တၢ်ကတိၤဒိ. 12:3 - Sgaw Karen Common Bible

³ တၢ်တတီတလိၤတဟ့ၣ်တၢ်အိၣ်ဂၢၢ်ဆိးကျၢၤဘၣ်. မ့မ့ၢ်ပှၤတီပှၤလိၤတဖၣ်ဆၢထၢၣ်ဂၢၢ်ကျၢၤဝဲလီၤ.

တၢ်ကတိၤဒိ. 12:3 Iomraidhean Croise

လံာ်စီၤယိၤဘး 15:29

အဝဲတထူးထီၣ်တတီၤထီၣ်ဘၣ်. ဒီးအတၢ်ဖိတၢ်လံၤတအိၣ်ဂၢၢ် ဆိးကျၢၤဘၣ်. အကဒုဒၣ်လဲာ်ကဟါမၢ်ကွံာ်ဝဲဒၣ်န့ၣ်လီၤ.

စံးထီၣ်ပတြၢၤ 15:5

အဝဲသ့ၣ်တဒုးလိၢ်လီၤစ့လၢစ့အအ့ၣ်အဂီၢ်ဘၣ်. ဒီးတဟံးန့ၢ်ခိၣ်ဖးကဘျံးကဘျၣ်ထီဒါ ပှၤလၢအတၢ်ကမၣ်တအိၣ်န့ၣ်ဘၣ်. ပှၤလၢအမၤတၢ်ဒ်အံၤသ့ၣ်တဖၣ် တဟူးတဝးဘၣ်ဝဲနီတဘျီဘၣ်.

တၢ်ကတိၤဒိ. 10:25

ကလံၤသီၣ်ဂီၤဟဲလီၤဝဲဒီးပှၤတတီတလိၤတဖၣ်ဒံကွံာ်ဒံဖျိး ကွံာ်ဝဲလီၤ. မ့မ့ၢ်, ပှၤအတီအလိၤတဖၣ်အိၣ်ဂၢၢ်ဆိးကျၢၤဝဲတဘိ ယူာ်ဃီလီၤ.

တၢ်ကတိၤဒိ. 11:5

တၢ်တီတၢ်လိၤန့ၣ်မၤဖှံထီၣ်ညီထီၣ်ပှၤအဂ့ၤတဂၤအတၢ်အိၣ်မူ လီၤ. မ့မ့ၢ်, ပှၤတတီတလိၤတဂၤန့ၣ်ဒုးအိၣ်ထီၣ်အတၢ်လီၤပှီၢ်ဒၣ်ဝဲ န့ၣ်လီၤ.

တၢ်ကတိၤဒိ. 12:12

ကယဲၢ်တၢ်လၢပှၤတတီတလိၤတဖၣ်သးအိၣ်ဝဲန့ၣ်မ့ၢ်တၢ်ဃုမၤတၢ် အၢတၢ်သီတဖၣ်လီၤ. မ့မ့ၢ်, ပှၤတီပှၤလိၤဆၢထၢၣ်ဂၢၢ်ကျၢၤဝဲလီၤ.

လံာ်ပှၤစံၣ်တဲၤတဲလီၤတၢ် 8:8

ပှၤဟံးဃာ်ပၢၤဃာ်အသးလၢအသုတသံမ့ၢ်ဂ့ၤ, လၢကသုးယံာ်ကွံာ်အတၢ်သံအမုၢ်နံၤအဂီၢ်မ့ၢ်ဂ့ၤ, တသ့ဘၣ်နီတဂၤဘၣ်. တၢ်န့ၣ်မ့ၢ်တၢ်ဒုးတၢ်ယၤတမံၤလၢပဃ့ၢ်ပူၤဖျဲးကွံာ်မ့ၢ်ဂ့ၤ, ပလီကဒံလီကဒါတၢ်လၢပတၢ်ထူၣ်ဖျဲးအဂီၢ်မ့ၢ်ဂ့ၤတသ့ဘၣ်န့ၣ်လီၤ.

အ့းဖ့းစူး 3:17

လၢခရံာ်ကအိၣ်ဝဲဆိးဝဲလၢသုသးကံၢ်ပူၤခီဖျိတၢ်စူၢ်တၢ်နာ် အဂီၢ်, ဒီးလၢသုကစဲၤလီၤသုဂံၢ်ဒီးသူၣ်လီၤသုသးလၢ တၢ်အဲၣ်တၢ်ကွံပူၤအဂီၢ်,

ကလီးစဲ 2:7

အိၣ်သူၣ်လီၤသုသးယိာ်ယိာ် ဒီးဘှီထီၣ်သုတၢ်အိၣ်မူလၢ ခရံာ်အပူၤ, ဒီးမ်သုတၢ်စူၢ်တၢ်နာ်အဂံၢ်အဘါကဆူၣ်ထီၣ်ဒ် သုဘၣ်တၢ်သိၣ်လိတ့ၢ်သုအသိး, ဒီးလၢထီၣ်ပှဲၤထီၣ်ဒီးတၢ်စံးဘျုးစံးဖှိၣ်န့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 25:33

ယစံးဘျုးယွၤလၢနအိၣ်ဒီးတၢ်သးဆးဂ့ၤဒီးလၢတၢ်လၢနမၤတ့ၢ်အီၤတနံၤအံၤ ဒ်သိးကတြီဃာ်ယၤလၢတၢ်မၤသံတၢ်အတၢ်ကမၣ်ဒီးလၢ ယကဟ့ၣ်ကၣ်က့ၤတၢ်လၢယကစၢ်ဒၣ်ယဲအဂီၢ်န့ၣ်လီၤ.