တၢ်ကတိၤဒိ. 12:6 - Sgaw Karen Common Bible

⁶ ပှၤတတီတလိၤတဖၣ်အတၢ်ကတိၤကူၣ်ထီၣ်တၢ်မၤသံမၤဝီလီၤ. မ့မ့ၢ်, ပှၤတီပှၤလိၤအတၢ်ကတိၤတဖၣ်န့ၣ်အုၣ်က့ၤခီၣ်က့ၤပှၤလၢ အဘၣ်တၢ်မၤပျံၤမၤဖုးအီၤတဖၣ်လီၤ.

တၢ်ကတိၤဒိ. 12:6 Iomraidhean Croise

တၢ်ကတိၤဒိ. 12:5

ပှၤအတီအလိၤတဖၣ်ကမၤဘျုးမၤဂ့ၤနၤတီတီလီၤ. မ့မ့ၢ်ပှၤတတီတလိၤသးအိၣ်ထဲကကူၣ်လီအီၣ်နၤန့ၣ်လီၤ.

တၢ်ကတိၤဒိ. 14:3

ပှၤဟးဂီၤဖိအတၢ်ပာ်ထီၣ်ထီအသးမၢအကတိၤတၢ်အါကဲာ်ဆိးလီၤ. ပှၤကူၣ်သ့တဂၤအတၢ်ကတိၤတဖၣ်ကဟုကယာ်က့ၤအီၤလီၤ.

လံာ်ယၡါယၤ 59:7

ထီဘိန့ၣ်သုကူၣ်ကျဲၤတၢ်အၢတၢ်သီတမံၤမံၤ, ဒီးသုကမၤအီၤန့ၣ်သုခိးတကဲဒၣ်လဲာ်ဘၣ်. သုတမၤယံာ်မၤနီၢ်သုသးနီတစဲးလၢသုကမၤသံပှၤဂီၢ်မုၢ်လၢအ တၢ်ကမၣ်တအိၣ်န့ၣ်ဘၣ်. ဖဲသုလဲၤတပူၤလၢ်လၢ်န့ၣ်, သုပာ်တီၢ်တၢ်ဟးဂီၤဒီးတၢ်မၤဟးဂီၤ,

လံာ်ယံးရမံယၤ 5:26

ပှၤအၢပှၤသီတဖၣ်အိၣ်ဆိးဝဲလၢယပှၤဂီၢ်မုၢ်အကျါလီၤ. အဝဲသ့ၣ်အိၣ်ခိးခူသူၣ်တၢ်ဒ်ပှၤတဖၣ်လၢအသလၣ် လီၤအပှာ်ဧိၤစၤဧိၤလၢအကဖီၣ်န့ၢ်ထိၣ်တဖၣ်အဂီၢ်အသိး, ဘၣ်ဆၣ်ဒီးအဝဲသ့ၣ်ပာ်လီၤအထုတဖၣ်လၢကဖီၣ်န့ၢ်ပှၤကညီတဖၣ် အဂီၢ်တခီန့ၣ်လီၤ.

မၤတၢ် 23:12

မုၢ်ဆ့ၣ်ထီၣ်တနံၤန့ၣ်, ပှၤယူဒၤဖိတနီၤပာ်ဖှိၣ်ထီၣ်သကိးအသးဒီးကူၣ်ထီၣ်ဖးလီၤ တၢ်တမံၤလီၤ. အဝဲသ့ၣ်ဆိၣ်လီၤအသးလၢမ့ၢ်တမၤသံဘၣ်စီၤပီလူးဘၣ်ဒီး တအီၣ်တၢ်အီတၢ်နီတမံၤဘၣ်လီၤ.

မၤတၢ် 23:15

လၢတၢ်န့ၣ်အဃိခဲကနံၣ်အံၤ, သုဝဲဒီးကီၣ်ကးမၤလိာ်ရိမ့ၤသုးဖိတကထိအခိၣ်လၢအကဟဲ ဆှၢစီၤပီလူးဆူသုအိၣ်, ပာ်မၤသုသးလၢသုအဲၣ်ဒိးသ့ၣ်ညါလီၤတံၢ်ဂ့ၤထီၣ်အဝဲ အဂ့ၢ်အကျိၤန့ၣ်တက့ၢ်. မ့မ့ၢ်ပဝဲ, ပကအိၣ်ကတဲာ်ကတီၤ ပသးလၢပကမၤသံအီၤတချုးအဝဲဒၣ်ဟဲတုၤဖဲအံၤန့ၣ်လီၤ.”

မၤတၢ် 25:3

ဒ်သိးအကမၤစၢၤအဝဲသ့ၣ်ခီဖျိအဒုးဟဲစီၤပီလူးဆူဝ့ၢ်ယရူၤၡလ့ၣ်, အဂ့ၢ်မ့ၢ်လၢအဝဲသ့ၣ်ကူၣ်ထီၣ်တ့ၢ်ဝဲလၢအကမၤသံအီၤလၢကျဲ န့ၣ်လီၤ.