တၢ်ကတိၤဒိ. 12:25 - Sgaw Karen Common Bible

²⁵ တၢ်ကိၢ်တၢ်ဂီၤန့ၣ်ကဂုာ်ကွံာ်တၢ်သးခုလၢနအိၣ်လီၤ. မ့မ့ၢ်တၢ်ကတိၤအမုာ်တဖၣ်န့ၣ်ကမၤသူၣ်ခုသးခုထီၣ်နၤလီၤ.

တၢ်ကတိၤဒိ. 12:25 Iomraidhean Croise

စံးထီၣ်ပတြၢၤ 38:6

ယသကူးလီၤယသးလၢာ်လၢာ်ဆ့ဆ့ ဒီးယထိၣ်လီၤပှီၤယသး, ယအိၣ်လၢတၢ်မိၣ်တၢ်မးအပူၤသ့သ့တနံၤလီၤ.

စံးထီၣ်ပတြၢၤ 42:11

ယသးဧၢ, ဘၣ်မနုၤလၢနသူၣ်ကၢ်သးလီၤန့ၣ်လဲၣ်. ဘၣ်မနုၤလၢနသူၣ်ကိၢ်နသးဂီၤန့ၣ်လဲၣ်. မုၢ်လၢ်တၢ်လၢကစၢ်ယွၤအပူၤ, အဂ့ၢ်ဒ်အံၤ, ယကစံးထီၣ်ပတြၢၤကဒီးယကစၢ်ယွၤလၢ အမၤပူၤဖျဲးတ့ၢ်ယၤန့ၣ်လီၤ.

တၢ်ကတိၤဒိ. 12:18

တၢ်ကတိၤတၢ်လၢတအိၣ်ဒီးတၢ်ဆိကမိၣ်ဆိကမးဘၣ်န့ၣ်မၤဆါတၢ်ယိာ် ဝဲထဲသိးသိးနးတဘ့ၣ်လၢ်လၢ်ဆဲးတၢ်န့ၣ်လီၤ. မ့မ့ၢ်တၢ်ကတိၤတၢ်လၢတၢ်ကူၣ်သ့ကူၣ်ဘၣ်အပူၤန့ၣ်, မၤဘျါက့ၤတၢ်သ့လီၤ.

တၢ်ကတိၤဒိ. 12:26

ပှၤတီပှၤလိၤတဂၤန့ၣ်မ့ၢ်ပှၤနဲၣ်ကျဲလၢအတံၤသကိးအဂီၢ်လီၤ. မ့မ့ၢ်ပှၤတတီတလိၤအကျဲန့ၣ်ကဆှၢကမၣ်ကွံာ်အဝဲသ့ၣ်လီၤ.

တၢ်ကတိၤဒိ. 14:10

နတၢ်သးခုမ့ၢ်နတၢ်ဒၣ်နဲဒီးနတၢ်သးခၣ်မ့ၢ်နတၢ်ဒၣ်နဲလီၤ. ပှၤဒိးဃုာ်တၢ်ဒီးနၤတသ့ဘၣ်နီတဂၤဘၣ်.

တၢ်ကတိၤဒိ. 15:13

ဖဲပှၤသးခုန့ၣ်အဝဲသ့ၣ်နံၤကမှံဝဲလီၤ. မ့မ့ၢ်ဖဲအဝဲသ့ၣ် သးအုးန့ၣ်အဝဲသ့ၣ်ဖျါသူၣ်ကၢ်သးလီၤဝဲလီၤ.

တၢ်ကတိၤဒိ. 15:15

ပှၤဖှီၣ်ဖိယာ်ဖိအတၢ်အိၣ်မူန့ၣ်မ့ၢ်တၢ်ဘၣ်ဂဲၤပျုၢ်တထံၣ်ဃီလီၤ. မ့မ့ၢ်ပှၤလၢသူၣ်ဖှံသးညီတဖၣ်မုာ်လၤသးခုလၢအတၢ်အိၣ်မူ ထီဘိလီၤ.

တၢ်ကတိၤဒိ. 15:23

တၢ်ကတိၤအဘၣ်လၢတၢ်ဆၢဂ့ၤကတီၢ်ဘၣ်အပူၤန့ၣ်မ့ၢ်တၢ်သးခု ဆံးဒိၣ်လဲၣ်.

တၢ်ကတိၤဒိ. 15:30

မဲာ်နံၤကမှံတဖၣ်မၤသးခုနသးလီၤ. ဒီးတၢ်ကစီၣ်လၢအဂ့ၤတဖၣ် မၤမုာ်နသးအါထီၣ်လီၤ.

တၢ်ကတိၤဒိ. 16:24

တၢ်ကတိၤအမုာ်တဖၣ်လီၤဂာ်ဒီးကနဲအခိၣ်ထံလီၤ. ဆၢဝဲလၢထးခိၣ်အဂီၢ်ဒီးဂ့ၤလၢနတၢ်အိၣ်ဆူၣ်အိၣ်ချ့အဂီၢ် လီၤ.

တၢ်ကတိၤဒိ. 17:22

သးလၢအခုန့ၣ်ဒုးအိၣ်ဆူၣ်အိၣ်ချ့နၤလီၤ. မ့မ့ၢ်တၢ်မဲာ်လီၤသပှၢ်တဘိယူၢ်ဃီမ့ၢ်တၢ်သံကယီကယီလီၤ.

တၢ်ကတိၤဒိ. 18:14

ဖဲနဆူးနဆါအခါန့ၣ်နတၢ်သးဆူၣ်အိၣ်မူ, ဟံးဃာ်ကျၢၤနၤသ့ဝဲ လီၤ. ဘၣ်ဆၣ်တၢ်န့ၣ်မ့ၢ်လီၤမၢ်ကွံာ်န့ၢ်နၤဒီး, နတၢ်မုၢ်လၢ်လၢခံ ကတၢၢ်လၢာ်ကွံာ်ဝဲလီၤ.

တၢ်ကတိၤဒိ. 25:11

တၢ်ကတိၤလၢအဘၣ်တၢ်ကတိၤအီၤဘၣ်ဘျီးဘၣ်ဒါန့ၣ်လီၤဂာ်ဒီး သၣ်သွံထူတဖၣ်အိၣ်ဝဲလၢတြၤစ့အပူၤအသိးန့ၣ်လီၤ.

တၢ်ကတိၤဒိ. 27:9

တၢ်နၢမူဒီးသိနၢမူမၤမုာ်မၤခုၣ်အါထီၣ်နသးလီၤ. မ့မ့ၢ်တၢ်ကိၢ်တၢ်ဂီၤမၤလီၤကလဲကွံာ်နသးအတၢ်ဃူတၢ်မုာ်လီၤ.

လံာ်ယၡါယၤ 50:4

ယွၤပၢဘၣ်တၢ်ခဲလၢာ်အကစၢ်သိၣ်လိတ့ၢ်ယၤတၢ်လၢယကဘၣ်စံး ကတိၤ ဒ်သိးယဒုးဆူၣ်ထီၣ်ပှၤလၢအလီၤဘှံးလီၤတီၤအဂံၢ်အဘါကသ့ဝဲ အဂီၢ်လီၤ. ကိးဂီၤဒဲးန့ၣ်, အဝဲထိၣ်ဂဲၤယသးလၢယကဆူလၢ်ဟူတၢ်လၢ အဝဲကသိၣ်လိယၤလီၤ.

လံာ်စကၤရယၤ 1:13

ယွၤစံးဆၢကလူးန့ၣ်လၢတၢ်ကတိၤအမုာ်တဖၣ်,