ့ၣ်န့ၣ် ယကမၤဟးဂီၤအလၤကပီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:17

ဆိကမိၣ်ကွၢ်တၢ်အံၤဒီးစံၣ်ညီၣ်တဲာ်တၢ်လၢနကဘၣ်မၤအီၤတက့ၢ်. တၢ်အံၤကဲထီၣ်တၢ်တတၢးတနါလၢပကစၢ်အဂီၢ်ဒီးအဒူၣ်ဖိ ထၢဖိခဲလၢာ်အဂီၢ်သ့ဝဲလီၤ. အဝဲဒၣ်အခိၣ်ကိၤအၢသီတုၤဒၣ်လဲာ်တကနၣ်ဘၣ်ပှၤနီတဂၤဘၣ်န့ၣ်လီၤ.”