တၢ်ကတိၤဒိ. 12:5 - Sgaw Karen Common Bible

⁵ ပှၤအတီအလိၤတဖၣ်ကမၤဘျုးမၤဂ့ၤနၤတီတီလီၤ. မ့မ့ၢ်ပှၤတတီတလိၤသးအိၣ်ထဲကကူၣ်လီအီၣ်နၤန့ၣ်လီၤ.

တၢ်ကတိၤဒိ. 12:5 Iomraidhean Croise

စံးထီၣ်ပတြၢၤ 119:15

ယမၤလိနတၢ်သိၣ်လီၤသီလီၤတဖၣ်, ဒီးယသမံသမိးကွၢ်နတၢ်သိၣ်လိသီလိတဖၣ်လီၤ.

စံးထီၣ်ပတြၢၤ 139:23

ကစၢ်ယွၤဧၢ, ဃုကွၢ်ယၤ, ဒီးသ့ၣ်ညါယသးတက့ၢ်. မၤကွၢ်ယၤ, ဒီးသ့ၣ်ညါ ယတၢ်ဆိကမိၣ်တဖၣ်န့ၣ်တက့ၢ်.

တၢ်ကတိၤဒိ. 11:23

တၢ်လၢပှၤတီပှၤလိၤတဖၣ်ဆၢန့ၢ်ဝဲန့ၣ်, အိၣ်ဒီးအတၢ်ကဲ ထီၣ်လိၣ်ထီၣ်အဂ့ၤတဘိယူၢ်ဃီလီၤ. ဖဲပှၤတတီတလိၤမၤန့ၢ်တၢ်လၢ အသးလီဝဲန့ၣ်, ပှၤကိးဂၤဒဲးသးဒိၣ်ထီၣ်ဝဲလီၤ.

တၢ်ကတိၤဒိ. 12:4

မါလၢအဂ့ၤတဂၤန့ၣ်မ့ၢ်အဝၤအလၤကပီၤဒီးတၢ်သးခုလီၤ. မ့မ့ၢ်မါလၢအမၤမဲာ်ဆှးအဝၤန့ၣ်, လီၤဂာ်ဒ်တၢ်ဆါအုၣ်ကျၣ်လၢ အဃံတဖၣ်အပူၤအသိးန့ၣ်လီၤ.

တၢ်ကတိၤဒိ. 12:6

ပှၤတတီတလိၤတဖၣ်အတၢ်ကတိၤကူၣ်ထီၣ်တၢ်မၤသံမၤဝီလီၤ. မ့မ့ၢ်, ပှၤတီပှၤလိၤအတၢ်ကတိၤတဖၣ်န့ၣ်အုၣ်က့ၤခီၣ်က့ၤပှၤလၢ အဘၣ်တၢ်မၤပျံၤမၤဖုးအီၤတဖၣ်လီၤ.

တၢ်ကတိၤဒိ. 14:8

ဘၣ်မနုၤအဃိပှၤလၢအသူၣ်ပ့ၢ်သးဆှါတဂၤကူၣ်တၢ်သ့လဲၣ်. အဂ့ၢ်ဒ်အံၤ, သ့ၣ်ညါတၢ်လၢအဘၣ်မၤဝဲအဃိလီၤ. ဘၣ်မနုၤအဃိပှၤဟးဂီၤဖိတဂၤအသးတဆးလဲၣ်. အဂ့ၢ်ဒ်အံၤ, ဆိကမိၣ်ဝဲထဲအသ့ၣ်ညါတၢ်အဃိလီၤ.

တၢ်ကတိၤဒိ. 24:9

ပှၤဟးဂီၤဖိတဂၤအတၢ်ဆိကမိၣ်ထီၣ်တၢ်ကူၣ်ကျဲၤတမံၤဂ့ၤတမံၤ ဂ့ၤန့ၣ်မ့ၢ်တၢ်ဒဲးဘးလီၤ. ပှၤဂီၢ်မုၢ်သးဟ့ပှၤတဂၤလၢအအိၣ်ဒၣ်ထဲ တၢ်သးဘၣ်အၢဒီးတၢ်တပာ်ကဲပှၤဂၤတဖၣ်ဘၣ်န့ၣ်လီၤ.

လံာ်ယၡါယၤ 55:7

မ်ပှၤတတီတလိၤတဖၣ်ပာ်တ့ၢ်ကွံာ်အတၢ်အိၣ်မူအကျဲ ဒီးမ်အလဲလိာ်ကွံာ်အတၢ်ဆိကမိၣ်အကျဲတက့ၢ်. မ်အဝဲသ့ၣ်ဃၣ်အသးဆူယွၤ, ပကစၢ်ယွၤအအိၣ်တက့ၢ်. အဝဲဒၣ်လၢပှဲၤဒီးတၢ်သူၣ်ကညီၤသးကညီၤဒီး ပျၢ်တၢ်ကမၣ်အါအါကလဲာ်လီၤ.

လံာ်ယံးရမံယၤ 4:14

ဝ့ၢ်ယရူၤၡလ့ၣ်ဧၢ, သ့စီကွံာ်တၢ်အၢလၢနသးကံၢ်ပူၤ, ဒ်သိးနကဘၣ်တၢ်အုၣ်က့ၤခီၣ်က့ၤနၤတက့ၢ်. နကဆိကမိၣ်ထွဲဒံးနတၢ်ဆိကမိၣ်အအၢအသီတဖၣ်န့ၣ်ဆံးယံာ်လဲၣ်.

လံာ်ယံးရမံယၤ 9:3

အဝဲသ့ၣ်အိၣ်ကတဲာ်ကတီၤအသးထီဘိလၢကတဲလီတၢ်လီၤ. လၢတၢ်မ့ၢ်တၢ်တီအလီၢ်န့ၣ်, တၢ်တတီတလိၤပၢထံဧိၤကီၢ်ဧိၤန့ၣ်လီၤ. ယွၤစံးဝဲဒၣ်, “ယပှၤဂီၢ်မုၢ်မၤတၢ်အၢတၢ်သီတမံၤဝံၤတမံၤ, ဒီးတသ့ၣ်ညါအၢၣ်လီၤယၤဒ်အဝဲသ့ၣ်အကစၢ်ယွၤအသိးဘၣ်.”

လံာ်ယံးရမံယၤ 9:5

အဝဲသ့ၣ်ခဲလၢာ်ဆှၢကမၣ်အတံၤသကိးတဖၣ် ဒီးပှၤတတဲတၢ်မ့ၢ်တၢ်တီနီတဂၤဘၣ်. အဝဲသ့ၣ်သိၣ်လိအပျ့ၤတဖၣ်လၢကကတိၤလီတၢ်, ဒီးတပျဲစုပျၢ်ခီၣ်ဘၣ်လၢအဝဲသ့ၣ်အတၢ်မၤတၢ်ဒဲးဘး တဖၣ်န့ၣ်ဘၣ်.

လံာ်မးသဲ 2:16

တုၤစီၤပၤဟ့ၤရိာ်သ့ၣ်ညါလၢပှၤ ကူၣ်ဘၣ်ကူၣ်သ့လၢကီၢ်မုၢ်ထီၣ်တဖၣ်လီန့ၢ်အီၤလံဒီး, အသးဒိၣ်ထီၣ်ဒိၣ်ဒိၣ်ကလဲာ်ဒီးမၢလီၤပှၤဒ်သိးအကလဲၤမၤသံဖိ သၣ်ပိာ်ခွါလၢအသးအိၣ်ခံနံၣ်ဒီးခံနံၣ်အဖီလာ်ခဲလၢာ်လၢ အအိၣ်လၢဝ့ၢ်ဘ့ၤသလ့ဃ့ၣ်ဒီးအခိၣ်အဃၢၤတဖၣ်လီၤ. အဝဲမၤတၢ်အံၤဒ်ပှၤကူၣ်ဘၣ်ကူၣ်သ့တဖၣ်အတၢ်ဒုးသ့ၣ်ညါအီၤဘၣ် ဃးဆၣ်အတၢ်ဟဲအိၣ်ဖျါထီၣ်အဆၢကတီၢ်အသိးန့ၣ်လီၤ.

လံာ်မးသဲ 26:4

ဒီးသုးကျဲၤကူၣ်ထီၣ်ဖးလီၤသကိးဝဲလၢကဖီၣ်ခူသူၣ်ယ့ၣ်ၡူး ဒီးမၤသံကွံာ်အီၤန့ၣ်လီၤ.

1 ကရံၣ်သူး 4:5

လၢတၢ်န့ၣ်အဃိတချုးတၢ်ဆၢကတီၢ်အဘၣ်တုၤဃီၤဒံးဘၣ်န့ၣ်, သုတကြၢးဟ့ၣ်တၢ်စံၣ်ညီၣ်ဘၣ်ဃးဒီးပှၤနီတဂၤဘၣ်. တၢ်စံၣ်ညီၣ်လၢခံကတၢၢ်န့ၣ်, ကဘၣ်အိၣ်ခိးတုၤလၢကစၢ်ဟဲတုၤ တစုလီၤ. အဝဲကလီၣ်ဖျါထီၣ်တၢ်ခူသူၣ်အိၣ်တဒၢလၢတၢ်ခံးတၢ်နၤ အပူၤတဖၣ်ဒီးမၤဖျါထီၣ်တၢ်တိာ်ပာ်ခူသူၣ်အိၣ်လၢ ပှၤကညီအသူၣ်ကံၢ်သးလဲအပူၤန့ၣ်လီၤ. တုၤနုၤတစုပှၤကိးဂၤဒဲးကဒိးန့ၢ်တၢ်စံးထီၣ်ပတြၢၤလၢအ ကြၢးဒီးအီၤလၢကစၢ်ယွၤအအိၣ်န့ၣ်လီၤ.

၂ ကရံၣ်သူး 4:2

ပညိကွံာ်တၢ်ဖံးတၢ်မၤခူသူၣ်ဒီးတၢ်ဖံးတၢ်မၤလၢအလီၤမဲာ် ဆှးတဖၣ်ခဲလၢာ်ခဲဆ့လီၤ. ပတမၤတၢ်လၢတၢ်ကဘျံးကဘျၣ် အပူၤဘၣ်. ပတဒုးနၢ်ပၢၢ်ကမၣ်ပှၤလၢကစၢ်ယွၤအကလုၢ် ကထါအဂ့ၢ်အကျိၤစ့ၢ်ကီးဘၣ်. လၢတၢ်မ့ၢ်တၢ်တီအတၢ်ကပီၤလၢလၢပှဲၤပှဲၤအပူၤန့ၣ်, ပအိၣ်မူလၢကစၢ်ယွၤအမဲာ်ညါ, ဒီးဂုာ်ကျဲးစၢးပာ်ဖျါပနီၢ်ကစၢ် ဒၣ်ဝဲအတၢ်အုၣ်အသးလၢအဂ့ၤဆူပှၤဂၤအသးလၢအသ့ၣ်ညါ ဒၣ်တၢ်အဂ့ၤအဝါအမဲာ်ညါန့ၣ်လီၤ.