တၢ်ကတိၤဒိ. 12:21 - Sgaw Karen Common Bible

²¹ တၢ်အၢတဘၣ်ဘၣ်ပှၤတီပှၤလိၤနီတမံၤဘၣ်. မ့မ့ၢ်ပှၤတတီတလိၤတဖၣ်ပှဲၤဝဲဒီးတၢ်ကီတၢ်ခဲန့ၣ်လီၤ.

တၢ်ကတိၤဒိ. 12:21 Iomraidhean Croise

စံးထီၣ်ပတြၢၤ 121:7

ယွၤကခိးတြီကွံာ်တၢ်အၢလၢနၤခဲလၢာ်လီၤ. ကအံးလီၤကွၢ်လီၤနသးလီၤ.

စံးထီၣ်ပတြၢၤ 91:10

တၢ်အၢတလီၤဘၣ်လၢနလိၤနီတမံၤဘၣ်, ဒီးတၢ်သံသတြိာ်တဟဲဘူးဘၣ်ဒီးနၤဘၣ်.

တၢ်ကတိၤဒိ. 1:31

သတးဒီး, သုကဒိးန့ၢ်တၢ်လၢအကြၢးဒီးသု, ဒီးသုတၢ်မၤဒၣ်ဝဲတဖၣ်ကမၤဆူးမၤဆါသုလီၤ.

တၢ်ကတိၤဒိ. 1:33

ဘၣ်ဆၣ်ဒီးပှၤလၢအဒိကနၣ်ယကလုၢ်န့ၣ်, ကအိၣ်ဒီးတၢ်ဘီၣ်ထီၣ်ညီ ထီၣ်လီၤ. အဝဲကအိၣ်ဒီးသးအတၢ်ဃူတၢ်ဖိးဒီးကဘၣ်ပျံၤတၢ်အဂ့ၢ်အကျိၤ တအိၣ်ဘၣ်ဒီးအီၤနီတမံၤဘၣ်.”

တၢ်ကတိၤဒိ. 11:21

နာ်သပှၢ်ကတၢၢ်လၢပှၤအၢပှၤသီကဘၣ်တၢ်စံၣ်ညီၣ်အီၤတက့ၢ်. မ့မ့ၢ်, ပှၤတီပှၤလိၤတဖၣ်န့ၣ်ကပူၤဖျဲးဝဲလီၤ.

တၢ်ကတိၤဒိ. 12:20

တၢ်လီတၢ်ဝ့ၤအိၣ်ဝဲလၢပှၤလၢအကူၣ်အၢတၢ်တဖၣ်အသးပူၤလီၤ. မ့မ့ၢ်ပှၤလၢအမၤတၢ်လၢတၢ်ဂ့ၤအဂီၢ်တဖၣ်န့ၣ်ကထံၣ်န့ၢ်တၢ်သးခုလီၤ.

တၢ်ကတိၤဒိ. 14:14

ပှၤအၢပှၤသီတဖၣ်ကဒိးန့ၢ်တၢ်ကြၢးဒီးအီၤလီၤ. ပှၤဂ့ၤပှၤဝါတဖၣ်ကဘၣ်တၢ်ဟ့ၣ်ဘျုးအီၤလၢအတၢ်မၤတဖၣ်အဃိလီၤ.

တၢ်ကတိၤဒိ. 19:23

ပျံၤယွၤဒီးယူးယီၣ်အီၤတက့ၢ်. ဒီးနကအိၣ်မူအါနံၣ်အါလါ, သူၣ်မံသးမံဒီးပူၤဖျဲးလၢတၢ်မၤဆူးမၤဆါန့ၣ်လီၤ.

လံာ်ပှၤစံၣ်တဲၤတဲလီၤတၢ် 7:18

ပဒ့ၣ်ဟးဆှဲးတၢ်နးကဲာ်ဆိးခံမံၤလိာ်န့ၣ်တက့ၢ်. နမ့ၢ်အိၣ်ဒီးတၢ်ယူးယီၣ်ကစၢ်ယွၤဒီး, တမံၤဂ့ၤတမၠိဂ့ၤနကမၤ န့ၢ်မၤနၢၤတၢ်လီၤ.

လံာ်ပှၤစံၣ်တဲၤတဲလီၤတၢ် 8:5

အကတီၢ်လၢနစူၢ်ဒံးအတၢ်မၤလိာ်န့ၣ်, နကအိၣ်ဘံၣ်ဘၢပူၤဖျဲးလီၤ. ဒီးပှၤကူၣ်တၢ်သ့တဂၤန့ၣ်ကဘၣ်မၤတၢ်န့ၣ်ဒ်လဲၣ်ဒီးကဘၣ်မၤဝဲ အခါဖဲလဲၣ်န့ၣ်သ့ၣ်ညါဝဲလီၤ.

လံာ်ဃဘးကူာ် 2:16

သုကဘၣ်တၢ်ကျၢၢ်ဘၢကဒါက့ၤသုဒီးတၢ်မဲာ်ဆှးလၢတၢ်လၤကပီၤ အလီၢ်လီၤ. သုနီၢ်ကစၢ်ဒၣ်သုဝဲသုကအီတၢ်ဒီးလဲၤကနုၤကပၤလီၤ. ယွၤကဒုးအီက့ၤသုလၢသုတၢ်စံၣ်ညီၣ်အလီခီဒၣ်သုဝဲ, ဒီးသုတၢ်လၤကပီၤကဃၣ်ကဒါက့ၤအသးဆူတၢ်လီၤမဲာ်ဆှးလီၤ.

ရိမ့ၤ 8:28

ဒီးပသ့ၣ်ညါလၢပှၤလၢအအဲၣ်ကစၢ်ယွၤ, ပှၤလၢအဘၣ်တၢ် ကိးထီၣ်အီၤဒ်အတၢ်ကူၣ်ပာ်အသိးန့ၣ်, ကစၢ်ယွၤမၤဃုာ်တၢ် ဒီးအီၤလၢတၢ်ခဲလၢာ်အပူၤလၢတၢ်ဂ့ၤအဂီၢ်လီၤ.

၂ ကရံၣ်သူး 4:17

ဒီးတၢ်ကီတၢ်ခဲတဆံးတက့ၢ်လၢပတူၢ်ဘၣ်အီၤတစိၢ် တလီၢ်အံၤကဟဲစိာ်န့ၢ်ပှၤတၢ်လၤကပီၤအဒိၣ်အမုၢ်အထူ အယိာ်လၢအဒိၣ်န့ၢ်တၢ်ကီတၢ်ခဲအဝဲအံၤန့ၣ်လီၤ.

၁ ပ့းတရူး 3:13

သုမ့ၢ်သးဆူၣ်လၢသုကမၤတၢ်ဂ့ၤဒီး, မ့ၢ်မတၤကမၤအၢသုတဂၤန့ၣ်လဲၣ်.

လံာ်လီၣ်ဖျါ 18:6

မၤအီၤလၢတၢ်တမံၤဃီဒ်အဝဲမၤသုအသိးတက့ၢ်. ကယဲၢ်တၢ်လၢအမၤတ့ၢ်ဝဲတဖၣ်န့ၣ်, ဟ့ၣ်ကၣ်က့ၤအီၤခံစးတက့ၢ်. မၤပှဲၤအဝဲဒၣ်အလီခီလၢတၢ်အီလၢအဆူၣ်ဝဲဒၣ် ပှဲၤသိးတၢ်အီလၢအကတဲာ်ကတီၤပာ်ဝဲ လၢသုဂီၢ်န့ၣ်ခံစးတက့ၢ်.