တၢ်ကတိၤဒိ. 12:20 - Sgaw Karen Common Bible

²⁰ တၢ်လီတၢ်ဝ့ၤအိၣ်ဝဲလၢပှၤလၢအကူၣ်အၢတၢ်တဖၣ်အသးပူၤလီၤ. မ့မ့ၢ်ပှၤလၢအမၤတၢ်လၢတၢ်ဂ့ၤအဂီၢ်တဖၣ်န့ၣ်ကထံၣ်န့ၢ်တၢ်သးခုလီၤ.

တၢ်ကတိၤဒိ. 12:20 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 22:4

အဝဲမၤတ့ၢ်တၢ်ဒဲးဘးထီဒါယွၤ, မ့ၢ်လၢဖဲအပၢ်သံဝံၤအလီၢ်ခံ န့ၣ်, စီၤပၤအၤဃာ်အဒူၣ်ဖိထၢဖိအဂၤတဖၣ်ကဲထီၣ်အဝဲအပှၤဟ့ၣ်ကူၣ် ဟ့ၣ်ဖးတၢ်တဖၣ်, ဒီးအဝဲသ့ၣ်ဆှၢဃီၤအီၤဆူအတၢ်ဟးဂီၤအပူၤအဃိန့ၣ်လီၤ.

စံးထီၣ်ပတြၢၤ 119:118

ကယဲၢ်ပှၤလၢအဟးဖျိးလၢ နတၢ်မၤလိာ်အကျဲခဲလၢာ်တဖၣ်န့ၣ်, နညိကွံာ်အီၤလီၤ. အတၢ်လီတၢ်န့ၣ်မ့ၢ်တၢ်ကလီကလီလီၤ.

တၢ်ကတိၤဒိ. 12:12

ကယဲၢ်တၢ်လၢပှၤတတီတလိၤတဖၣ်သးအိၣ်ဝဲန့ၣ်မ့ၢ်တၢ်ဃုမၤတၢ် အၢတၢ်သီတဖၣ်လီၤ. မ့မ့ၢ်, ပှၤတီပှၤလိၤဆၢထၢၣ်ဂၢၢ်ကျၢၤဝဲလီၤ.

တၢ်ကတိၤဒိ. 12:19

တၢ်လီတၢ်ဝ့ၤတမံၤအိၣ်ဒီးတၢ်အိၣ်မူလၢအဖုၣ်လီၤ. မ့မ့ၢ်, တၢ်မ့ၢ်တၢ်တီမူဝဲဆူညါအစိၤစိၤအဃၣ်ဃၣ်လီၤ.

တၢ်ကတိၤဒိ. 12:21

တၢ်အၢတဘၣ်ဘၣ်ပှၤတီပှၤလိၤနီတမံၤဘၣ်. မ့မ့ၢ်ပှၤတတီတလိၤတဖၣ်ပှဲၤဝဲဒီးတၢ်ကီတၢ်ခဲန့ၣ်လီၤ.

လံာ်ယံးရမံယၤ 17:16

ဘၣ်ဆၣ်ဒီးယွၤဧၢ, ယတမၢန့ၢ်ဆီၣ်ခံဘၣ်နၤလၢနကဟဲစိာ်တၢ် တတၢးတနါလၢအဝဲသ့ၣ်အဖီခိၣ်နီတစုန့ၣ်ဘၣ်. ယတဆၢလၢတၢ်ကီတၢ်ခဲအဆၢကတီၢ်ကတုၤအိၣ်အ ဝဲသ့ၣ်န့ၣ်ဘၣ်. ယွၤဧၢ, နသ့ၣ်ညါတၢ်အံၤ, နသ့ၣ်ညါတၢ်လၢယစံး တ့ၢ်ယဲန့ၣ်လီၤ.

လံာ်ဒၤနံးယ့လး 11:27

ဒီးစီၤပၤခံဂၤန့ၣ်ကဆ့ၣ်နီၤလၢစီၢ်နီၤခိၣ်တဖျၢၣ်ဃီဒီးအီၣ်သကိးတၢ်လီၤ. မ့မ့ၢ်အတၢ်တိာ်သူၣ်ပာ်သးတဖၣ်ကမ့ၢ်တၢ်အၢတၢ်သီ, ဒီးကလီလိာ်အသးတဂၤဒီးတဂၤန့ၣ်လီၤ. ဘၣ်ဆၣ်ဒီးတဒိးန့ၢ်ဘၣ်ဝဲတၢ် လၢအသးလီတဖၣ်န့ၣ်ဘၣ်. အဂ့ၢ်ဒ်အံၤ, တၢ်ဆၢကတီၢ် လၢအဝဲန့ၣ်အဂီၢ်တဟဲတုၤဒံးဘၣ်ဝဲဘၣ်.

လံာ်စကၤရယၤ 6:13

အဝဲမ့ၢ်ပှၤတဂၤလၢကဘှီထီၣ်တၢ်လုၢ်ဟံၣ်န့ၣ်, ဒီးဒိးန့ၢ်တၢ်လၤကပီၤဒ်အကြၢးဒီးစီၤပၤတဂၤအသိး, ဒီးအဝဲကပၢအပှၤဂီၢ်မုၢ်န့ၣ်လီၤ. ပှၤလုၢ်တၢ်အခိၣ်တဂၤကဆၢထၢၣ်ဖဲအလီၢ်ပစိာ်ကပၤ, ဒီးအဝဲသ့ၣ်ကမၤသကိးတၢ်လၢတၢ်ဃူတၢ်ဖိးဒီးတၢ် ဘၣ်လိာ်ဖိးဒ့အပူၤလီၤ.

လံာ်မးသဲ 5:9

ပှၤလၢအမၤဃူမၤဖိးတၢ်တဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, ပှၤတဖၣ်န့ၣ် ကစၢ်ယွၤကကိးအီၤလၢအဖိတဖၣ်လီၤ.

ရိမ့ၤ 1:29

အဝဲသ့ၣ်လၢပှဲၤဝဲဒီးတၢ်လၢအအၢအသီအကလုာ် ကလုာ်, တၢ်အၢတၢ်သီ, တၢ်သူၣ်လီသးကွံဒီးတၢ်လုၢ်အၢလၢ်သီ တဖၣ်န့ၣ်လီၤ. အဝဲသ့ၣ်လၢပှဲၤဝဲဒီးတၢ်သူၣ်က့ၣ်သးကါ, တၢ်မၤသံပှၤကညီ, တၢ်အ့ၣ်လိာ်ဆိးက့, တၢ်လီတၢ်ဝ့ၤဒီးတၢ်ဆၢအၢဆၢသီတဖၣ်န့ၣ်လီၤ.

ဧ့ၤဘြံၤ 12:14

ဂုာ်ကျဲးစၢးဟံးဃာ်တၢ်အိၣ်ဃူအိၣ်ဖိးဒီးပှၤခဲလၢာ်တက့ၢ်. ဂုာ်ဟံးဃာ်စ့ၢ်ကီးတၢ်စီဆှံတက့ၢ်. တၢ်စီဆှံတအိၣ်ဘၣ်ဒီးပှၤတထံၣ်ဘၣ်ကစၢ်ယွၤနီတဂၤဘၣ်.